ដោយ ដែន អយុធ្យា
2014-01-05
ប្រធានសមាគមគ្រូបង្រៀនកម្ពុជាឯករាជ្យ លោក រ៉ុង ឈុន ថ្លែងក្នុងទិវាគ្រូបង្រៀនពិភពលោក ប្រារព្ធនៅទីលានប្រជាធិបតេយ្យ កាលពីថ្ងៃទី១៣ ខែតុលា ឆ្នាំ២០១៣។
RFA/Tep Soravy
លោក រ៉ុង ឈុន ប្រធានសហភាពសហជីពកម្ពុជា និងជាប្រធានសមាគមគ្រូបង្រៀនកម្ពុជាឯករាជ្យ មានប្រសាសន៍នៅថ្ងៃអាទិត្យ ទី៥ ខែមករា ថា នឹងទៅចូលទៅបំភ្លឺតាមដីកាកោះរបស់តុលាការសាលាដំបូង ហើយរូបលោកបានច្រានចោលការចោទប្រកាន់ថា ជាអ្នកបង្ក ឬញុះញង់ក្រុមកម្មករឲ្យផ្ទុះអំពើហិង្សាទៅលើកងកម្លាំងអាជ្ញាធរជារឿងមិនពិត។
លោក រ៉ុង ឈុន មានប្រសាសន៍បន្តថា ចំពោះគម្រោងដឹកនាំក្រុមគ្រូបង្រៀននៅទូទាំងប្រទេសធ្វើកូដកម្មមិនចូលបង្រៀន ដែលគ្រោងធ្វើនៅថ្ងៃច័ន្ទ ទី៦ ខែមករា ថ្នាក់ដឹកនាំសមាគមគ្រូកំពុងប្រជុំពិភាក្សាគ្នា ថាគួរពន្យារពេល ឬក៏បន្តរក្សាជំហរឲ្យនៅដដែល។
លោកបានឲ្យដឹងថា សព្វថ្ងៃនេះរូបលោកកំពុងស្នាក់នៅក្នុងរាជធានីភ្នំពេញ និងមិនបានចាកចេញទៅក្រៅប្រទេស ឬរត់ចោលស្រុកដូចពាក្យចចាមអារ៉ាមទេ។
លោក រ៉ុង ឈុន បញ្ជាក់ថា នឹងបើកធ្វើសន្និសីទកាសែតស្ដីពីជំហរ ឬសកម្មភាពរបស់សហជីពកម្មករ និងសមាគមគ្រូបង្រៀននៅថ្ងៃអនាគត នៅថ្ងៃច័ន្ទ ទី៦ ខែមករា៕
No comments:
Post a Comment