School of Vice: The country is on the verge of extinction, yet politicians are squabbling over "likes" on Facebook and mistresses!
...
ដោយ យាង សុជាមេត្តា
2016-03-10 rfa
លោក សម រង្ស៊ី ប្រធានគណបក្សសង្រ្គោះជាតិ ថ្លែងនៅអាកាសយានដ្ឋានអន្តរជាតិភ្នំពេញ ពេលត្រឡប់ពីប្រទេសម៉ាឡេស៊ី នៅថ្ងៃទី២៧ ខែមេសា ឆ្នាំ២០១៥។
RFA/Tin Zakariya
មន្ត្រីគណបក្សប្រជាជនកម្ពុជា ប្ដឹង លោក សម រង្ស៊ី ប្រធានគណបក្សសង្គ្រោះជាតិ ទៅកាន់តុលាការ។ ការសម្រេចប្ដឹង លោក សម រង្ស៊ី នេះ គឺក្រោយពី លោក សម រង្ស៊ី បានបង្ហោះនៅលើទំព័រហ្វេសប៊ុក (Facebook) ដែលថា មន្ត្រីបក្សកាន់អំណាចរូបនេះជាអ្នកនៅពីក្រោយការជំរុញឲ្យមនុស្សចូលរួមចុចចូលចិត្ត (Likes) លើទំព័រហ្វេសប៊ុករបស់ លោក ហ៊ុន សែន។
ប្រធានគណបក្សសង្គ្រោះជាតិ លោក សម រង្ស៊ី ដែលគេដឹងថាជាអ្នកនយោបាយប្រឆាំង ទទួលរងនូវការប្តឹងផ្តល់ពីបក្សកាន់អំណាចច្រើននោះ ពេលនេះ លោកត្រូវបានមន្ត្រីបក្សកាន់អំណាចដាក់ពាក្យបណ្ដឹងថែមមួយករណីទៀតហើយទៅកាន់តុលាការ។
ពាក្យបណ្ដឹងប្រឆាំង លោក សម រង្ស៊ី ពេលនេះ ធ្វើឡើងដោយសមាជិកគណៈកម្មាធិការកណ្ដាលគណបក្សប្រជាជនកម្ពុជា លោក សោម សឿន ក្រោយពី លោក សម រង្ស៊ី សរសេរលាតត្រដាងពីមូលហេតុដែលធ្វើឲ្យចំនួនអ្នកចុចចូលចិត្ត (Like) នៅលើទំព័រហ្វេសប៊ុករបស់ លោក ហ៊ុន សែន កើនចំនួនច្រើន។
ក្នុងពាក្យបណ្ដឹងផ្ញើទៅកាន់ព្រះរាជអាជ្ញានៃអយ្យការអមសាលាដំបូងរាជធានីភ្នំពេញ នៅថ្ងៃទី១០ មីនា លោក សោម សឿន លើកឡើងថា លោក សម រង្ស៊ី បានបង្ហោះអត្ថបទដែលមានខ្លឹមសារមួលបង្កាច់ខុសពីការពិតដែលថា លោក សោម សឿន បានណែនាំដល់មន្ត្រីរបស់ខ្លួន អ្នកគាំទ្រ និងបណ្ដាញ រួមទាំងមន្ត្រីរាជការស៊ីវិល ប៉ូលិស ទាហាន ដើម្បីបង្កើតគណនេយ្យហ្វេសប៊ុកក្លែងក្លាយ ក្នុងគោលបំណងផ្តល់ការចូលចិត្ត (Like) សិប្បនិម្មិតដល់ទំព័រហ្វេសប៊ុក លោក ហ៊ុន សែន។
លោក សោម សឿន ចាត់ទុកការបង្ហោះរបស់ លោក សម រង្ស៊ី នេះ ថាបានធ្វើឲ្យប៉ះពាល់ដល់កិត្តិយសថ្នាក់ដឹកនាំជាតិ និងរូបលោកធ្ងន់ធ្ងរ។ លោក សោម សឿន ទាមទារតុលាការឲ្យផ្ដន្ទាទោស លោក សម រង្ស៊ី តាមច្បាប់ និងទាមទារសំណងជំងឺចិត្តពី លោក សម រង្ស៊ី ចំនួន ២០លានរៀល ដែលស្មើប្រមាណ ៥ពាន់ដុល្លារអាមេរិក។
លោក សម រង្ស៊ី កាលពីថ្ងៃទី៩ មីនា បានសរសេរនៅលើទំព័រហ្វេសប៊ុកថា ថ្ងៃនេះមានធ្លាយព័ត៌មានមួយតាមរយៈកាសែតភ្នំពេញប៉ុស្តិ៍ ពីមតិចូលចិត្ត (Like) ក្លែងក្លាយលើទំព័រហ្វេសប៊ុករបស់ លោក ហ៊ុន សែន។ លោកថា ចំនួនចូលចិត្ត (Like) មួយចំនួនធំលើទំព័រហ្វេសប៊ុក លោក ហ៊ុន សែន គឺបានមកពីការទិញ ឬជួលមនុស្សក្រីក្រដែលអត់ការងារធ្វើ ឲ្យបង្កើតគណនេយ្យក្លែងក្លាយ ដើម្បីផ្តល់មតិចូលចិត្ត (Like) ឲ្យ លោក ហ៊ុន សែន។ លោក សម រង្ស៊ី សរសេរបន្តថា អ្នកដែលគេជួលឲ្យធ្វើបែបនេះច្រើនជាងគេ គឺនៅប្រទេសឥណ្ឌា (India) និងហ្វីលីពីន (Philippines)។
