A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Thursday 15 September 2016



ជាតិ, ​​​ន​យោ​បាយ​ជាតិ​,
កសិផល​ចុះថ្លៃ​៖ មេបក្ស​ប្រឆាំង​ចោទ​រដ្ឋាភិបាល​ថា បើកដៃ​ឲ្យ​ឈ្មួញ ក្រោយ​សម្ដេច​ថា លំបាក​…
និពន្ធដោយ : រំដួល ចិត្រា       September-14-2016,  8:59 pm         5603
 រូបភាព

​ភ្នំពេញ​៖ ខណៈ​កសិផល​របស់​ប្រជាពលរដ្ឋ​ខ្មែរ​នៅតាម​តំបន់​មួយចំនួន​ធ្លាក់ចុះ​តម្លៃ​ទីផ្សា​នោះ ប្រធាន​គណបក្ស​សង្គ្រោះ​ជាតិ ឯកឧត្តម សម រង្ស៊ី ឆ្លៀត​លើក​ពី​បញ្ហា​នេះ​ចោទ​រដ្ឋាភិបាល​ថា កំពុង​បណ្ដោយ​ឲ្យ​កសិផល​ក្នុងស្រុក​ធ្លាក់ចុះ ហើយ​បើកដៃ​ឲ្យ​ឈ្មួញ​នាំចូល​កសិផល​ពី​ក្រៅប្រទេស​ចូលមក​កម្ពុជា​។ ឯកឧត្តម សម រង្ស៊ី ចោទ​រដ្ឋាភិបាល​បែបនេះ ក្រោយពី​សម្ដេច ហ៊ុន សែន អះអាងថា លោក​ជួប​ការលំបាក​ច្រើនជាងគេ ក្នុងការ​ដោះស្រាយ​បញ្ហា​សេដ្ឋកិច្ច​នេះ​។

​ប្រធាន​គណបក្ស​សង្គ្រោះ​ជាតិ ឯកឧត្តម សម រង្ស៊ី ដែល​កំពុង​គេចខ្លួន​នៅក្រៅ​ប្រទេស​នោះ បាន​ស្រង់​ខ្លឹមសារ​ពី​បណ្ដាញ​ប្រព័ន្ធ​ផ្សព្វផ្សាយ​មួយចំនួន ដែល​បាន​ចុះផ្សាយ​ពី​បញ្ហា​កសិផល​ធ្លាក់ចុះ​តម្លៃ​ទីផ្សា​ក្នុងប្រទេស​កម្ពុជា​។ ឯកឧត្តម សម រង្ស៊ី បានលើកឡើង​ពី​បញ្ហា​កសិផល​ដំណាំ​ស្រូវ ដំឡូង​មី និង​ផ្លែ​ល្ពៅ ដែល​ឈ្មួញ​ទិញ​ពី​កសិករ​ក្នុងតម្លៃ​ទាប​ជាង​ឆ្នាំ​២០១៥ ពោល​គឺជា​តម្លៃ​ឡើង​ចុះ​តាមតែ​មាត់​របស់​ឈ្មួញ​។

​ប្រមុខ​បក្សប្រឆាំង​រូបនេះ បាន​សរសេរ​លើ​ហ្វេ​ស​ប៊ុ​ក​ខ្លួន ដោយ​រិះគន់​រដ្ឋាភិបាល​យ៉ាង​ដូច្នេះ​ថា​៖«​រដ្ឋអំណាច​បណ្តោយ​ឲ្យ​កសិផល​ចុះថ្លៃ ធ្វើ​ឲ្យ​កសិករ​កាន់តែ​ក្រ​។ កសិករ​រក​ទីផ្សារ​កសិផល​មិនបាន តែ​រដ្ឋអំណាច​បើកដៃ​ឲ្យ​ឈ្មួញ​នាំចូល​កសិផល​កាន់តែ​ច្រើនឡើង​ពី​បរទេស​»​។​

