This is the border post number 125 near the house of Mr. Heng Samrin, the president of Cambodian parliament, in Kampong Cham province on the Cambodia-Vietnam border.
ស្ដាប់ ឬ ទាញយកសំឡេង
២៤-មិថុនា-២០១២៖ បង្គោលព្រំដែនលេខ ៣១៤ នៅរវាងខេត្តកំពត ប្រទេសកម្ពុជា និងខេត្តគៀងយ៉ាង ប្រទេសវៀតណាម។
RFA/Uon Chhin
ប្រជាពលរដ្ឋ និងក្រុមការងារគណបក្សសង្គ្រោះជាតិ នៅស្រុករមាសហែក ខេត្តស្វាយរៀង អះអាងថា កម្លាំងប៉ូលិស និងទាហានជាច្រើននាក់ប្រដាប់ដោយដំបងផង ត្រូវអាជ្ញាធរដាក់ពង្រាយនៅតាមភូមិជាប់ព្រំដែន។
ការដាក់ពង្រាយកម្លាំងអាជ្ញាធរនេះ គឺស្របពេលដែលក្រុមការងារបក្សប្រឆាំង ដែលគ្រោងចុះសួរសុខទុក្ខប្រជាពលរដ្ឋដែលមានបញ្ហានៅតាមជាយដែនជាមួយប្រទេសវៀតណាម នៅក្នុងស្រុករមាសហែក។
កងកម្លាំងអាជ្ញាធរទាំងនោះមានគ្នាប្រមាណជាង ១០០នាក់ ស្លៀកពាក់ឯកសណ្ឋានស៊ីវិល ត្រូវគេដាក់ពង្រាយតាមភូមិមួយចំនួននៅតំបន់ជាយដែន ជាពិសេសក្នុងបរិវេណវត្តដូង ឃុំដូង ស្រុករមាសហែក ជាតំបន់ដែលគណបក្សសង្គ្រោះជាតិ គ្រោងទៅជួបសំណេះសំណាលជាមួយប្រជាពលរដ្ឋនៅថ្ងៃទី២៩ មិថុនា។
អ្នកភូមិដូង ម្នាក់ លោក ស្រី យ៉ុង មានប្រសាសន៍នៅថ្ងៃទី២៨ មិថុនា ថា ប្រជាពលរដ្ឋក្នុងភូមិសម្ដែងក្ដីបារម្ភខ្លាចកើតមានអំពើហិង្សាដាក់គ្នា នៅពេលដែលក្រុមការងារគណបក្សសង្គ្រោះជាតិ មកដល់៖ «ទឹកដីស្រុករមាសហែក ដូចមិនដែលទាន់ឃើញអ៊ីចឹងទេបង ដូចចម្លែកព្រឹកមិញ ខ្ញុំចេញទៅធ្វើការ ខ្ញុំឃើញសកម្មភាពអ៊ីចឹង ខ្ញុំដូចចម្លែកដែរ ព្រោះខ្ញុំមិនដែលឃើញ ដល់មិនដែលឃើញខ្ញុំសង្ស័យក្នុងចិត្តថា ដឹងរឿងស្អីបានគេធ្វើអ៊ីចឹង»។
ក្រុមប្រឹក្សាឃុំដូង គណបក្សសង្គ្រោះជាតិ លោក សូ សុត ឲ្យដឹងថា កម្លាំងប៉ូលិស និងទាហាន ដែលដាក់ពង្រាយតាមជាយដែននោះ ជាកម្លាំងរបស់សមត្ថកិច្ចស្រុករមាសហែក ដាក់ពង្រាយតាំងពីរសៀលថ្ងៃទី២៧ រហូតមក។ លោកសង្ស័យថា ពួកគេមានគោលបំណងរារាំងក្រុមការងាររបស់គណបក្សមិនឲ្យជួបសំណេះសំណាលជាមួយប្រជាពលរដ្ឋ។ លោកថា បើទោះជាមានការដាក់កម្លាំងយ៉ាងនេះក្ដី គម្រោងការជួបសួរសុខទុក្ខប្រជាពលរដ្ឋតាមជាយដែន នៅតែបន្តដដែល៖ «បាទនៅនឹងដៃមានបំពង់ទីបមាន អឺ! គល់ឫស្សី ប្រវែងៗអឺ!មួយម៉ែត្រ មួយម៉ែត្រជាង ហើយមានវ៉ៃដែកគោលជាប់នឹងគល់ឫស្សីទៀត។ បើមានគេសួរបងប្អូនទៅ សួរមើលគេថាមកទេសចរណ៍ៗ ដើរលេង គេថាអ៊ីចឹងវិញ។ ថ្ងៃនេះមានអ៊ីចេះទៀត មានខាងគណបក្សប្រជាជនឃុំហ្នឹង គេហៅមេភូមិអនុភូមិប្រធានក្រុមគេហ្នឹង មកក៏មានព្រនង់គល់ឫស្សីដូចគ្នាបាទ ដូចគ្នា ឃើញមានព្រនង់គល់ឫស្សីដែរហ្នឹង ហើយឥឡូវស្អែកគេនឹងបន្តមកទៀតបាទ»។
