Watch Alex's message in a video here.
ដោយ៖ ញឹម សុខន | ថ្ងៃអាទិត្យ ទី15 កុម្ភៈ 2015,
រូបលោក អាឡិច (រូបភាពពី បណ្តាញសង្គមFacebook)
សកម្មជនការពារបរិស្ថានដ៏លេចធ្លោម្នាក់នៅតំបន់ស្ទឹងជាយអារ៉ែងខេត្តកោះកុងអះអាងមកថា រដ្ឋាភិបាលបានកំណត់ថ្ងៃចាប់ខ្លួនលោកបើមិនចេញពីកម្ពុជាឲ្យបានត្រឹមចុងសប្ដាហ៍ក្រោយនេះ ។
សកម្មជនការពារបរិស្ថានលោក អាឡិច ឲ្យដឹងតាមវីដេអូឃ្លីបលើបណ្តាញសង្គមថា រដ្ឋាភិបាលបានចាត់ទុកលោកជាឆ្អឹងទទឹងកដែលតែងការពារបរិស្ថាននៅតំបន់អារ៉ែងប្រឆាំងក្រុមហ៊ុនចិនឈ្មោះស៊ីណូហាយដ្រូ ទប់ស្កាត់មិនឲ្យសាងសង់ទំនប់វារីអគ្គិសនីនៅតំបន់នោះដែលលោកយល់ថា គម្រោងនោះនឹងបំផ្លាញធម្មជាតិកម្ពុជាធ្ងន់ធ្ងរ ។
លោក អាឡិច អះអាងទៀតថា ថ្មីៗនេះនាយកដ្ឋានអន្តោប្រវេសន៍បានប្រាប់លោកឲ្យចាកចេញពីកម្ពុជាឲ្យបានមុនថ្ងៃទី២០ ខែកុម្ភៈ ឆ្នាំ២០១៥នេះជាកំហិត បើមិនដូច្នេះទេរូបគេនឹងត្រូវចាប់ខ្លួនក្រោមច្បាប់កម្ពុជាដោយសារលោកមិនត្រូវបានបន្តទិដ្ឋាការឲ្យស្នាក់នៅកម្ពុជាទៀតទេ ។
VOD មិនអាចសុំប្រតិកម្មតពីប្រធាននាយកដ្ឋានអន្តោប្រវេសន៍លោក សុខ ផល បានទេដោយគ្មានអ្នកទទួលទូរសព្ទ ចំណែកប្រធានស៊ើបអង្កេតនិងអនុវត្តន៍នីតិវិធី លោក អ៊ុក ហៃសីលា អះអាងថាមិនមែនជំនាញរបស់លោក ដោយលោកជំរុញឲ្យទៅសួរលោក សុខ វាសនា មន្ត្រីនាយកដ្ឋានជនបរទេសមិនអន្តោប្រវេសន៍ ដែលមិនអាចទាក់ទងបាន ។
លោក អាឡិច ជាជនជាតិអេស្បាញបានមករស់នៅលើទឹកដីកម្ពុជានេះជាច្រើនឆ្នាំ ចេះនិយាយភាសាខ្មែរច្បាស់ និងបានបង្កើតសមាគមការពារព្រៃឈើមួយឈ្មោះថា មាតាធម្មជាតិ ដែលមានសមាជិកភាគច្រើនជាជនជាតិដើមភាគតិចនៅតំបន់អារ៉ែង ។
សកម្មជនការពារបរិស្ថានមានសញ្ជាតិបរទេសមួយនេះធ្លាប់អះអាងថា ការដែលក្រសួងមហាផ្ទៃមិនបន្តទិដ្ឋាការឲ្យលោកស្នាក់នៅកម្ពុជាបន្តទៀត ជារឿងគុំគួនដោយសារលោកចេញមុខការពារបរិស្ថាននៅស្ទឹងជាយអារ៉ែង ។
យ៉ាងនេះក្តី តាមបណ្តាញសង្គម លោកអាឡិច អំពាវនាវរកការគាំទ្រពីពលរដ្ឋខ្មែរដើម្បីបានរស់នៅលើទឹកដីកម្ពុជាបន្តទៀត ក្នុងបំណងចង់បន្តចូលរួមការពារធនធានធម្មជាតិខ្មែរដ៏កម្រនៅខេត្តកោះកុងនេះ ៕
សូមសរសេរមកលោក ញឹម សុខន តាមរយៈ sokhorn@vodhotnews.com
2 comments:
I support you 1000 percents to live in Cambodia. You are a very special friend of Cambodia who tirelessly devote your times ,energy to save the environment. I admire your courage and commitment. You 'll be sorely missed and always in Khmer's hearts especially the people of Areng valley.I am sure YOU will be back one day soon.
I have already posted my support ,but like to say to you Alex. Your Khmer is great.
Post a Comment