លោកស្រី យីងឡាក់ ទទូចសុំកងទ័ពជួយគ្រប់គ្រងស្ថានការណ៍បោះឆ្នោត
- Written by KSN
លោកស្រីនាយករដ្ឋមន្ដ្រីចាំផ្ទះថៃ យីងឡាក់ ស៊ីណាវ៉ាត្រា(រូបភាពពី ហ្វេសប៊ុក Yingluck Shinawatra)
នាយករដ្ឋមន្ត្រីចាំផ្ទះនៃ
រាជាណាចក្រថៃ លោកស្រី យីងឡាក់
បានទទូចសុំកងទ័ពជួយគ្រប់គ្រងស្ថានការណ៍បោះឆ្នោតថ្ងៃទី២កុម្ភៈ
ខណៈបណ្ដឹងសុំឲ្យតុលាការរដ្ឋធម្មនុញ្ញ ពិចារណាការលើកពេលបោះឆ្នោត
និងលុបចោលការដាកក្រុងបាងកកស្ថិតនៅគ្រាមានអាសន្ន។
លោកស្រី យីងឡាក់
បានទទូចដូចនេះនៅក្នុងជំនួបក្រុមប្រឹក្សាការពារជាតិ
កាលពីថ្ងៃព្រហស្បតិ៍ នៅទីបញ្ជាការកងទ័ពជើងអាកាស។ នៅក្នុងជំនួបនេះ
លោកស្រីបាន លើកឡើងថា កងទ័ពត្រូវទៅពិនិត្យឈ្មោះបោះឆ្នោត
ហើយចេញទៅបោះឆ្នោត ប៉ុន្តែលោកស្រី បញ្ជាក់ថា កាតព្វកិច្ចរបស់កងទ័ព
គឺជួយត្រួតពិនិត្យសភាពការណ៍សង្គម និងការពារសុវត្ថិភាព
របស់ប្រជាជន។
ការទទូចរបស់ លោកស្រី យីងឡាក់
កើតឡើងចំពេលក្រុមប្រឆាំង និងសមាជិកព្រឹទ្ធសភា ចំនួន៤០រូប
បានដាក់ពាក្យបណ្ដឹងទៅតុលាការរដ្ឋធម្មនុញ្ញ ឲ្យលើកពេលបោះឆ្នោត និង
ទុកច្បាប់គ្រាមានអាសន្ននៅក្រុងបាងកកជាមោឃៈ។
រាជាណាចក្រថៃ
នឹងបោះឆ្នោតសភាមុនអាណត្តិ នៅថ្ងៃទី២ ខែកុម្ភៈ
ប៉ុន្តែគណបក្សប្រឆាំងធំជាងគេរបស់លោក អាប់ភីស៊ីត
បានធ្វើពហិកាបោះឆ្នោត៕ ប្រែសម្រួលដោយ៖ នួន បូរិន | ថ្ងៃសុក្រ ទី24
ខែមករា ឆ្នាំ2014
No comments:
Post a Comment