ក្រុមការងារគណបក្សប្រជាជនកម្ពុជា និងបក្សសង្គ្រោះជាតិ ធ្វើសន្និសីទកាសែតក្រោយកិច្ចប្រជុំនៅវិមានព្រឹទ្ធសភា កាលពីព្រឹកថ្ងៃទី៣ មីនា ឆ្នាំ២០១៤។
RFA/Van Vichar
លោក សម រង្ស៊ី ប្រធានគណបក្សសង្គ្រោះជាតិ នៅរសៀលថ្ងៃអង្គារ ទី២០ នេះប្រកាសថា លោកបានជជែកនឹង លោក ស ខេង រដ្ឋមន្ត្រីក្រសួងមហាផ្ទៃ ដោយសន្យានឹងឲ្យមន្ត្រីជាន់ខ្ពស់គណបក្សពីរនាក់ ទាក់ទងនឹងមន្ត្រីគណបក្សប្រជាជនកម្ពុជា នៅថ្ងៃពុធ ស្អែក កំណត់ថ្ងៃជួបចរចានយោបាយឡើងវិញ ដើម្បីទម្លាយភាពទាល់ច្រកផ្នែកនយោបាយ ចាប់តាំងពីការបោះឆ្នោតថ្ងៃទី២៨ កក្កដា ឆ្នាំ២០១៣។
លោក សម រង្ស៊ី សំដែងក្តីសង្ឃឹមថា មន្ត្រីជាន់ខ្ពស់មកពីគណបក្សនយោបាយទាំងពីរ នឹងអាចឯកភាពគ្នាលើចំណុចសំខាន់ៗមួយចំនួន។ លោកបន្តថា ប្រតិភូគណបក្សសង្គ្រោះជាតិ នឹងធ្វើសេចក្តីព្រាងរួមមួយ បង្ហាញសំណើលម្អិតមួយចំនួន ដែលមន្ត្រីគណបក្សទាំងពីរធ្លាប់បានឯកភាពទទួលយករួចមកហើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
សម រង្ស៊ី៖ មន្ត្រីCNRP នឹងទាក់ទងមន្ត្រីCPP ដើម្បីបន្តការចរចាកំណែទម្រង់ការបោះឆ្នោត
ដោយ៖ ស៊ុន ណារិន | ថ្ងៃអង្គារ ទី20 ឧសភា 2014,
ប្រធានគណបក្សសង្រ្គោះជាតិ លោក សម រង្ស៊ី កាលពីកន្លងទៅ
មន្ត្រីគណបក្សសង្គ្រោះជាតិ(CNRP) នៅថ្ងៃពុធស្អែកនេះ នឹងទាក់ទងទៅមន្ត្រីគណបក្សប្រជាជនកម្ពុជា ដើម្បីបន្តការពិភាក្សាលើបញ្ហាកំណែទម្រង់ការបោះឆ្នោត ក្នុងការឈានទៅរកការទម្លាយភាពជាប់គាំងនយោបាយ។
ប្រធានគណបក្សសង្គ្រោះជាតិ លោក សម រង្ស៊ី នៅល្ងាចថ្ងៃអង្គារនេះ បានសរសេរជាសេចក្តីជូនដំណឹងមិនផ្លូវការមួយ ហើយត្រូវបានបង្ហោះនៅលើហ្វេសប៊ុករបស់គណបក្សថា នៅថ្ងៃនេះ លោក បានទាក់ទងលោកស ខេង ដើម្បីប្រាប់ថា តំណងរាស្ត្រគណបក្សសង្គ្រោះជាតិ លោក សុន ឆ័យ ឬលោក គួយ ប៊ុនរឿន នឹងទាក់ទងតំណាងគណក្សប្រជាជនកម្ពុជា ដើម្បីបន្តការចរចា។
លោក សម រង្ស៊ី បញ្ជាក់ថា«យើងសង្ឃឹមថានឹងឈានទៅដល់កិច្ចព្រមព្រៀងលម្អិតមួយក្នុងពេលឆាប់ៗ ដើម្បីបញ្ចប់បញ្ហាជាប់គាំងនយោបាយបច្ចុប្បន្ន ដូចបានចែងក្នុងសេចក្តីប្រកាសរួម ដែលមានគោលការណ៍ជាស្រេចឯកភាពដោយបក្សទាំងពីរ»។
ការចរចារវាងក្រុមគណៈកម្មការចម្រុះគណបក្សសង្គ្រោះជាតិ និងគណបក្សប្រជាជនកម្ពុជា ត្រូវបានផ្អាកបណ្តោះអាសន្ន បន្ទាប់ពីការចរចាតាមរយៈទូរស័ព្ទរវាងលោក ហ៊ុន សែន និងលោក សម រង្ស៊ី កាលពីកន្លងទៅ មិនទទួលបានលទ្ធផលនៅឡើយ។
គួរបញ្ជាក់ថា នៅថ្ងៃអង្គារនេះ មន្ត្រីគណបក្សសង្គ្រោះជាតិ បានជួបជាមួយគណៈប្រតិភូរបស់ប្រទេសជប៉ុន១០រូបដែលមានជំនាញលើការបោះឆ្នោត ដើម្បីសិក្សាពីចំណុចនៃកំណែទម្រង់ការបោះឆ្នោតនៅកម្ពុជា។លោក សុន ឆ័យ បញ្ជាក់ថា«ទីមួយគេស្រាវជ្រាវសិន ឲ្យដឹងថាតើប្រទេសកម្ពុជា ខ្វះខាតអី ត្រូវការអ្វីខ្លះ បន្ទាប់ស្រាវជ្រាវហើយ គេនឹងធ្វើរបាយការណ៍មួយទៅរាជរដ្ឋាភិបាល ដើម្បីរៀបចំជាគម្រោងជំនួយដើម្បីជួយលើកិច្ចការកំណែទម្រង់ការបោះឆ្នោតនៅកម្ពុជា»។
លោក សុន ឆ័យ បញ្ជាក់ថា គណៈប្រតិភូជប៉ុន មិនលើកយកបញ្ហានយោបាយមកនិយាយទេ គឺគ្រាន់តែចង់យល់ពីបញ្ហាកំណែទម្រង់ការបោះឆ្នោត។ភាគីជប៉ុន ក៏ចង់ឲ្យមានការជួបគ្នាជាត្រីភាគីនៅពេលឆាប់ៗមុនពេលត្រឡប់ទៅជប៉ុនវិញ។លោកថា ប្រទេសជប៉ុនមកកម្ពុជានៅពេលនេះ ដោយសារមិនអាចរង់ចាំការត្រូវរ៉ូវនៃការដោះស្រាយបញ្ហានយោបាយរវាងគណបក្ស ដូច្នេះគេចង់ដឹងថាតើកិច្ចការអ្វីនៃកំណែទម្រង់ ដែលអាចធ្វើទៅបាន៕
សរសេរមកកាន់លោក ស៊ុន ណារិន តាមរយៈsun_narin@vodhotnews.com
No comments:
Post a Comment