ដោយ៖ ជន ស្រីណុច និង អ៊ឹង ប៊ុនថន | ថ្ងៃព្រហស្បតិ៍ ទី5 ខែកញ្ញា ឆ្នាំ2013 | VoD
ស្តាប់សំឡេង៖ |
ចម្លងទុក |
ការហាត់សមសម្រាប់មហាបាតុកម្មអហិង្សារបស់គណបក្សសង្គ្រោះជាតិ នៅទីលានប្រជាធិបតេយ្យ (រូបថត តាំង វីដា)
ស្ថានីយ៍ទូរទស្សន៍
ក្នុងស្រុកមួយចំនួន បង្ហាញជំហរថា
ពួកគេនឹងឲ្យសហការីចុះទៅយកព័ត៌មានទាក់ទងនឹងការធ្វើមហាបាតុកម្ម
អហិង្សារបស់គណបក្សសង្គ្រោះជាតិ នៅថ្ងៃទី០៧ ខែកញ្ញានេះ
ប៉ុន្តែមិនប្រាកដថា នឹងចាក់ផ្សាយឡើយ។
គណបក្សសង្គ្រោះជាតិ
គម្រោងធ្វើមហាបាតុកម្មប្រឆាំងលទ្ធផលបោះឆ្នោតបណ្តោះអាសន្ន
ដែលគ.ជ.ប បង្ហាញថា គណបក្សប្រជាជនកម្ពុជា
របស់លោកនាយករដ្ឋមន្ត្រី ហ៊ុន សែន
ទទួលសំទ្បេងគាំទ្រច្រើនជាងគណបក្សប្រឆាំង។
អគ្គនាយកទូរទស្សន៍ជាតិកម្ពុជា កឹម
គុណវឌ្ឍន៍ ប្រាប់ VOD នៅរសៀលថ្ងៃព្រហស្បតិ៍នេះថា
លោកនឹងបញ្ជួនសហការីលោក
ឲ្យតាមដានព្រឹត្តិការណ៍នៃមហាបាតុកម្មនោះ
តែលោកមិនប្រាកដថានឹងផ្សាយទេ ៖ “រឿងទៅថតដឹងតែមាន
សកម្មភាពទៅថត ប៉ុន្តែរឿងផ្សាយជាកិច្ចការមួយ
មានភារៈមួយផ្សេងទៀត អ្វីដែលកើតឡើងនៅពេលដែលចប់
ទើបយើងដឹងថាតើវាត្រូវដំណើររបៀបណា
យើងមិនអាចទស្សន៍ទាយ ដំណើរការជាមុខបានទេ
ព្រោះរឿងរ៉ាវវាមិនទាន់កើតឡើង”។
ប្រធានផ្នែកព័ត៌មានសេដ្ឋកិច្ចនៃ
ទូរទស្សន៍ CNC លោក ហ៊ុយ វណ្ណៈ ក៏មានប្រសាសន៍ថា ចាំមើលសភាពការណ៍សិន
មុនសម្រេចថាផ្សាយឬមិនផ្សាយ ៖ “យើងនឹងពិនិត្យមើល ទៅលើព័ត៌មាននោះ ហើយកន្លងមកយើងបាន ធ្វើការផ្សាយ ខ្ញុំខ្លួនឯងជាអ្នកផ្សាយរឿងនេះ”។
ចំណែកអគ្គនាយករងទូរទស្សន៍បាយ័នរបស់
កូនស្រីលោកនាយករដ្ឋមន្ត្រី លោក ហួត ឃាងវេង បានលើកឡើងថា
ទូរទស្សន៍បាយ័ន នឹងមិនផ្សាយ ដូចវិទ្យុឯករាជ្យនានានោះទេ ៖ “
ជានិច្ចជាកាល ទូរទស្សន៍បាយ័ន មិនមានប្រកាន់និន្នាកាលអ្វីទេ
យើងតែងតែថតរូបភាពទាំងអស់យកមក ប៉ុន្តែគ្រាន់តែខ្លឹមសារមួយចំនួន
យើងផ្សាយទៅ មិនដូចជាខាង VOD និងខាងអាស៊ីសេរី ខាងអីទេ
យើងផ្សាយអ្វី យើងមើលឃើញ យើងផ្សាយ។ ធម្មតាវាខុសគ្នាត្រង់ថា
អ្វីដែលយើងមើលឃើញម៉េច យើងផ្សាយអញ្ជឹង ចំនែកឯ VOD
ច្រើនតែលើកពីអ្វី VOA អញ្ជឹងច្រើនលើកពីនេះ លើកពីនោះ
ទឡ្ហីករអញ្ជេះ ទឡ្ហីករអញ្ជោះ”។
សម្រាប់អ្នកសារព័ត៌មានជើងចាស់
និងជាអ្នកឆ្លើយឆ្លងទីភ្នាក់ងារព័ត៌មានជប៉ុន Kyodo លោក ពុយ គា
មានប្រសាសន៍ថា អ្នកសារព័ត៌មានដែលមានវិជ្ជាជីវៈ
គួរតែផ្សព្វផ្សាយរាល់ព្រឹត្តិការណ៍ទាំងឡាយណា ដែលកើតឡើងនៅក្នុងសង្គម
៖ “បើជាសារព័ត៌មានជាតិមែនទែន គាត់មិនប្រកាន់ទេ
ព័ត៌មានអ្វីក៏ត្រូវផ្សាយដែរ ឲ្យតែជាការចាប់អារម្មណ៍
ជាផលប្រយោជន៍របស់សង្គម របស់ប្រជាជាតិ គេហៅថាផលប្រយោជន៍របស់មនុស្ស
នៅក្នុងសង្គម អញ្ជឹងជារួមគឺព្រឹត្តិការណ៍ ឲ្យតែមានព្រឹត្តការណ៍
គឺថាព័ត៌មានគេត្រូវផ្សាយហើយ មិនចាំបាច់ថាព្រឹត្តិការណ៍នេះ
វាល្អ ព្រឹត្តិការណ៍មិនល្អ ពីព្រោះសង្គមធម្មតាវាតែងមានល្អ មិនល្អ
នៅប្រទេសណាក៏ដូចគ្នា ដូច្នេះគេត្រូវផ្សាយទាំងអស់ ល្អក៏ផ្សាយ
មិនល្អក៏ផ្សាយ នេះជារឿងធម្មតាដែលវិជ្ជាជីវៈសារព័ត៌មាន
ត្រូវផ្សាយ”។
កន្លងមក ប្រជាពលរដ្ឋ និងសង្គមស៊ីវិល
បានរិះគន់ថា ទូរទស្សន៍ក្នុងស្រុកមួយចំនួនធំ
ថាផ្សាយព័ត៌មានមិនមានតុល្យភាព
និងមាននិន្នាការទៅរកគណបក្សកាន់អំណាច៕
សូមសរសេរមកកាន់កញ្ញា ជន ស្រីណុច តាមរយៈ chornsreynoch@vodhotnews.com
No comments:
Post a Comment