A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Saturday 30 July 2016

សមាជិក​ព្រឹទ្ធ​សភា​បក្ស​ប្រឆាំង​ថា​មិន​បាន​ចោទ​លោក ហ៊ុន សែន ជា​អ្នក​សម្លាប់​លោក កែម ឡី



សមាជិក​ព្រឹទ្ធ​សភា​បក្ស​ប្រឆាំង​ថា​មិន​បាន​ចោទ​លោក ហ៊ុន សែន ជា​អ្នក​សម្លាប់​លោក កែម ឡី
ដោយ ប្រាជ្ញ ចេវ
2016-07-30  rfa


ថាក់ ឡានី ៨៥៥
សមាជិក​ព្រឹទ្ធ​សភា​គណបក្ស សម រង្ស៊ី អ្នកស្រី ថាក់ ឡានី។
 Photo supplied


សមាជិក​ព្រឹទ្ធ​សភា​គណបក្ស សម រង្ស៊ី អ្នកស្រី ថាក់ ឡានី បដិសេធ​ថា អ្នកស្រី​មិន​បាន​និយាយ​ថា លោក ហ៊ុន សែន ជា​អ្នក​សម្លាប់​លោក​បណ្ឌិត កែម ឡី ទេ។ អ្នកស្រី​បញ្ជាក់​ថា វីដេអូ​ឃ្លិប ដែល​ត្រូវ​បាន​គេ​បង្ហោះ​នៅ​លើ​ប្រព័ន្ធ​ផ្សព្វផ្សាយ​នោះ គឺ​ជា​ការ​កាត់​ត​សំឡេង​ដើម្បី​ទម្លាក់​កំហុស​លើ​អ្នកស្រី។ ប៉ុន្តែ​អ្នកនាំពាក្យ​គណបក្ស​ប្រជាជន​កម្ពុជា លោក សុខ ឥសាន ថា លោក​មិន​ជឿ​លើ​ការ​អះអាង​នេះ​ទេ។

ថ្លែង​ឲ្យ​អាស៊ីសេរី ដឹង​ពី​ខេត្ត​រតនគិរី នៅ​ល្ងាច​ថ្ងៃ​ទី​៣០ ខែ​កក្កដា សមាជិក​ព្រឹទ្ធសភា​បក្ស​ប្រឆាំង អ្នកស្រី ថាក់ ឡានី អះអាង​ថា មនុស្ស​ចូលរួម​ប្រជុំ​ក្នុង​វេទិកា​ជាមួយ​អ្នកស្រី​ជាង ៧០​នាក់ ជា​សាក្សី​បញ្ជាក់​ថា អ្នកស្រី​មិន​បាន​ចោទ​ប្រកាន់​លោក ហ៊ុន សែន ថា​ជា​អ្នក​សម្លាប់​លោក​បណ្ឌិត កែម ឡី ទេ៖ «»។

សមាជិក​ព្រឹទ្ធសភា​គណបក្ស សម រង្ស៊ី នីតិកាល​ទី​៣ មណ្ឌល​ភូមិភាគ​ទី​២ អ្នកស្រី ថាក់ ឡានី ដែល​មាន​ស្រុក​កំណើត​នៅ​រតនគិរី មាន​កម្រិត​វប្បធម៌​ទូទៅ​សញ្ញាប័ត្រ​មធ្យមសិក្សា​កម្រិត​២ នៃ​វិទ្យាល័យ​ព្រះស៊ីសុវត្ថិ ក្រុង​ភ្នំពេញ។ សព្វថ្ងៃ​រស់​នៅ​រាជធានី​ភ្នំពេញ។ អ្នកស្រី​អាច​ប្រើ​ភាសា​ឡាវ ស្ទាត់ជំនាញ និង​អាច​ប្រើ​ភាសា​បារាំង បាន​មធ្យម ទាំង​អាន និង​សរសេរ។