ក្នុងពេលជាមួយគ្នា លោក សម រង្ស៊ី ក៏បង្ហាញឯកសារដែល លោក សោម សឿន ណែនាំទៅកាន់មន្ត្រីរបស់ខ្លួន ជំរុញឲ្យផ្សព្វផ្សាយទំព័រហ្វេសប៊ុក លោក ហ៊ុន សែន ក្នុងគ្រប់កិច្ចប្រជុំចូលរួមផ្តល់មតិចូលចិត្តហ្វេសប៊ុក លោក ហ៊ុន សែន ចូលទំព័រហ្វេសប៊ុក លោក សម រង្ស៊ី ដើម្បីដកការចូលចិត្ត (Unlike) ព្រមទាំងរៀបចំក្រុមបច្ចេកទេសដើម្បីបង្កើតគណនេយ្យចូលចិត្តទំព័រហ្វេសប៊ុក លោក ហ៊ុន សែន ជាដើម។ ទោះបីជាយ៉ាងណា លោក សោម សឿន ថាការលើកឡើងរបស់ លោក សម រង្ស៊ី នេះ ជារឿងមិនពិតឡើយ។
វិទ្យុអាស៊ីសេរី បានសុំការឆ្លើយតបពី លោក សម រង្ស៊ី ចំពោះបណ្ដឹងប្ដឹងលោកពេលនេះ ប៉ុន្តែលោកមិនធ្វើអត្ថាធិប្បាយអ្វីឡើយ។ លោកគ្រាន់តែផ្ញើអត្ថបទសម្ដែងមតិរបស់អ្នកប្រើប្រាស់បណ្ដាញសង្គមហ្វេសប៊ុកមួយរូប ដែលសរសេរថា មន្ត្រីរាជការគ្រប់ស្ថាប័ន ជាពិសេសគឺគ្រូបង្រៀន ត្រូវបានគេបង្ខំឲ្យចុចចូលចិត្តទំព័រហ្វេសប៊ុក លោក ហ៊ុន សែន ហើយដកការចូលចិត្ត (Unlike) ពីហ្វេសប៊ុក លោក សម រង្ស៊ី វិញ។
នេះជាបណ្ដឹងប្ដឹងប្រឆាំង លោក សម រង្ស៊ី មួយបន្ថែមទៀត ខណៈមេបក្សប្រឆាំងរូបនេះ កំពុងនិរទេសខ្លួននៅក្រៅប្រទេស ដោយអំណាចដីកាតាមចាប់ខ្លួនរបស់តុលាការ ពាក់ព័ន្ធបណ្ដឹងបរិហារកេរ្តិ៍ លោក ហោ ណាំហុង រដ្ឋមន្ត្រីក្រសួងការបរទេស។ ក្រៅពីនោះ លោក សម រង្ស៊ី ក៏កំពុងជាប់បណ្ដឹងពីរផ្សេងទៀតដែរ គឺបណ្ដឹងបរិហារកេរ្តិ៍របស់ លោក ហេង សំរិន ប្រធានរដ្ឋសភា និងបណ្ដឹងពាក់ព័ន្ធនឹងការចូលរួមផ្សព្វផ្សាយផែនទីក្លែងក្លាយជាមួយ លោក ហុង សុខហួរ សមាជិកព្រឹទ្ធសភាគណបក្សប្រឆាំង៕
2 comments:
In the past, Khmer ancestors said there were "Chkuot Bey":
- Chkuot Srey
- Chkuot Sra
- Chkuot Labeng
In 2016, we have to add one more Ckuot: Ah Kwack Hun Sen Chkuot Neung Facebook.
ចង់តេសើចទេ រៀងធំជាងគេឥឡូវគឺ កែម សុខា មានស្នេហា សម រាំស៊ី មានសង្រ្គាម នឹង ហ៊ុន សែន តាមហ្វេសប៊ុក មើលទៅដូចជាឡប់អស់ហើយ វាក្លាយទៅជារឿងកូនក្មេង ឥតបានការ រឿងយួនយកដីបាត់អស់ ស្ងាត់ឈឹង ព្រោះម្នាក់ៗវាអ៊ួតខ្លួនពូកែហួស តែចុងក្រោយ យួនវាស៊ីដាច់ គេថា ស្ងាត់ដូចចោរលួចសេះ ព្រោះខ្មែរវាត្រូវថ្នាំយួន ហើយឡប់អស់ បានជាវាដូច្នេះ មកពីវារីកចម្រើនយួនខ្លាំងពេកមែនទេ? តើឃើញទេយួនវាស៊ីឆ្អែតឡើងស្ងាត់មាត់ឈឹង ឈ្លោះគ្នាឲ្យបានច្រើនទៅអស់លោក ។
Post a Comment