ស្ដាប់ ឬ ទាញយកសំឡេង
ប្រធានគណបក្សសង្គ្រោះជាតិ លោក សម រង្ស៊ី (ឆ្វេង) និងប្រធានគណបក្សហ៊្វុនស៊ិនប៉ិច សម្ដេចក្រុមព្រះ នរោត្ដម រណឫទ្ធិ។
Photo: RFA
គណបក្សសង្គ្រោះជាតិ បង្ហាញជំហរចង់បង្រួបបង្រួមជាមួយគណបក្សប្រជាធិបតេយ្យនិយម និងអ្នករាជានិយម សម្រាប់ការបោះឆ្នោតនៅពេលខាងមុខ។ ការបញ្ជាក់ជំហររបស់គណបក្សសង្គ្រោះជាតិ នេះ គឺនៅបន្ទាប់ពីមានព័ត៌មានថា ប្រធាន និងអនុប្រធានគណបក្សសង្គ្រោះជាតិ លោក សម រង្ស៊ី និងលោក កឹម សុខា គ្រោងជួបជាមួយសម្ដេចក្រុមព្រះនរោត្តម រណឫទ្ធិ ប្រធានគណបក្សហ៊្វុនស៊ិនប៉ិច នៅចុងខែតុលា ដើម្បីស្វែងរកលទ្ធភាពពីការបង្រួបបង្រួមរវាងគណបក្សទាំងពីរ។
មន្ត្រីនាំពាក្យគណបក្សសង្គ្រោះជាតិ លោក យ៉ែម បុញ្ញឫទ្ធិ មានប្រសាសន៍នៅថ្ងៃទី១១ ខែតុលា ថា គណបក្សប្រឆាំងធំបំផុតនៅកម្ពុជា មួយនេះ មានគោលការណ៍បង្រួបបង្រួមជាមួយគណបក្សអ្នកប្រជាធិបតេយ្យ និងអ្នករាជានិយម ដើម្បីឲ្យមានការឯកភាពជាតិ ទៅតាមព្រះរាជតម្រិះរបស់អតីតព្រះមហាក្សត្រខ្មែរ សម្ដេចព្រះនរោត្តម សីហនុ។
យ៉ាងណាក៏ដោយ ទាក់ទងនឹងព័ត៌មានដែលថា លោក សម រង្ស៊ី និងលោក កឹម សុខា មានគម្រោងជួបជាមួយសម្ដេចក្រុមព្រះនរោត្តម រណឫទ្ធិ នៅចុងខែតុលា នេះ ដើម្បីជជែកពីការបង្រួបបង្រួមគ្នាសម្រាប់ការបោះឆ្នោតជ្រើសតាំងតំណាងរាស្ត្រនៅឆ្នាំ២០១៨ នោះ លោក យ៉ែម បុញ្ញឫទ្ធិ អះអាងថា លោកនៅមិនទាន់ដឹងពីពេលវេលា ឬគម្រោងនៃការជួបជុំនេះនៅឡើយទេ៖ «យោងតាមព្រះរាជតម្រិះព្រះបរមរតនកោដ្ឋ តែងតែណែនាំឲ្យខ្មែរសាមគ្គីរួបរួមគ្នា ដើម្បីដោះស្រាយបញ្ហាប្រទេសជាតិផ្ទៃក្នុងផង ក្រៅប្រទេសផង ដូច្នេះជារឿងមួយសំខាន់ ដែលខ្មែរត្រូវរកឯកភាពជាតិឲ្យបាន»។
លោក សម រង្ស៊ី និងលោក កឹម សុខា បានថ្លែងក្នុងសិក្ខាសាលារបស់គណបក្សសង្គ្រោះជាតិ ស្ដីពីដំណើរឆ្ពោះទៅរកការបោះឆ្នោត ដើម្បីនាំមកនូវការផ្លាស់ប្ដូរ កាលពីថ្ងៃទី២ ខែតុលា ថា គណបក្សសង្គ្រោះជាតិ នឹងធ្វើជាគណបក្សស្នូលសម្រាប់ការបង្រួបបង្រួមជាមួយគណបក្សដទៃទៀត ដើម្បីឲ្យមានការឯកភាពជាតិ។
យ៉ាងណាក៏ដោយ លោក យ៉ែម បុញ្ញឫទ្ធិ បញ្ជាក់ថា ដើម្បីអាចបង្រួបបង្រួមគ្នាបាន លុះណាតែគណបក្សផ្សេងទៀត មានគោលការណ៍ គោលបំណងដូចគ្នាទៅនឹងគណបក្សសង្គ្រោះជាតិ គឺគោលការណ៍ប្រជាធិបតេយ្យនិយម ជាតិនិយម និងសេរីនិយមពិតប្រាកដ។
លោកថា បច្ចុប្បន្ន បើទោះជាមានគណបក្សច្រើនកើតឡើងក្តី ប៉ុន្តែគណបក្សដែលលោកគិតថា គណបក្សសង្គ្រោះជាតិ អាចបង្រួបបង្រួមជាមួយនោះ គឺគណបក្សហ៊្វុនស៊ិនប៉ិច របស់សម្ដេចក្រុមព្រះនរោត្តម រណឫទ្ធិ។ លោកថា ក្រៅតែពីជាគណបក្សប្រជាធិបតេយ្យនិយម គណបក្សសង្គ្រោះជាតិ ក៏ជាគណបក្សការពាររាជានិយមដូចគណបក្សហ៊្វុនស៊ិនប៉ិច ដែរ។
ការប្រកាសជំហរបង្រួបបង្រួមរបស់គណបក្សសង្គ្រោះជាតិ នេះ គឺស្របពេលដែលគណបក្សអំណាចខ្មែរ ទើបបង្កើតថ្មីរបស់ លោក សួន សេរីរដ្ឋា កំពុងស្វែងរកការបង្រួបបង្រួមជាមួយគណបក្សតូចៗផ្សេងទៀត ដូចជាគណបក្សសម្ព័ន្ធដើម្បីប្រជាធិបតេយ្យ របស់ លោក ខឹម វាសនា គណបក្សសំបុកឃ្មុំសង្គមប្រជាធិបតេយ្យ របស់ លោក ម៉ម សូណង់ដូ ឬគណបក្សខ្មែរសាមគ្គី របស់ អ្នកស្រី ឡាក់ សុភាព ជាដើម។ គណបក្សប្រឆាំងតូចៗទាំងអស់នេះ កន្លងមកសុទ្ធតែបានរិះគន់ទៅលើគោលនយោបាយរបស់គណបក្សសង្គ្រោះជាតិ។
ឆ្លើយតបការរិះគន់នេះ ប្រធានគណបក្សសង្គ្រោះជាតិ លោក សម រង្ស៊ី ធ្លាប់បានថ្លែងថា លោកមិនបារម្ភចំពោះការកកើតឡើងនៃគណបក្សប្រឆាំងតូចៗទាំងអស់នេះទេ។
