This Lucky/Green Card Program allows up to 50,000 people around the world to immigrate to live, study and work in America. In 2011, there were 986 Khmer people who have won the lucky raffle to immigrate to America.
ដោយ៖ សុទ្ធ គឹមសឿន | ថ្ងៃព្រហស្បតិ៍ ទី26 ខែកញ្ញា ឆ្នាំ2013, VOD
រដ្ឋាភិបាលសហរដ្ឋអាមេរិក ចាប់ផ្តើមបើកកម្មវិធីឆ្នោតផ្សងសំណាង យកទិដ្ឋាការអន្តោប្រវេសន៍ ទៅរស់នៅ ធ្វើការ និងអាចបន្តការសិក្សានៅសហរដ្ឋអាមេរិកជាអចិន្ត្រៃយ៍ ដោយស្របច្បាប់។
កម្មវិធីនេះ បានផ្ដល់ទិដ្ឋាការដល់ប្រជាជនប្រមាណជា៥ម៉ឺននាក់នៅទូទាំងពិភពលោក ជារៀងរាល់ឆ្នាំ។ កាលពីឆ្នាំ២០១១ ប្រជាពលរដ្ឋកម្ពុជាចំនួន ៩៨៦នាក់ បានឈ្នះសន្លឹកឆ្នោតផ្សងសំណាងពីកម្មវិធីនេះ។
អ្នកផ្ដល់ព័ត៌មាននៃក្រុមហ៊ុន Dreamlife ដែលភ្នាក់ងារទទួលខុសត្រូវសន្លឹកឆ្នោតផ្សងសំណាងនេះ ឲ្យដឹងថា រដ្ឋាភិបាលអាមេរិក ផ្ដល់អាទិភាពដល់ប្រជាពលរដ្ឋទូទាំងពិភពលោក ដែលមានចំណាប់អារម្មណ៍ចង់ទៅរស់នៅអាមេរិកដោយស្របច្បាប់ ជាពិសេសប្រជាពលរដ្ឋ ដែលមានជីវភាពក្រីក្រ តែអាចមានភ័ព្ទសំណាង។
ក្រុមការងាររបស់Dreamlife បានចាប់ផ្តើមចុះចែកទម្រង់បែបបទនៃពាក្យបំពេញ ទៅឲ្យនិស្សិតនៅតាមសាកលវិទ្យាល័យ និងគ្រឹះស្ថានអប់រំមួយចំនួន ដើម្បីដាក់ពាក្យផ្សងសំណាង។ បេក្ខជនទូទៅ ដែលអាចដាក់ពាក្យផ្សងសំណាងបាន ត្រូវមានអាយុចាប់ពី១៨ដល់ទៅ៥៨ឆ្នាំ បើទោះជាមិនចេះនិយាយភាសាអង់គ្លេស និងមានកម្រិតវប្បធម៌ទាបក៏ដោយ។
ការចាប់ឆ្នោតដើម្បីជ្រើសរើសរកអ្នកឈ្នះនោះ នឹងត្រូវប្រព្រឹត្តទៅតាមប្រព័ន្ធអេឡិចត្រូនិច យ៉ាងសុក្រឹតក្នុងទីស្នាក់ការនៃភ្នាក់ងារឆ្នោត នៅសហរដ្ឋអាមេរិក នៅឆ្នាំ ២០១៤។
សូមបញ្ជាក់ថា ក្រុមហ៊ុន មិនទាន់បានកំណត់ពេលវេលា និងចំនួនអ្នកចូលរួមចាប់ឆ្នោតនៅឡើយទេ តែក្រុមហ៊ុន នឹងចាប់ផ្តើមទទួលពាក្យពីខែតុលា រហូតដល់ខែមករា ឆ្នាំ២០១៤ ហើយដំណើរការនៃការប្រកាសលទ្ធផល ក៏ស្ថិតក្នុងអំឡុងពេលនោះដែរ។
ប្រសិនបើលោកអ្នក មានចំណាប់អារម្មណ៍ សូមទាក់ទងទៅអាស័យដ្ឋាន ផ្លូវទន្លេមេគង្គ សង្កាត់ជ្រោយចង្វា ខណ្ឌឬស្សីកែវ រាជធានីភ្នំពេញ និង ទាក់ទងតាមទូរស័ព្ទលេខ ០៦៩ ៧៨៩ ៩២៨ ឬតាមអ៊ីម៉េល dreamlife.inquiries@gmail.com
សរសេរមកកាន់ លោក សុទ្ធ គឹមសឿន តាមរយៈkeomsouensoth@gmail.com
1 comment:
You are always welcome here in the US even you don't have a penny our Khmer peoples here in the US are not like those in Cambodia. You can walk into any Khmer house here there are always foods, cloths, place to stay for you. We welcome you with open arms.
Post a Comment