ភ្នំពេញ:
តំណាងសាលារាជធានីភ្នំពេញ និងគណបក្សសង្គ្រោះជាតិ
បានជួបពិភាក្សាគ្នាអំពីបញ្ហានៃការធ្វើមហាបាតុកម្ម
ដែលដឹកនាំដោយគណបក្សសង្គ្រោះជាតិ នៅថ្ងៃទី២៤ ខែមេសា ឆ្នាំ២០១៣
ដើម្បីទាមទារឲ្យគណៈកម្មាធិការជាតិរៀបចំការបោះឆ្នោត គ.ជ.ប.
ទទួលយកអនុសាសន៍របស់តំណាងពិសេសអង្គការសហប្រជាជាតិ
និងអង្គការក្រៅរដ្ឋាភិបាល ទាក់ទងនឹងការបោះឆ្នោត នាពេលខាងមុខនេះ។
កិច្ចជួបពិភាក្សារវាងតំណាងសាលារាជធានីភ្នំពេញ និងគណបក្សប្រឆាំង
បានធ្វើឡើង កាលពីព្រឹកថ្ងៃទី២២ ខែមេសា ឆ្នាំ២០១៣
នៅសាលារាជធានីភ្នំពេញ។
ការជួបគ្នារវាងតំណាងសាលារាជធានី ភ្នមពេញ និងគណបក្សប្រឆាំងគឺបន្ទាប់ពីគណបក្សសង្គ្រោះជាតិ បានដាក់លិខិតស្នើទៅលោក កែប ជុតិមា អភិបាលរាជធានីភ្នំពេញ កាលពីថ្ងៃទី១៨ ខែមេសា ឆ្នាំ២០១៣ ជូនដំណឹង ស្តីពី ការធ្វើមហាបាតុកម្ម អហិង្សា នៅទីលានប្រជាធិបតេយ្យ និងដង្ហែក្បួនដោយសន្តិវិធី។
លោក ហូរ វ៉ាន់ តំណាងគណបក្សសង្គ្រោះជាតិ ដែលបានចូលរួមប្រជុំពិភាក្សាជាមួយអាជ្ញាធររាជធានីភ្នំពេញ បានមានប្រសាសន៍ឲ្យដឹងថា ការប្រជុំជាមួយសាលារាជធានីភ្នំពេញ និងគណបក្សសង្គ្រោះជាតិ ជាលទ្ធផលទី១ ជួបជុំគ្នានៅទីលានប្រជាធិបតេយ្យ។ សាលារាជធានីភ្នំពេញ ចង់ដឹងថា អ្នកចូលរួមមហាបាតុជាមួយគណបក្សសង្គ្រោះជាតិ មានចំនួនប៉ុន្មាននាក់ ដោយលោកបានប្រាប់ថា មានចំនួនប្រមាណ៤០០០នាក់។ ទី២ បានឯកភាពគ្នាលើតម្រាយផ្លូវ គឺហែរក្បួនចេញពីទីលានប្រជាធិបតេយ្យ តាមផ្លូវលេខ៥១ បត់តាមផ្លូវភ្លោះទៅវិថីព្រះស៊ីសុវត្ថិ (តាមផ្លូវមាត់ទន្លេ) បត់ស្តាំទៅខាងជើងរបងស្ថានទូតរូស្ស៊ី ហើយបត់ឆ្វេងតាមផ្លូវសុធារស រហូតទៅដល់ស្តុបជលផល រួចបត់ឆ្វេងតាមផ្លូវព្រះនរោត្តម សំដៅទៅគណៈកម្មាធិការជាតិរៀបចំការបោះឆ្នោត នៅក្នុងក្រសួងមហាផ្ទៃ។
កិច្ចប្រជុំ ក៏បានឯកភាពគ្នាទៅលើការការពារសន្តិសុខ គឺសណ្តាប់ធ្នាប់ផ្ទៃក្នុងគណបក្ស ជាអ្នកទទួលខុស ត្រូវតែក្រៅរង្វង់ក្បួន គឺខាងអាជ្ញាធរ ដែនដី ជាអ្នកទទួលបន្ទុកការពារសុវត្ថិភាព។ ប៉ុន្តែក្នុងករណីមានបញ្ហាអ្វីកើតឡើង ត្រូវធ្វើការទំនាក់ទំនងគ្នា។
លោក ហូរ វ៉ាន់ បានបញ្ជាក់ថា ការហែរក្បួននេះ សាលារាជធានីភ្នំពេញស្នើសុំគោលការណ៍ទៅក្រសួងមហាផ្ទៃ និងឲ្យខាងគណបក្ស រង់ចាំការសម្រេច របស់ក្រសួងមហាផ្ទៃ។ ការអនុញ្ញាតឲ្យហែរក្បួននោះ សាលារាជធានីភ្នំពេញអត់មានសមត្ថកិច្ចទេ ដូច្នេះគេសុំគោលការណ៍ពីក្រសួងមហាផ្ទៃ។