អ្នកស្រី​ថា ឃ្លិប​វីដេអូ ដែល​ត្រូវ​បាន​គេ​បង្ហោះ​នោះ គឺ​កាត់​ចេញ​ពី​ការ​ថ្លែង​របស់​អ្នកស្រី​រយៈពេល​ជាង​មួយ​ម៉ោង​ក្នុង​ពេល​អ្នកស្រី​ចុះ​ពង្រឹង​រចនាសម្ព័ន្ធ​ឃុំ កាល​ពី​ថ្ងៃ​ទី​២៩ ខែ​កក្កដា នៅ​ខេត្ត​រតនគិរី។



ភ្លាមៗ​នេះ​ដែរ​លោក​នាយករដ្ឋមន្ត្រី ហ៊ុន សែន បាន​ប្រកាស​ទាំង​យប់​ថា នឹង​ប្ដឹង​សមាជិក​ព្រឹទ្ធ​សភា​បក្ស សម រង្ស៊ី អ្នកស្រី ថាក់ ឡានី បន្ទាប់​ពី​មាន​ឃ្លិប​វីដេអូ រយៈពេល​ជិត ២​នាទី​របស់​អ្នកស្រី ថាក់ ឡានី ចោទ​ប្រកាន់​ថា លោក ហ៊ុន សែន ជា​អ្នក​សម្លាប់​លោក កែម ឡី៖ «»។

​ក្នុង​ឋានៈ​ជា​នាយករដ្ឋមន្ត្រី លោក ហ៊ុន សែន បាន​បញ្ចេញ​ប្រតិកម្ម​តាម​រយៈ​អង្គភាព​ព័ត៌មាន ហ្វ្រែស ញូ (Fresh News)  ដោយ​ប្រកាស​ប្ដឹង​អ្នកស្រី ថាក់ ឡានី។ ប៉ុន្តែ​លោក​មិន​ទាន់​បញ្ជាក់​ពេល​វេលា​ជាក់លាក់​នៃ​ការ​ដាក់​ពាក្យ​បណ្ដឹង​នៅ​ឡើយ។ លោក​បញ្ជាក់​ថា បណ្ដឹង​របស់​លោក​មិន​មែន​ជា​ការ​ពិបាក​ទេ ព្រោះ​សមាជិក​ព្រឹទ្ធ​សភា​រូប​នេះ អាច​ត្រូវ​ដក​អភ័យឯកសិទ្ធិ​បាន​ដោយ​គណបក្ស​ប្រជាជន​កម្ពុជា ដែល​មាន​សំឡេង​លើស ២ ភាគ ៣។

បញ្ជាក់​បន្ថែម​លើ​រឿង​នេះ អ្នកនាំពាក្យ​គណបក្ស​ប្រជាជន​​កម្ពុជា លោក សុខ ឥសាន មាន​ប្រសាសន៍​ថា ការ​ដែល​លោក ហ៊ុន សែន ប្រកាស​ប្ដឹង​អ្នកស្រី ថាក់ ឡានី គឺ​ជា​ការពិត។ លោក​បន្ត​ថា ដោយសារ​អ្នកស្រី​និយាយ​បង្ខូច​កេរ្តិ៍ឈ្មោះ ប៉ះពាល់​សេចក្ដី​ថ្លៃថ្នូរ​របស់​លោក ហ៊ុន សែន ដែល​លើស​ពី​សេរីភាព​បញ្ចេញ​មតិ៖ «»។

លោក សុខ ឥសាន ថា ការ​ថ្លែង​របស់​អ្នកស្រី ថាក់ ឡានី ពិត ឬ​មិន​ពិត​នោះ ទុក​ឲ្យ​តុលាការ​ជា​អ្នក​វិនិច្ឆ័យ។