ចំពោះបញ្ហានេះ អ្នកវិភាគនយោបាយ លោកបណ្ឌិត រស់ រ៉ាវុធ មានប្រសាសន៍ថា នៅក្នុងសង្គមប្រជាធិបតេយ្យ គណបក្សនយោបាយតែងបង្រួបបង្រួមគ្នា ពេលខ្លះមុនពេលបោះឆ្នោត ហើយពេលខ្លះនៅក្រោយការបោះឆ្នោត ដើម្បីធ្វើឲ្យពួកគេទទួលជោគជ័យកាន់តែខ្លាំងនៅក្នុងការបោះឆ្នោត ឬធ្វើឲ្យមានកម្លាំងកាន់តែខ្លាំងនៅក្នុងសភា។
លោកបណ្ឌិត រស់ រ៉ាវុធ កត់សម្គាល់ថា បើគណបក្សសង្គ្រោះជាតិ និងគណបក្សហ៊្វុនស៊ិនប៉ិច រួបរួមគ្នាដោយស្មោះត្រង់មែននោះ វានឹងធ្វើឲ្យគណបក្សពួកគេមានប្រជាប្រិយភាព និងអាចទាក់ទាញអ្នកគាំទ្រច្រើនជាងមុនថែមទៀត។ យ៉ាងណា លោកថា ប្រសិនបើការបង្រួបបង្រួមនោះមិនមានគោលការណ៍ច្បាស់លាស់នោះទេ វានឹងអាចធ្វើឲ្យគណបក្សសង្គ្រោះជាតិ ធ្លាក់ប្រជាប្រិយភាពជាងមុនក៏ថាបាន៖ «ក្រុមរាជានិយមបានធ្វើឲ្យខូចឈ្មោះ ឬល្អក់កករជាមួយអ្នកគាំទ្រមួយរយៈកាលកន្លងមក តាំងពីមានអាសនៈក្នុងសភា រហូតទៅដល់មិនមានអាសនៈក្នុងសភា ប្រសិនបើជជែកនោះមិនបានល្អ»។
លោកបណ្ឌិត រស់ រ៉ាវុធ មានប្រសាសន៍ថា ដើម្បីឲ្យការរួបរួមរបស់គណបក្សទាំងពីរក្លាយជាគណបក្សមួយខ្លាំង គណបក្សទាំងពីរត្រូវបង្ហាញនូវគោលនយោបាយ និងគោលការណ៍បក្សឲ្យបានច្បាស់លាស់រៀងៗខ្លួន និងត្រូវដាក់បង្ហាញគោលនយោបាយទាំងអស់នោះទៅដល់អ្នកគាំទ្ររបស់ខ្លួន។
ការបង្រួបបង្រួមគ្នានេះ ក្រោយពីការបោះឆ្នោតកាលពីឆ្នាំ២០០៣ លោក សម រង្ស៊ី ដែលកាលណោះជាប្រធានគណបក្ស សម រង្ស៊ី បានរួបរួមគ្នាជាមួយគណបក្សហ៊្វុនស៊ិនប៉ិច របស់សម្ដេចក្រុមព្រះនរោត្តម រណឫទ្ធិ បង្កើតជាសម្ព័ន្ធភាពអ្នកប្រជាធិបតេយ្យ តែនៅទីបំផុត សម្ដេចក្រុមព្រះនរោត្តម រណឫទ្ធិ បានបោះបង់ លោក សម រង្ស៊ី ហើយទៅចាប់ដៃជាមួយ លោក ហ៊ុន សែន បង្កើតរដ្ឋាភិបាលចម្រុះជាមួយគណបក្សប្រជាជនកម្ពុជា វិញ៕
7 comments:
Mr Sam rainsy and Mr Kem Sokha you both may be trying to unite Khmer,but would you trust that prick who has gone out of his way betrayed every one who believed and trusted in him including yourself, Mr Sam Rainsy?. Now you want to talk to him?. Don't alienate your supporters by associating with him. He one person who can be politically ignored ,because he is a political animal without a conscience. It is free to choose, but you may do it at your peril. A prick is still a prick.
Do you care that much about the Khmer monarchy? Get rid of it when the time comes.
I am an independent observer and analytical Khmer who closely followed our Khmer political of to day event .So far i see some thing Stubborn and more disarray and demoralize in the opposition path . It is more annoyed and morass than politic of democracy .this scenario of using secret deal with the sore loser prince of the past and proclaim as a good politic of country democracy, are so vane out from normal mind of normal leadership . The hope of winning the next election cycle with the totalitarian regime is start to reluctantly encapsulate by CPP with matriculate strategy of using big