ក្រុមអ្នកការពារសិទ្ធិមនុស្ស
បានជំរុញឲ្យរដ្ឋាភិបាលបង្កើនកិច្ចខិតខំប្រឹងប្រែងបន្ថែមទៀតនៅលើ
ឆាកអន្តរជាតិ
ដើម្បីជំរុញឲ្យមានការបញ្ឈប់ជាបន្ទាន់នូវការសំលាប់ពលរដ្ឋខ្មែរ
ក្រៅប្រព័ន្ធច្បាប់ ដោយក្រុមយោធាការពារព្រំដែនថៃ
នៅតាមជាយដែនកម្ពុជា-ថៃ។
ពលរដ្ឋរស់នៅឃុំអូរស្វាយ
ស្រុកត្រពាំងប្រាសាទ ខេត្តឧត្តរមានជ័យ ឈ្មោះ ជា គីមឡុង
ស្លាប់ដោយសារទាហានថៃ បាញ់ កាលពីអំឡុងដើមខែកុម្ភៈ ឆ្នាំ២០១២
ក្នុងពេលឆ្លងដែនចូលដីថៃ កាប់ឈើខុសច្បាប់។
របាយការណ៍របស់ក្រុមសិទ្ធិមនុស្សបានរកឃើញថា
ចាប់តាំងពីឆ្នាំ២០០៨ មក កងទ័ពថៃ បានបាញ់សម្លាប់ពលរដ្ឋខ្មែរប្រមាណ
៦០នាក់។ មន្ត្រីសិទ្ធិមនុស្សបានព្រមានថា
ការបាញ់សម្លាប់នេះកំពុងឋិតក្នុងសភាពប្រកាសអាសន្នមួយ
ដែលរដ្ឋាភិបាលកម្ពុជា ត្រូវយកចិត្តទុកដាក់ដោះស្រាយ។
អង្គការសង្គមស៊ីវិលក្នុងស្រុកមួយចំនួន
បានជំរុញឲ្យរដ្ឋាភិបាលកម្ពុជា យកករណីទាហានថៃ
បាញ់សំលាប់ពលរដ្ឋកម្ពុជា
ធ្វើជាប្រធានបទក្នុងការជជែកជាមួយក្រុមមេដឹកនាំនៃបណ្តាប្រទេសជា
សមាជិកអាស៊ាន ដើម្បីឲ្យប្រទេសទាំងនោះ
ដាក់សំពាធដល់រដ្ឋាភិបាលទីក្រុងបាងកក
ឲ្យចាត់វិធានការលុបបំបាត់ឧក្រិដ្ឋកម្មនេះ និងផ្ដន្ទាទោសជនដៃដល់។
មន្ត្រីផ្នែកស៊ើបអង្កេតរបស់អង្គការការពារសិទ្ធិមនុស្សលីកាដូ
(Licadho) លោក អំ សំអាត មានប្រសាសន៍កាលពីថ្ងៃពុធ ទី១២ កញ្ញា ថា
រដ្ឋាភិបាលខ្មែរគួរបញ្ជូនកំណត់ហេតុការទូតអំពីចំនួនជនរងគ្រោះ
និងចំនួនមនុស្សស្លាប់ដោយសារទាហានថៃ បាញ់ប្រហារ
តាមបណ្ដោយព្រំដែនខ្មែរ-ថៃនោះទៅសហគមន៍អន្តរជាតិ
ជាពិសេសប្រទេសជាសមាជិកអាស៊ាន ឬអង្គការសហប្រជាជាតិ
ដើម្បីស្វែងរកកិច្ចអន្តរាគមន៍ឲ្យមានការបញ្ឈប់អំពើមនុស្សឃាតក្រៅ
ប្រព័ន្ធច្បាប់ និងជួយរកយុត្តិធម៌ដល់ជនរងគ្រោះ។
សេចក្ដីអំពាវនាវរបស់លោក អំ សំអាត ធ្វើឡើងនៅបន្ទាប់ពីកងទ័ពថៃ
នៅតែបន្តបាញ់សំលាប់ពលរដ្ឋខ្មែរដែលឆ្លងដែនទៅរកការងារធ្វើ
ឬចូលទៅកាប់ឈើខុសច្បាប់ក្នុងទឹកថៃ។
មន្ត្រីការពារសិទ្ធិមនុស្សរូបនេះបានចាត់ទុកថា
អំពើប្រហារជីវិតពលរដ្ឋខ្មែរដោយយោធាថៃ ជាអំពើឧក្រិដ្ឋកម្ម
ដែលធ្វើឡើងផ្ទុយពីច្បាប់របស់ប្រទេស និងច្បាប់អន្តរជាតិ
