The ruling CPP request authority to take actions against those who fabricated a tape recording to show Mr. Hun Sen admitted that the CPP has lost the election ​[What about Mr. Hun Sen and his CPP edited and fabricating and broadcast all secret recordings of Mr. Kem Sokha and Mr. Sam Rainsy attacking each other?] គណបក្ស​ប្រជាជន​កម្ពុជា ស្នើ​ចាត់វិធានការ​លើ​ក្រុម​ប្រឌិត​ខ្សែអាត់​សំឡេង​​ [ចុះចំណែកលោកហ៊ុនសែនលួចថតនិងកាត់តសម្លេងលោកកឹមសុខានិងលោកសមរង្ស៊ីនោះ គិតយ៉េនណាដែ?]

ដោយ៖​ លោក ស៊ុន ណារិន​​ | ថ្ងៃចន្ទ័ ទី19 ខែសីហា ឆ្នាំ2013, VoD

គណបក្ស​ប្រជាជន​កម្ពុជា សំណូមពរ​ឲ្យ​អាជ្ញាធរ និង​ស្ថាប័ន​មាន​សមត្ថកិច្ច ចាត់វិធានការ​ម៉ឹងម៉ាត់ ដើម្បី​រារាំង​ទប់ស្កាត់​នូវ​សកម្មភាព​បំបាន​ច្បាប់​របស់​អ្នក ដែល​បង្កើត​នូវ​ខ្សែអាត់​មួយ និយាយ​ពី​ការសារភាព​របស់​នាយ​ក​រដ្ឋមន្ត្រី អំពី​ការ​ចាញ់​ការបោះឆ្នោត​។

​កាលពី​ថ្ងៃអាទិត្យ ម្សិលមិញ វីដេអូ​ខ្សែអាត់​សំឡេង​របស់​លោកនាយក​រដ្ឋមន្ត្រី ហ៊ុន សែន ដែល​បាន​សារភាពថា គណបក្ស​ប្រជាជន​កម្ពុជា ចាញ់​ការបោះឆ្នោត ត្រូវ​បាន​បង្ហោះ​តាម​បណ្តាញ​សង្គម​ហេ្វស​ប៊ុក ដែល​ធ្វើឲ្យ​ប្រជាពលរដ្ឋ សង្ស័យ​ថា​នេះ​ជា​សម្តី​ពិត​របស់​នាយក​រដ្ឋមន្ត្រី ឬក៏​យ៉ាងណា​។​

​ក្នុង​វីដេអូ​ក្លីប​នោះ បានលើកឡើង​ពី​សម្តី​នាយករដ្ឋមន្ត្រី​ថា​៖ « ​បច្ចុប្បន្ន ម៉ោង​នេះ ថ្ងៃនេះ គណបក្ស​ប្រជាជន​កម្ពុជា ចាញ់ឆ្នោត​ទៅហើយ​។  អា​ហ្នឹង​គឺ​ថ្នាក់ដឹកនាំ​គណបក្ស​ប្រជាជន​កម្ពុជា ដឹង​ច្បាស់​ហើយ នៅសល់​តែ​ថ្នាក់​ក្រោម​ទេ ដែល​នៅ​ស្រពេចស្រពិល​។  ខ្ញុំ​ចង់​បញ្ជាក់ ថ្នាក់ក្រោម​គណបក្ស​ប្រជាជន​កម្ពុជា អត់​ទាន់​ដឹង​ទេ​ថា ខ្លួនឯង​ចាញ់​ទៅហើយ​។  ហ្នឹង​ខ្ញុំ​ពន្យល់​ទៅ​សកម្មជន​ទាំង​អស់​ឲ្យ​ផ្សព្វផ្សាយ​»​។​

