ដោយ ប្រាជ្ញ ចេវ
2015-10-07 rfa
រដ្ឋមន្ត្រីក្រសួងអប់រំយុវជន និងកីឡា លោក ហង់ ជួនណារ៉ុន
ផ្ដល់បទសម្ភាសន៍ដល់អ្នកសារព័ត៌មាន នៅថ្ងៃទី៧ ខែតុលា
ក្រោយបញ្ចប់ពិធីទិវាគ្រូបង្រៀនឆ្នាំ២០១៥ នារាជធានីភ្នំពេញ។
RFA/Brach Chev
|
រដ្ឋមន្ត្រី ក្រសួងអប់រំ ច្រានចោលការរិះគន់របស់លោក សម រង្ស៊ី ថា ប្រព័ន្ធអប់រំនៅកម្ពុជា ខ្សោយនោះ មិនចំណេញដល់វិស័យអប់រំទេ។ មន្ត្រី ជាន់ខ្ពស់នៃគណបក្សនេះ លើកឡើងថា លោករដ្ឋមន្ត្រីគួរយកប្រសាសន៍របស់លោក សម រង្ស៊ី ទៅពិចារណា ជាជាងការឆ្លើយតបទាំងកំហឹងបែបនេះ។
រដ្ឋមន្ត្រីក្រសួងអប់រំ ហៅការរិះគន់របស់គណបក្សសង្គ្រោះជាតិ ជាការរិះគន់ដើម្បីវាយប្រហារ មិនមែនដើម្បីកែលម្អនោះទេ។
ថ្លែង ក្រោយបិទបញ្ចប់ទិវាគ្រូបង្រៀន នៅវិទ្យាស្ថានបច្ចេកវិទ្យាកម្ពុជា ហៅសាលាតិចណូ នៅថ្ងៃទី៧ ខែតុលា រដ្ឋមន្ត្រីក្រសួងអប់រំយុវជន និងកីឡា លោក ហង់ ជួនណារ៉ុន និយាយថា លោក សម រង្ស៊ី មិនឲ្យតម្លៃការអប់រំនៅកម្ពុជា ព្រោះគ្រួសាររបស់លោក សម រង្ស៊ី និងលោក សម រង្ស៊ី មិនដែលរៀននៅកម្ពុជា ទេ។ លោករដ្ឋមន្ត្រីថែមទាំងបង្ហាញការសង្ស័យថា លោក សម រង្ស៊ី ចេះភាសាខ្មែរមិនច្បាស់ ដោយលើកឡើងថា មានគ្រូខ្លះបបួលលោក សម រង្ស៊ី ប្រឡងភាសាខ្មែរ៖ «អ្វីដែលឯកឧត្តម សម រង្ស៊ី ថ្លែងវាយប្រហារប្រព័ន្ធអប់រំនៅកម្ពុជា ហ្នឹង គឺថាការវាយប្រហារនោះគ្មានន័យ ក៏ដូចគ្មានសារសំខាន់អីទេ ដោយហេតុអ្នកនយោបាយបានតែថា មិនបានធ្វើ មិនដែលឃើញឯកឧត្តម សម រង្ស៊ី កៀរគររកថវិកាកសាងសាលាបានមួយខ្នង។ ចំណុចទី២ គាត់មិនឲ្យតម្លៃការអប់រំនៅកម្ពុជា ដោយសារតែគាត់ និងគ្រួសារគាត់មិនដែលរៀននៅកម្ពុជា ទេ ហើយក៏មិនច្បាស់ថាគាត់ (លោក សម រង្ស៊ី) សរសេរខ្មែរច្បាស់ល្អដែរ»។
កាល ពីថ្ងៃទី៤ ខែតុលា លោក សម រង្ស៊ី ប្រធានគណបក្សសង្គ្រោះជាតិ បានប្រគល់វិញ្ញាបនបត្រជូនដល់អ្នកដែលបានបញ្ចប់វគ្គសិក្សាជំនាញ កុំព្យូទ័រ និងភាសាអង់គ្លេស នៅទីស្នាក់ការគណបក្សសង្គ្រោះជាតិ។ ក្នុងវីដេអូឃ្លិបដែលបង្ហោះនៅក្នុងទំព័រហ្វេសប៊ុក (Facebook page) របស់លោក សម រង្ស៊ី ប្រធានគណបក្សប្រឆាំងរូបនេះបានរិះគន់ថា ប្រព័ន្ធអប់រំ នៅប្រទេសកម្ពុជា ខ្សោយ ហើយសញ្ញាប័ត្រនៅប្រទេសកម្ពុជា ភាគច្រើនគ្មានតម្លៃ។ លោកថ្លែងទៀតថា ប្រសិនបើគណបក្សសង្គ្រោះជាតិ ឆ្នាំឆ្នោតនៅពេលខាងមុខ នោះគណបក្សនេះនឹងរៀបចំប្រព័ន្ធអប់រំឡើងវិញ។
វិទ្យុ អាស៊ីសេរី មិនអាចសុំការឆ្លើយតបពីលោក សម រង្ស៊ី ចំពោះប្រតិកម្មរបស់រដ្ឋមន្ត្រីក្រសួងអប់រំបានទេ នៅថ្ងៃទី៧ ខែតុលា។ យ៉ាងណាក៏ដោយចុះ អ្នកនាំពាក្យគណបក្សសង្គ្រោះជាតិ លោក យឹម សុវណ្ណ ឲ្យដឹងថា អ្វីដែលលោក សម រង្ស៊ី លើកឡើង គឺក្នុងន័យបង្ហាញចំណុចខ្សោយប្រព័ន្ធអប់រំនៅកម្ពុជា។ លោកបន្តថា អ្នកដែលមិនបានរៀននៅក្នុងស្រុក កាន់តែយល់យ៉ាងច្បាស់ពីប្រព័ន្ធអប់រំ នៅកម្ពុជា៖ «អ្វីដែលឯកឧត្តមប្រធាន សម រង្ស៊ី មានប្រសាសន៍ គឺក្នុងន័យបង្ហាញចំណុចនៅកម្ពុជា ហើយរដ្ឋមន្ត្រីក្រសួងអប់រំ គួរយកចំណុចទាំងអស់នោះទៅពិចារណា ដើម្បីការកែលំអគុណភាពអប់រំ និងដើម្បីអភិវឌ្ឍប្រទេសកម្ពុជា នៅពេលអនាគត»។
គេ សង្កេតឃើញថា អ្នកមានព្រទ្យធន ឬមានតួនាទីធំក្នុងជួរដ្ឋាភិបាលនៅប្រទេសកម្ពុជា តែងតែបញ្ជូនកូនរបស់ខ្លួនទៅរៀននៅក្រៅប្រទេស ហើយបើទោះជាកូនអ្នកទាំងនោះរៀនក្នុងស្រុក ក៏ភាគច្រើនរៀននៅសាលាឯកជនដែលមានតម្លៃថ្លៃៗដែរ។
យ៉ាងណាមិញ កាលពីថ្ងៃទី១៩ ខែកញ្ញា លោកនាយករដ្ឋមន្ត្រី ហ៊ុន សែន ថ្លែងក្នុងកម្មវិធីសម្ពោធដាក់ឱ្យដំណើរការជាផ្លូវការនូវសាលា អន្តរជាតិភ្នំពេញ (ISPP) នារាជធានីភ្នំពេញ ដែលជាសាលាឯកជនលំដាប់អន្តរជាតិ ជាសាធារណៈថា ចៅៗរបស់លោកច្រើនណាស់កំពុងរៀននៅសាលានេះ៖ «ឥឡូវកូនខ្ញុំតូចៗពីមុន ឥឡូវគេមានកូនរបស់គេមករៀនពេញតែសាលា»។
ទោះយ៉ាងណា លោក ហ៊ុន សែន មិនបានបង្អួតប្រាប់សាធារណជនថា ចៅរបស់លោករូបណាកំពុងសិក្សានៅសាលារដ្ឋនោះទេ។
រដ្ឋមន្ត្រី ក្រសួងអប់រំយុវជន និងកីឡា លោក ហង់ ជួនណារ៉ុន លើកឡើងថា បញ្ហាគុណភាពអប់រំនៅកម្ពុជា ធ្លាក់ចុះ ព្រោះជាប្រទេសឆ្លងកាត់ពីសង្គ្រាម ហើយគ្រូជាច្រើនត្រូវបានសម្លាប់នៅក្នុងរបបកម្ពុជាប្រជាធិបតេយ្យ។ លោកថា ដើម្បីពង្រឹងគុណភាពអប់រំ គឺខ្លួនឯងត្រូវប្រឹងប្រែងរៀន ត្រូវមានការចូលរួមពីអាណាព្យាបាលពីគ្រូ និងពីសង្គម។
អ្នកធ្លាប់ធ្វើការងារទាក់ទងវិស័យអប់រំ លោក អ៊ិន សំរិទ្ធិ អង្កេតឃើញថា វិស័យអប់រំនៅកម្ពុជា ទើបតែមានសន្ទុះខ្លាំងនៅរយៈពេលពីរឆ្នាំចុងក្រោយនេះ ប៉ុន្តែលោកថា វិស័យអប់រំរបស់កម្ពុជា មិនអាចប្រៀបធៀបនឹងប្រទេសជាតិជិតខាងបានទេ៕
2 comments:
Mr Hang Chuon Narong You a well educated man ,i am not a partisan of any political alliance but i see you are so sensitive to any criticism to your system of education . I saw the good and the bad on your policies, some of it i am real supportive to your initiative ,but some i need to think twice of your maneuver . I know you work under repressive regime and you may thing twice before to made any move,i understand that, but when you repudiate criticism from well educate people in the modern society you forgot one thing that Khmer societies have to many unsustainable or privilege ,than most develop world . Between to poor and the rich are differential and far apart from each others . you in the rich echelon ,you see in your eyes just rich societies who have plenty of money to spend by using private entities to advance their education and fortunately used their wealth to access privilege from private entity. But how about the poor under privilege children who don't have that opportunity to do it ? A number of teachers with unsustainable lives with less to survive by salary offer from this government offer , not libraries ,no book to study in the rural institutions ? They lived with end meat salaries ? I know better than any one about to be a poor student in Khmer country, because i born in a very poor class kid with a struggling life, is a tremendous task for them to got up and be succeed . One in hundreds can do it . I advice you to put your rage out from this criticism and roll your sleeve up to do more effort if you are a real patriotic and want to help Kherm poor to compete fairly with the rich and supper rich . you ought to forget about some criticism and use your wisdom intelligent ,your dignity and virtue to create a solvency mechanism to help the very poor instead of rage and anger . Criticism some of the time is a good reminder lesson you ought to learn about your missing point of view . Good Cambodian saying said " the good kid is come from the various mothers love to teach . Be a good man instead of a a grumpy one .
Admit your mistakes you will have a better way to learn from it mr hang choun narong. Only power hungry and evil-intent like you can work under hun sen's regime
Post a Comment