A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Tuesday 31 May 2016

អង្គការ​សហប្រជាជាតិ​បារម្ភ​ពី​ការ​ចាប់​ខ្លួន​មន្ត្រី​បក្ស​ប្រឆាំង​នៅ​កម្ពុជា

អង្គការ​សហប្រជាជាតិ​បារម្ភ​ពី​ការ​ចាប់​ខ្លួន​មន្ត្រី​បក្ស​ប្រឆាំង​នៅ​កម្ពុជា
ដោយ យាង សុជាមេត្តា
2016-05-30

បាន គីមូន ៨៥៥ ២០១៦
អគ្គលេខាធិការ​អង្គការ​សហប្រជាជាតិ លោក បាន គីមូន (Ban Ki-moon) ថ្លែង​ក្នុង​សន្និសីទ​កាសែត​នៃ​កិច្ចប្រជុំ​កំពូល​មនុស្សធម៌​ពិភពលោក កាល​ពី​២៤ ខែ​ឧសភា ឆ្នាំ​២០១៦ នា​ទីក្រុង​អ៊ីស្តាន់ប៊ុល ប្រទេស​ទួរគី (Turkey)។
 AFP



មន្ត្រី​គណបក្ស​កាន់​អំណាច​លើក​ឡើង​ថា ស្ថានភាព​នយោបាយ​នៅ​កម្ពុជា មិន​មាន​បញ្ហា​អ្វី​គួរ​ឲ្យ​បារម្ភ​នោះ​ទេ។ ការ​លើក​ឡើង​ដូចនេះ គឺ​ជា​ការ​ឆ្លើយ​តប​ទៅ​នឹង​អគ្គលេខាធិការ​អង្គការ​សហប្រជាជាតិ លោក បាន គីមូន (Ban Ki-Moon) ដែល​បាន​សម្ដែង​ការ​បារម្ភ​ពី​ស្ថានភាព​នយោបាយ​កំពុង​តានតឹង​រវាង​បក្ស​កាន់​អំណាច និង​បក្ស​ប្រឆាំង​នៅ​កម្ពុជា ក្នុង​ពេល​បច្ចុប្បន្ន។

អស់​ពី​មន្ត្រី​ជំនាញ​ការពារ​សិទ្ធិ​មនុស្ស​អង្គការ​សហប្រជាជាតិ ដែល​កាល​ពី​ពេល​ថ្មីៗ​នេះ បាន​រិះគន់​ទៅ​លើ​ការ​រំលោភ​សិទ្ធិ​មនុស្ស​នោះ ឥឡូវ​នេះ​ប្រមុខ​អង្គការ​សហប្រជាជាតិ ក៏​កំពុង​បារម្ភ​ពី​ស្ថានភាព​នយោបាយ​នៅ​កម្ពុជា ទៀត​ដែរ។

បើ​ទោះ​បី​ជា​មាន​ការ​ព្រួយ​បារម្ភ​របស់​សហគមន៍​អន្តរជាតិ​បែប​ណា​ក្តី សម្រាប់​បក្ស​កាន់​អំណាច​ហាក់​ពុំ​សូវ​យក​ចិត្ត​ទុក​ដាក់​ឡើយ។

តំណាង​រាស្ត្រ និង​ជា​អ្នក​នាំ​ពាក្យ​គណបក្ស​ប្រជាជន​កម្ពុជា លោក សុខ ឥសាន មាន​ប្រសាសន៍​ថា ស្ថានភាព​នយោបាយ​នៅ​កម្ពុជា បច្ចុប្បន្ន គ្មាន​អ្វី​ដែល​គួរ​ឲ្យ​បារម្ភ​នោះ​ទេ។ ផ្ទុយ​ទៅ​វិញ​លោក​ថា រដ្ឋាភិបាល​កំពុង​ខិតខំ​ដើរ​ឲ្យ​ត្រឹមត្រូវ​តាម​គន្លង​ប្រជាធិបតេយ្យ និង​ពង្រឹង​នីតិរដ្ឋ ដែល​លោក​ថា​គោលការណ៍​ទាំងអស់​នេះ គឺ​ជា​ស្មារតី​នៃ​កិច្ច​ព្រមព្រៀង​សន្តិភាព​ទីក្រុង​ប៉ារីស។



