វិភាគ៖ បើមិនមានការបោះឆ្នោតមុនអាណត្តិតើនឹងមានអ្វីខ្លះកើតឡើងក្នុងសង្គមខ្មែរ?
- Written by KSN
លោកនាយករដ្ឋមន្ត្រីហ៊ុន សែន និងលោក សមរង្ស៊ី ប្រធានគណបក្សសង្គ្រោះជាតិ (រូបថតដោយ តាត ឧត្តម)
សញ្ញានៃវិបត្តិនយោបាយ
កើតឡើងតាំងពីល្ងាចថ្ងៃទី២៨ ខែកក្កដាជាថ្ងៃបោះឆ្នោត
នៅពេលដែលគណបក្សប្រជាកម្ពុជា
និងគណបក្សសង្គ្រោះជាតិប្រកាសថាឈ្នះឆ្នោតដូចគ្នា។
ក្រោយមកសញ្ញានៃវិបត្តិនោះលេចចេញជា
រូបរាង និងបង្ហាញបញ្ហាកាន់តែច្បាស់ពីមួយថ្ងៃទៅមួយថ្ងៃ
នៅពេលដែលគណបក្សសង្គ្រោះជាតិ ប្រកាសជាផ្លូវការមិនស្គាល់លទ្ធផល ដែល
គណៈកម្មាធិការជាតិរៀបចំការបោះឆ្នោត បង្ហាញលទ្ធផលថា
គណបក្សប្រជាជនកម្ពុជាទទួលបាន៦៨អាសនៈ
ចំណែគណបក្សសង្គ្រោះជាតិទទួលបាន៥៥អាសនៈ។
គណបក្សសង្គ្រោះជាតិចាប់ផ្តើមធ្វើ
បាតុកម្មជាបន្តបន្ទាប់ ចាប់ពីខែកញ្ញាឆ្នាំ២០១៣
រហូតដល់ខែមករាឆ្នាំ២០១៤នេះ។ បាតុកម្មរបស់គណបក្សសង្គ្រោះទាមទារ
ប្រែប្រួលពីមួយលើកទៅមួយលើក
គឺការទាមទារឲ្យមានការបង្កើតគណៈកម្មការស៊ើបអង្កេតភាពមិនប្រក្រតីពេល
បោះឆ្នោត ទាមទារឲ្យមានការធ្វើកំណែទម្រង់ប្រព័ន្ធបោះឆ្នោត
រហូតដល់បច្ចុប្បន្នទាមទារឲ្យមានការបោះឆ្នោតឡើងវិញ។ គណ
បក្សប្រឆាំងព្រមានថា ដំណាក់កាលបន្ទាប់នឹងដឹកនាំប្រជាជនធ្វើបាតុកម្ម
ទាមទារឲ្យលោកហ៊ុនសែន
ចុះចេញពីតំណែងតែម្តង។តែបាតុកម្មចាប់ពីក្រោយការបោះឆ្នោតរហូតដល់
ដើមខែមករា មិនមានដំណោះស្រាយនយោបាយអ្វីទេ
គឺគណបក្សសង្គ្រោះជាតិនៅតែប្រឆាំង
ចំណែកគណបក្សប្រជាជនកម្ពុជាបន្តបង្កើតសភា
និងរដ្ឋាភិបាលដោយឯកបក្ស។
ការមិនឯកភាពគ្នាផ្នែកនយោបាយនេះ
នាំឲ្យបាតុកម្មលើបញ្ហានយោបាយ
និងបាតុកម្មទាមទារឲ្យដោះស្រាយបញ្ហាផ្សេងៗ
ក្នុងសង្គមកើតឡើងជាបន្តបន្ទាប់ដូចជា
បាតុកម្មទាមទារឲ្យមានការបោះឆ្នោតឡើងវិញ
ដែលមានអ្នកចូលរួមប្រមាណជិត១លាននាក់
បាតុកម្មរបស់កម្មករទាមទារដំឡើងប្រាក់ឈ្នួល
បាតុកម្មរបស់ក្រុមអ្នករត់ម៉ូតូឌុបទាមទារឲ្យបញ្ចុះតម្លៃសាំង
បាតុកម្មរបស់ក្រុមលោកម៉ម សូណង់ដូ ទាមទារពង្រីកការផ្សព្វផ្សាយ
និងបាតុកម្មរបស់សហគមន៍មានទំនាស់ដីធ្លី
ទាមទារឲ្យដោះស្រាយបញ្ហាឲ្យពួកគាត់ឲ្យបានឆាប់ជាដើម។
បញ្ហានយោបាយដែលសហគមន៍ជាតិ
និងអន្តរជាតិមើលឃើញថា កម្តៅនយោបាយឡើងខ្លាំងនៅដើមឆ្នាំ២០១៤នេះ