ហើយដែលកំពុងរំលោភសិទ្ធិមនុស្សដ៏ធ្ងន់ធ្ងរ។
របាយការណ៍របស់សមាគមការពារសិទ្ធិមនុស្សអាដហុក (Adhoc)
បានចេញផ្សាយថា គិតត្រឹមពាក់កណ្ដាលឆ្នាំ២០១២ នេះ ទាហានថៃ
បានសំលាប់ពលរដ្ឋខ្មែរចំនួន ៣៨នាក់ និងបណ្ដាលឲ្យរងរបួសចំនួន
១០នាក់ និង ១៩៤នាក់ផ្សេងទៀត
ត្រូវបានចាប់ខ្លួនពីការលួចឆ្លងចូលទៅកាប់ឈើគ្រញូងខុសច្បាប់។
មន្ត្រីស្ថានទូតថៃ ប្រចាំនៅកម្ពុជា
និងមន្ត្រីក្រសួងការបរទេសខ្មែរ
នៅមិនទាន់អាចឆ្លើយបំភ្លឺចំពោះបញ្ហានេះនៅឡើយទេ។
ប៉ុន្តែមន្ត្រីជាន់ខ្ពស់នៃគណបក្សកាន់អំណាចបានបង្ហាញពីការយក
ចិត្តទុកដាក់របស់សភាកម្ពុជា ដែលគ្រោងលើកយកករណីទាហានថៃ
បាញ់សំលាប់ពលរដ្ឋខ្មែរនេះដាក់ចូលក្នុងរបៀបវារៈនៃកិច្ចប្រជុំ
អន្តរសភាអាស៊ានលើកទី៣៣ ក្នុងប្រទេសឥណ្ឌូនេស៊ី នៅពេលខាងមុខ។
តំណាងរាស្ត្រនៃគណបក្សប្រជាជនកម្ពុជា លោក ជាម យៀប មានប្រសាសន៍ថា
លោកនឹងស្វែងរកយន្តការអន្តរជាតិមួយដើម្បីជំរុញឲ្យភាគីថៃ
បញ្ឈប់អំពើឧក្រិដ្ឋកម្មតាមព្រំដែន។
លោក ជាម យៀប ក៏បានសម្ដែងការសោកស្ដាយចំពោះភាគីថៃ
ដែលមិនទាន់ចាត់វិធានការតាមផ្លូវច្បាប់នៅតាមការស្នើរបស់កម្ពុជា
តាមរយៈកំណត់ហេតុទូតកន្លងមក ដែលកម្ពុជាបានស្នើឲ្យភាគីថៃ
បញ្ចប់ការបាញ់សំលាប់ពលរដ្ឋកម្ពុជា។
មន្ត្រីសិទ្ធិមនុស្សបានឲ្យដឹងថា
ការបាញ់សំលាប់ពលរដ្ឋខ្មែរជាច្រើនករណីបានចាប់ផ្ដើមកើតឡើងក្រោយ
ជម្លោះព្រំដែនក្បែរប្រាសាទព្រះវិហារ កាលពីឆ្នាំ២០០៨។
របាយការណ៍សមាគមការពារសិទ្ធិមនុស្សអាដហុក បានរកឃើញថា
ចាប់តាំងពីឆ្នាំ២០០៨ មក ពលរដ្ឋខ្មែរចំនួន ៥៦នាក់ ត្រូវបានទាហានថៃ
បាញ់សម្លាប់។ ជនរងគ្រោះស្លាប់ច្រើនជាងគេនៅខេត្តឧត្តរមានជ័យ
ជាខេត្តជាប់ព្រំដែន ខេត្តស៊ីសាកេត និងខេត្តសុរិន្ទ របស់ថៃ។
មន្ត្រីផ្នែកស៊ើបអង្កេតរបស់សមាគមការពារសិទ្ធិមនុស្សអាដហុក លោក
ចាន់ សុវ៉េត មានប្រសាសន៍ពីក្រៅប្រទេសថា
ថៃមានចេតនាចងគំនុំដោយសារជម្លោះព្រំដែន។
លោក ចាន់ សុវ៉េត បញ្ជាក់ថា
មន្ត្រីសិទ្ធិមនុស្សបានផ្ញើរបាយការណ៍ទៅរដ្ឋាភិបាលថៃ
កាលពីឆ្នាំ២០១១
ដើម្បីជំរុញឲ្យទាហានថៃបញ្ឈប់ការបាញ់សំលាប់ពលរដ្ឋខ្មែរ
និងផ្ដន្ទាទោសឧក្រិដ្ឋជនទាំងនោះ ប៉ុន្តែរហូតមកទល់ពេលនេះ
រដ្ឋាភិបាលថៃ នៅមិនទាន់ចាត់វិធានការនៅឡើយ។