លោក សុខ ឥសាន ថា​អ្វី​ដែល​កំពុង​កើត​ឡើង​ចំពោះ​មន្ត្រី​ការពារ​សិទ្ធិ​មនុស្ស និង​មន្ត្រី​បក្ស​ប្រឆាំង​បច្ចុប្បន្ន មិន​មែន​ជា​ទំនាស់​រវាង​បក្ស​កាន់​អំណាច និង​បក្ស​ប្រឆាំង​នោះ​ទេ តែ​វា​ជា​រឿង​របស់​បុគ្គល​ដែល​ត្រូវ​ទទួល​ខុស​ត្រូវ​ចំពោះ​មុខ​ច្បាប់៖ «រឿង​នេះ​មិន​មែន​គណបក្ស និង​គណបក្ស​ប្រកួត​ប្រជែង​ទាស់​គ្នា​ទេ តែ​ជា​រឿង​បុគ្គល​ឯកឧត្តម កឹម សុខា។ អ៊ីចឹង​ទេ​ខ្ញុំ​យល់​ថា ការ​ប្រឆាំង​ចំណាត់​ការ​របស់​តុលាការ ក៏ដូចជា​សមត្ថកិច្ច​ចំពោះ​ករណី​ឯកឧត្តម កឹម សុខា មិន​មាន​ការ​ប្រទាំង​ប្រទើស​គ្នា​ខ្លាំង​ទេ»។

សារព័ត៌មាន​រ៉យទ័រ (Reuters) កាល​ពី​ថ្ងៃ​ទី​២៩ ឧសភា បាន​ផ្សព្វផ្សាយ​ដោយ​ស្រង់​សម្ដី​អ្នក​នាំ​ពាក្យ​អង្គការ​សហប្រជាជាតិ ដែល​លើក​ឡើង​ថា អគ្គលេខាធិការ​អង្គការ​សហប្រជាជាតិ លោក បាន គីមូន កំពុង​ព្រួយ​បារម្ភ​ពី​ស្ថានភាព​នយោបាយ​តានតឹង​រវាង​គណបក្ស​ប្រជាជន​កម្ពុជា និង​គណបក្ស​សង្គ្រោះ​ជាតិ ពិសេស​គឺ​បារម្ភ​ពី​ការ​ចាប់​ខ្លួន និង​ការ​ប៉ុនប៉ង​ចាប់​ខ្លួន​មន្ត្រី​បក្ស​ប្រឆាំង។

ប្រមុខ​អង្គការ​សហប្រជាជាតិ ក៏​ទទូច​ឲ្យ​បក្ស​នយោបាយ​ទាំង​ពីរ វិល​ទៅ​រក​ការ​សន្ទនា​ប្រកប​ដោយ​ប្រជាធិបតេយ្យ និង​គ្មាន​ការ​គំរាម​កំហែង ដើម្បី​ធ្វើ​ឲ្យ​មាន​ស្ថិរភាព​នយោបាយ និង​សុខ​សន្តិភាព​ក្នុង​សង្គម។

គណបក្ស​ប្រឆាំង​កាល​ពី​ថ្ងៃ​ទី​៤ ឧសភា បាន​ផ្ញើ​លិខិត​ទៅ​កាន់​អគ្គលេខាធិការ​អង្គការ​សហប្រជាជាតិ លោក បាន គីមូន សុំ​អន្តរាគមន៍​ឲ្យ​លោក ជំរុញ​ទៅ​ប្រទេស​ហត្ថលេខី​នៃ​កិច្ច​ព្រមព្រៀង​សន្តិភាព​ទីក្រុង​ប៉ារីស កោះ​ប្រជុំ​ជា​បន្ទាន់ ដើម្បី​ដោះស្រាយ​បញ្ហា​នៅ​កម្ពុជា ពិសេស​គឺ​បញ្ហា​រំលោភ​សិទ្ធិ​មនុស្ស និង​ការ​ធ្វើ​ទុក្ខបុកម្នេញ​របស់​បក្ស​កាន់​អំណាច​មក​លើ​បក្ស​ប្រឆាំង។

មន្ត្រី​ជាន់​ខ្ពស់​បក្ស​ប្រឆាំង លោក សុន ឆ័យ ថ្លែង​នៅ​ថ្ងៃ​ទី​៣០ ឧសភា ថា ពេល​នេះ​មន្ត្រី​បក្ស​ប្រឆាំង​កំពុង​ធ្វើ​ការ​ដើម្បី​ជំរុញ​ឲ្យ​អង្គការ​សហប្រជាជាតិ ជួយ​ពី​បញ្ហា​នេះ។

កាល​ពី​ថ្ងៃ​ទី​១២ ឧសភា មន្ត្រី​ជំនាញ​ផ្នែក​សិទ្ធិ​មនុស្ស​នៃ​ឧត្តម​ស្នងការ​អង្គការ​សហប្រជាជាតិ ទទួល​បន្ទុក​សិទ្ធិ​មនុស្ស ក៏​បាន​ជំរុញ​ឲ្យ​រដ្ឋាភិបាល​កម្ពុជា បញ្ឈប់​ការ​ធ្វើ​បាប​ទៅ​លើ​មន្ត្រី​សង្គម​ស៊ីវិល និង​បក្ស​ប្រឆាំង។ ពួក​គេ​បាន​ទទូច​ឲ្យ​ស្ថាប័ន​ពាក់ព័ន្ធ បញ្ឈប់​នូវ​ការ​ចោទ​ប្រកាន់ ការ​កោះ​ហៅ​សាកសួរ និង​ដំណើរ​ការ​តុលាការ​ទៅ​លើ​មន្ត្រី​ការពារ​សិទ្ធិ​មនុស្ស។