នៅពេលដែលរដ្ឋាភិបាលរបស់លោកហ៊ុនសែន
ប្រើកម្លាំងទ័ពបាញ់សម្លាប់កម្មករ
និងវាយបណ្តេញបាតុកររបស់គណបក្សសង្គ្រោះជាតិ
ចេញពីទីលានប្រជាធិបតេយ្យ។ ក្រោយពីការបង្ក្រាបផ្ទួនៗនោះ លោកសម
រង្ស៊ី ប្រធាន លោក កឹម សុខា អនុប្រធានគណបក្សសង្គ្រោះជាតិ និងលោក រ៉ុង
ឈុន ប្រធានសភាពសហជីពកម្ពុជា
ត្រូវអយ្យការអមសាលាដំបូងរាជធានីភ្នំពេញ កោះឲ្យចូលបំភ្លឺ
ពីបទញុះញង់ឲ្យប្រព្រឹត្តបទឧក្រិដ្ឋឬអំពើបង្កឲ្យមានភាពវឹកវរ
ធ្ងន់ធ្ងរដល់សន្តិសុខសង្គម។
ចំណែកគណបក្សសង្គ្រោះជាតិ
កំពុងរៀបចំចងក្រងឯកសារភស្តុតាង
នៃការបាញ់បង្ក្រាបលើបាតុករប្តឹងទៅតុលាការព្រហ្មទណ្ឌអន្តរជាតិ។
សកម្មភាពនេះបង្ហាញថា អ្នកនយោបាយ កំពុងរកភាពចាញ់ឈ្នះ មិនអាចរកច្រកចេញនៃវិបត្តិនយោបាយឃើញទេ។
ជុំវិញវិបត្តិនយោបាយនេះ
មន្ត្រីអង្គការសង្គមស៊ីវិល ក៏ដូចជាអ្នកវិភាគបញ្ហាសង្គម
លើកឡើងជាញឹកញាប់ឲ្យមានការបោះឆ្នោតមុនអាណត្តិ
ដើម្បីគ្រប់ភាគីទទួលយក។
ក្នុងសិក្ខាសាលាស្តីពី ការស្វែងរកដំណោះស្រាយនយោបាយនៅកម្ពុជា រៀបចំដោយសាកលវិទ្យាល័យខេមរៈ នៅថ្ងៃទី១៣ខែមករា ដែលមានសាស្ត្រាចារ្យ អ្នកវិភាគ អ្នកស្រាវជ្រាវ និងនិស្សិតជាង២០០នាក់ចូលរួមនោះ បានផ្តល់អនុសាសន៍ចំនួន៣១ចំណុច ដើម្បីដោះស្រាយវិបត្តិនយោបាយ ក្នុងចំណោម៣១ចំណុចនោះ មានចំណុចមួយដែលវាគ្មិន និងអ្នកចូលរួមមានការចាប់អារម្មណ៍ច្រើន គឺការស្នើឲ្យមានការបោះឆ្នោតមុនអាណត្តិនៅឆ្នាំ២០១៥។
ក្នុងសិក្ខាសាលាស្តីពី ការស្វែងរកដំណោះស្រាយនយោបាយនៅកម្ពុជា រៀបចំដោយសាកលវិទ្យាល័យខេមរៈ នៅថ្ងៃទី១៣ខែមករា ដែលមានសាស្ត្រាចារ្យ អ្នកវិភាគ អ្នកស្រាវជ្រាវ និងនិស្សិតជាង២០០នាក់ចូលរួមនោះ បានផ្តល់អនុសាសន៍ចំនួន៣១ចំណុច ដើម្បីដោះស្រាយវិបត្តិនយោបាយ ក្នុងចំណោម៣១ចំណុចនោះ មានចំណុចមួយដែលវាគ្មិន និងអ្នកចូលរួមមានការចាប់អារម្មណ៍ច្រើន គឺការស្នើឲ្យមានការបោះឆ្នោតមុនអាណត្តិនៅឆ្នាំ២០១៥។
អ្នកស្រាវជ្រាវការអភិវឌ្ឍន៍សង្គម លោក
កែម ឡី លើកឡើងក្នុងសិក្ខាសាលានោះថា
ការដែលគណបក្សគណបក្សប្រជាជនកម្ពុជា និងគណបក្សសង្គ្រោះជាតិ
ព្រមព្រៀងជជែកគ្នារៀបចំការបោះឆ្នោតឡើងវិញនោះ
នឹងអាចនាំមកនូវផលប្រយោជន៍ច្រើន ដល់ប្រជាជនក៏ដូចជាសង្គមជាតិ។
តែលោកនាយករដ្ឋមន្ត្រីហ៊ុន សែន
