សម្ដេច ព្រះ នរោត្ដម សុរាម្រឹត (១៨៩៦-១៩៦០ )
ព្រះករុណាព្រះបាទសម្ដេចព្រះ នរោត្ដម សុរាម្រឹត ស្ដេច
ព្រះរាជសម្ភព នាថ្ងៃទី០៦ ខែមីនា គ.ស.១៨៩៦
និងស្ដេចសុវណ្ណគតនាថ្ងៃទី០៣ ខែមេសា ឆ្នាំ១៩៦០
ក្នុងព្រះជន្ម៦៤វស្សា នៅឯព្រះបរមរាជវាំងក្រុងចតុម្មុខមង្គល
ក្នុងព្រះបរមនាមថាព្រះករុណា «ព្រះមហាកាញ្ចនកោដ្ឋ»។ ព្រះអង្គជាព្រះមហាក្ស័ត្រិយ៍អង្គទី៦នៃព្រះរាជអាណាចក្រកម្ពុជាឯករាជ្យ។
ព្រះរាជប្រវត្តិ
សម្ដេចព្រះ នរោត្ដម សុរាម្រឹត ព្រះ
អង្គព្រះរាជសម្ភពនាថ្ងៃសៅរ៍ ៨ រោច ខែផល្គុណ ឆ្នាំមមែ សប្តស័ក
ព.ស.២៤៣៨ ត្រូវនឹងថ្ងៃទី០៦ ខែមីនា គ.ស.១៨៩៦
នាព្រះមហាប្រាសាទខេមរិន្ទ្រ
ព្រះបរមរាជវាំងក្រុងភ្នំពេញចតុម្មុខមង្គល។ ព្រះអង្គ
ទ្រង់ជាព្រះបុត្រានៃសម្ដេចព្រះរាជអយ្យកោ វរចក្ររណឫទ្ធិ នរោត្ដម សុទ្ធារស និងសម្ដេចព្រះរាជអយ្យិកា ខត្តិយកល្យាណ៍រាជសុតាភគវតី នរោត្ដម ផង៉ាង៉ាម។
ការសិក្សា
ព្រះអង្គបានចូលសិក្សាអក្សរសាស្ត្រខ្មែរនៅទីសំណាក់នួនមុនីរាម,
សាលា François Garnier, អនុវិទ្យាល័យព្រះស៊ីសុវត្ថិ នៅភ្នំពេញ
និងនៅសាលា Lycée Chasseloup-Laubat នៃឯព្រៃនគរ។
ការចូលបម្រើរាជការ
មុនពេលឡើងគ្រងរាជ្យជាព្រះមហាក្ស័ត្រិយ៍នៃព្រះរាជអាណាចក្រកម្ពុជា ព្រះអង្គបានធ្វើជាទីប្រឹក្សាផ្ទាល់នៃព្រះករុណាព្រះបាទសម្ដេចព្រះ សិរីសុវត្ថិ ពីឆ្នាំ១៩១៨ ដល់ ១៩២៥។ ពីឆ្នាំ១៩២៧ ដល់ ១៩២៩ ព្រះអង្គបានធ្វើជាប្រធានតុលាការនៃព្រះបរមរាជវាំង។
ព្រះយស
- ១២ សីហា ១៩៣១ ព្រះអង្គបានឡើងជា ស្ដេចក្រុមឃុន វិសុទ្ធខត្តិយវរ្ម័ន
- ២៥ មេសា ១៩៤១ ព្រះអង្គបានឡើងជា សម្ដេចព្រះបរមរាជវិសុទ្ធខត្តិយវរ្ម័ន ជយមហារាជ បតមាសា
ការឡើងគ្រងរាជ្យ
ព្រះករុណាព្រះបាទ សម្ដេចព្រះ នរោត្ដម សុរាម្រឹត ទ្រង់បានឡើងគ្រងរាជ្យបន្តពីព្រះករុណា ព្រះបាទ សម្ដេចព្រះនរោត្តម សីហនុ បន្ទាប់ពីព្រះអង្គបានដាក់រាជ្យសម្បត្តិនាថ្ងៃទី០២ ខែមីនា ឆ្នាំ១៩៥៥។
ពិធីរាជាពិសេក
បានប្រារព្ធធ្វើឡើងនៅព្រះទីន័ងទេវាវិនិច្ឆ័យនៃព្រះបរមរាជវាំង
ចតុម្មុខ ក្រុងភ្នំពេញ នាថ្ងៃទី០៥ ខែមីនា ឆ្នាំ១៩៥៥
ដោយទ្រង់មានព្រះបរមនាមថា៖ «ព្រះករុណាព្រះបាទ
សម្ដេចព្រះ នរោត្ដម សុរាម្រឹត វិសុទ្ធមហាខត្តិយវង្ស វិសិដ្ឋហរិពង្ស
គុណាតិរេក ធម្មចរិយោត្ដម បរមបពិត្រ ព្រះចៅព្រះរាជអាណាចក្រកម្ពុជា»។
គ្រឿងឥស្សរិយយស
- គ្រឿងរាជឥស្សរិយយសនៃព្រះរាជអាណាចក្រកម្ពុជា ១៩៤១
- មេដាយនានានៃរជ្ជកាលព្រះករុណាព្រះ សិរីសុវត្ថិនិងព្រះ សិរីសុវត្ថិ មុនីវង្ស ថ្នាក់ទី១
- គ្រឿងរាជឥស្សរិយយសរាជវង្សចក្រី នៃរាជអាណាចក្រស្យាម
- គ្រឿងរាជឥស្សរិយយសដំរីរាប់លាន និងដំរីសនៃព្រះរាជអាណាចក្រលាវ
- គ្រឿងរាជឥស្សរិយយសនៃប្រទេសអណ្ណាម
- គ្រឿងឥស្សរិយយសអគ្គមហាធិរិធោមា នៃប្រទេសភូមា
- គ្រឿងឥស្សរិយយសនៃប្រទេសវៀតណាម
- គ្រឿងឥស្សរិយយស Legion of Honour នៃប្រទេសបារាំង ១៩៣៩
រាជអភិសេក
ព្រះករុណាព្រះបាទ សម្ដេចព្រះ នរោត្ដម សុរាម្រឹត ទ្រង់
បានរៀបអភិសេកជាមួយ សម្ដេចព្រះមហាក្សត្រយានី ព្រះស៊ីសុវត្ថិ
មុនីវរ្ម័ន កុសុមនារីរតន៍ សិរីវឌ្ឍនា ដែលជាព្រះរាជបុត្រីនៃព្រះករុណា
ព្រះបាទ សម្ដេចព្រះ សិរីសុវត្ថិ មុនីវង្ស នៅឯប្រាសាទខេមរិន្ទ្រ ព្រះបរមរាជវាំងក្រុងចតុម្មុខ នាឆ្នាំ១៩២០។
ព្រះករុណា ទាំងពីរព្រះអង្គមានព្រះរាជបុត្រមួយព្រះអង្គ គឺ៖ ព្រះករុណា ព្រះបាទ សម្ដេចព្រះ នរោត្ដម សីហនុ (ប្រសូត ៣១ តុលា ១៩២២)។
ព្រះករុណាព្រះបាទ សម្ដេចព្រះ នរោត្ដម សុរាម្រឹត ទ្រង់មានព្រះជាយាចំនួនពីរព្រះអង្គទៀតគឺ៖
– អ្នកអង្គម្ចាស់ ស៊ីសុវត្ថិ ដួង មធួរេត (ប្រសូត ១៨៩៦) (មិនមានព្រះរាជបុត្រ)
– ឃុនទេពកញ្ញាសោភា យ៉េប គឹមអាន (ប្រសូត ២៥ ឧសភា ១៩២៥) (មានព្រះរាជបុត្រចំនួនបីព្រះអង្គ)
– ឃុនទេពកញ្ញាសោភា យ៉េប គឹមអាន (ប្រសូត ២៥ ឧសភា ១៩២៥) (មានព្រះរាជបុត្រចំនួនបីព្រះអង្គ)
- ព្រះអង្គម្ចាស់ នរោត្ដម វេជ្ជរ៉ា (ប្រសូត ១៧ សីហា ១៩៤៦)
- ស្ដេចក្រុមឃុន នរោត្ដម សិរីវុឌ្ឍ (ប្រសូត ០៨ មិថុនា ១៩៥១)
- ព្រះអង្គម្ចាស់ នរោត្ដម ប្រៃយ៉ាសុភណ្ឌ (ប្រសូត ១៨ វិច្ឆិកា ១៩៥៤)
សុវណ្ណគត
ព្រះបាទ សម្ដេចព្រះ នរោត្ដម សុរាម្រឹត ទ្រង់
ព្រះសុវណ្ណគតនាថ្ងៃទី០៣ ខែមេសា ឆ្នាំ១៩៦០
ក្នុងព្រះជន្ម៦៤ព្រះវស្សា។
ព្រះរាជពិធីថ្វាយព្រះភ្លើងព្រះអង្គត្រូវបានប្រារព្ធយ៉ាងអធិក
អធមតាមបូរាណរាជបវេណីនៃព្រះមហាក្សត្រិយ៍ខ្មែរ
ដោយប្រារព្ធចាប់ពីថ្ងៃសៅរ៍ ១៣រោច ខែស្រាពណ៍ ដល់ថ្ងៃសៅរ៍ ៦កើត
ខែភទ្របទ ឆ្នាំជូត ទោស័ក ព.ស.២៥០៣ ត្រូវនឹងថ្ងៃទី២០ ដល់២៧ ខែសីហា
គ.ស.១៩៦០។
តាមរូបភាពឯកសារមួយចំនួន យើងឃើញថា
ព្រះរាជពិធីព្រះបរមសពព្រះអង្គត្រូវបានធ្វើឡើងតាមគន្លងរាជ
បវេណីបុរាណរៀងមក ស័ក្ដិសមព្រះកិត្តិយសជាស្ដេចផែនដី
ដោយមានពិធីដង្ហែព្រះកោដ្ឋព្រះបរមសពទៅដាក់នៅទីព្រះមេរុ
ដើម្បីធ្វើពិធីថ្វាយព្រះភ្លើងជាដើម។
ព្រះករុណាព្រះបាទសម្ដេចព្រះ នរោត្ដម សុរាម្រឹត ទ្រង់មានព្រះបរមមរណនាមថា “ព្រះមហាកាញ្ចនកោដ្ឋ”៕
2 comments:
He did nothing to protect khmer territory, nor the benefit for khmer people. So sad and so ashamed.
3:06 am, you know nothing. He was the one who issued a letter of protest against the ceding of Koh Tral to Vietnam, whereas your hero-traitor Hun Sen was the one who officially gave Koh Tral to Vietnam under the 1985 treaty that he signed with Vietnamese FM Nguyen Co Thach.
Post a Comment