ដោយ ដែន អយុធ្យា RFA
2013-09-02
2013-09-02
ស្ដាប់ ឬ ទាញយកសំឡេង
មន្ត្រីបក្សសង្គ្រោះជាតិបញ្ជាក់ថា
ក្រោយទទួលបរាជ័យនៃជំនួបពីរលើក
មកដល់ពេលនេះមិនទាន់បានកំណត់ពេលជួបចរចាជាថ្មីទេ។
បន្ទាប់ពីឃើញមានការឆ្លើយឆ្លងលិខិតទៅវិញទៅមករវាងតំណាងគណបក្ស ប្រជាជនកម្ពុជា និងគណបក្សសង្គ្រោះជាតិ ក្នុងការបង្កើតគណៈកម្មការចម្រុះ ដើម្បីស៊ើបអង្កេតលើភាពមិនប្រក្រតីនៃដំណើរការបោះឆ្នោតថ្ងៃទី២៨ ខែកក្កដា មក ក្រុមសង្គមស៊ីវិលចំនួន ២១អង្គភាព នៅព្រឹកថ្ងៃច័ន្ទ ទី២ ខែកញ្ញា បានរួមគ្នាចេញសេចក្ដីថ្លែងការណ៍ផ្ដល់អនុសាសន៍ដល់មេគណបក្សទាំង ពីរ ឲ្យឆាប់បង្កើតគណៈកម្មការនោះឲ្យបានឆាប់។
លោក ធន សារាយ ជាប្រធានសមាគមអាដហុក (ADHOC) មានប្រសាសន៍នៅក្នុងសន្និសីទកាសែតនាទីស្នាក់ការអង្គការខុមហ្វែ្រល (Comfrel) ព្រឹកថ្ងៃច័ន្ទ ទី២ ខែកញ្ញា ថា បន្ទប់ស្ថានការណ៍នៃអង្គការសមាគមមិនមែនរដ្ឋាភិបាលទាំង ២១អង្គភាព បានផ្ដល់នូវអនុសាសន៍ជាក់លាក់ថា ទោះបីមិនទាន់មានជំនួបកំពូលនៃមេដឹកនាំគណបក្សទាំងពីរក្តី ប៉ុន្តែកាលៈទេសៈនេះ គណបក្សទាំងពីរគួរបញ្ជូនប្រតិភូជាន់ខ្ពស់បន្តជួបជជែកគ្នាអំពី ការបង្កើតគណៈកម្មការស៊ើបអង្កេតចម្រុះជាបន្ទាន់នេះ ដើម្បីអង្កេតទៅលើភាពមិនប្រក្រតីដែលអាចធ្វើឲ្យប៉ះពាល់ដល់ លទ្ធផលបោះឆ្នោត។
លោក ធន សារាយ៖ «អ្នកដឹកនាំនយោបាយរបស់យើងគួរតែមានការអត់ធ្មត់ ហើយមានការខិតខំមករកការជជែកគ្នាឲ្យបានច្រើនជាអតិបរិមាណ ព្រោះថា នេះជាសេចក្ដីសង្ឃឹមចុងក្រោយនូវការបញ្ចៀសបញ្ហាដែលប្រទូសរ៉ាយគ្នា តាមផ្លូវថ្នល់ ឬតាមទីសាធារណៈនេះ ដែលយើងមិនចង់ឃើញ ពីព្រោះថា ប្រទេសយើងមិនអាចជួបប្រទះនូវវិបត្តិសេដ្ឋកិច្ចសង្គម នយោបាយជ្រាលជ្រៅថែមទៀត ប្រសិនបើនឹងមានបញ្ហានេះកើតឡើង»។