​ក្រៅពី​ការរិះគន់​របស់​ឯកឧត្តម សម រង្ស៊ី នេះ ក៏មាន​ប្រជាពលរដ្ឋ​ដែល​ប្រើប្រាស់​បណ្ដាញ​សង្គម​ហ្វេ​ស​ប៊ុ​ក​មួយចំនួន បាននាំគ្នា​ចូល​អត្ថាធិប្បាយ (Comment) នៅក្នុង​ហ្វេ​ស​ប៊ុ​ក​សម្ដេចនាយក​រដ្ឋមន្ត្រី ហ៊ុន សែន ដោយ​ស្នើ​ឲ្យ​សម្ដេច​ជួយ​ដោះស្រាយ​បញ្ហា​ធ្លាក់ចុះ​តម្លៃ​ទីផ្សា​កសិផល​របស់​ពួកគេ​ដែរ​។ ជាមួយគ្នានេះ​ក៏មាន​ម្ចាស់​គណនី​ហ្វេ​ស​ប៊ុ​ក​ម្នាក់​ឈ្មោះ Sysowatt Munyrit បាន​សរសេរ​រិះគន់​សម្ដេច​ថា មិន​ខ្វល់​ពី​ទឹកភ្នែក​កសិករ ។​​ភ្លាមៗ​នោះ​សម្ដេចនាយក​រដ្ឋមន្ត្រី ហ៊ុន សែន បាន​ឆ្លើយតប​នឹង​ម្ចាស់​គណនី​ហ្វេ​ស​ប៊ុ​ក​ម្នាក់​ឈ្មោះ Sysowatt Munyrit នោះ​វិញ​ថា សម្ដេច ជួប​ការលំបាក​ច្រើនជាងគេ ក្នុងការ​ដោះស្រាយ​បញ្ហា​សេដ្ឋកិច្ច​នេះ​។ ឆ្លើយតប​នឹង​ការរិះគន់​របស់​ម្ចាស់​គណនី​ហ្វេ​ស​ប៊ុ​ក Sysowatt Munyrit នេះ លោកនាយក​រដ្ឋមន្ត្រី ហ៊ុន សែន បាន​សរសេរ​អធិប្បាយ​យ៉ាង​ដូច្នេះ​ថា​៖ «​ក្មួយ​និយាយ​ដូចជា​ជ្រុល​ហើយ​ក្មួយ​។ អ្នក​ដែល​លំបាក​ជាងគេ​ក្នុង​រឿង​សេដ្ឋកិច្ច គឺ​ខ្ញុំ​នេះហើយ​។ ខ្ញុំ​រកតែ​ពេល​ហូបបាយ​មិនបាន ដោយសារ​រឿង​ថ្លៃ​ស្រូវ​និង​កសិផល​របស់​កសិក​រ​នោះ​ហើយ​។ សង្ឃឹមថា​ក្មួយ​ចេះ​ប្រើ​ភាសារ​ថ្លៃថ្នូរ​ជាង​នេះ​»​។​

​គួរ​បញ្ជាក់ថា រយៈពេល​ប៉ុន្មាន​ថ្ងៃនេះ ប្រជាពលរដ្ឋ​មានការ​ត្អូញត្អែរ​យ៉ាងខ្លាំង​ពី​តម្លៃ​ដំណាំ​កសិផល​របស់​ពួកគេ ដែល​ត្រូវបាន​ឈ្មួញ​ទិញ​ក្នុងតម្លៃ​ទាប ហើយ​មិនអាច​រកត​ម្លៃ​ទីផ្សា​លក់​ចំណេញ​បាន​។ ក្រោយពី​ប្រជាកសិករ​មានការ​ត្អូញត្អែរ​ចំពោះ​បញ្ហា​កសិផល​ធ្លាក់​ថ្លៃ​នេះ ក្រសួងកសិកម្ម រុក្ខាប្រមាញ់ និង​នេសាទ ក៏បាន​ចេញ​វិធានការ​ទប់ស្កាត់​លើ​បញ្ហា​កសិផល​ធ្លាក់​ថ្លៃ​នេះដែរ​។ រដ្ឋមន្ត្រី​ក្រសួងកសិកម្ម បាន​ណែនាំ​ដល់​មន្ត្រីក្រោមឱវាទ​ឲ្យ​ធ្វើ​អន្តរាគមន៍​ជួយ​កសិករ ពី​ការ​បន្ទាប​ថ្លៃ​កសិផល​ពី​សំណាក់​ឈ្មួញ និង​ក្រុមហ៊ុន​ធ្វើ​អាជីវកម្ម​ផលិតផល​កសិកម្ម​។​ប៉ុន្តែ​វិធានការ​នេះ ត្រូវបាន​អ្នកជំនាញ​សេដ្ឋកិច្ច មើលឃើញថា នឹង​មិនសូវ​ផ្ដល់​ប្រសិទ្ធភាព​ឡើយ ក្នុង​ប្រព័ន្ធ​សេដ្ឋកិច្ច​ទីផ្សារសេរី​៕

No comments: