ដោយ រដ្ឋា វិសាល
2015-06-25
ទីតាំងធ្វើអាជីវកម្មរ៉ែមាសនៅភ្នំក្រូច ភូមិកាទៀង ឃុំល្បាំងពីរ ស្រុកលំផាត់ ខេត្តរតនគិរី។ រូបថតថ្ងៃទី២៤ ខែមិថុនា ឆ្នាំ២០១៥
RFA/Ratha Visal
Police seek official, VN nationals over mine
Authorities in Ratanakkiri province are searching for four Vietnamese nationals and a local official who were discovered to be operating an illegal gold mine in an area allotted to an Australian exploration firm.
The Ministry of Mines and Energy received a tip-off yesterday from concessionaire Angkor Gold that the mine was operating despite a nationwide crackdown on illegal mining.
“Four Vietnamese men were doing the mining . . . but they escaped when they saw [us] coming to inspect the site,” said Bi Vanny, an investigator for local rights group Adhoc.
Meng Saktheara, secretary of state at the ministry, said police had confiscated mining equipment from the site to be used as evidence against the alleged illegal miners.
Chum Sreang, who farms the land near the mine, said he had been approached by a man calling himself “Rith”, who had suggested he was “a police officer or a military officer” and that he would give Sreang a share of the profits from the gold.
As there was no court prosecutor present, Saktheara said no arrests could be made.
The Ministry of Mines and Energy received a tip-off yesterday from concessionaire Angkor Gold that the mine was operating despite a nationwide crackdown on illegal mining.
“Four Vietnamese men were doing the mining . . . but they escaped when they saw [us] coming to inspect the site,” said Bi Vanny, an investigator for local rights group Adhoc.
Meng Saktheara, secretary of state at the ministry, said police had confiscated mining equipment from the site to be used as evidence against the alleged illegal miners.
Chum Sreang, who farms the land near the mine, said he had been approached by a man calling himself “Rith”, who had suggested he was “a police officer or a military officer” and that he would give Sreang a share of the profits from the gold.
As there was no court prosecutor present, Saktheara said no arrests could be made.
មន្ត្រីប៉ូលិសអន្តោប្រវេសន៍នៃស្នងការដ្ឋានប៉ូលិសខេត្តរតនគិរី កំពុងស្វែងរកជនពាក់ព័ន្ធនាំជនជាតិវៀតណាម ៤នាក់ចូលមកជីកមាសនៅស្រុកលំផាត់ ដោយចាត់ទុកថា ជនជាតិវៀតណាម ទាំងនោះថាជាជនសង្ស័យត្រូវគេនាំឆ្លងដែនខុសច្បាប់មកកម្ពុជា។ ការស្វែងរកពលរដ្ឋវៀតណាម នេះ គឺឋិតក្នុងយុទ្ធនាការស្វែងរកជនអន្តោប្រវេសន៍ខុសច្បាប់ដែលកំពុងស្នាក់នៅប្រទេសកម្ពុជា។
រហូតមកទល់នឹងរសៀលថ្ងៃទី២៥ ខែមិថុនា សមត្ថកិច្ចប៉ូលិសខេត្តរតនគិរី មិនទាន់រកឃើញកន្លែងលាក់ខ្លួនជនជាតិវៀតណាម ៤នាក់ ដែលគេចចេញពីរណ្ដៅជីកមាសនៅភ្នំក្រូច ក្នុងភូមិកាទៀង ស្រុកលំផាត់ ខេត្តរតនគិរី នៅឡើយ។
កាលពីថ្ងៃទី២៤ ខែមិថុនា ជនជាតិវៀតណាម ៤នាក់ បានជម្លៀសខ្លួនឡើងភ្នំគេចចេញពីក្រុមសមត្ថកិច្ចខេត្តរតនគិរី ដែលចុះទៅបង្ក្រាបទីតាំងជីករកមាសអនាធិបតេយ្យមួយកន្លែង នៅភ្នំក្រូច ក៏ប៉ុន្តែសាក្សីបញ្ជាក់ថា ម្ចាស់ទីតាំងជីករកមាសជាអ្នកនាំជនជាតិវៀតណាម មកជីករកមាស និងជាអ្នកគ្រប់គ្រងការស្នាក់នៅរបស់ពួកគេ។
ស្នងការរងប៉ូលិសខេត្តរតនគិរី ទទួលបន្ទុកកិច្ចការអន្តោប្រវេសន៍ លោក ជា ប៊ុនធឿន ឲ្យដឹងថា កម្លាំងប៉ូលិសកំពុងស៊ើបអង្កេតរកប្រភពម្ចាស់ទីតាំងជីកមាសនោះហើយ ក៏ប៉ុន្តែលោកមិនទាន់ទទួលរបាយការណ៍យ៉ាងណានៅឡើយ។ លោកបន្តថា ស្នងការប៉ូលិសបានដាក់បទបញ្ជាឲ្យស្វែងរកជនជាតិវៀតណាម ទាំង ៤នាក់នេះ ដើម្បីត្រួតពិនិត្យការស្នាក់នៅរបស់ពួកគេ៖ «ម្សិលមិញខាងកម្លាំងចុះទៅដល់ គឺថាពួកវាបានរត់គេចខ្លួនអស់ ៤នាក់ហ្នឹងណា។ ឥឡូវយើងកំពុងស្រាវជ្រាវរក តើនរណាជាអ្នកនាំជនបរទេសទាំងនោះចូលមក? ស្នងការកំពុងចំណាត់ការហើយ»។
មន្ត្រីឃ្លាំមើលសិទ្ធិមនុស្សអាដហុក (adhoc) កាលពីថ្ងៃទី២៤ ខែមិថុនា បានរកឃើញទីតាំងលួចលាក់ជីករកមាសនៅភ្នំក្រូច ក្នុងនោះបានប្រទះឃើញជនជាតិវៀតណាម ២នាក់ កំពុងឋិតក្នុងអណ្ដូងរ៉ែមាស និង ២នាក់ទៀតនៅផ្នែកខាងលើ ដើម្បីយោងយករ៉ែមាសពីក្នុងអណ្ដូង។ ស្របគ្នានោះដែរ ក្រុមសមត្ថកិច្ចប៉ូលិស និងមន្ត្រីមន្ទីររ៉ែ និងថាមពលខេត្តរតនគិរី បានចុះមកដល់ទីកើតហេតុ និងបានរកឃើញខ្ទមប្រក់កៅស៊ូចំនួនបីបន្ថែមទៀតនៅជើងភ្នំមាត់អូរ ដែលមានជនជាតិខ្មែរស្នាក់នៅទីនោះ ៦នាក់ផ្សេងទៀត។ នៅទីនោះ សមត្ថកិច្ចឃើញមានម៉ាស៊ីនកិនរ៉ែ ម៉ាស៊ីនភ្លើង និងគំនររ៉ែគ្របសំពត់កៅស៊ូ និងសម្ភារៈធ្វើអាជីវកម្មរ៉ែមួយចំនួនទៀត។
បុរសម្នាក់ដែលអះអាងថា ខ្លួនជាម្ចាស់ដីនៅទីតាំងនោះឈ្មោះ ជុំ ស្រ៊ាង បញ្ជាក់ថា បុរសម្នាក់ឈ្មោះ រិទ្ធិ បានសុំជួលដីនៅតំបន់នោះ ហើយនាំជនជាតិវៀតណាម មកជីករកមាសប្រមាណ ៤ថ្ងៃកន្លងទៅនេះ៖ «គេសុំខ្ញុំហ្នឹង លោក រិទ្ធិ ខ្ញុំអត់ដឹងគេធ្វើការអ្វីដែរ គេមកទាក់ទងខ្ញុំឲ្យកូនចៅគេចុះមក ទើបចុះមក ៣ថ្ងៃហ្នឹង ៤នាក់ អត់ឮគេនិយាយខ្មែរ»។
ជនជាតិវៀតណាម ៣នាក់នៅក្នុងរោងអណ្ដូងរ៉ែ និងម្នាក់កំពុងនៅក្នុងអណ្ដូងរ៉ែ នៅចំណុចភ្នំក្រូច ភូមិកាទៀង ឃុំល្បាំងពីរ ស្រុកលំផាត់ ខេត្តរតនគិរី រៀបគេចខ្លួនខណៈសមត្ថកិច្ចចុះបង្ក្រាបកាលពីថ្ងៃទី២៤ ខែមិថុនា ឆ្នាំ២០១៥។ RFA/Ratha Visal
បន្ទាប់ពីក្រុមសមត្ថកិច្ចរឹបអូសគ្រឿងសម្ភារៈធ្វើអាជីវកម្មរ៉ែមាសនេះ ស្រាប់តែស្ត្រីម្នាក់ដែលគេស្គាល់ថាជាភរិយាមន្ត្រីប៉ូលិសខេត្តរតនគិរី គឺលោក ម៉ម គឹមឆេង ជានាយរងការិយាល័យកណ្ដាលមធ្យោបាយ ប្រកាសប្រាប់សមត្ថកិច្ចនៅកន្លែងបង្ក្រាបថា សម្ភារៈទាំងអស់នោះជារបស់ខ្លួន ហើយទាមទារឲ្យសមត្ថកិច្ចបង្ក្រាបកន្លែងជីកមាសផ្សេងទៀតនៅតំបន់ក្បែរនោះទៀតផង។
មន្ត្រីសម្របសម្រួលសមាគមអាដហុក ខេត្តរតនគិរី លោក ឆាយ ធី អំពាវនាវសុំឲ្យសមត្ថកិច្ចប៉ូលិស ស្វែងរកអ្នកដែលនៅពីក្រោយនាំជនជាតិវៀតណាម មកជីករ៉ែមាសខុសច្បាប់។ លោកថា ជនជាតិវៀតណាម ទាំងនោះ ទំនងជាអន្តោប្រវេសន៍ខុសច្បាប់ចូលដីខ្មែរប្រកបរបរខុសច្បាប់បន្ថែមទៀត៖ «អ្វីដែលយើងទៅទាន់ហើយឃើញវៀតណាម គេចខ្លួនតាមជ្រលងភ្នំហ្នឹង យើងសន្និដ្ឋានថា វៀតណាម ត្រូវគេបញ្ជូនមកជីកមាសខុសច្បាប់។ អត្តសញ្ញាណអ្នកនាំមក គឺម្ចាស់ដី ឬម្ចាស់ម៉ាស៊ីននៅហ្នឹង អ៊ីចឹងមិនពិបាករកម្ចាស់ម៉ាស៊ីនទាំង៤ នេះទេ បើសមត្ថកិច្ចចាត់វិធានការម៉ឺងម៉ាត់តាមផ្លូវច្បាប់»។
របាយការណ៍របស់ការិយាល័យអន្តោប្រវេសន៍នៃស្នងការដ្ឋាននគរបាលខេត្តរតនគិរី បច្ចុប្បន្នមានពលរដ្ឋវៀតណាម ជាង ៤០០គ្រួសារ កំពុងស្នាក់នៅក្នុងខេត្តនេះ។ ដោយឡែកនៅឆមាសទី១ ឆ្នាំ២០១៥ ស្នងការដ្ឋានប៉ូលិសខេត្តរតនគិរី ចាប់បញ្ជូនជនជាតិវៀតណាម ជាអន្តោប្រវេសន៍ខុសច្បាប់ចំនួន ៣៤នាក់ បញ្ជូនទៅឲ្យអាជ្ញាធរវៀតណាម វិញ៕
No comments:
Post a Comment