ពលរដ្ឋស្រុកចន្ទ្រា ខេត្តស្វាយរៀង កំពុងភ័យខ្លាចការគំរាមដោយអាវុធពីកងកម្លាំងយោធាវៀតណាម ដែលហាមឃាត់ពលរដ្ឋខ្មែរមិនអោយធ្វើកសិកម្ម និងជីកប្រឡាយទឹកដើម្បីផ្គត់ផ្គង់កសិកម្មនៅរដូវវស្សា។ ចំណែកមន្ត្រីសង្គមស៊ីវិលយល់ថា ទង្វើនេះជាការរំលោភសិទ្ធិមនុស្សធ្ងន់ធ្ងរ ហើយរដ្ឋាភិបាលត្រូវទទួលខុសត្រូវ។
ពលរដ្ឋរស់នៅភូមិចេក ឃុំសំរោង ស្រុកចន្ទ្រា អះអាងថា ពួកគេនៅតែសង្ស័យលើបញ្ហាកំណត់ព្រំដែនមិនច្បាស់លាស់ ជាកត្តាបង្កឲ្យទឹកដីខ្មែរកាន់តែរួញទៅ។ ជាងនេះទៅទៀត ពលរដ្ឋប្រកបរបរធ្វើស្រែក្បែរព្រំដែន នៅតែភ័យខ្លាចការគំរាមកំហែងពីយោធាវៀតណាម ទោះបីពួកគាត់ធ្វើស្រែលើដីរបស់ខ្លួនក៏ដោយ។
តំណាងអ្នកភូមិម្នាក់ លោក កែ គា ប្រាប់វិទ្យុអាស៊ីសេរីថា ភាពមិនច្បាស់លាស់ក្នុងការកំណត់ព្រំដែន កំពុងបង្កឲ្យពលរដ្ឋរស់នៅជិតព្រំដែនរងផលវិបាក ព្រោះតែការគំរាមកំហែងពីអាជ្ញាធរវៀតណាម ការបំបិទសិទ្ធិកសិករខ្មែរមិនឲ្យជីកប្រឡាយទឹកដើម្បីផ្គត់ផ្គង់ទឹកធ្វើស្រែ និងការបោះបង្គោលព្រំដែនចូលដីខ្មែរជាដើម។
លោកបន្តថា ពលរដ្ឋខ្មែររងការគំរាមកំហែងពីអាជ្ញាធរវៀតណាម មិនមានសមត្ថកិច្ចខ្មែរអន្តរាគមន៍ទេ ហើយបែរជាចោទពលរដ្ឋខ្មែរជាអ្នកខុសទៅវិញ។ លោកថា ដីខ្មែរពីដើមគឺនៅឆ្ងាយពីបង្គោលព្រំដែនបច្ចុប្បន្នប្រមាណជាង ២០គីឡូម៉ែត្រ។ លើសពីនេះទៀត លោកថា ប្រសិនបើរដ្ឋាភិបាលខ្មែរព្រងើយនោះដីខ្មែរប្រាកដជាត្រូវបាត់បង់បន្ថែមទៀតដោយការរំកិលចូលបន្តិចម្តងៗ ដោយអាជ្ញាធរវៀតណាម៖ «ព្រំដែនចេះតែរំកិលចូលៗ។ ពីដើមយើងនៅឯណោះ មើលទៅគឺថាដាច់កន្ទុយភ្នែក ឥឡូវខិតជិតស្វាយបី នៅជប់ភីងអីណាណោះ។ ឥឡូវយើងចេះតែខិតៗចូលមកដល់ព្រំដែនយើង មើលខិតៗស្មើ ១គីឡូដីដល់»។
ឆ្លើយតបបញ្ហានេះដែរ អភិបាលស្រុកចន្ទ្រា លោក នួង រាំ បដិសេធចំពោះការលើកឡើងរបស់ពលរដ្ឋ ដោយលើកហេតុផលថា លោកបានឃើញពលរដ្ឋខ្មែរ និងពលរដ្ឋវៀតណាម ប្រកបរបរកសិកម្មធម្មតា មិនមានអ្វីប្លែកឡើយ។ លោកបន្តថា មានប្រជាពលរដ្ឋខ្មែរខ្លះចេះតែទៅចាប់យកដីដែលគេហាមឃាត់ ហើយត្រូវបានសមត្ថកិច្ចវៀតណាម ទប់ស្កាត់ តែបែរជាពលរដ្ឋចោទសមត្ថកិច្ចវៀតណាម ទៅវិញ។
យ៉ាងណាលោកមិនបានបកស្រាយពិស្ដារជុំវិញបញ្ហាការរំលោភយកដីខ្មែរដោយអាជ្ញាធរវៀតណាម ទេ ព្រោះលោកទើបតែឡើងកាន់តំណែងថ្មី៖«ជាក់ស្ដែងទៅតំបន់គេហាមឃាត់ទាំងសងខាង មិនមែនចេះតែគេធ្វើបានយើងធ្វើមិនបានទេ ដីយើង យើងធ្វើធម្មតា។ ខ្ញុំឃើញព្រំដែនឃុំចន្ទ្រា គេធ្វើធម្មតាហ្នឹង ហើយវៀតណាម ធ្វើធម្មតាដែលហ្នឹង»។
ក្នុងករណីនេះដែរ មន្ត្រីសម្របសម្រួលអង្គការលីកាដូ (Licadho) ខេត្តស្វាយរៀង លោក នុត បូពិណ្ណារ័ត្ន មានប្រសាសន៍ថា បើរដ្ឋាភិបាលមិនគិតបញ្ហាព្រំដែនទេ នោះផលវិបាកកាន់តែខ្លាំងទៅលើពលរដ្ឋរស់នៅព្រំដែន ដោយការឈ្លានពានពីអាជ្ញាធរវៀតណាម។ លោកបន្តថា បើពលរដ្ឋវៀតណាម ចូលមកទឹកខ្មែរ នតាមចិត្តមិនឃើញមានសមត្ថកិច្ចខ្មែរហាមឡើយ តែបើពលរដ្ឋខ្មែរវិញ មិនអាចចូលទៅខាងភាគីវៀតណាម បានទេ។
លោកអំពាវនាវឲ្យរដ្ឋាភិបាល ដោះស្រាយបញ្ហាព្រំដែន និងកសាងប្រព័ន្ធធារាសាស្ត្រនៅតាមព្រំដែន ដើម្បីភាពងាយស្រួលដល់ការធ្វើកសិកម្ម ថែមទាំងជារបងការពារការរំលោភដែនអធិបតេយ្យពីប្រទេសជិតខាង៖ «ជី.ភី.អេស (GPS) គេចាប់ផ្ដើមវាស់តាមព្រំដែនហ្នឹងទៅបាត់ដីគាត់ វាអត់មានចូលទៅវៀតណាម សោះ! វាច្រើនតែចូលមកខ្មែរ»។
