2015-07-01 rfa
 |
លោក សុខ ផល អគ្គស្នងការរងនគរបាលជាតិ និងជាអគ្គនាយកនៃអគ្គនាយកអន្តោប្រវេសន៍ ក្រសួងមហាផ្ទៃ ថ្លែងក្នុងកិច្ចប្រជុំផែនការស្ដីពីការគ្រប់គ្រងជនអន្តោប្រវេសន៍ នាក្រសួងមហាផ្ទៃ នៅថ្ងៃទី១ ខែកក្កដា ឆ្នាំ២០១៥។ RFA/Rann Samnang |
អគ្គស្នងការរងនគរបាលជាតិ និងជាអគ្គនាយកនៃអគ្គនាយកអន្តោប្រវេសន៍ ក្រសួងមហាផ្ទៃ លោក សុខ ផល ប្រាប់ឲ្យអភិបាលខេត្ត និងអាជ្ញាធរមូលដ្ឋានទាំងអស់ ពង្រឹងការអនុវត្តច្បាប់អន្តោប្រវេសន៍ឱ្យបានម៉ឺងម៉ាត់ ដើម្បីគ្រប់គ្រងឱ្យបាននូវការចេញចូល និងស្នាក់អាស្រ័យរបស់ជនបរទេសដោយខុសច្បាប់នៅក្នុងប្រទេសកម្ពុជា។
សំណូមពរនេះ ត្រូវបានលោក សុខ ផល ថ្លែងក្នុងកិច្ចប្រជុំផែនការស្ដីពីការគ្រប់គ្រងជនអន្តោប្រវេសន៍ នាក្រសួងមហាផ្ទៃ នៅថ្ងៃទី១ ខែកក្កដា បន្ទាប់ពីរកឃើញថា លំហូរនៃជនអន្តោប្រវេសន៍ខុសច្បាប់ មកស្នាក់នៅក្នុងប្រទេសកម្ពុជា នៅតែកើនឡើងគួរអោយព្រួយបារម្ភ។
តាមតួលេខរបស់អគ្គនាយកដ្ឋានអន្តោប្រវេសន៍ បង្ហាញថា នៅ៨ខែចុងឆ្នាំ២០១៤ គឺអគ្គនាយកដ្ឋាន បានបណ្ដេញជនអន្តោប្រវេសន៍ ដែលគ្មានលិខិតស្នាមជិត២ពាន់នាក់ (១៨០០) ក្នុងនោះ មានជនជាតិវៀតណាម១.៥០០នាក់។ ហើយនៅដើមឆ្នាំ២០១៥នេះ មានជនអន្តោប្រវេសន៍១.២០០នាក់ ត្រូវបានបណ្ដេញចេញ ក្នុងនោះ៩៥ទៅ៩៨ភាគរយ ជាជនជាតិវៀតណាម៕
1 comment:
To all Khmer and foreign readers:
Drgunzet (Yuon/Vietnamese poster) is located in Boise, Idaho.
Khmer Yeourng
Post a Comment