​សេក្តីថ្លែងការណ៍​របស់​គណបក្ស​ប្រជាជ​ន​ កម្ពុជា ចេញផ្សាយ​នៅ​ថ្ងៃទី​១៩​ខែ​សីហា បាន​បដិសេធ​ដាច់ខាត​លើ​ខ្សែអាត់​សំឡេង​នេះ ដោយ​ហៅ​ថា​នេះ​ជា​សកម្មភាព​បំពាន​ច្បាប់ ដែល​ក្រុម​ទុច្ចរិត​មួយ​ចំនួន តែងតែ​បង្ក​ឡើង​ឥតឈប់ឈរ នៅក្នុង​ពេល​ប្រជាជន​កម្ពុជា កំពុង​ត្រូវការ​នូវ​ភាពស្ងប់ស្ងាត់ ដើម្បី​ប្រកប​របរ​ចិញ្ចឹមជីវិត​ជា​ធម្មតា​។​

​ខ្សែអាត់​សំឡេង ដែល​គណបក្ស​ប្រជាជន​កម្ពុជា បាន​បដិសេធ ជា​ខ្សែអាត់​ក្លែងក្លាយ កើតចេញ​ពី​ការកាត់ត​សុន្ទរកថា​ជា​សាធារណៈ​របស់​លោកនាយ​ក​រដ្ឋមន្ត្រី កាលពី​ថ្ងៃ​ទី​១៦ ខែ​ឧសភា ឆ្នាំ​២០១៣ ក្នុងពេល លោក​បាន​រិះគន់​ចំពោះ​ព្រះអង្គម្ចាស់ ស៊ីសុវត្ថិ ធម្មិកោ​។ លោកនាយក​រដ្ឋមន្ត្រី មាន ប្រសាសន៍ថា​៖«.......ខ្ញុំ ​ក៏​បាន​បញ្ជាក់​ឱ្យ​ប្រជារាស្ត្រ​ដឹង​ពី​ចំណុច​សំខាន់​ថា ទី​១ បើសិនជា​យើង​ឈរ​លើ​តួលេខ​ការបោះឆ្នោត​ឃុំ​/​សង្កាត់ ឆ្នាំ​២០១២ កន្លងមកនេះ គឺ​យើង​ឃើញថា គណបក្ស​ប្រជាជន​ចាញ់​ទៅហើយ​។  គណបក្ស​ប្រជាជន​កម្ពុជា បានតែ ៣​លាន ៥​សែន​ទេ ឯ ៦​លាន​ទៀត គឺ​អត់​បាន​បោះឆ្នោត​ឱ្យ​គណបក្ស​ប្រជាជន​ទេ​។  ហេតុ​អី​បាន​ជា​អ្នកប្រឆាំង​អត់​បាន​ឈ្នះ ដោយសារ​តែ​ការបែកបាក់​គ្នា​។ គណបក្ស​ប្រជាជន​កម្ពុជា បាន ៣​លាន​៥​សែន​សំឡេង ហើយ​គណបក្ស​សង្គ្រោះ​ជាតិ ដែល​សង្ឃឹមថា​នឹង​យក ៦​លាន​សំឡេង បានន័យថា បច្ចុប្បន្ន ម៉ោង​នេះ ថ្ងៃនេះ គណបក្ស​ប្រជាជន​កម្ពុជា ចាញ់ឆ្នោត​ទៅហើយ គឺ​ថ្នាក់​ដឹកនាំ​គណបក្ស​ប្រជាជន​កម្ពុជា ដឹង​ច្បាស់​ហើយ នៅសល់​តែ​ថ្នាក់​ក្រោម​ទេ ដែល​នៅ​ស្រពេចស្រពិល​។  ខ្ញុំ​ចង់​បញ្ជាក់ ថ្នាក់ក្រោម​គណបក្ស​ប្រជាជន​កម្ពុជា អត់​ទាន់​ដឹងខ្លួន​ទេ ថា​ខ្លួនឯង​ចាញ់​ទៅហើយ​។  អាហ្នឹង​ខ្ញុំ​ពន្យល់​ទៅ​សកម្មជន​ទាំង​អស់​ឲ្យ​ផ្សព្វផ្សាយ​»៕

សរសេរមកកាន់ លោក ស៊ុន ណារិន តាមរយៈsun_narin@vodhotnews.com​