ដូចគ្នានេះដែរ តំណាងក្រុមប្រឹក្សាឃ្លាំមើលកម្ពុជា លោក រ៉ុង ឈុន ថ្លែងថា អាជ្ញាធរវៀតណាម បានហាមឃាត់ខ្មែរមិនឲ្យចូលតំបន់ស តែភាគីវៀតណាម ចូលដោយសេរី ហើយតំបន់សនៅទឹកដីខ្មែរត្រូវបានរំកិលជាបន្ត។
លោកបន្តថា រដ្ឋាភិបាលជាអ្នកទទួលខុសត្រូវចំពោះប្រជាពលរដ្ឋខ្មែរ និងប្រវត្តិសាស្ត្រដឹកនាំ រួមទាំងបូរណភាពទឹកដី។ លើលពីនេះទៀត លោកចង់ឲ្យរដ្ឋាភិបាលកំណត់បង្គោលព្រំដែនត្រីភាគី មានភាគីអន្តរជាតិជាអាជ្ញាកណ្ដាល៖ «មិនអាចឆ្លើយដោះសា គេចវេះពីបញ្ហាទាំងអស់នេះទេ ពីព្រោះបញ្ហាព្រំដែនវាជារឿងមួយគេថារឿងអាយុជីវិតជាតិ ទឹកដីសំខាន់ណាស់ ទឹកដីអត់អាចរីកបានទេ តែមនុស្សរីកជាបន្តបន្ទាប់។ ក្នុងនាមយើងអ្នកដឹកនាំយើងត្រូវតែថែរក្សាការពារនូវបូរណភាពទឹកដីឲ្យបានគង់វង្សសម្រាប់កូនចៅជំនាន់ក្រោយ»។
ពលរដ្ឋឃុំសំរោង បង្ហាញថា កាលពីឆ្នាំ២០០៩ ពលរដ្ឋ ៥នាក់ បានដកតម្រុយបង្គោលព្រំដែន ត្រូវវៀតណាម បោះចូលដីស្រែពួកគាត់ជាច្រើនហិកតារ ឋិតនៅត្រង់ចំណុចបង្គោលព្រំដែនលេង ១៨៤ និង ១៨៥ ឋិតនៅភូមិកោះក្បានកណ្តាល ឃុំសំរោង តែត្រូវបានតុលាការឃាត់ខ្លួនពលរដ្ឋបាន ២នាក់ និងមានពលរដ្ឋ ៣នាក់គេចខ្លួន។ ពលរដ្ឋដែលតុលាការឃាត់ខ្លួន និងឃុំខ្លួន ឈ្មោះថា មាស ស្រី និងឈ្មោះ ព្រំ ជា ដោយចោទពីបទបំផ្លិចបំផ្លាញទ្រព្យសម្បត្តិសាធារណៈ ហើយត្រូវជាប់ពន្ធនាគារ ៩ខែ ២០ថ្ងៃ។ កាលនោះលោក សម រង្សី ប្រធានគណបក្សប្រឆាំងក៏ចូលរួមដកតម្រុយបង្គោលនោះដែរ៕
4 comments:
did all Khmer see that? in one hand YUON is showing very good with Khmer government by arrest one YUON more than 30 years is Thoung Sarath but other hand YUON send millions of Viet to make a living in Cambodia freely with all legal paper not even that YUON took some land a long the boarder as YUON want and what Cambodian government do??? It's nothing isn't it??? do you think that is good for Khmer???? because the more YUON is the better for KHmer??? CNRP want to say something about this but HUN SEN make all of them shut up.
This dirty Yuon never abandoned their bad and dirty Mind to steal more land from Cambodia. I can see our government nowadays never talk or against the Vietnamese enemy,they are so afraid to fight back and that we can say our government is the puppet of Vietnamese communist.
Never trust and live in peace with evil Vietnamese !!!
Not only Yuon are encroaching in Svay Rieng, but Yuon have blueprints to take over the whole Cambodia.
What do you think how and why Yuon's puppet Hun Sen has been in power more than 32 years for?
To solve Khmer problems, prosecute
Hanoi key leaders.
Post a Comment