សង្គមស៊ីវិលឲ្យដឹងថា គណៈកម្មការស៊ើបអង្កេតចម្រុះដែលស្នើបង្កើតមកនេះ ត្រូវមានសមាសភាពចូលរួមពីតំណាងបក្សប្រជាជនកម្ពុជា តំណាងបក្សសង្គ្រោះជាតិ តំណាងអង្គការសហប្រជាជាតិ និងអង្គការអន្តរជាតិជាអ្នកសង្កេតការណ៍ និងអាចផ្ដល់បច្ចេកទេស អង្គការសង្គមស៊ីវិលជាអ្នកស៊ើបអង្កេត ឬផ្ដល់របាយការណ៍ពីលទ្ធផលស្រាវជ្រាវ និងអនុសាសន៍ និងតំណាង គ.ជ.ប ជាអ្នកសម្របសម្រួលការប្រជុំ និងអ្នកគាំទ្រផ្ដល់ព័ត៌មាន និងឯកសារពាក់ព័ន្ធចាំបាច់ក្នុងការអង្កេតស្រាវជ្រាវ។
ជាងនេះ គណបក្សសង្គ្រោះជាតិ និងបក្សប្រជាជន ត្រូវធ្វើជាប្រធានប្ដូរវេននៃគណៈកម្មការនេះ ហើយជាអ្នកសម្រេចទំហំនៃការអង្កេតស្រាវជ្រាវ ព្រមទាំងជាអ្នកសម្រេចយកអនុសាសន៍ពីការអង្កេតស្រាវជ្រាវទៅឲ្យ គ.ជ.ប អនុវត្តន៍។
សេចក្ដីថ្លែងការណ៍របស់ក្រុមអង្គការសង្គមស៊ីវិលក៏បានផ្ដល់ អនុសាសន៍បន្ទាន់ ឲ្យមានការអង្កេតស្រាវជ្រាវពិសេសលើភាពមិនប្រក្រតីដែលអាចនាំមក នូវការបោះឆ្នោត និងការរាប់សន្លឹកឆ្នោតឡើងវិញនៅការិយាល័យខ្លះ នាមណ្ឌលខេត្តកណ្ដាល និងសៀមរាប។ ជាពិសេសគណបក្សនយោបាយទាំងពីរក៏អាចពិភាក្សាអង្កេតទៅលើខេត្ត មួយចំនួនទៀត មានដូចជា មណ្ឌលខេត្តកំពង់ចាម បាត់ដំបង ភ្នំពេញ សៀមរាប កណ្ដាល ក្រចេះ និង ព្រៃវែង ដោយយកចិត្តទុកដាក់ផ្ទៀងផ្ទាត់លទ្ធផលបោះឆ្នោត និងភាពមិនប្រក្រតីនៃទម្រង់ ១១០២ និង ១១០៨ នៅក្នុងកញ្ចប់សុវត្ថិភាព "ក" ជាមួយលទ្ធផលបោះឆ្នោតទម្រង់ ១១០៤។
គណបក្សប្រជាជនកម្ពុជា និងគណបក្សសង្គ្រោះជាតិ ធ្លាប់បានជួបប្រជុំដើម្បីរកដំណោះស្រាយវិវាទបោះឆ្នោតចំនួន ២លើកមកហើយ កាលពីថ្ងៃទី៩ និងថ្ងៃទី២០ ខែសីហា តែមិនមានលទ្ធផលទេ។
វិទ្យុអាស៊ីសេរី មិនអាចទាក់ទងតំណាងគណបក្សប្រជាជនកម្ពុជា ដើម្បីបំភ្លឺចំពោះបញ្ហាវិវាទនៃលទ្ធផលបោះឆ្នោតបានទេតាមទូរស័ព្ទ នៅថ្ងៃច័ន្ទ ទី២ ខែកញ្ញា។ ប៉ុន្តែលោក កឹម សុខា អនុប្រធានគណបក្សសង្គ្រោះជាតិ មានប្រសាសន៍ថា ក្រោយបរាជ័យពីរលើក ក្រុមការងាររបស់គណបក្សប្រជាជន និងបក្សសង្គ្រោះជាតិ មិនទាន់កំណត់ថ្ងៃជួបចរចាជាថ្មីទេ។ លោកសាទរចំពោះសកម្មភាពរបស់ក្រុមអង្គការសង្គមស៊ីវិលដែលបានផ្តល់ អនុសាសន៍ឲ្យមេដឹកនាំគណបក្សទាំងពីរ បន្តជួបចរចា និងទាមទារបង្កើតគណៈកម្មការចម្រុះដើម្បីអង្កេតវិវាទនៃការ បោះឆ្នោត។