money to lure this paranoia son of dead former traitor back to the scene again . The leader of CNRP who is naive and wariness start to soft his stand and pretend that they use democracy to sneak in secret to contact and negotiate with this pinhead moral deficiency and disreputable loser as a hear say good strategy . Did all of this maneuver fit the good profile of a motivate leader of an opposition party or not? Khmer patriot please take a deep breath and use your brain to think a little better . Dictator motivated his political strategy a lot more better than your are, the most educate guy .In the past of many years since he made a brutality coup and put this useless prince to rest from political position in Cambodia, he have a smart thinking or his patron just told him to spared this unrepentant head,then they propelled to maintain and feed him, raise him in the case as a loser politic opponent dog, to use him again in case they needed . When the election in 2013 happened the scare off the party, who utmost losing that election and the event is still hound dictator regime until present day. This main event and almost catastrophic by surprise, warn them to be aware and well prepare for the next one to come. In contrast the new party just drowsing by joyed of victory for a big increased seat and a new minorities title in the congress house then act so strangely annoyed and erratic like never happened before . Now your leader without any intrigue strategy,tried to approach and persuade this two head snake to make a come back deal, it is a ridiculous woefully out of Khmer patriot mind isn't it ?.May be i am wrong in this asserting but i am sure this sore loser womanize prince did not hold hand with you without big chunk of bribe money and you Mr no gut,you put your head and all Khmer patriot head in to the dictator trap now . Please Khmer patriots outside and inside ,this is just my opinion , and i want to provide constructive opinion to this trouble Khmer politic only .
It looks like you have abandoned your website for phnum ben Khmerization .So when are you coming back to serve your forum?
Khmerization look like an old man. It like I fall down and can not get up. I'm sorry to say this and I know it been a long time day in day out.If ME I might quit long ago.
Cnrp will dissolved next year. Let me says it again cnrp will dissolved next year. Ah lop kha either wreckage or perish.
what's going on with khmerization ,this program news is shout down ?
Hello Where are You Khmerization ? You are on vacation or what ?
Post a Comment