ដោយ ប្រាជ្ញ ចេវ
2015-12-02
 |
| ប្រធានគណបក្សសង្គ្រោះជាតិ លោក សម រង្ស៊ី (ឆ្វេង) និងប្រធានរដ្ឋសភា លោក ហេង សំរិន។
RFA
|
តំណាងអយ្យការអមសាលាដំបូងរាជធានីភ្នំពេញ ចោទប្រកាន់ លោក សម រង្ស៊ី មួយករណីទៀតហើយទាក់ទងរឿងបរិហារកេរ្តិ៍ លោក ហេង សំរិន ប្រធានរដ្ឋសភា។ ព្រះរាជអាជ្ញារង លោក វង្ស ប៊ុនវិសុទ្ធ កោះអញ្ជើញ លោក សម រង្ស៊ី មកឆ្លើយបំភ្លឺនៅសាលាដំបូងរាជធានីភ្នំពេញ នាព្រឹកថ្ងៃទី៤ ខែមករា ឆ្នាំ២០១៦ ដើម្បីសាកសួរ។ ទាក់ទងរឿងនេះ អ្នកនាំពាក្យគណបក្សសង្គ្រោះជាតិ ថាបណ្ដឹងនេះជារឿងនយោបាយសុទ្ធសាធ ហើយគណបក្សសង្គ្រោះជាតិ មិនតតាំងតាមផ្លូវច្បាប់ទេ គឺរកច្រកចេញតាមរយៈដំណោះស្រាយនយោបាយ។
តុលាការចេញដីកាកោះហៅ លោក សម រង្ស៊ី ប្រធានគណបក្សសង្គ្រោះជាតិ កាលពីថ្ងៃទី១ ខែធ្នូ តាមបណ្ដឹងរបស់ លោក ហេង សំរិន ដែលប្ដឹងចោទ លោក សម រង្ស៊ី ជុំវិញការសរសេរនៅលើទំព័រហ្វេសប៊ុក (Facebook) របស់ លោក សម រង្ស៊ី កាលពីថ្ងៃទី១៧ ខែវិច្ឆិកា ថា "យើងចងចាំថា របបកើតថ្ងៃ៧ មករា ១៩៧៩ បានឲ្យតុលាការរបស់គេកាត់ទោសប្រហារជីវិតសម្ដេចព្រះនរោត្ដម សីហនុ ដោយចោទព្រះអង្គថា ជាជនក្បត់ជាតិ"។
ដោយឡែកគណបក្សប្រឆាំង មិនបានបង្ហាញការព្រួយបារម្ភចំពោះដីការបស់តុលាការនេះទេ ប៉ុន្តែស្នើឲ្យតុលាការ និងស្ថាប័នពាក់ព័ន្ធ ស្វែងរកជនដៃដល់ផ្សេងទៀតដែលបង្កហិង្សាលើតំណាងរាស្ត្រគណបក្សសង្គ្រោះជាតិ ពីររូប។
អ្នកនាំពាក្យគណបក្សសង្គ្រោះជាតិ លោក យឹម សុវណ្ណ ថាក្តីក្ដាំនៅតុលាការនេះ គឺគណបក្សកាន់អំណាចជាអ្នកចង។ ដូច្នេះ ទុកឲ្យគណបក្សនេះជាអ្នកស្រាយ ប៉ុន្តែគណបក្សសង្គ្រោះជាតិ នៅតែរកដំណោះស្រាយនយោបាយ ឬវប្បធម៌សន្ទនានៃជំនួបកំពូលរបស់គណបក្សទាំងពីរ។ លោកបញ្ជាក់ថា ការបញ្ចេញមតិរបស់ លោក សម រង្ស៊ី កាលពីថ្ងៃទី១៧ ខែវិច្ឆិកា មិនធ្ងន់ធ្ងរដល់ថ្នាក់ជាប់បណ្ដឹងនៅតុលាការនោះទេ បើធៀបនឹងការរិះគន់នានារបស់ លោក សម រង្ស៊ី កន្លងមក៖ «»។
