 |
| The most admired young Khmer Heroine |
 |
| She works tireless to save Khmer Nation |
(អត្ថបទចុះផ្សាយនៅថ្ងៃ 
28-12-2013, 
11:23 pm) | ដោយ ជា ធីរិទ្ធ
28-12-2013, 11:23 pm) | ដោយ ជា ធីរិទ្ធ ប្រជាជន កម្ពុជាដែលមានគណនីហ្វ៊េសប៊ុក(Facebook) ស្ទើរតែគ្មាននរណាម្នាក់និយាយថា ខ្លួនមិនស្គាល់អតីតម្ចាស់ទំព័រហ្វ៊េសប៊ុក I love Cambodia Hot News គឺកញ្ញា ធី សុវណ្ណថា នោះណាស់។ I love Cambodia គឺជាទំព័រផ្សព្វផ្សាយសកម្មភាពរបស់គណបក្សសង្គ្រោះជាតិ។ កញ្ញា ធី សុវណ្ណថា ដែលបច្ចុប្បន្នទើបតែជាសិស្សិថ្នាក់ទី១១ នៅឡើយ បានបង្ហាញពីមហិច្ឆតារបស់ខ្លួនដែលចង់ក្លាយជាអ្នកនយោបាយស្ត្រីដ៏ ឆ្នើមមួយរូបនៅកម្ពុជា។ ខាងក្រោមនេះជាបទសម្ភាសន៍រវាងលោក ជា ធីរិទ្ធ អ្នកយកព័ត៌មានឲ្យគេហទំព័រ ថ្មីៗ ជាមួយកញ្ញា ធី សុវណ្ណថា អតីតអ្នកគ្រប់គ្រងទំព័រហ្វ៊េសប៊ុក I Love Cambodia Hot News ។
លោក ជា ធីរិទ្ធ៖ កញ្ញាមានសកម្មភាពយ៉ាងផុសផុលគាំទ្រគណបក្សប្រឆាំង តាំងពីមុន និងក្រោយការបោះឆ្នោត។ ជាបឋមខ្ញុំចង់ដឹងថា មានហេតុផលអ្វីដែលជំរុញឲ្យកញ្ញាធ្វើសកម្មភាពខ្លាំងក្លាបែបនេះ? កញ្ញាជាកូនមន្ត្រីជាន់ខ្ពស់បក្សប្រឆាំងរូបណាមួយ?
កញ្ញាធី សុវណ្ណថា៖ ខ្ញុំគ្មានជាប់សែស្រឡាយមន្ត្រីណាមួយទេ។ ខ្ញុំជាកូនប្រជារាស្ត្រសាមញ្ញ សុទ្ធសាធ។ ម្តាយខ្ញុំជាអាជីវករ។ ម្យ៉ាងទៀតពេលនេះ ខ្ញុំគ្រាន់តែជាសិស្ស វិទ្យាល័យម្នាក់ប៉ុណ្ណោះ ហើយស្រឡាញ់គាំទ្រគណបក្សសង្គ្រោះជាតិ។
លោកជា ធីរិទ្ធ៖ កញ្ញាតែងតែបង្ហោះរូបភាពសកម្មភាពរបស់កញ្ញាក្នុងសកម្មភាពនយោបាយ និងសកម្មភាពរបស់គណបក្សសង្គ្រោះជាតិ។ ខ្ញុំចង់ដឹងថា តើកញ្ញាធ្វើបែបនេះ ព្រោះកញ្ញាចង់ឲ្យគេសរសើរថា ខ្លួនឯងអស្ចារ្យមែនទេ?
កញ្ញាធី សុវណ្ណថា៖ (តម្លើងសំឡេងបន្តិច) ខ្ញុំមិនដែលគិតថាខ្លួនឯងអស្ចារ្យនោះទេ។ ខ្ញុំគឺកូនរាស្ត្រធម្មតាដូចគេដូចឯងតែប៉ុណ្ណោះ។ ប៉ុន្តែខ្ញុំធ្វើសកម្មភាពរាល់ថ្ងៃនេះ គឺដើម្បីចង់ឃើញប្រទេសខ្ញុំមានមេដឹកនាំមួយដែលល្អ ដែលស្អាតស្អំ ដែលស្រឡាញ់ប្រជាពលរដ្ឋ មិនធ្វើបាប មិនជិះជាន់ពលរដ្ឋខ្លួនឯង។
លោក ជា ធីរិទ្ធ៖ កញ្ញាធ្វើសកម្មភាពបច្ចុប្បន្ន មានមន្ត្រីជាន់ខ្ពស់បក្សប្រឆាំងរូបណាដែលនៅពីក្រោយ និងជួយផ្តល់យោបល់ដល់កញ្ញាឬទេ?
កញ្ញា ធី សុវណ្ណថា៖ គ្មានមន្ត្រីរូបណានៅពីក្រោយនោះទេ។ ខ្ញុំធ្វើសកម្មភាពសព្វថ្ងៃ គឺបានមកពីការសិក្សារៀនសូត្ររបស់ខ្ញុំនៅសាលា និងទទួលបានចំណេះដឹងថ្មីៗតាមរយៈគំរូល្អៗរបស់ថ្នាក់ដឹកនាំគណបក្ស សង្គ្រោះជាតិ ដែលធ្វើឲ្យខ្ញុំស្រឡាញ់ពេញចិត្តពួកគាត់ខ្លាំង។
លោក ជា ធីរិទ្ធ៖ មុនបញ្ចប់កិច្ចសម្ភាសន៍នេះ ខ្ញុំចង់ត្រឡប់ទៅបញ្ជាក់សំណួរដំបូងរបស់ខ្ញុំវិញ។ នៅពេលដែលកញ្ញាប្រឡូកក្នុងសកម្មភាពនយោបាយទាំងនៅវ័យក្មេងយ៉ាង ដូច្នេះ តើកញ្ញាគិតចង់ក្លាយជាអ្នកនយោបាយនៅពេលអនាគតដែរទេ?
កញ្ញា ធី សុវណ្ណថា៖ ជាការពិត សម្រាប់រូបខ្ញុំ ខ្ញុំចង់ក្លាយជាអ្នកនយោបាយស្ត្រីដ៏ខ្លាំងដំបូងមួយរូប នៅក្នុងប្រទេសកម្ពុជានាថ្ងៃអនាគត៕
6 comments:
She will make a good leader. She's a natural born leader. I hope one day she will lead Cambodia to the promise land. To free from tyranny and oppression. To free from Vietnam expansion. To free from VietCong yoke!
New, dynamics, and she will be a great leader.
She is one in a millions, hard to come by
she is khmer vietminh
8:08am, you're vietminh, you retard!!
I've been following her political activities on Facebook. She is admirable and even never responded from vicious attacks from her opponents. She is very mature for her tender age of 18.
Post a Comment