លោក កឹម សុខា៖ «អ៊ីចឹងគណបក្សប្រជាជនកម្ពុជា ត្រូវតែពិចារណាឡើងវិញ។ បើសិនជាខ្លួនមិនចង់ឲ្យស្រុកទេសមានអស្ថិរភាព មិនចង់ឲ្យស្រុកទេសមានចលាចលអីទេ បើមិនចង់ឲ្យស្រុកទេសបាត់បង់នូវជំនួយបរទេសដើម្បីកសាងប្រទេសទេ គឺត្រូវតែបង្កើតគណៈកម្មការដើម្បីរកយុត្តិធម៌ជូនម្ចាស់ឆ្នោត មិនមែនរកយុត្តិធម៌ឲ្យគណបក្សសង្គ្រោះជាតិទេ គឺរកយុត្តិធម៌ជូនប្រជាពលរដ្ឋខ្មែរ»។
លោក សម រង្ស៊ី ប្រធានគណបក្សសង្គ្រោះជាតិ ក៏ធ្លាប់បានបញ្ជាក់ថា គណបក្សសង្គ្រោះជាតិនឹងលុបចោលគម្រោងធ្វើមហាបាតុកម្មអហិង្សា វិញ បើសិនជាប្រធានគណបក្សប្រជាជនកម្ពុជា ឆ្លើយតបលិខិតរបស់បក្សសង្គ្រោះជាតិ ដាក់ជូនលោក ជា ស៊ីម ស្នើឲ្យមន្ត្រីគណបក្សទាំងពីរបន្តជួបចរចាដោះស្រាយវិវាទបោះឆ្នោត កាលពីថ្ងៃទី២៨ ខែសីហា។
បញ្ហានេះ លោក ជា ស៊ីម ក៏បានចេញលិខិតឆ្លើយតបលោក សម រង្ស៊ី នៅថ្ងៃទី២៩ ខែសីហា ដោយបានបង្ហាញឆន្ទៈបន្តជួបចរចាជាមួយគណបក្សសង្គ្រោះជាតិ ដើម្បីដោះស្រាយវិវាទនៃការបោះឆ្នោតនេះ។ លិខិតលោក ជា ស៊ីម ផ្ញើជូនលោក សម រង្ស៊ី បានបង្ហាញជំហរបន្តជួបចរចាដោះស្រាយបញ្ហាសេសសល់នានា ដោយឈរលើលទ្ធផលនៃការបោះឆ្នោត និងស្មារតីផ្សះផ្សាបង្រួបបង្រួមជាតិ ដើម្បីធានាភាពសុខសាន្តរបស់ប្រជាពលរដ្ឋ។
ត្រង់ចំណុចនេះ ក្រុមអង្គការសង្គមស៊ីវិលបានបញ្ចេញទស្សនៈថា ការបរាជ័យនៃជំនួបចរចាចំនួន ២លើករបស់គណបក្សទាំងពីរកន្លងមក ដោយសារតែមន្រ្តីបក្សប្រជាជនកម្ពុជា មិនហ៊ានសម្រេចចិត្តដោយខ្លួនឯង នឹងរង់ចាំយកលទ្ធផលជំនួបដាក់ជូនថ្នាក់លើជាអ្នកសម្រេច។ បញ្ហានេះ ក្រុមអង្គការសង្គមស៊ីវិលជាង ២០ស្ថាប័ន ក៏បានផ្ដល់អនុសាសន៍ចង់ឲ្យមានជំនួបចរចាផ្ដើមដោយមេដឹកនាំកំពូល គណបក្សទាំងពីរ ទើបអាចដោះស្រាយវិវាទបោះឆ្នោតមានប្រសិទ្ធភាព៕