ចំណែកលោក ឃួន ស្រេង អភិបាលរងរាជធានីភ្នំពេញ បានមានប្រសាសន៍ថា ខាងគណបក្សសង្គ្រោះជាតិ បានស្នើសុំសាលារាជធានីភ្នំពេញ ដើម្បីធ្វើបាតុកម្មអហិង្សានៅថ្ងៃទី២៤ ខែមេសា ឆ្នាំ២០១៣ ដោយមានការហែរក្បួន។ ចំណុចចាប់អារម្មណ៍ គឺច្បាប់បាតុកម្ម ក្នុងរាជធានីខេត្តក្រុង ផ្តល់ឲ្យអនុញ្ញាតឲ្យអ្នកសុំធ្វើបាតុកម្មអហិង្សា ក្នុងរង្វង់ ២០០ នាក់ ដោយមិនឲ្យហែរក្បួន។ សំណើរបស់គណបក្សសង្គ្រោះជាតិ ស្នើមកសាលារាជធានីភ្នំពេញ វាខុសនឹងគោលការណ៍ ដោយទី១ ចំនួនមនុស្សចូលរួមដល់ទៅ ៤០០០នាក់ និងចំណុចទី២ គឺសុំហែរក្បួន តាមដងផ្លូវសាធារណៈ ដែលមិនមែនជាសមត្ថកិច្ចរបស់សាលារាជធានីភ្នំពេញទេ គឺសមត្ថកិច្ចរបស់ក្រសួងមហាផ្ទៃ។
លោក ឃួន ស្រេង បានបន្តថា "ចំពោះការសម្រេចយ៉ាងម៉េចរបស់ក្រសួងមហាផ្ទៃ ខាងសាលារាជធានីភ្នំពេញ នឹងជម្រាបទៅតំណាងគណបក្សសង្គ្រោះជាតិវិញ ឲ្យគេអនុវត្តតាមនឹង"។
នៅក្នុងសេចក្តីជូនដំណឹង ធ្វើមហាបាតុកម្មររបស់គណបក្សសង្គ្រោះជាតិ កាលពីថ្ងៃទី១៨ ខែមេសា ឆ្នាំ២០១៣ បានបញ្ជាក់ថា ការធ្វើមហាបាតុកម្មនេះ គឺជួបជុំគ្នានៅទីលានប្រជាធិបតេយ្យ នាថ្ងៃទី២៤ ខែមេសា ឆ្នាំ២០១៣ ដើម្បីទាមទារឲ្យគណៈកម្មាធិការជាតិរៀបចំការបោះឆ្នោត អនុវត្តតាមអនុសាសន៍របស់អង្គការសហប្រជាជាតិ និងអង្គការសង្គមស៊ីវិល។
បន្ទាប់ពីជួបជុំគា្ននឹងធ្វើការដង្ហែក្បួនបាតុករ ដើម្បីយកញត្តិទៅប្រគល់ជូនថ្នាក់ដឹកនាំគណៈកម្មាធិការរជាតិរៀបចំ ការបោះឆ្នោត នៅក្រសួងមហាផ្ទៃ៕
ការជួបគ្នារវាងតំណាងសាលារាជធានី ភ្នមពេញ និងគណបក្សប្រឆាំងគឺបន្ទាប់ពីគណបក្សសង្គ្រោះជាតិ បានដាក់លិខិតស្នើទៅលោក កែប ជុតិមា អភិបាលរាជធានីភ្នំពេញ កាលពីថ្ងៃទី១៨ ខែមេសា ឆ្នាំ២០១៣ ជូនដំណឹង ស្តីពី ការធ្វើមហាបាតុកម្ម អហិង្សា នៅទីលានប្រជាធិបតេយ្យ និងដង្ហែក្បួនដោយសន្តិវិធី។
លោក ហូរ វ៉ាន់ តំណាងគណបក្សសង្គ្រោះជាតិ ដែលបានចូលរួមប្រជុំពិភាក្សាជាមួយអាជ្ញាធររាជធានីភ្នំពេញ បានមានប្រសាសន៍ឲ្យដឹងថា ការប្រជុំជាមួយសាលារាជធានីភ្នំពេញ និងគណបក្សសង្គ្រោះជាតិ ជាលទ្ធផលទី១ ជួបជុំគ្នានៅទីលានប្រជាធិបតេយ្យ។ សាលារាជធានីភ្នំពេញ ចង់ដឹងថា អ្នកចូលរួមមហាបាតុជាមួយគណបក្សសង្គ្រោះជាតិ មានចំនួនប៉ុន្មាននាក់ ដោយលោកបានប្រាប់ថា មានចំនួនប្រមាណ៤០០០នាក់។ ទី២ បានឯកភាពគ្នាលើតម្រាយផ្លូវ គឺហែរក្បួនចេញពីទីលានប្រជាធិបតេយ្យ តាមផ្លូវលេខ៥១ បត់តាមផ្លូវភ្លោះទៅវិថីព្រះស៊ីសុវត្ថិ (តាមផ្លូវមាត់ទន្លេ) បត់ស្តាំទៅខាងជើងរបងស្ថានទូតរូស្ស៊ី ហើយបត់ឆ្វេងតាមផ្លូវសុធារស រហូតទៅដល់ស្តុបជលផល រួចបត់ឆ្វេងតាមផ្លូវព្រះនរោត្តម សំដៅទៅគណៈកម្មាធិការជាតិរៀបចំការបោះឆ្នោត នៅក្នុងក្រសួងមហាផ្ទៃ។