ចំណែក​រដ្ឋាភិបាល​សហរដ្ឋ​អាមេរិក​វិញ អ្នក​នាំ​ពាក្យ​ស្ថានទូត​អាមេរិក​ប្រចាំ​កម្ពុជា លោក ជេ រ៉ាម៉េន (Jay Raman) ឲ្យ​ដឹង​តាម​សារ​អេឡិចត្រូនិក (Email) នៅ​ថ្ងៃ​ទី​៣០ ឧសភា ថា សហរដ្ឋ​អាមេរិក កំពុង​តាម​ដាន​យ៉ាង​ដិតដល់​ចំពោះ​ព្រឹត្តិការណ៍​ដែល​កំពុង​កើត​ឡើង​នៅ​រាជធានី​ភ្នំពេញ។ ស្ថានទូត​សហរដ្ឋ​អាមេរិក ក៏​ទទូច​ឲ្យ​បក្ស​ទាំង​ពីរ បង្ហាញ​ការ​អត់ធ្មត់ និង​ត្រូវ​ធានា​ថា សិទ្ធិ​សេរីភាព​នៃ​ការ​ប្រមូល​ផ្តុំ​ត្រូវ​បាន​គោរព។

ស្ថានទូត​សហរដ្ឋ​អាមេរិក កាល​ពី​ថ្ងៃ​ទី​២៦ ឧសភា ក៏​ទទូច​ឲ្យ​រដ្ឋាភិបាល​បញ្ចៀស​នូវ​ការ​ប្រើ​កម្លាំង​សមត្ថកិច្ច​មិន​ចាំបាច់ និង​មិន​សមាមាត្រ​លើ​បក្ស​ប្រឆាំង។ ការ​ទទូច​នេះ គឺ​បន្ទាប់​ពី​សមត្ថកិច្ច​ប្រដាប់​ដោយ​អាវុធ​គ្រប់​ដៃ ស្ទាក់​រថយន្ត​លោក កឹម សុខា និង​បាន​សម្រុក​ចូល​ទីស្នាក់ការ​បក្ស​ប្រឆាំង​ប៉ុនប៉ង​ចាប់​ខ្លួន​លោក កឹម សុខា។ សកម្មភាព​របស់​សមត្ថកិច្ច​ពេល​នោះ ត្រូវ​បាន​គេ​មើល​ឃើញ​ថា ហាក់​ដូចជា​សមត្ថកិច្ច​កំពុង​ធ្វើ​ប្រតិបត្តិការ​បង្ក្រាប​ក្រុម​ភេរវកម្ម​នៅ​ចំ​កណ្ដាល​ទីក្រុង៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​

2 comments:

Anonymous said...


Dear compatriots,

It is crystal clear that the evil Vietnam Yuon had found a true faithful servant named Hun Sen to facilitate its Vietnamization over Cambodia.

This one eye monster Hun Sen has proven time after time that he will never change his temperament, his conviction to stay in power to serve his master Yuon until the day he goes to hell.

In effect, the recent arrest and imprisonments of Khmer nationalists who dared to denounce the evil Vietnam's encroachment of borders underscored the notion that this devil Hun Sen was born to make Cambodia a second Champa.

In addition, this CPP knew that it is going to lose big in this next election. It is imperative that it launches some preemptive strikes to destroy the CNRP.

The vast majority of Khmer people have vehemently condemned the CPP and Hun Sen's actions.

But there are a few people such as Mam Sonando, Khem Veasna, etc ...who chastised the CNRP, citing that the CPP's erratic behaviors are the result of the CNRP joining the National Assembly. What a dumb judgment from these two fake heroes.

Presently, these two self proclaimed Khmer heroes ( Sonando, Veasna) have inadvertently served the CPP and Yuon.

I am still wondering what did Hun Sen do to make the evil Yuon believe that he will be a trustworthy dog for Vietnam ?

How many thousands of innocent Khmer people did Hun Sen kill to make Vietnam believe that he will be the right person to replace Pen Sovann and the right person to carry the execution of Ho Chi Minh's plan to swallow Cambodia ?

Khmer people must have perseverance, great determination and avoid going into Vietnam and Hun Sen's traps by NOT using violence. The CPP's secret agents or third hands might infiltrate into the crowd and create violence so that the monster Hun Sen has a pretext to crush Khmer people legally.

We must realize that death, prison, pain are naturally part of any struggle to liberate a country. Nothing is free in this world. We must help ourselves first before other help us.

Bun Thoeun

Anonymous said...

It's not only opposition party Hun sen arrest everything in moving sir and soon later will be UN worker and Radio Free Asia also. UN just make a statement is mean nothing for Hun sen because Hun Sen know UN will not do anything to him. It's more than 30 years already sir.