បន្ទាប់ពីឃើញមានការឆ្លើយឆ្លងលិខិតទៅវិញទៅមករវាងតំណាងគណបក្ស ប្រជាជនកម្ពុជា និងគណបក្សសង្គ្រោះជាតិ ក្នុងការបង្កើតគណៈកម្មការចម្រុះ ដើម្បីស៊ើបអង្កេតលើភាពមិនប្រក្រតីនៃដំណើរការបោះឆ្នោតថ្ងៃទី២៨ ខែកក្កដា មក ក្រុមសង្គមស៊ីវិលចំនួន ២១អង្គភាព នៅព្រឹកថ្ងៃច័ន្ទ ទី២ ខែកញ្ញា បានរួមគ្នាចេញសេចក្ដីថ្លែងការណ៍ផ្ដល់អនុសាសន៍ដល់មេគណបក្សទាំង ពីរ ឲ្យឆាប់បង្កើតគណៈកម្មការនោះឲ្យបានឆាប់។
លោក ធន សារាយ ជាប្រធានសមាគមអាដហុក (ADHOC) មានប្រសាសន៍នៅក្នុងសន្និសីទកាសែតនាទីស្នាក់ការអង្គការខុមហ្វែ្រល (Comfrel) ព្រឹកថ្ងៃច័ន្ទ ទី២ ខែកញ្ញា ថា បន្ទប់ស្ថានការណ៍នៃអង្គការសមាគមមិនមែនរដ្ឋាភិបាលទាំង ២១អង្គភាព បានផ្ដល់នូវអនុសាសន៍ជាក់លាក់ថា ទោះបីមិនទាន់មានជំនួបកំពូលនៃមេដឹកនាំគណបក្សទាំងពីរក្តី ប៉ុន្តែកាលៈទេសៈនេះ គណបក្សទាំងពីរគួរបញ្ជូនប្រតិភូជាន់ខ្ពស់បន្តជួបជជែកគ្នាអំពី ការបង្កើតគណៈកម្មការស៊ើបអង្កេតចម្រុះជាបន្ទាន់នេះ ដើម្បីអង្កេតទៅលើភាពមិនប្រក្រតីដែលអាចធ្វើឲ្យប៉ះពាល់ដល់ លទ្ធផលបោះឆ្នោត។
លោក ធន សារាយ៖ «អ្នកដឹកនាំនយោបាយរបស់យើងគួរតែមានការអត់ធ្មត់ ហើយមានការខិតខំមករកការជជែកគ្នាឲ្យបានច្រើនជាអតិបរិមាណ ព្រោះថា នេះជាសេចក្ដីសង្ឃឹមចុងក្រោយនូវការបញ្ចៀសបញ្ហាដែលប្រទូសរ៉ាយគ្នា តាមផ្លូវថ្នល់ ឬតាមទីសាធារណៈនេះ ដែលយើងមិនចង់ឃើញ ពីព្រោះថា ប្រទេសយើងមិនអាចជួបប្រទះនូវវិបត្តិសេដ្ឋកិច្ចសង្គម នយោបាយជ្រាលជ្រៅថែមទៀត ប្រសិនបើនឹងមានបញ្ហានេះកើតឡើង»។