ចំណែក​អ្នកនាំពាក្យ​ទីស្ដីការ​គណៈរដ្ឋមន្ត្រី លោក ផៃ ស៊ីផាន មិន​ទាន់​បាន​ដឹង​ពី​ដំណើរ​ការ​ប្ដឹង​នេះ​ថា វិវឌ្ឍ​ដល់​ណា​នៅ​ឡើយ​ទេ។ ទោះ​បែប​នេះ​ក្តី លោក​យល់​ថា នៅ​ថ្ងៃ​ច័ន្ទ ដើម​សប្ដាហ៍​ក្រោយ​នឹង​មាន​បណ្ដឹង​ជា​ផ្លូវការ​ហើយ។

​ទោះ​យ៉ាង​ណា​ក្តី លោក​មេធាវី គី តិច ដែល​ធ្លាប់​ការពារ​ក្តី​ឲ្យ​លោក ហ៊ុន សែន បដិសេធ​មិន​ធ្វើ​អត្ថាធិប្បាយ​អ្វី​ទាំង​អស់​ទាក់ទង​ដំណើរ​ការ​រឿង​នេះ។

គេ​កម្រ​ឃើញ​អ្នកស្រី ថាក់ ឡានី ថ្លែង​ជា​សាធារណៈ​ទាក់ទង​នឹង​រឿង​នយោបាយ​ណាស់។ អ្នកស្រី​ជា​សមាជិក​ព្រឹទ្ធ​សភា​របស់​គណបក្សប្រឆាំង​ទី​ពីរ​ដែល​ប្រឈម​ផ្លូវ​ច្បាប់ បន្ទាប់​សមាជិក​ព្រឹទ្ធសភា​លោក ហុង សុខហួរ កំពុង​ជាប់​ឃុំ​នៅ​ពន្ធនាគារ​ទាំង​កំពុង​មាន​អភ័យឯកសិទ្ធិ​ក្រោម​បទ​ចោទ​ចំនួន ៣​បទល្មើស រួម​មាន​បទ​បន្លំ​ឯកសារ​សាធារណៈ បទ​ប្រើប្រាស់​ឯកសារ​សាធារណៈ​ក្លែងក្លាយ និង​បទ​ញុះញង់​ឲ្យ​ប្រព្រឹត្ត​បទឧក្រិដ្ឋ​ជាអាទិ៍។

អ្នកស្រី ថាក់ ឡានី ឲ្យ​ដឹង​ដែរ នៅ​ពេល​អ្នកស្រី​បញ្ចប់​បេសកកម្ម​ត្រឡប់​មក​ដល់​ភ្នំពេញ​វិញ អ្នកស្រី​នឹង​រក​មេធាវី​តតាំង​តាម​ផ្លូវ​ច្បាប់។ អ្នកស្រី​ស្នើ​ទៅ​លោក​នាយករដ្ឋមន្ត្រី ហ៊ុន សែន អោយ​គិតគូរ​រឿង​ប្រទេស​ជាតិ ជា​ជាង​រឿង​ប្ដឹងផ្ដល់​គ្នា និង​ស្នើ​ទៅ​ពលរដ្ឋ​ខ្មែរ​ឲ្យ​ជួយ​តាមដាន​មើល​ដើម្បី​ពិចារណា​រឿង​នេះ៕

2 comments:

Anonymous said...

This is Cambodia, the Kingdom of Wondershit !!

To find the real killer of Dr. Kem Ley is not important.

But accusing, then jailing someone for touching Ah Kouk Hun Sen's family is important.

If you see something is terribly wrong ( impunity ), and you don't fight to stop it, then keep dreaming...you will be slowly but surely become a new Champa soon.

Bun Thoeun

Anonymous said...

Ah Khou Kwang ma khak is in convulsion and dementia mode. No one can't say anything bad about him. Ah thok teap bat pha. Ah youn is poisonning him to kill khmers.
CPP team needs rabies shot OR Hanoi needs to send to the slaughter house.

The Huns will fit right with fake "ISIS".