មេទ័ពថៃព្រមានថា កងទ័ពនឹងចូលអន្តរាគមន៍ភ្លាមប្រសិនស្ថានការណ៍ហិង្សាផ្ទុះឡើង
លោកឧត្តមសេនីយ៍ ប្រាយុទ្ធ
ចាក់អ៊ូចា មេបញ្ជាការកងទ័ពថៃ ប្រកាសថា កងទ័ពបានត្រៀមរួចហើយ
ដើម្បីចូលគ្រប់គ្រងស្ថានការណ៍ នៅក្រុងបាងកកប្រសិន
ស្ថានការណ៍នយោបាយក្លាយជាហិង្សា បន្ទាប់ពីលោករកឃើញថា
មានក្រុមមនុស្សមួយក្រុមជាអ្នកបង្កហិង្សា។
លោកឧត្តមសេនីយ៍និយាយថា បើទោះជាយ៉ាងណា
កងទ័ពត្រូវបំពេញតួនាទីរបស់ខ្លួនក្នុង ក្របខណ្ឌអព្យាក្រឹត្យ
និងឥតលម្អៀង ហើយប៉ូលីសនឹង បំពេញភារកិច្ចរបស់ខ្លួនទៅតាមច្បាប់
និងភស្តុតាងដែលមាន។
លោកបញ្ជាក់ថា តួនាទីរបស់កងទ័ពត្រូវការពារជាតិ និងអនុវត្តសិទ្ធិរបស់ខ្លួន ដែលបានកំណត់ដោយច្បាប់។
យ៉ាងនេះក្ដី លោកបានថ្កោលទោស ក្រុមមនុស្សដែលធ្វើសកម្មភាពឲ្យមានហិង្សាកើតឡើងកន្លងមក។
នៅក្នុងការតវ៉ាបិទផ្លូវក្រុងបាងកក
និងហ៊ុមព័ទ្ធស្ថាប័នរដ្ឋមួយចំនួន នៅរយៈពេលចុងក្រោយនេះ
មានសេចក្ដីរាយការណ៍ថា មានមនុស្សស្លាប់ជិត១០នាក់
និងរងរបួសជិត៥០នាក់ ហើយអាជ្ញាធរបានចាប់ជនងស្ស័យ
បានចំនួន៤នាក់ដែលវាយប្រហារគ្រឿងផ្ទុះ
ចូលគេហដ្ឋានរបស់មេបក្សប្រឆាំង គឺលោក អាប់ភីស៊ីត នៅក្រុងបាងកក។
ទីក្រុងបាងកក ត្រូវដាក់ឲ្យស្ថិតនៅក្រោមច្បាប់គ្រាមានអាសន្ន
រយៈពេល៦០ថ្ងៃ គឺដើម្បីគ្រប់គ្រងស្ថានការណ៍
ខណៈពេលបាតុករប្រឆាំងរដ្ឋាភិបាលបន្តហ៊ុមព័ទ្ធក្រុងបាងកក រយៈពេល
១០មកហើយ៕ ប្រែសម្រួលដោយ៖ នួន បូរិន (http://vodhotnews.com)
សូមសរសេរមកកាន់ លោក នួន បូរិន តាមរយៈ
narinnun@vodhotnews.com
No comments:
Post a Comment