ក្រោយពីមានអំពើហិង្សាដែលបានបណ្តាល ឲ្យមនុស្ស ៥ នាក់ស្លាប់បាត់បង់ជីវិត និងមនុស្សជាច្រើននាក់ទៀតរងរបួសរួចមក គណបក្សធំៗទាំងពីរ គឺគណបក្សប្រជាជនកម្ពុជា និងគណបក្សសង្គ្រោះជាតិបានទម្លាក់កំហុសដាក់គ្នាទៅវិញទៅមក។សម្រាប់ លោក ជាម យៀប មន្ត្រីជាន់ខ្ពស់គណបក្សប្រជាជន បានឆ្លើយដាក់លោក សម រង្ស៊ី ថា ជាអ្នកបង្កឲ្យមានអំពើហិង្សាកើតឡើងនិងត្រូវទទួលខុសត្រូវចំ ពោះប្រវត្តិសាស្ត្រ។
ការចង្អុលដាក់គ្នាទៅវិញទៅមករវាងគណបក្សកាន់អំណាច និងគណបក្សប្រឆាំង ជុំវិញការស្លាប់ជីវិតមនុស្សចំនួន ៥ នាក់ ដោយសារអំពើហិង្សាកាលពីពេលថ្មីៗនេះ នៅតែបន្តមិនទាន់មានភាគីណាមួយជាអ្នកទទួលខុសត្រូវនោះទេ។
លោក ជាម យៀប មន្ត្រីជាន់ខ្ពស់គណបក្សប្រជាជនកម្ពុជា បានចោទប្រកាន់ចំពោះគណបក្សសង្គ្រោះជាតិថា ជាអ្នកបង្កនូវអំពើហិង្សានេះឡើង ដែលតម្រូវឲ្យលោក សម រង្ស៊ី ជាមេដឹកនាំគណបក្សប្រឆាំង ត្រូវប្រឈមមុខនឹងប្រវត្តិសាស្ត្រចំពោះអ្វីដែលខ្លួនជាអ្នកបង្ក។ លោកថា គណបក្សប្រជាជនកម្ពុជា មិនអាចទទួលយកបានទេចំពោះការទម្លាក់កំហុសពីគណបក្សសង្គ្រោះជាតិ។
តំណាងរាស្ត្ររបស់គណបក្សកាន់អំណាចរូបនេះ បានប្រៀបប្រដូចមន្ត្រីគណបក្សសង្គ្រោះជាតិថា «ធម្មតាចោរ វាប្រព្រឹត្តបទល្មើសហើយ វាមិនដែលឆ្លើយថា វាជាចោរបានប្រព្រឹត្តនោះទេ» ។
ការប្រតិកម្មរបស់មន្ត្រីគណបក្សប្រជាជនកម្ពុជាបែបនេះ បានធ្វើឡើងក្រោយពីលោក សម រង្ស៊ី ប្រធានគណបក្សសង្គ្រោះជាតិ និងលោក កឹម សុខា បានថ្លែងនៅសន្និសីទកាសែតនៅស្នាក់ការគណបក្សរបស់ខ្លួន ដោយចោទប្រកាន់គណបក្សប្រជាជនកម្ពុជាថា ជាអ្នកបង្កអំពើហិង្សានេះឡើង ហើយមេដឹកនាំគណបក្សប្រឆាំង ក៏មានមានគម្រោងនឹងប្តឹងរដ្ឋាភិបាលកម្ពុជា ទៅតុលាការព្រហ្មទណ្ឌអន្តរជាតិផងដែរ។
គួរបញ្ជាក់ថា គិតត្រឹមថ្ងៃសៅរ៍ម្សិលមិញនេះថា សមាគមអាហុកបានរកឃើញអ្នកស្លាប់ចំនួន៥ នាក់ និងយ៉ាងហោចណាស់មានអ្នករងរបួសស្រាល និងធ្ងន់ចំនួន៣០នាក់ ដោយសារការប៉ះទង្គិចជាមួយក្រុមសមត្ថកិច្ចកាលពីថ្ងៃទី៣ ខែមករា ២០១៤ នៅតាមបណ្ដាយផ្លូវវេងស្រេង ក្នុងសួនឧស្សាហកម្មកាណាឌីយ៉ា៕
រក្សាសិទ្ធិដោយ thmeythmey.com
3 comments:
Cheam Yeap, you sound hypocrite. You have hit some people in the traffic when driving on the road. You got away from what you did illegally. Now, you are accusing someone like Mr. Sam Rainsy inciting the violence, but Mr. Sam Rainsy has done nothing violent and wrong.
Did you do your homework and investigation properly before you indict someone who does not do anything wrong?
Your face is so thick to be looked at and you are not thinking, but jumping the conclusion on someone who is very professional and educated.
What planet or country are you coming from?
ah derichhan cheam yeap
He had blood on his hand. He ran away from accident his car got involve. His mouth is foul with lie.
Post a Comment