By Thmey Thmey
លោក សម រង្ស៊ី៖ ក្នុងជីវិតខ្ញុំដើរតែបង្សុកូលឲ្យខ្មោចបាតុករនិងអ្នកស្នេហាជាត
(អត្ថបទចុះផ្សាយនៅថ្ងៃ 
05-01-2014, 
9:17 pm) | ដោយ ជា ធីរិទ្ធ
05-01-2014, 9:17 pm) | ដោយ ជា ធីរិទ្ធប្រធាន គណបក្សសង្គ្រោះជាតិ លោក សម រង្ស៊ី ដែលប្រជាពលរដ្ឋមួយចំនួនចាត់ទុកថា គឺជាជនដែលសាងប្រវត្តិសាស្ត្រកម្ពុជា ផ្នែកខាងដឹកនាំប្រជាពលរដ្ឋឲ្យក្រោកឈរឡើងតវ៉ា ធ្វើបាតុកម្ម ដើម្បីទាមទារសិទ្ធិសេរីភាព ឬប្រឆាំងនឹងរដ្ឋាភិបាល។ នៅថ្ងៃនេះ លោក សម រង្ស៊ី បានរៀបរាប់ក្នុងឆាកជីវិតនយោបាយរបស់ខ្លួន អំពីការដើរបង្សុកូលឧទ្ទិសកុសលជូនខ្មោចវីរបាតុករនិងអ្នកស្នេហាជាតិ ជាច្រើន ដែលត្រូវគណបក្សកាន់អំណាចសម្លាប់។
«ក្នុងជីវិតនយោបាយរបស់ខ្ញុំ គឺខ្ញុំបានចូលរួមច្រើនដងពេក ក្នុងពិធីបង្សុកូលឧទ្ទិសកុសលដល់វីរៈបាតុករ ដែលស្លាប់ដោយសារអំពើហិង្សានយោបាយ និងអ្នកស្នេហាជាតិរាប់មិនអស់ដែលត្រូវអ្នកមានអំណាចសម្លាប់»។ នេះគឺជាសំដីរៀបរាប់របស់លោក សម រង្ស៊ី ប្រធានគណបក្សសង្គ្រោះជាតិ នៅក្នុងពិធីបង្សុកូលដើម្បីគោរពវិញ្ញាណខន្ធបាតុករដែលបានស្លាប់ ដោយសារបង្ក្រាបកាលពីថ្ងៃទី ០៣ កន្លងទៅ នៅទីស្នាក់ការគណបក្សចាក់អង្រែលើ រាជធានីភ្នំពេញ។
មានទឹកក្រៀមក្រំ ស្ថិតនៅក្នុងសម្លៀកបំពាក់កាន់ទុក្ខ លោក សម រង្ស៊ី បានរំលឹកពីវីរបាតុករដែលបានស្លាប់កាលពីឆ្នាំ ១៩៩៧ ចំនួន ១៦ នាក់ សាកសពកម្មករ អ្នកស្នេហាជាតិជាច្រើន ដូចជា លោក ជា វីជ្ជា និងលោ ឈុត វុទ្ធី ជាដើម ដែលសុទ្ធសឹងតែរូបលោកបានចូលរួមប្រារព្ធពិធីបង្សុកូលឲ្យទាំងអស់។ នៅក្នុងន័យនេះ លោក សម រង្ស៊ី ចង់បង្ហាញថា ក្នុងជីវិតនយោបាយរបស់លោកភាគច្រើន គឺដើរតែបង្សុកូលឲ្យអ្នកស្លាប់ដោយសារការធ្វើបាតុកម្ម និងអ្នកស្នេហាជាតិនានាតែប៉ុណ្ណោះ៕
រក្សាសិទ្ធិដោយ thmeythmey.com
No comments:
Post a Comment