សង្គមស៊ីវិលឲ្យដឹងថា គណៈកម្មការស៊ើបអង្កេតចម្រុះដែលស្នើបង្កើតមកនេះ ត្រូវមានសមាសភាពចូលរួមពីតំណាងបក្សប្រជាជនកម្ពុជា តំណាងបក្សសង្គ្រោះជាតិ តំណាងអង្គការសហប្រជាជាតិ និងអង្គការអន្តរជាតិជាអ្នកសង្កេតការណ៍ និងអាចផ្ដល់បច្ចេកទេស អង្គការសង្គមស៊ីវិលជាអ្នកស៊ើបអង្កេត ឬផ្ដល់របាយការណ៍ពីលទ្ធផលស្រាវជ្រាវ និងអនុសាសន៍ និងតំណាង គ.ជ.ប ជាអ្នកសម្របសម្រួលការប្រជុំ និងអ្នកគាំទ្រផ្ដល់ព័ត៌មាន និងឯកសារពាក់ព័ន្ធចាំបាច់ក្នុងការអង្កេតស្រាវជ្រាវ។
ជាងនេះ គណបក្សសង្គ្រោះជាតិ និងបក្សប្រជាជន ត្រូវធ្វើជាប្រធានប្ដូរវេននៃគណៈកម្មការនេះ ហើយជាអ្នកសម្រេចទំហំនៃការអង្កេតស្រាវជ្រាវ ព្រមទាំងជាអ្នកសម្រេចយកអនុសាសន៍ពីការអង្កេតស្រាវជ្រាវទៅឲ្យ គ.ជ.ប អនុវត្តន៍។
សេចក្ដីថ្លែងការណ៍របស់ក្រុមអង្គការសង្គមស៊ីវិលក៏បានផ្ដល់ អនុសាសន៍បន្ទាន់ ឲ្យមានការអង្កេតស្រាវជ្រាវពិសេសលើភាពមិនប្រក្រតីដែលអាចនាំមក នូវការបោះឆ្នោត និងការរាប់សន្លឹកឆ្នោតឡើងវិញនៅការិយាល័យខ្លះ នាមណ្ឌលខេត្តកណ្ដាល និងសៀមរាប។ ជាពិសេសគណបក្សនយោបាយទាំងពីរក៏អាចពិភាក្សាអង្កេតទៅលើខេត្ត មួយចំនួនទៀត មានដូចជា មណ្ឌលខេត្តកំពង់ចាម បាត់ដំបង ភ្នំពេញ សៀមរាប កណ្ដាល ក្រចេះ និង ព្រៃវែង ដោយយកចិត្តទុកដាក់ផ្ទៀងផ្ទាត់លទ្ធផលបោះឆ្នោត និងភាពមិនប្រក្រតីនៃទម្រង់ ១១០២ និង ១១០៨ នៅក្នុងកញ្ចប់សុវត្ថិភាព "ក" ជាមួយលទ្ធផលបោះឆ្នោតទម្រង់ ១១០៤។
គណបក្សប្រជាជនកម្ពុជា និងគណបក្សសង្គ្រោះជាតិ ធ្លាប់បានជួបប្រជុំដើម្បីរកដំណោះស្រាយវិវាទបោះឆ្នោតចំនួន ២លើកមកហើយ កាលពីថ្ងៃទី៩ និងថ្ងៃទី២០ ខែសីហា តែមិនមានលទ្ធផលទេ។
វិទ្យុអាស៊ីសេរី មិនអាចទាក់ទងតំណាងគណបក្សប្រជាជនកម្ពុជា ដើម្បីបំភ្លឺចំពោះបញ្ហាវិវាទនៃលទ្ធផលបោះឆ្នោតបានទេតាមទូរស័ព្ទ នៅថ្ងៃច័ន្ទ ទី២ ខែកញ្ញា។ ប៉ុន្តែលោក កឹម សុខា អនុប្រធានគណបក្សសង្គ្រោះជាតិ មានប្រសាសន៍ថា ក្រោយបរាជ័យពីរលើក ក្រុមការងាររបស់គណបក្សប្រជាជន និងបក្សសង្គ្រោះជាតិ មិនទាន់កំណត់ថ្ងៃជួបចរចាជាថ្មីទេ។ លោកសាទរចំពោះសកម្មភាពរបស់ក្រុមអង្គការសង្គមស៊ីវិលដែលបានផ្តល់ អនុសាសន៍ឲ្យមេដឹកនាំគណបក្សទាំងពីរ បន្តជួបចរចា និងទាមទារបង្កើតគណៈកម្មការចម្រុះដើម្បីអង្កេតវិវាទនៃការ បោះឆ្នោត។
