ដោយ ថា កិត្យា
2015-08-26 rfa
 |
ក្រុមតំណាងរាស្ត្របក្សប្រឆាំង ដឹកនាំយុវជន និងព្រះសង្ឃ ដើរពិនិត្យមើលចម្ការចន្ទី ៣០ហិកតារដែលពលរដ្ឋខ្មែរដាំតាំងពីឆ្នាំ១៩៧៩ ហើយពេលថ្មីៗនេះ អាជ្ញាធរវៀតណាម ហាមឃាត់មិនឲ្យប្រជាពលរដ្ឋខ្មែរម្ចាស់ដីប្រមូលផល នៅឃុំថ្នាធ្នង់ ស្រុករំដួល ខេត្តស្វាយរៀង កាលពីព្រឹកថ្ងៃទី១៣ ខែមិថុនា ឆ្នាំ២០១៥។
RFA/Tha Kitya
|
ប្រជាពលរដ្ឋមួយគ្រួសាររស់នៅឃុំថ្នាធ្នង់ ស្រុករំដួល ខេត្តស្វាយរៀង អំពាវនាវអោយអាជ្ញាធរជួយអន្តរាគមន៍ចំពោះបញ្ហាដែលជនជាតិវៀតណាម ដាក់ថ្នាំបំផ្លាញស្រូវរបស់គាត់ឲ្យខូចខាតអស់ជិត ១ហិកតារ។ ទោះយ៉ាងណាអាជ្ញាធរមូលដ្ឋានថា មិនទាន់ទទួលបានព័ត៌មាននេះនៅឡើយទេ។
ប្រជាពលរដ្ឋរស់នៅជាប់ខ្សែបន្ទាត់ព្រំដែនកម្ពុជា-វៀតណាម លើកឡើងថា ស្របពេលដែលកម្ពុជា កំពុងតែឈ្លោះគ្នាពីរឿងផែនទីនោះ គឺខាងភាគីវៀតណាម បានចាប់ផ្ដើមបង្កបញ្ហាស្មុគស្មាញមកលើភាគីកម្ពុជា ជាច្រើនករណីទៀត។
ករណីជាក់ស្ដែងថ្មីៗនេះ គឺប្រជាពលរដ្ឋមួយគ្រួសារអះអាងថា ពលរដ្ឋវៀតណាម បានលួចដាក់ថ្នាំម្សៅម្យ៉ាងធ្វើអោយស្រូវរបស់គាត់ដែលសាបព្រោះបានប្រហែល ១ខែកន្លះ នៅលើផ្ទៃដីទំហំ ៧០អារនោះ ត្រូវរលួយខូចខាតខ្ទេចខ្ទី ហើយដែលនៅសេសសល់មិនបានដល់ ១០ភាគរយផង។
លោក សៅ នឿន ដែលជាម្ចាស់ស្រូវនោះ មានប្រសាសន៍ថា ដីរបស់គាត់គឺនៅចន្លោះបង្គោលព្រំដែនលេខ១៤៧ និងលេខ១៤៨ ស្ថិតនៅភូមិធ្នង់ ឃុំថ្នាធ្នង់ ស្រុករំដួល ខេត្តស្វាយរៀង ដែលលោកថា វៀតណាមតែងតែឈ្លោះប្រកែក និងបណ្ដេញប្រជាពលរដ្ឋខ្មែរមិនអោយទៅធ្វើស្រែនៅតំបន់នោះឡើយ៖ «»។
ទាក់ទិនបញ្ហានេះ មេឃុំថ្នាធ្នង់ លោក គឹម ញ៉ាញ់ ឆ្លៀតប្រាប់វិទ្យុអាស៊ីសេរី ក្នុងអង្គប្រជុំថា លោកនៅមិនទាន់ទទួលបានព័ត៌មាននេះនៅឡើយទេ តែទោះយ៉ាងណា លោកនឹងចុះពិនិត្យមើលរឿងនេះ៖ «»។
វិទ្យុអាស៊ីសេរី មិនអាចសុំការបំភ្លឺពីលោកមេប៉ុស្តិ៍នៅឃុំថ្នាធ្នង់ បានទេ នៅថ្ងៃទី២៦ ខែសីហា ដោយចុចទទួលទូរស័ព្ទ ហើយក៏ដាច់ទៅវិញ។
បើទោះបីជាបែបនេះក្តី លោក សៅ នឿន អះអាងថា ពលរដ្ឋនៅឃុំថ្នាធ្នង់ នៅតែខ្វះភាពកក់ក្ដៅពីសំណាក់អាជ្ញាធរភូមិ ឃុំ ដោយសារអាជ្ញាធរហាក់ពុំសូវខ្វាយខ្វល់រឿងវៀតណាម ចូលដីខ្មែរឡើយ។ លោកទទួលស្គាល់ថា ដីនៅតំបន់នោះជាតំបន់ស ប៉ុន្តែលោកឆ្ងល់ថា ហេតុអ្វីបានជាពលរដ្ឋវៀតណាម អាចធ្វើស្រែស្រូវដោយសេរី តែហេតុដូចម្ដេចបានជាអាជ្ញាធរហាមឃាត់ តែពលរដ្ឋខ្មែរមិនអោយទៅប៉ះពាល់ដីនៅតំបន់នោះវិញ៖ «»។
