កោះត្រល់

ឧត្តមគតិបញ្ញាវន្តខ្មែរ

កោះត្រល់
.............

កោះត្រល់ ដែលសព្វថ្ងៃកាន់កាប់ខុសច្បាប់ ដោយប្រទេសយួនដោយដាក់ឈ្មោះថ្មីថា Phú Quốc កោះត្រល់ ជាកោះរបស់កម្ពុជា ដែលមានចម្ងាយប្រមាណ១៥គមពីឆ្នេរសមុទ្រកម្ពុជា និង មានចម្ងាយប្រហែល៤៥គមពីខេត្តពាម កម្ពុជាក្រោម (ប្រទេសវៀណាមសព្វថ្ងៃ)។ កោះនេះមានផ្ទៃក្រឡា ៥៧៤គមការ៉េ ហើយមានទំហំជិតប៉ុនប្រទេសសិង្ហបូរី នៅលើកោះមានប្រជាជនប្រម៉ាណជា៥សែននាក់ក្នុងនោះមានប្រជាជនខ្មែរប្រហែលជា ២០០គ្រួសារ រួមបញ្ចូលទាំងខ្មែរកម្ពុជាក្រោម និងខ្មែរដែលមកពីខេត្តកំពត ក្រៅពីនោះសុទ្ធសឹងតែជាប្រជាជនយួន។

ប្រជាជនយួនដែលមករស់នៅទីនោះយូរបំផុតតាំងពីឆ្នាំ២០០០។ កោះនេះកាន់កាប់ដោយរដ្ឋាភិបាលកម្ពុជាតាំងពីកកើតរហូតមក នៅក្រោយរបបប្រល័យពូជសាស្រ្តខ្មែរក្រហមកោះនេះមិនមានមូលដ្ឋានទ័ពរបស់កម្ពុជាទៀតទេ តែបើទោះជាពុំមានមូលដ្ឋានទ័ពក៏ដោយតែប្រជាជនខ្មែរមួយចំនួនក៏រស់នៅប្រកបរបរចិញ្ចឹមជាធម្មតា។

ប៉ុន្តែក្រោយមកទៀតដោយ សារតែមិនមានការយកចិត្តទុកដាក់ពីរាជរដ្ឋាភិបាលកុម្មុនិស្តកម្ពុជាកោះនោះក៏ត្រូវពួកនេសាទជនជាតិយួនមកនេសាទនឹងរស់នៅទីនោះជាទីសុំចត ក្រោយមកទៀតរដ្ឋបាលយួនក៏មកមន្តិចម្តងៗ ដោយគ្មានការយកចិត្តទុកដាក់របស់រដ្ឋាភិបាលកម្ពុជា និងក្រោយមកមានសន្ធិសញ្ញាបំពេញបន្ថែមរបស់លោកនាយករដ្ឋមន្រ្តី ហ៊ុន សែនកាលពីឆ្នាំ២០០៥ បានធ្វើឲ្យកោះត្រល់ដែលជាទីស្រឡាញ់របស់ប្រជាជាតិខ្មែរត្រូវបានបាត់បងពីផែនទីរបស់ខ្លួនទៅវិញ។ សព្វថ្ងៃកោះនេះត្រូវបានរដ្ឋាភិបាលយួនមកកាន់កាប់ដោយខុសច្បាប់នៅលើបូរណភាពទឹកដីនៃព្រះរាជាណាចក្រកម្ពុជា។



កោះត្រល់មានឆ្នេរសមុទ្រសរុបជាង១០០គម ហើយមានឆ្នេរស្អាតៗជាច្រើន តែគួរឲ្យស្តាយណាស់កោះនេះមិនមាននៅសេសសល់ឈ្មោះខ្មែរសូម្បីតែមួយម៉ាត់។ បើនិយាយពីរមណីយដ្ឋាននៅទីនោះ រួមមាន ទឹកឆាឬ ទឹកធ្លាក់ មាន២កន្លែង ១ រមណីយដ្ឋានទឹកឆា គំនូរ (SUOI TRANH) ២ រមណីយដ្ឋានទឹកឆា ថ្មតុក (SUOI DA BAN) មានឆ្នេរស្អាតៗជាច្រើនទៀតដូចជា ១ ឆ្នេរផ្កាយ (BAI SAO) ២ ឆ្នេរធំ (BAI THOM) ៣ ឆ្នេរវែង (BAI DAY) និងឆ្នេរមួយចំនួនធំទៀតដែលមិនបានរៀបរាប់អស់នៅក្នុងអត្ថបទនេះ។

កោះនេះមានឆ្នេរចំនួន២ប្រភេទឆ្នេរមួយប្រភេទដែលនៅខាងត្បូងកោះជាឆ្នេរមួយដែលអំណោយផលដល់វិស័យទេសចរណ៍សម្រាប់ជិះទូកលើរលក និងជិះទូកប្រដេញខ្យល់យ៉ាងសប្បាយ ព្រោះឆ្នេរនេះមានខ្យល់ខ្លាំងហើយរលកធំៗ ដែលអំណោយផលទៅដល់ទេសចរណ៍ប្រភេទនេះ ចំណែកឆ្នេរខាងជើងកោះជាឆ្នេរស្ងប់ខ្យល់ដូចនៅក្រុងព្រះសីហនុ ដោយសារស្ងប់ខ្យល់នេះហើយវាអំណោយផលដល់ការងូតទឹកកម្សាន្តរបស់ភ្ញៀវទេសចរ ហើយឆ្នេរនេះមានខ្សាច់សក្បុសស្អាតហួសនឹងថ្លែង។ កោះត្រល់មានហេដ្ឋារចនាសម្ព័ន្ធដូចជា ស្ពាន ថ្នល់ អាកាសយានដ្ឋាន និងរមណីយដ្ឋា សណ្ឋាគារ ផ្ទះសំណាក់ ទីផ្សារ ផ្សាររាត្រី លក់គ្រឿងសមុទ្រស្រស់ៗ និងវត្ថុអនុស្សាវរីយ៍ក្នុងតំបន់។

សំគាល់: កោះត្រល់មានចម្ងាយប្រហែលតែ៥គមប៉ុណ្ណោះពីកោះសេះ នៃខេត្តព្រះសីហនុ។