លោក កឹម សុខា៖ «អ៊ីចឹងគណបក្សប្រជាជនកម្ពុជា ត្រូវតែពិចារណាឡើងវិញ។ បើសិនជាខ្លួនមិនចង់ឲ្យស្រុកទេសមានអស្ថិរភាព មិនចង់ឲ្យស្រុកទេសមានចលាចលអីទេ បើមិនចង់ឲ្យស្រុកទេសបាត់បង់នូវជំនួយបរទេសដើម្បីកសាងប្រទេសទេ គឺត្រូវតែបង្កើតគណៈកម្មការដើម្បីរកយុត្តិធម៌ជូនម្ចាស់ឆ្នោត មិនមែនរកយុត្តិធម៌ឲ្យគណបក្សសង្គ្រោះជាតិទេ គឺរកយុត្តិធម៌ជូនប្រជាពលរដ្ឋខ្មែរ»។
លោក សម រង្ស៊ី ប្រធានគណបក្សសង្គ្រោះជាតិ ក៏ធ្លាប់បានបញ្ជាក់ថា គណបក្សសង្គ្រោះជាតិនឹងលុបចោលគម្រោងធ្វើមហាបាតុកម្មអហិង្សា វិញ បើសិនជាប្រធានគណបក្សប្រជាជនកម្ពុជា ឆ្លើយតបលិខិតរបស់បក្សសង្គ្រោះជាតិ ដាក់ជូនលោក ជា ស៊ីម ស្នើឲ្យមន្ត្រីគណបក្សទាំងពីរបន្តជួបចរចាដោះស្រាយវិវាទបោះឆ្នោត កាលពីថ្ងៃទី២៨ ខែសីហា។
បញ្ហានេះ លោក ជា ស៊ីម ក៏បានចេញលិខិតឆ្លើយតបលោក សម រង្ស៊ី នៅថ្ងៃទី២៩ ខែសីហា ដោយបានបង្ហាញឆន្ទៈបន្តជួបចរចាជាមួយគណបក្សសង្គ្រោះជាតិ ដើម្បីដោះស្រាយវិវាទនៃការបោះឆ្នោតនេះ។ លិខិតលោក ជា ស៊ីម ផ្ញើជូនលោក សម រង្ស៊ី បានបង្ហាញជំហរបន្តជួបចរចាដោះស្រាយបញ្ហាសេសសល់នានា ដោយឈរលើលទ្ធផលនៃការបោះឆ្នោត និងស្មារតីផ្សះផ្សាបង្រួបបង្រួមជាតិ ដើម្បីធានាភាពសុខសាន្តរបស់ប្រជាពលរដ្ឋ។
ត្រង់ចំណុចនេះ ក្រុមអង្គការសង្គមស៊ីវិលបានបញ្ចេញទស្សនៈថា ការបរាជ័យនៃជំនួបចរចាចំនួន ២លើករបស់គណបក្សទាំងពីរកន្លងមក ដោយសារតែមន្រ្តីបក្សប្រជាជនកម្ពុជា មិនហ៊ានសម្រេចចិត្តដោយខ្លួនឯង នឹងរង់ចាំយកលទ្ធផលជំនួបដាក់ជូនថ្នាក់លើជាអ្នកសម្រេច។ បញ្ហានេះ ក្រុមអង្គការសង្គមស៊ីវិលជាង ២០ស្ថាប័ន ក៏បានផ្ដល់អនុសាសន៍ចង់ឲ្យមានជំនួបចរចាផ្ដើមដោយមេដឹកនាំកំពូល គណបក្សទាំងពីរ ទើបអាចដោះស្រាយវិវាទបោះឆ្នោតមានប្រសិទ្ធភាព៕
No comments:
Post a Comment