Khmerization

ការពិតពីប្រវត្តិបង្គោលព្រំដែនកម្ពុជា-ថៃលេខ​ ៥០! សូមជួយអាន និងចុច Share ផងបងប្អូន កុំឲ្យមានការភាន់ច្រឡំ កើតឲ្យមានជម្លោះ!

September 18, 2016 ចំណេះដឹងសង្គម, ពត៌មាន

ដើមឡើយបង្គោលនេះស្ថិតនៅព្រំប្រទល់រវាងប៉យប៉ែតជាមួយស្រុកអារញប្រៈថេត ខេត្តស្រះកែវប្រទេសថៃ។ នៅសម័យសង្គ្រាមលោកលើកទី២ ប្រទេសជប៉ុនបានចូលមកដល់តំបនឥណ្ឌូចិន ដោយចូលមកដល់ប្រទេសកម្ពុជានៅក្នុងឆ្នាំ១៩៤១។

ការទទួលបានជោគជ័យរបស់ជប៉ុនបាននាំឲ្យថៃទទួលបានខេត្តចំនួន៣ដែលខ្លួនធ្លាប់គ្រប់គ្រងត្រឡប់ទៅវិញដូចជា ខេត្តបាត់ដំបង ស្វាយស៊ិសុផុន និងសៀមរាប។ ដោយហេតុនេះថៃបានដកបង្គោលព្រំដែនលេខ ៤៩ និង ៥០ ដែលធ្លាប់បានបោះជាមួយបារាំងក្រោមសន្ធិសញ្ញា បារាំង-សៀម ២៣ មិនា ១៩០៧ ត្រង់អារញប្រៈថេតចេញ។

បង្គោលព្រំដែនពីរដើមនេះត្រូវបានគេយកទៅរក្សាទុកនៅកន្លែងពីរផ្សេងគ្នាដោយបង្គោលលេខ៤៩ត្រូវបាននាំទៅរក្សានៅបន្ទាយទាហានជើងគោកលេខ១១ និងបង្គោលលេខ ៥០ ត្រូវមេទ័ពថៃឈ្មោះ ម័ងកន ព្រហ្មយោធី យកទៅរក្សាទុក (ផ្ទះគាត់) រួចត្រូវបានរក្សាបន្តមកដល់ទាយាទជំនាន់ក្រោយ។


បច្ចុប្បន្ននេះបង្គោលព្រំដែនលេខ៥០នេះត្រូវបានកូនចៅមេទ័ពថៃរូបនោះប្រគល់ឲ្យ ក្រុមសិល្បៈករ (នាយកដ្ឋានមួយរបស់ក្រសួងវប្បធម៌ថៃ) ដើម្បីយកទៅដាក់តាំងបង្ហាញនៅសារមន្ទីរជាតិប្រជីមបុរី។ ថ្មីៗសារមន្ទីរជាតិនៃទីក្រុងបាងកកបាននាំយកដាក់បង្ហាញនៅមុខព្រះទីន័ងពុទ្ធធាយសុវណ្ណក្នុងពិព័រណ៍ពិសេសមួយឈ្មោះថា Musuem Expo។ ***សូមចែករំលែកបន្តកំុឲ្យមានការភាន់ច្រឡំនាំឲ្យកើតជម្លោះរវាងគ្នានិងគ្នា។ ប្រភពរូបភាព Dexnd Deng និងដកស្រង់អត្ថបទទាំងស្រុងពីបង: Sirang Leng។ សូមអរគុណបងដែលបានស្រាវជ្រាវឲ្យដឹងពីកាលពិត៕