ដោយ ទេព សុរ៉ាវី
2014-03-09
ស្នងការនគរបាលខេត្តមណ្ឌលគិរី កំពុងស៊ើបអង្កេតបន្ថែមចំពោះករណីដែលជនជាតិវៀតណាម ១៥នាក់ លបលួចចូលកាប់ឈើក្នុងព្រៃការពាររបស់សហគមន៍ជនជាតិដើមភាគតិច បន្ទាប់ពីជនជាតិដើមភាគតិចព្នងជាង ៦០នាក់ បានចុះល្បាតការកាប់ឈើខុសច្បាប់ក្នុងព្រៃការពាររបស់សហគមន៍កាលពីថ្ងៃទី៨ មីនា ហើយប្រទះឃើញជនជាតិវៀតណាម ទាំងនោះកំពុងកាប់ឈើក្នុងទឹកដីរបស់ខ្មែរ។
ព្រះរាជអាជ្ញាសាលាដំបូងខេត្តមណ្ឌលគិរី លោក ឃុត សុភាង ប្រាប់វិទ្យុអាស៊ីសេរី នៅថ្ងៃទី៩ មីនា ថា សំណុំរឿងជនជាតិវៀតណាម ១៥នាក់ ដែលលួចចូលទឹកដីខ្មែរមកកាប់ឈើនៅព្រៃការពារជនជាតិដើមភាគតិចក្នុងស្រុកពេជ្រាដា នៅមិនទាន់បញ្ជូនទៅតុលាការនៅឡើយទេ ហើយខាងមន្ទីរបរិស្ថាន និងក្រុមប៉ូលិសយុត្តិធម៌កំពុងស៊ើបអង្កេតរឿងនេះបន្ថែម៖ «នៅបរិស្ថាននិងប៉ូលិសយុត្តិធម៌។ មិនទាន់ប្រាប់បានទេ ព្រោះមិនទាន់បញ្ជូនមកតុលាការនៅឡើយ»។
ប្រជាសហគមន៍ជនជាតិដើមភាគតិចព្នងចំនួន ៣ភូមិ រួមមានភូមិពូលុ ភូមិឡាំមេះ និងភូមិពូចារ បានចុះល្បាតការកាប់ព្រៃឈើក្នុងដែនការពាររបស់សហគមន៍ និងបានប្រទះជនជាតិវៀតណាម ១៥នាក់ កំពុងធ្វើសកម្មភាពកាប់ឈើនៅចំណុចភូមិឡាំមេះ ឃុំប៊ូស្រា ស្រុកពេជ្រាដា។
ប្រជាសហគមន៍ជនជាតិដើមភាគតិចព្នង បានឃាត់ខ្លួនជនជាតិវៀតណាម ទាំងនោះ រួមនឹងវត្ថុតាងមួយចំនួន រួមមានគោយន្តច្នៃចំនួន ៤គ្រឿង រណារយន្ត ៧គ្រឿង កាំភ្លើងធុនអ៊ឹមសី (M16) ១ដើម ម៉ូតូ ៩គ្រឿង និងឈើគគីរកាត់រួចប្រមាណ ៤ម៉ែត្រគូប។
វិទ្យុអាស៊ីសេរី មិនអាចទាក់ទងមន្ត្រីបរិស្ថាន និងលោក យ៉ែម វ៉ាន់នី ស្នងការនគរបាលខេត្តមណ្ឌលគិរី សួរនាំរឿងនេះបានទេ នៅថ្ងៃទី៩ មីនា ដោយទូរស័ព្ទច្រើនដងតែលោកមិនទទួល។
ទាក់ទងបញ្ហានេះ មន្ត្រីសម្របសម្រួលអង្គការសិទ្ធិមនុស្សអាដហុក ប្រចាំខេត្តមណ្ឌលគិរី លោក សុខ រដ្ឋា ដែលចុះទៅសិក្សារឿងនេះ ប្រាប់ថា ជនជាតិវៀតណាម ទាំងនោះ មានអាយុចន្លោះពី ២៣ឆ្នាំ ដល់ ៣៥ឆ្នាំ ហើយពួកគេឆ្លងដែននិងកាប់ឈើខុសច្បាប់ក្នុងទឹកដីកម្ពុជា។ លោកបន្តថា ក្រុមសហគមន៍ជនជាតិដើមភាគតិច បានដឹងពីការលួចកាប់ឈើខុសច្បាប់របស់ជនជាតិវៀតណាម ប៉ុន្តែពេលរាយការណ៍ទៅឲ្យអាជ្ញាធរចុះឃាត់ខ្លួននោះ អាជ្ញាធរតែងដោះលែងពួកគេទៅវិញ។ លើកនេះប្រជាសហគមន៍ចុះឃាត់ខ្លួនជនជាតិវៀតណាម នោះដោយខ្លួនឯង ហើយសង្ឃឹមថា ពួកគេនឹងត្រូវផ្ដន្ទាទោសតាមច្បាប់។
លោក សុខ រដ្ឋា៖ «មិនមែនទើបតែម្ដងទេ កន្លងមកមានការចូលកាប់ពីជនជាតិវៀតណាម ហ្នឹងច្រើនមកដែរហើយ កន្លងមកដូចមានការចុះទៅចាប់ពីមន្ត្រីជំនាញរដ្ឋបាលព្រៃឈើ សមត្ថកិច្ចស្នងការអីហ្នឹងចុះទៅ ចាប់បានជនជាតិវៀតណាម២ ឬ ៣នាក់ ធ្វើការដោះលែងវិញ នៅទីតាំងដែលធ្វើការកាប់បំផ្លាញនោះ ហើយគាត់បានវត្ថុតាងអីទេ»។
អនុប្រធានសហគមន៍ជនជាតិដើមភាគតិចព្នង លោក ឃុត ចាន់រ៉ា ប្រាប់ថា ប្រជាសហគមន៍កំពុងរង់ចាំមើលថា តើអាជ្ញាធរមានសមត្ថកិច្ច នឹងចាត់វិធានការបែបណាចំពោះជនជាតិវៀតណាម ដែលចូលកាប់បំផ្លាញឈើក្នុងទឹកដីខ្មែរនេះ៕
3 comments:
Should just kill them on the spot like Siamese had done to Khmer folks! Don't waste money to feed these barbarians thieves and sent them to court.They were thieves and killers of our people anyway.
If Khmer the illegal loggers, Siam and Yuon would have been executed us on the spot, no question ask. We should have killed them on the spot already. We need to start exchange blood for blood.
ខំចាប់ថាវាបានដាក់ទោសវាខ្លះ តែមានឯណាបញ្ជូនមិនទាន់ដល់កន្លែងផង ហ៊ុន សែនបញ្ជាឱ្យលែងទៅហើយៗឥឡូវពូកនោះកំពុងទេកាប់ទៀត តើធ្វើម្តេចទៅ ព្រោះខ្មែរមិនអាចចាប់យួនឬដាក់គុកយួនដាច់ខាត បើឃើញមានបាញ់ចោលទៅ ហើយធ្វើមិនដឹងបានកើត
បើហ៊ានធ្វើដឹងនោះមិនរួយខ្លួនទេណាបងប្អូន។
Post a Comment