A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Tuesday 30 September 2014

NEC promotes two of Im Soursdei's confidants គ​.​ជ​.​ប ​តែងតាំង​មន្ត្រី​ពីរ​នាក់​ទៀត​ជា​អ្នក​ស្និទ​នឹង​លោក អ៊ឹម សួស្តី​​

ដោយ៖​ ឡាយ សា​មាន និងអ៊ឹង ប៊ុនថន​​ | ថ្ងៃអង្គារ ទី30 កញ្ញា 2014 | 

ស្តាប់សំឡេង៖​

ចម្លងទុក
​គណៈកម្មាធិការ​ជាតិ​រៀបចំ​ការបោះឆ្នោត​ហៅ​កាត់​ថា គ​.​ជ​.​ប បាន​តែងតាំង​មន្ត្រី​ថ្មី​ពីរ​នាក់​ទៀត ដែលជា​អ្នក​ស្និទ​នឹង​លោក អ៊ឹម សួស្តី ឲ្យធ្វើ​ការបន្ថែ​មលើតួនាទី​ចា​ស់​។
​សេចក្តីសម្រេច ស្ដីពី​ការតែងតាំង​មន្ត្រី​បុគ្គលិក របស់​គ​.​ជ​.​ប កាលពី​ថ្ងៃ​ទី​១២​ខែ​កញ្ញា ដែល​VOD​ទទួលបាន​នៅ​ថ្ងៃ​អង្គារ​នេះ ឲ្យដឹងថា មន្ត្រី​ថ្មី​ទាំង​ពីរ​រូប​នោះ មាន​ថា​នៈ​ស្មើ នឹង​ប្រធាន​នាយកដ្ឋាន​។​
​សេចក្តីសម្រេច​បានតែតាំងង លោក សំ សាវុធ ជា​មន្ត្រីជាន់ខ្ពស់​នៃ​នាយកដ្ឋាន​សេវាកម្ម​ច្បាប់ និង​វិវាទកម្ម ទទួលបន្ទុក​ការងារ​ស្រាវជ្រាវ​ច្បាប់ និង​ដោះស្រាយ​ពាក្យបណ្តឹង ដែល​មាន​ឋានៈ​ស្មើ​ប្រធាន​នាយកដ្ឋាន​បន្ថែម​លើ​តួនាទី​ប​ច្ច​ប្បន្ន ជា​នាយក​ខុទ្ទកាល័យ គ​.​ជ​.​ប​។ ចំណែក លោក ថំ បណ្តូល ត្រូវបានតែងតាំង​ជា​មន្ត្រីជាន់ខ្ពស់​នៃ​នាយកដ្ឋា​ន​ប្រត្តិបត្តិការ ដែល​មាន​ឋានៈ​ស្មើ​ប្រធាន​នាយកដ្ឋាន​បន្ថែម​លើ​តួនាទី​ប​ច្ច​ប្បន្ន ជា​ជំនួយការ​ផ្ទាល់ប្រធាន គ​.​ជ​.​ប​។​
​លោក ទេព នីថា អគ្គលេខាធិការ គ​.​ជ​.​ប ថ្លែងថា ការតែងតាំង​នេះ ដោយសារ​មន្ត្រី​ពីរ​រូប​នោះ​មាន​ជំនាញ​ពិតប្រាកដ និង​ជា​អ្នកធ្វើការ​យូរ​មក​ហើយ​។​ លោកមានប្រសាសន៍ថា «ពីមុន​គាត់​នៅ​ជាមួយ​ខ្ញុំ​ ពី​មុន​គាត់​អគ្គលេខា​ធិការដ្ឋាន​ជាមួយ​ខ្ញុំ​ ដល់​ឥឡូវ​គ្រាន់​យើង​ត្រៀម​ដាក់គាត់​មក​វិញ ​ព្រោះ​ជា​មន្ត្រី​ជំនាញ​ដែល​ធ្លាប់​ធ្វើការ​នៅ​ គ.ជ.ប តាំង​ពី​[១៩]៩៨​ម្ល៉េះ។ លោក​ សំ សាវុធ ពីដើម​ជា​លេខា​ប្រតិបត្តិនៅ​អគ្គលេខាធិការ​ដ្ឋាន ហើយ​លោក​ ថំ បណ្តូល​ ជាលេខា​ធិការ​របស់​ខ្ញុំ​ពី​មុន​មក​​»។