លោក ចាន់ សុវ៉េត បន្តថា
ប្រជាជាតិខ្មែរទាំងមូលត្រូវស្វែងរកយន្តការអន្តរជាតិបន្ថែម
ដើម្បីប្ដឹងរកយុត្តិធម៌ជូនពលរដ្ឋខ្មែរ
ដែលត្រូវរងការសំលាប់ក្រៅច្បាប់ជាបន្តបន្ទាប់ពីសំណាក់កងទ័ពថៃ។
ទាក់ទងនឹងការបាញ់ប្រហាររបស់កងទ័ពថៃ មកលើពលរដ្ឋខ្មែរនេះដែរ
ទីភ្នាក់ងារសារព័ត៌មានបារាំង អា.អេហ្វ.ប៉េ (AFP) កាលពីថ្ងៃទី១៤
ខែសីហា បានចុះផ្សាយថា លោកនាយករដ្ឋមន្រ្តី ហ៊ុន សែន
ធ្លាប់បានជំរុញម្ដងហើយម្ដងទៀតឲ្យយោធាថៃ
ចាប់ខ្លួនពលរដ្ឋខ្មែរដែលឆ្លងដែនខុសច្បាប់ទាំងនោះជំនួសការបាញ់
ប្រហារ។ ប៉ុន្តែរដ្ឋាភិបាលទីក្រុងបាងកក បានអះអាងថា កងទ័ពថៃ
គ្រាន់តែការពារខ្លួនប្រឆាំងនឹងការប្រើកំលាំងប្រដាប់អាវុធរបស់
កម្ពុជា តែប៉ុណ្ណោះ។
ការបាញ់សម្លាប់ពលរដ្ឋខ្មែរក៏ធ្លាប់កើតមានដែរ
កាលពីអំឡុងឆ្នាំ១៩៧៩ នៅពេលដែលរដ្ឋាភិបាលថៃ
បានចាប់បញ្ជូនពលរដ្ឋខ្មែរជាជនភៀសខ្លួនរាប់ម៉ឺននាក់ទៅប្រទេស
កម្ពុជា ទាំងបង្ខំ។
របាយការណ៍របស់អង្គការសហប្រជាជាតិទទួលបន្ទុកជនភៀសខ្លួន (UNHCR)
ផ្សាយនៅឆ្នាំ១៩៩៧ បញ្ជាក់ថា យោធាថៃ បានភ្ជង់
និងរុញទម្លាក់ជនភៀសខ្លួនខ្មែរប្រមាណ ៤ម៉ឺន៥ពាន់នាក់
រួមមានកូនក្មេង មនុស្សចាស់ជរា និងស្រ្តី
ពីលើខ្នងភ្នំដងរែកចូលចម្ការមីនក្នុងទឹកដីខ្មែរ
ដែលបណ្ដាលឲ្យមនុស្សរាប់ពាន់នាក់ស្លាប់ និងរបួស៕
4 comments:
Again! Why ah Siam kept on killing Khmer!? A gal is not a threat to ah Siam's life right? Why kill her? Please help find justice for this gal,thank you...
What about 16 years old khmer girl working in Thai factory, she was raped and killed by Thai men who also working there, both of her hand were chopped off in piece...Did Thai authority do anything to bring her justice?
Reminded me about the khmer refugees camp K.I.D 1979, alot of our people were abused by Thai black soldier...
This is what happens when you have a weak ass government who doesn't care about their own people. Our greedy neighbors are taking advantage of it.
Post a Comment