ដោយ៖ តាំង វីដា | ថ្ងៃចន្ទ័ ទី2 ខែកញ្ញា ឆ្នាំ2013, VoD
គណបក្សសង្គ្រោះជាតិ នៅថ្ងៃចន្ទនេះ
ជូនដំណឹងទៅសាលារាជធានីភ្នំពេញ ពីគម្រោងមហាបាតុកម្មអហិង្សា
នៅទីលានប្រជាធិបតេយ្យ នាព្រឹកថ្ងៃទី៧ ខែកញ្ញា ឆ្នាំ២០១៣ខាងមុខ
ដើម្បីទាមទារឲ្យបង្កើតគណៈកម្មការពិសេសស៊ើបអង្កេតលទ្ធផលបោះឆ្នោត។
សេចក្តីជូនដំណឹងរបស់គណបក្សសង្គ្រោះជាតិ
ផ្ញើទៅកាន់អភិបាលនៃគណៈអភិបាលរាជធានីភ្នំពេញ លោក ប៉ា សុជាតិវង្ស
ឲ្យដឹងថា គណបក្សសង្គ្រោះជាតិ នឹងរៀបចំមហាបាតុកម្មអហិង្សា
ដោយសន្តិវិធី ដោយមានការតាំងសមាធិ ការបួងសួងដោយស្ងប់ស្ងៀម
និងការសម្តែងមតិរបស់បាតុករ នៅទីលានប្រជាធិបតេយ្យ សង្កាត់វត្តភ្នំ
ខណ្ឌដូនពេញ វេលាម៉ោង៧ព្រឹក។
សេចក្តីជូនដំណឹងនេះ បន្តថា ពិធីបួងសួងនេះ ដឹកនាំដោយ លោក សម រង្ស៊ី
និងលោក កឹម សុខ ប្រធាន និងអនុប្រធានគណបក្សសង្គ្រោះជាតិ
ដោយមានបាតុករចូលរួមប្រមាណ ២ម៉ឺននាក់។ ចំណែកអ្នកដឹកនាំបាតុកម្ម
គឺមន្ត្រីជាន់ខ្ពស់គណបក្សរួមមាន លោក ម៉ៅ មុនីវណ្ណ លោក ហូរ វ៉ាន់
និងលោក គួយ ប៊ុនរឿន។
គួររំលឹកថា
បន្ទាប់ពីការកិច្ចប្រជុំជាមួយតំណាងគណបក្សសង្គ្រោះជាតិ
សាលារាជធានីភ្នំពេញ
បានអនុញ្ញាតឲ្យគណបក្សប្រឆាំងដឹកនាំធ្វើមហាបាតុកម្មនេះ៕
សូមសរសេរមកកាន់ លោក តាំង វីដា តាមរយៈ vida@vodhotnews.com
No comments:
Post a Comment