ចំពោះបញ្ហាវៀតណាម ដាក់ថ្នាំបំផ្លាញដំណាំកសិករខ្មែរនេះ មន្ត្រីសម្របសម្រួលនៃអង្គការសិទ្ធិមនុស្សលីកាដូ ប្រចាំខេត្តស្វាយរៀង លោក នុត បូពិណ្ណរ័ត្ន មានប្រសាសន៍ថា អាជ្ញាធរខ្មែរគួរតែបើកការស៊ើបអង្កេតលើករណីនេះ ហើយគួរតែប្រញាប់ធ្វើការដោះស្រាយជាមួយអាជ្ញាធរវៀតណាម ដើម្បីកុំអោយវាក្លាយទៅជាជម្លោះធំធាត់នៅពេលខាងមុខ៖ «»។
ជាមួយគ្នានេះ ពលរដ្ឋម្ចាស់ដីអំពាវនាវអោយអាជ្ញាធរគ្រប់លំដាប់ថ្នាក់ ជាពិសេសប្រមុខរដ្ឋាភិបាលជួយអន្តរាគមន៍ដោះស្រាយជម្លោះដីធ្លីនេះ ព្រោះពួកគាត់គ្មានសល់ដីបង្កបង្កើនផលសម្រាប់ដោះស្រាយចិញ្ចឹមជីវិតនោះទេ ក្រោយពីបង្គោលព្រំដែនបានបោះចូលដីរបស់លោកប្រហែល ១ហិកតារ ហើយនៅសេសសល់ប្រហែល ៧០អារនោះ អាជ្ញាធរនៃប្រទេសទាំងពីរឃាត់ឃាំងមិនអោយធ្វើទៀត។
កាលពីខែមិថុនា កន្លងទៅ តំណាងរាស្ត្រគណបក្សសង្គ្រោះជាតិ ជាច្រើនរូបក៏បានរកឃើញថា នៅតំបន់នោះ គឺវៀតណាម រំលោភចូលដីស្រែចម្ការពលរដ្ឋខ្មែរជាង ៣០ហិកតារដែរ បន្ទាប់ពីដឹកនាំយុវជនជាច្រើន រួមទាំងព្រះសង្ឃផង ដើរពិនិត្យមើលដោយផ្ទាល់នាគ្រានោះ៕
1 comment:
«ទាក់ទិនបញ្ហានេះ មេឃុំថ្នាធ្នង់ លោក គឹម ញ៉ាញ់ ឆ្លៀតប្រាប់វិទ្យុអាស៊ីសេរី ក្នុងអង្គប្រជុំថា លោកនៅមិនទាន់ទទួលបានព័ត៌មាននេះនៅឡើយទេ តែទោះយ៉ាងណា លោកនឹងចុះពិនិត្យមើលរឿងនេះ៖»។
This is ridiculous even the governor of the province doesn’t know where the border is, what can this មេឃុំថ្នាធ្នង់ do?
Let’s assume that the មេឃុំ finds something wrong, he has to report up the chains of command which, if by luck, would end up at the desks of Var Kimhong, Koy Pisey and Sok Touch.
So to save the troubles the latter three need to go to the border and explain to the farmers that they have lived on the Vietnamese land.
And now is the best time to prove that government is honest by bringing along with them the press, NGO, the maps from UN and government maps, GPS positioning devices to clear things up in that area of the border. There will be many more area to come…
Post a Comment