គម្រោងចុះសួរសុខទុក្ខប្រជាពលរដ្ឋរបស់គណបក្សសង្គ្រោះជាតិ នៅស្រុករមាសហែក ធ្វើឡើងបន្ទាប់ពីទទួលព័ត៌មានថា ប្រជាពលរដ្ឋចំនួន ២គ្រួសារ រស់នៅភូមិដូង ឃុំដូង ស្រុករមាសហែក ខេត្តស្វាយរៀង ជាប់ជាយដែនកម្ពុជាវៀតណាម ត្រូវអាជ្ញាធរវៀតណាម ហាមឃាត់មិនឲ្យធ្វើស្រែលើដីរបស់ខ្លួន ដោយចាត់ទុកថាជាតំបន់ស។
ទាក់ទងនឹងបញ្ហានេះ អភិបាលស្រុករមាសហែក លោក ពេញ ជា មានប្រសាសន៍បញ្ជាក់ថា លោកពុំទាន់ទទួលព័ត៌មានពីការដាក់ពង្រាយកម្លាំងសមត្ថកិច្ច រារាំងក្រុមការងាររបស់គណបក្សប្រឆាំងដូចការលើកឡើងរបស់មន្ត្រីគណបក្សប្រឆាំងនៅឡើយទេ៖ «បាទ! អត់ ខាងសង្គ្រោះជាតិ ក៏អត់មានប្រាប់ខាងណាក៏អត់ប្រាប់ ហឺ! អត់ខ្ញុំអត់ដឹងដែរបាទៗចាំមើលខ្ញុំមើល»។
មន្ត្រីសម្របសម្រួលអង្គការលីកាដូ (Licadho) ប្រចាំខេត្តស្វាយរៀង លោក នុត ប៊ូពិណារ័ត្ន កាត់សម្គាល់ថា កន្លងមកអាជ្ញាធរនៅខេត្តស្វាយរៀង តែងតែរារាំងរាល់សកម្មភាពជួបជុំសំណេះសំណាលជាមួយប្រជាពលរដ្ឋរបស់គណបក្សប្រឆាំងជាបន្តបន្ទាប់ ជាពិសេសគឺការជួបសួរសុខទុក្ខប្រជាពលរដ្ឋតាមជាយដែនតែម្ដង។ លោក នុត ប៊ូពិណារ័ត្ន ចាត់ទុកសកម្មភាពរបស់អាជ្ញាធរនេះថា ជាការបំភិតបំភ័យបិទសិទ្ធិសេរីភាពនយោបាយរបស់គណបក្សប្រឆាំង៖ «ធម្មតាអាជ្ញាធរយើងអាចដឹងបានជាទូទៅ គឺថាគាត់តែងតែនិយាយយកតែម៉ារួចខ្លួន អ៊ីចឹងគាត់មិនដែលទទួលស្គាល់ទេ ព្រោះថា កម្លាំងដែលគេដាក់នោះគេពាក់ឯកសណ្ឋានស៊ីវិល ហើយឆ្លើយដើម្បីយកថាគាត់នៅតែមិនដឹង គាត់មិនមានបដិសេធតែរហូត។ តែភាពពិត គឺកម្លាំងស្នូលរបស់គេហ្នឹងឯង ដែលគេធ្វើការបំភិតបំភ័យដល់ពលរដ្ឋ»។
ក្រុមការងាររបស់គណបក្សសង្គ្រោះជាតិ ខេត្តស្វាយរៀង ដឹកនាំដោយ លោក រៀល ខេមរិន្ទ្រ ជាតំណាងរាស្ត្រ ព្រមទាំងមានសហគមន៍បុរីកីឡា សហគមន៍បឹងកក់ ក្រុមព្រះសង្ឃឯករាជ្យ និងក្រុមយុវជនសង្គ្រោះជាតិ ជាដើម នឹងចុះសួរសុខទុក្ខប្រជាពលរដ្ឋតាមជាយដែន ដែលមានបញ្ហាដីធ្លីជាមួយអាជ្ញាធរវៀតណាម៕
3 comments:
It is confusing and not easy to prevent walking post, it seem like walking death or death man walking. You don't know when and how it start moving, unless more and more video like this keep posting to remind khmer people to stand up to protect their land and stopping the death post from walking.
Ah kha will ask people how and what to do next. ......super idiot stop cheating my people.
If we keep ah stupid dog cop to lead our country in the future we don't have a country to call
Post a Comment