ថ្លែងពេលទៅសម្ពោធការសាងសង់ស្ពានឆ្លងព្រំដែនកម្ពុជា-វៀតណាមនៅស្រុក
កោះធំ ខេត្តកណ្តាលនៅថ្ងៃទី១៤ខែមករាថា ចង់ដូរនាយករដ្ឋមន្ត្រី
ឬរដ្ឋាភិបាលនោះ រង់ចាំការបោះឆ្នោតនៅ៥ឆ្នាំខាងមុខទៀត
មិនអាចបោះឆ្នោតមុនបានទេ
ព្រោះលោកជាប់ជានាយករដ្ឋមន្ត្រីតាមរដ្ឋធម្មនុញ <<ខ្ញុំ
ព្រះករុណាខ្ញុំមានការបោះឆ្នោតត្រឹមត្រូវពីសភា ពីសំណាក់ប្រជាពលរដ្ឋ
ហើយចេញពីសភា និងមានព្រះរាជក្រឹត្យត្រឹមត្រូវពីព្រះមហាក្សត្រ
ជាទីសក្ការៈ។ ដូច្នេះ៥ឆ្នាំទៅមុខ វាមិនជាយូរប៉ុន្មានទេ។
អ្នកដែលគេចាំ គេថាយូរ។អ្នកដែលគេមិនចាំ គេថារហ័ស។
ស្អីចុះចេញទៅអើយ! ចាំអើយទៅ ទាល់តែយូរ ចុះអីក៏ស្រួលម្ល៉េះ
ឡើងតាមរដ្ឋធម្មនុញ្ញ ចុះតាមរដ្ឋធម្មនុញ្ញ អត់និយាយអ្វីច្រើន
ធ្វើខុសពីនោះគឺមិនបាន>>។
ស្ថានភាពបច្ចុប្បន្នមិនមានសញ្ញានៃ
ការបោះឆ្នោតឡើងវិញទេ។ ចុះបើមិនមានការបោះឆ្នោតឡើងវិញ
តើនឹងមានអ្វីកើតឡើងក្នុងនយោបាយកម្ពុជា?
លោក កែម ឡី លើកឡើងថា
ប្រសិនបើគណបក្សទាំងពីរមិនចរចារៀបចំការបោះឆ្នោតមុនអាណត្តិនោះទេ
វិបត្តិសង្គមនឹងកើតឡើងហើយបង្ហូរឈាមបន្ថែមទៀត មិនអាចជៀសរួចនោះទេ <<
ប្រសិនជាមិនរៀបចំបោះឆ្នោតណាមួយ រហូតដល់ឆ្នាំ២០១៨
វាផ្តល់ផលចំនេញដល់គណបក្សប្រជាជនច្រើន។ ទៅមិនរួចទេ
ហើយបង្ហូរឈាមជាបន្តទៀត កុំថាឡើយបង្ក្រាបប៉ុណ្ណឹង
បង្ក្រាបលើសពីនេះក៏មិនទៅរួចដែរ។ បង្ក្រាបកាន់តែខ្លាំង
គឺបះបោរកាន់តែខ្លាំង ព្រោះយើងមិនបានដោះស្រាយនូវអ្វី
ដែលជាសេចក្តីត្រូវការពិតប្រាកដរបស់គាត់>>។
សម្រាប់លោកសុខ ទូច
សាស្ត្រាចារ្យប្រវត្តិសាស្ត្រ និងនយោបាយ លើកឡើងថា
ប្រជាពលរដ្ឋមានចំណេះដឹងកើនឡើង
ហើយពួកគាត់កំពុងត្រូវការដំណោះស្រាយមួយសមស្រប។ លោកបន្តថា
ប្រសិនគណបក្សណាមួយមិនបង្ហាញឆន្ទៈស្វែងរកដំណោះស្រាយ
គណបក្សនោះនឹងបាត់បង់សំឡេងឆ្នោត នៅពេលបោះឆ្នោតអាណត្តិក្រោយ។
លោកបញ្ជាក់ថា ប្រសិនបើពលរដ្ឋមើលឃើញគណបក្សទាំងពីរ
សុទ្ធតែមិនមានឆន្ទៈដោះស្រាយបញ្ហាដូចគ្នា
ព្រោះខ្លាចបាត់បង់ផលប្រយោជន៍បក្ខពួកនោះ
ពលរដ្ឋនឹងឈប់គាំទ្រគណបក្សទាំងពីរហើយឈានទៅគាំទ្រគណបក្សផ្សេងទៀត
៕ ដោយ៖ ពៅ មេត្តា | ថ្ងៃពុធ ទី15 ខែមករា ឆ្នាំ2014
សូមសរសេរមកកាន់លោក ពៅ មេត្តា តាមរយៈ
minpov@vodhotnews.com
No comments:
Post a Comment