A man is showing the documents and land titles proving that his is the rightful owner of the land.
ដោយ៖ ថុល ស្រីលក្ខណ៍ | ថ្ងៃពុធ ទី21 ឧសភា 2014,
កម្លាំងសមត្ថកិច្ច ចុះរុះរើផ្ទះប្រជាពលរដ្ឋនៅខេត្តរតនគិរី(រូបថតដោយសុវណ្ណ ប៊ុនថៃ)
ប្រជាពលរដ្ឋប្រមាណ៥០០នាក់ នៅឃុំអូជុំ ស្រុកអូជុំ ខេត្តរតនគិរី ប្រមូលផ្តំគ្នារារាំងអាជ្ញាធរមិនឲ្យប្រើគ្រឿងចក្រ រុះរើរបស់ផ្ទះរបស់ពួកគេ ដើម្បីយកដីឲ្យក្រុមហ៊ុន រ៉ាប់ប័រ លីមីតធីត នៅថ្ងៃពុធនេះ។
លោក លាស់ សាគុណ ជាពលរដ្ឋម្នាក់ក្នុងចំណោមនោះមានប្រសាសន៍ថា ដីកាបង្គាប់ឲ្យរុះរើតង់ ដែលប្រជាពលរដ្ឋចំណូលថ្មីសង់លើដីរបស់ក្រុមហ៊ុន តែកំលាំងដាប់ដោយអាវុធប្រមាណ១០០នាក់ និងឡានទឹកផងនោះ បានព្យាយាមឈូសផ្ទះរបស់ពួកគាត់ ទើបគាត់តវ៉ាបណ្តាលឲ្យប៉ះទង្គិចតិចតួច តែមិនមានគ្រោះថ្នាក់អ្វីនោះទេ។ លោកថា ពួកគាត់រស់នៅលើដីនេះជិត២០ឆ្នាំមកហើយ ប្រសិនបើរដ្ឋាភិបាលចង់រុះរើ គួរតែផ្តល់កន្លែងសង់ជំរកថ្មីដល់ពួកគាត់។
ពលរដ្ឋម្នាក់ទៀតលោក ផល ភ័ណ អះអាងដែរថា គាត់រស់នៅលើដីរដ្ឋខុសច្បាប់ តែគាត់មិនមានដីផ្សេងសម្រាប់រស់នៅនោះទេ ពួកគាត់សុំតែដី១០ម៉ែត្របួនជ្រុងតែប៉ុណ្ណោះដើម្បីសង់ផ្ទះរស់នៅ។
អធិការស្រុកអូជុំ លោក ផាក់ ឡែវ ឲ្យដឹងថា ផ្ទះរបស់ពលរដ្ឋទាំងនោះតូចៗ នៅលាយគ្នាជាមួយរោងសង់ថ្មី ទើបអាជ្ញាធររុះរើ។ លោកថា ការដាក់កំលាំងច្រើនដើម្បីការពារសន្តិសុខតែប៉ុណ្ណោះ តែនៅពេលនេះអាជ្ញាធរបានដកមកវិញ រង់ចាំការសម្រេចពីតុលាការបន្តទៀត។
មន្ត្រីសមសម្រួលនៃសមាគមការពារសិទ្ធិមនុស្សអាដហុក លោក ឆាយ ធី មានប្រសាសន៍ថា បើទោះជាប្រជាពលរដ្ឋទាំង៣០០គ្រួសានោះរស់នៅខុសច្បាប់ តែអាជ្ញាធរគួរតែផ្តល់ជម្រកតិចតួចដល់ពួកគេដើម្បីប្រកបរបរចិញ្ចឹមជីវិត មិនគួរប្រើអំណាចតុលាការបណ្តេញពួកគាត់ដោយមិនគិតគូរនោះទេ។
លោក ឆាយធី បានឲ្យដឹងថា ប្រជាពលរដ្ឋដែលសង់ទីលំនៅចាស់មាន១០២គ្រួសារ ហើយប្រជាពលរដ្ឋដែលមកតាំងទីលំនៅថ្មី មានប្រមាណ៣០០គ្រួសារ៕
សូមសរសេរមកអ្នកនាង ថុល ស្រីលក្ខណ៍ តាមរយៈ sreyleak@vodhotnews.com
No comments:
Post a Comment