នេះជាសំណុំរឿងទីបីរបស់ លោក សម រង្ស៊ី នៅតុលាការ ខណៈដែលស្ថានការណ៍នយោបាយនៅកម្ពុជា កំពុងតានតឹង។ ប្រធានគណបក្សជំទាស់រូបនេះ កាលពីថ្ងៃទី១៣ ខែវិច្ឆិកា ត្រូវជាប់បទចោទបរិហារកេរ្តិ៍ លោក ហោ ណាំហុង ជាសាធារណៈ និងញុះញង់ឲ្យមានការរើសអើង។ បន្ទាប់មក គឺនៅថ្ងៃទី២០ ខែវិច្ឆិកា លោកត្រូវរងបទចោទប្រកាន់មួយទៀត គឺការសមគំនិតក្នុងអំពើក្លែងបន្លំឯកសារសាធារណៈ ប្រើប្រាស់ឯកសារសាធារណៈក្លែង និងញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម។ ក្រៅពីប្រធានគណបក្សប្រឆាំងជាប់បណ្ដឹងនៅតុលាការ កាលពីថ្ងៃទី១ ខែធ្នូ តុលាការ ចេញដីកាចាប់អ្នកកាន់ទំព័រហ្វេសប៊ុករបស់ លោក សម រង្ស៊ី ដែលជាជំនួយការរបស់ លោក ហុង សុខហួរ។
ផ្ទុយពីការលើកឡើងរបស់អ្នកនាំពាក្យគណបក្សសង្គ្រោះជាតិ អ្នកនាំពាក្យគណបក្សប្រជាជនកម្ពុជា លោក សុខ ឥសាន ថាតុលាការចេញដីកាព្រោះមានបណ្ដឹង ហើយបណ្ដឹង ព្រោះ លោក សម រង្ស៊ី ជាអ្នកបង្កឡើង។ លោកថា ការដែលមានបណ្ដឹងនៅពេលនេះ ព្រោះសាមីខ្លួនជាម្ចាស់បណ្ដឹង មិនអាចអត់ធ្មត់ចំពោះទង្វើរបស់ លោក សម រង្ស៊ី បន្តទៀតបាន ហើយវប្បធម៌សន្ទនាក៏មិនអាចរលត់បណ្ដឹងនៅតុលាការបានដែរ៖ «»។
មេធាវីតំណាង លោក ហេង សំរិន គឺលោក គី តិច ឲ្យដឹងថា ការដាក់បណ្ដឹងនេះ ធ្វើឡើងតាមការសម្រេចចិត្តរបស់ លោក ហេង សំរិន ចំពោះការសរសេររបស់ លោក សម រង្ស៊ី នៅបណ្ដាញសង្គមហ្វេសប៊ុក គឺប៉ះពាល់ដល់ លោក ហេង សំរិន ព្រោះក្នុងរបប លោក ហេង សំរិន គ្រប់គ្រង មិនបានកាត់ទោសសម្ដេចព្រះនរោត្តម សីហនុ ដូច លោក សម រង្ស៊ី លើកឡើងទេ។ លោកថា លោកបានដាក់ពាក្យប្ដឹងទៅតុលាការកាលពីថ្ងៃទី២០ ខែវិច្ឆិកា ហើយលោកក៏បានចូលបំភ្លឺលើបណ្ដឹងរួចហើយ មុនពេលតុលាការកោះហៅ លោក សម រង្ស៊ី៖ «»។
ទាក់ទងរឿងនេះដែរ មជ្ឈដ្ឋានជាតិ និងអន្តរជាតិ រិះគន់ការប្រើប្រព័ន្ធតុលាការនេះ។ សភាអឺរ៉ុប សមាជិកព្រឹទ្ធសភាអូស្ត្រាលី និងសភាអាស៊ាន អំពាវនាវឲ្យរដ្ឋសភាកម្ពុជា ផ្តល់អភ័យឯកសិទ្ធិសភាដល់ លោក សម រង្ស៊ី វិញ។ ចំណែកសភាអឺរ៉ុប ព្រមានផ្តាច់ជំនួយដែលមានទំហំទឹកប្រាក់ប្រមាណ ៤០០លានដុល្លារដល់កម្ពុជា។
នាយកប្រតិបត្តិក្រុមអ្នកច្បាប់ការពារសិទ្ធិកម្ពុជា លោកមេធាវី ហុង គឹមសួន និយាយថា ប្រសិនបើមានការកាត់ទោសសម្ដេចព្រះនរោត្ដម សីហនុ នៅក្នុងរបបគ្រប់គ្រងរបស់ លោក ហេង សំរិន មែន លោក សម រង្ស៊ី និយាយមិនខុសទេ ប៉ុន្តែលោកថា ក្នុងករណីគ្មានការកាត់ទោសសម្ដេច សីហនុ ដូច លោក សម រង្ស៊ី លើកឡើង គឺទាមទារឲ្យ លោក សម រង្ស៊ី ពន្យល់ឲ្យបានច្បាស់ថា លោកបានពាក្យសម្ដីនេះមកពីណា៖ «»។
មេធាវីរបស់ លោក សម រង្ស៊ី គឺលោកមេធាវី ជូង ជូងី យល់ថា បណ្ដឹងរបស់ លោក ហេង សំរិន មិនត្រឹមត្រូវនោះទេ ព្រោះបណ្ដឹងនេះធ្វើឡើងក្នុងពេល លោក ហេង សំរិន ជាប្រធានរដ្ឋសភា ដែលជាបុគ្គលសាធារណៈ៕
4 comments:
The Kangaroo Court,
You should summon Sam Rainsy for Farting on Hun Sen's head in 2010.
This kingdom of wonder is look more and more stupid, making Khmer people so embarrassed about having a crazy leader like Hun Sen. This scumbag Hun Sen is so cheap, cheaper than a crazy dog.
It remind us about the Fontaine Fable when the wolf accused the sheep of saying something bad about the wolf in a certain time. The sheep said at that time I was not even born. Then the wolf said if it was not you then it must be your parent or grand parent that said something bad about me. Then the wolf killed and ate the sheep.
Ah Roleuy Hun Sen Euy !! Why are you so cheap Ah Choy Marai !!
If you are the man of law
ah heng samrin should sue Ah king sihonouk after all he made the video of you being trator
Can people differentiate between Heng Samrin and Monkey?
Heng Samrin is not only look like Monkey, he also act like Yuon's monkey.
គ្រាន់តែអតីតមេចោរលួចគោនៅខេត្តស្វាយរៀងម្នាក់ក៏អាចឡើងជាប្រធានរដ្ឋសភា ហើយមានមហិច្ចតាហ៊ានលក់ទឺកដីកម្ពុជាឲ្យយួនដោយចិត្តឯងនេះទើបជាជនក្បត់ជាតិពិតប្រកដដោយមានហ៊ុន សែនជាមនុស្សរួមគំនិត តែអំពើព្រៃផ្សៃនេះមិនគិតខ្លួនឯង បែ ជាចោទលោកសំ រង្សី ផាជាជនក្បត់វិញ ដែលគាត់មិនបានលុយមួយជ្រុងសេន ឬលក់ដីមួយហិចតាអោយជនបរទេស ឯចំណែកពួកផ្លើមខ្មៅទាំងនេះវិញ កំទេចព្រៃឈើ,លក់ដី ឲ្យយួន,កាប់សម្លាប់រាស្សខ្មែររាល់ផ្ងៃមិនឈប់ឈរ ហើយក៏ប្រកាសខ្លួនឯងជាអ្នកស្នេហាជាតិ ឈុបព្រូះទៅសូម្បីតែឆ្កែក៏វាដឺងដែរមិនបាច់ចាំតែមនុស្សទេ CPP ត្រូវតែយល់ ជា ពិសេស សំអាចម៏ សាដាំហុ៊នសែន នឺងមេចោរលួចគោ ហេង សំរិន គឺជាមនុស្សផោកទាបបំផុត គួរខ្មាស់ប្រជារាស្សផង បើមិនខ្មាស់ឆ្កែ។
Post a Comment