កិច្ចប្រជុំ ក៏បានឯកភាពគ្នាទៅលើការការពារសន្តិសុខ គឺសណ្តាប់ធ្នាប់ផ្ទៃក្នុងគណបក្ស ជាអ្នកទទួលខុស ត្រូវតែក្រៅរង្វង់ក្បួន គឺខាងអាជ្ញាធរ ដែនដី ជាអ្នកទទួលបន្ទុកការពារសុវត្ថិភាព។ ប៉ុន្តែក្នុងករណីមានបញ្ហាអ្វីកើតឡើង ត្រូវធ្វើការទំនាក់ទំនងគ្នា។
លោក ហូរ វ៉ាន់ បានបញ្ជាក់ថា ការហែរក្បួននេះ សាលារាជធានីភ្នំពេញស្នើសុំគោលការណ៍ទៅក្រសួងមហាផ្ទៃ និងឲ្យខាងគណបក្ស រង់ចាំការសម្រេច របស់ក្រសួងមហាផ្ទៃ។ ការអនុញ្ញាតឲ្យហែរក្បួននោះ សាលារាជធានីភ្នំពេញអត់មានសមត្ថកិច្ចទេ ដូច្នេះគេសុំគោលការណ៍ពីក្រសួងមហាផ្ទៃ។
ចំណែកលោក ឃួន ស្រេង អភិបាលរងរាជធានីភ្នំពេញ បានមានប្រសាសន៍ថា ខាងគណបក្សសង្គ្រោះជាតិ បានស្នើសុំសាលារាជធានីភ្នំពេញ ដើម្បីធ្វើបាតុកម្មអហិង្សានៅថ្ងៃទី២៤ ខែមេសា ឆ្នាំ២០១៣ ដោយមានការហែរក្បួន។ ចំណុចចាប់អារម្មណ៍ គឺច្បាប់បាតុកម្ម ក្នុងរាជធានីខេត្តក្រុង ផ្តល់ឲ្យអនុញ្ញាតឲ្យអ្នកសុំធ្វើបាតុកម្មអហិង្សា ក្នុងរង្វង់ ២០០ នាក់ ដោយមិនឲ្យហែរក្បួន។ សំណើរបស់គណបក្សសង្គ្រោះជាតិ ស្នើមកសាលារាជធានីភ្នំពេញ វាខុសនឹងគោលការណ៍ ដោយទី១ ចំនួនមនុស្សចូលរួមដល់ទៅ ៤០០០នាក់ និងចំណុចទី២ គឺសុំហែរក្បួន តាមដងផ្លូវសាធារណៈ ដែលមិនមែនជាសមត្ថកិច្ចរបស់សាលារាជធានីភ្នំពេញទេ គឺសមត្ថកិច្ចរបស់ក្រសួងមហាផ្ទៃ។
លោក ឃួន ស្រេង បានបន្តថា "ចំពោះការសម្រេចយ៉ាងម៉េចរបស់ក្រសួងមហាផ្ទៃ ខាងសាលារាជធានីភ្នំពេញ នឹងជម្រាបទៅតំណាងគណបក្សសង្គ្រោះជាតិវិញ ឲ្យគេអនុវត្តតាមនឹង"។
នៅក្នុងសេចក្តីជូនដំណឹង ធ្វើមហាបាតុកម្មររបស់គណបក្សសង្គ្រោះជាតិ កាលពីថ្ងៃទី១៨ ខែមេសា ឆ្នាំ២០១៣ បានបញ្ជាក់ថា ការធ្វើមហាបាតុកម្មនេះ គឺជួបជុំគ្នានៅទីលានប្រជាធិបតេយ្យ នាថ្ងៃទី២៤ ខែមេសា ឆ្នាំ២០១៣ ដើម្បីទាមទារឲ្យគណៈកម្មាធិការជាតិរៀបចំការបោះឆ្នោត អនុវត្តតាមអនុសាសន៍របស់អង្គការសហប្រជាជាតិ និងអង្គការសង្គមស៊ីវិល។
បន្ទាប់ពីជួបជុំគា្ននឹងធ្វើការដង្ហែក្បួនបាតុករ ដើម្បីយកញត្តិទៅប្រគល់ជូនថ្នាក់ដឹកនាំគណៈកម្មាធិការរជាតិរៀបចំ ការបោះឆ្នោត នៅក្រសួងមហាផ្ទៃ៕
- See more at: http://www.cen.com.kh/localnews/show_detail/19?token=MDYyZDYzMm#sthash.AUh4AwXo.dpuf
No comments:
Post a Comment