ដោយ ប្រាជ្ញ ចេវ
2015-09-24 rfa
 |
| អនុប្រធានទី១នៃរដ្ឋសភា និងជាអនុប្រធានគណបក្សសង្គ្រោះជាតិ លោក កឹម សុខា ផ្ដល់បទសម្ភាសន៍ពេលចេញពីជួបសកម្មជន និងមន្ត្រីជាន់ខ្ពស់គណបក្សសង្គ្រោះជាតិ នៅពន្ធនាគារព្រៃស កាលពីថ្ងៃទី៩ កញ្ញា ឆ្នាំ២០១៥។
RFA/Morm Moniroth
|
អនុប្រធានគណបក្សសង្គ្រោះជាតិ និងជាអនុប្រធានរដ្ឋសភា លោក កឹម សុខា អះអាងថា លោកមិនរើសអើងជាតិសាសន៍ណាមួយឡើយ ប៉ុន្តែលោករើសអើងនរណាដែលដណ្ដើមយកដីខ្មែរ។ សង្គមស៊ីវិល ស្វាគមន៍សារនយោបាយនេះ។ ដោយឡែកមន្ត្រីរដ្ឋាភិបាល ថានេះជាពាក្យសម្ដីភូតភរ ព្រោះគណបក្សសង្គ្រោះជាតិ រើសអើងជនជាតិវៀតណាម។
អនុប្រធានគណបក្សសង្គ្រោះជាតិ លោក កឹម សុខា លើកឡើងថា គណបក្សសង្គ្រោះជាតិ មិនយកជាតិសាសន៍ណាធ្វើជាសត្រូវ ប៉ុន្តែរើសអើងតែនរណាចង់បានទឹកដីខ្មែរប៉ុណ្ណោះ។ ថ្លែងនៅចំពោះមុខជនជាតិចាម នៅថ្ងៃទី២៤ ខែកញ្ញា ក្នុងពិធីបុណ្យ “រ៉ូយ៉ាហាជី” ជាប្រពៃណីជនជាតិចាម នៅខេត្តកំពង់ឆ្នាំង លោក កឹម សុខា ថាលោកត្រូវតែតវ៉ាប្រឆាំងចំពោះអ្នកដែលចង់ឈ្លានពានយកទឹកដីខ្មែរ៖ «»។
សាររបស់មេដឹកនាំគណបក្សប្រឆាំងនៅពេលនេះ បន្ទាប់ពីលោកនាយករដ្ឋមន្ត្រី ហ៊ុន សែន កាលពីថ្ងៃទី២១ ខែកញ្ញា បានស្នើទៅអ្នករាយការណ៍ពិសេសរបស់អង្គការសហប្រជាជាតិ (អ.ស.ប) ទទួលបន្ទុកសិទ្ធិមនុស្សប្រចាំកម្ពុជា អ្នកស្រី រ៉ូណា ស្មីត (Rhona Smith) ឲ្យជួយពិនិត្យមើលទៅលើការរើសអើងពូជសាសន៍នៅក្នុងប្រទេសកម្ពុជា ដែលលោកយល់ថា ការរើសអើងនេះអាចធ្វើឲ្យប្រទេសមានសង្គ្រាម។
រដ្ឋលេខាធិការ និងជាអ្នកនាំពាក្យនៃទីស្ដីការគណៈរដ្ឋមន្ត្រី លោក ផៃ ស៊ីផាន យល់ថា ការថ្លែងរបស់ លោក កឹម សុខា នៅពេលនេះ ដើម្បីកេងចំណេញនយោបាយប៉ុណ្ណោះ។ លោកបន្តថា សកម្មភាពរបស់ លោក កឹម សុខា ឬគណបក្សសង្គ្រោះជាតិ កន្លងមក គឺមានការរើសអើងជនជាតិវៀតណាម ដែលខុសពីអ្វីដែល លោក កឹម សុខា និយាយនៅពេលនេះ៖ «»។
លោក ផៃ ស៊ីផាន បន្តទៀតថា គណបក្សសង្គ្រោះជាតិ តែងយកបញ្ហាវៀតណាម រឿងព្រំដែនកម្ពុជា-វៀតណាម ឬខ្មែរកម្ពុជាក្រោម ធ្វើជាទិសដៅរបស់ខ្លួន។
ចំណែកមន្ត្រីជាន់ខ្ពស់ផ្នែកសិទ្ធិមនុស្ស នៃសមាគមការពារសិទ្ធិមនុស្សអាដហុក (ADHOC) លោក នី ចរិយា ស្វាគមន៍សារនយោបាយរបស់អ្នកនយោបាយណា ដែលនិយាយពីការមិនប្រកាន់ពូជសាសន៍។ លោកថា ការថ្លែងរបស់ លោក កឹម សុខា ជាសារបង្ហាញទៅពលរដ្ឋខ្មែរ និងជនបរទេស មិនឲ្យមានការព្រួយបារម្ភពីការរើសអើងជាតិសាសន៍របស់គណបក្សមួយនេះ៖ «»។
ថ្លែងនៅសន្និសីទសារព័ត៌មានក្រោយបញ្ចប់ដំណើរទស្សនកិច្ចនៅប្រទេសកម្ពុជា អ្នករាយការណ៍ពិសេសរបស់អង្គការសហប្រជាជាតិ ទទួលបន្ទុកសិទ្ធិមនុស្សប្រចាំកម្ពុជា អ្នកស្រី រ៉ូណា ស្មីត បញ្ចេញទស្សនៈថា ការរើសអើងពូជសាសន៍ជាកង្វល់របស់រដ្ឋនីមួយៗ។ អ្នកស្រីបន្តថា នៅក្នុងលំហនយោបាយកម្ពុជា មិនគួរមានការរើសអើងពូជសាសន៍ ការស្អប់ខ្ពើមជនបរទេស និងការរើសអើងប្រភេទណាមួយឡើយ៕
No comments:
Post a Comment