​សម្រាប់ លោក ហង្ស ពុទ្ធា នាយក​ប្រតិបត្តិ​អង្គការ និចហ្វិច មានប្រសាសន៍ថា ការតែងតាំង​នេះ​ជា​សិទ្ធិ​របស់​គ​.​ជ​.​ប ។ ប៉ុន្តែ​លោក​យល់ថា ការតែងតាំង​បុគ្គលិក​ថ្មី​គួ​តែ​រងចាំ​គ​.​ជ​.​ប​ថ្មី ដើម្បី​កុំឲ្យ​ចំណាយ​ថវិកា​ខ្ជះខ្ជាយ​។​ លោកបញ្ជាក់ថា​​ «ការ​តែង​តាំង​សមាសភាព​ថ្មី​នេះ មិន​មែន​ជារឿង​ចំឡែក​អ្វី​ទេ ពី​ព្រោះ​ថា ជា​ទូទៅ​អំណាច​ស្ថិត​នៅ​លើ​ប្រធាន​ គជប ដល់ប្រធាន​ គជប គាត់​សម្រេចថា​ធ្វើ​អី​ហើយ​នោះវា​ជារឿង​ចាត់​ទុក​ថា ជារឿង​ផ្ទៃ​ក្នុង​របស់​ គជប ប្រហែល​ប្រជា​ពលរដ្ឋ​សម្លឹងទៅ​រក​ គជប ថ្មីជាជាង ប៉ុន្តែ គជប ចាស់មិន​ត្រូវ​ធ្វើ​អី​មួយ​ប៉ះពាល់​ដល់​ច្បាប់​នោះទេ​»។


​​លោក យឹម សុវណ្ណ អ្នកនាំពាក្យ​គណបក្ស​សង្គ្រោះ​ជាតិ យល់ថា ការតែងតាំង​នេះ​មិន​ប៉ះពាល់​ដល់​កិច្ចព្រមព្រៀង​នៃ​បក្ស​ទាំងពីរ​នោះទេ​។ ​ប៉ុន្តែ​លោក​ថា នៅ​មាន​ច្បាប់​ថ្មី​មក​ជំនួស អ្វីៗ​ដែល​ធ្វើ​ដោយ ​គ​.​ជ​.​ប នៅពេល​នេះ​នឹង​អស់​សុភាព​។​ លោកបន្តថា «មិន​ពាក់​ព័ន្ធ​អ្វីទៅ​នឹងកិច្ច​ការ​របស់​​ គជប ថ្មីនេះ នៅ​ពេល​ណា​ដែល​ គជប ថ្មីត្រូវ​បាន​បង្កើត​ឡើង​​គឺ​កិច្ច​ការ​យើង​ត្រូវ​រៀបចំ​ឡើង​វិញ ស្របតាម​ច្បាប់​ដែល​បាន​បង្កើត​ថ្មី​»។

​​កាលពី​ថ្ងៃ​ទី​២២ ខែកក្កដា​ឆ្នាំ​២០១៤ គណបក្ស​ប្រជាជន​កម្ពុជា និង គណបក្ស​សង្គ្រោះ​ជាតិ បាន​ឯកភាពគ្នា​ធ្វើកំណែទម្រង់​ស្ថាប័ន​រៀបចំ​ការបោះឆ្នោត​នេះ​ឲ្យ​ឯករាជ្យ ដោយសារ​មាន​ការ​ចោទថា ការបោះឆ្នោត​កន្លងមក មិន​យុត្តិធម៌​។​
​​ដោយឡែក​នៅ​ថ្ងៃ​ពុធ​ស្អែក​នេះ រដ្ឋសភា​នឹង​ប្រជុំ​ធ្វើ​វិសោធនកម្ម​ច្បាប់​រដ្ឋធម្មនុញ្ញ​ដើម្បី​ដាក់​គ​.​ជ​.​ប ទៅក្នុង​ស្ថាន​ប័ន​កំពូល​នេះ​៕
សូមសរសេរមកកាន់លោក ឡាយ សា​មាន តាមរយៈ samean@vodhotnews.com

No comments: