Opposition Meets With UN’s Human Rights Envoy មេដឹកនាំ​គណបក្ស​ប្រឆាំង​ប្រាប់​អ្នក​តំណាង​អ.ស.ប.​អំពី​ការ​រំលោភ​សិទ្ធិ​មនុស្ស

by Heng Reaksmey, VOA Khmer

Cambodia National Rescue Party Deputy President Kem Sokha greets supporters during a rally in Phnom Penh, file photo

Kem Sokha, a leading opposition figure in Cambodia, met with the UN’s special human rights envoy on Friday, telling him that the opposition will not join the National Assembly until the country’s electoral system is reformed.

 

The envoy, Surya Subedi, is on a fact-finding mission to Cambodia, following up on visits in the wake of January’s violent crackdown on demonstrators.

 

His visit also comes amid a protracted political stalemate between the opposition Cambodia National Rescue Party and the ruling Cambodian People’s Party over elections in July 2013.

 

Kem Sokha, who is vice president of the Rescue Party, and other party members met with Subedi for about two hours on Friday, after which Kem Sokha briefed reporters.

 

The Rescue Party will not join the Assembly until the National Election Committee is reformed, he said. The party is concerned that if it joins the Assembly, it will be “ignored” by the ruling party majority, he said.

 

The international community, including the UN and the US, have called on the two sides to make meaningful reforms. US Embassy spokesman Sean McIntosh said Friday the US position has not changed; it wants the parties to promote true democratic reform.

21.06.2014

មេដឹកនាំ​គណបក្ស​ប្រឆាំង​ប្រាប់​អ្នក​តំណាង​អ.ស.ប.​អំពី​ការ​រំលោភ​សិទ្ធិ​មនុស្ស

ដោយ ហេង រស្មី VOA Khmer

លោក​​កឹម សុខា​ ប្រធាន​ស្តីទី​គណបក្ស​សង្គ្រោះជាតិ​។

លោក​​ កឹម សុខា​ ប្រធាន​ស្តីទី​គណបក្ស​សង្គ្រោះជាតិ​ បាន​ត្អូញ​ត្អែរ​ប្រាប់​លោក​សុរិយា ប្រាសាទ​សុប៊ែឌី​ អ្នក​រាយ​ការណ៍​​ពិសេស​របស់​អង្គការ​​សហ​ប្រជាជាតិ​ទទួល​បន្ទុក​សិទ្ធិ​មនុស្ស​កម្ពុជា​អំពី​ការ​រំលោភ​សិទ្ធិ​មនុស្ស​ថ្មីៗ​ ​មក​លើ​គណបក្ស​ប្រឆាំង​ពី​សំណាក់​អាជ្ញាធរ​របស់​រដ្ឋាភិបាល​កម្ពុជា។​

លោក​កឹម សុខា​បាន​ប្រាប់​ក្រុម​អ្នក​កាសែត​ក្រោយ​ពី​ជំនួប​ប្រមាណ​២​ម៉ោង​រវាង​ថ្នាក់​ដឹក​នាំ​គណបក្ស​សង្គ្រោះជាតិ​ និង​លោក​សុរិយា​នៅ​ការិយាល័យ​ឧត្តម​ស្នង​ការ​សហ​ប្រជាជាតិ​ប្រចាំ​កម្ពុជា​ថា​ គណបក្ស​សង្គ្រោះជាតិ​បាន​ទទួល​រង​នូវ​ការ​ធ្វើ​ទុក្ខ​បុកម្នេញ​ពី​អាជ្ញាធរ​រដ្ឋាភិបាល​កម្ពុជា​ ក្នុង​ខណៈ​ពេល​ដែល​ថ្នាក់​ដឹក​នាំ​គណបក្ស​នេះ​ទៅ​សួរសុខ​ទុក្ខ​ថ្នាក់​ដឹក​នាំ​គណបក្ស​សង្គ្រោះ​ជាតិ​នៅ​ស្រុក​អន្លង់​វែង​ ខេត្ត​ឧត្តរមាន​ជ័យ​ ខេត្ត​កោះកុង​ និង​ព្រំដែន​អន្តរជាតិ​ប៉ោយប៉ែត្រ​ កាល​ពី​ថ្ងៃ​ព្រហស្បតិ៍​ម្សិលមិញ។​​

លោក​បាន​និយាយ​ថា៖ ​«ពាក់​ព័ន្ធ​នឹង​បញ្ហា​រំលោភ​សិទ្ធិ​មនុស្ស ​ជាពិសេស​ ការប៉ុន​ប៉ង​គំរាម​កំហែង​មក​លើ​ថ្នាក់​ដឹក​នាំ​គណបក្ស​សង្គ្រោះជាតិ​ នៅ​ចុង​ក្រោយ​នេះ​​ ដូច​ជានៅ​អន្លង់វែង​ នៅ​កោះ​កុង​ ហើយ​ម្សិលមិញ​នៅ​ប៉ោយប៉ែត​ជាដើម​នេះ»។​​

ការ​បញ្ជាក់​ប្រាប់​របស់​ថ្នាក់​ដឹក​នាំ​គណបក្ស​សិទ្ធិ​មនុស្ស​ប្រាប់​មន្ត្រី​អង្គការ​សហ​ប្រជាជាតិ​នេះ​​បាន​កើត​មាន​ឡើង​ចំពេល​ដែល​លោក​សុរិយ៉ា​ប្រាសាទ​សុប៊ែឌី​កំពុង​ទស្សនកិច្ច​ក្នុង​ប្រទេស​កម្ពុជា​ដើម្បី​សិក្សា​លើ​បញ្ហា​ការ​រំលោភ​សិទ្ធិ​មនុស្ស ​ក្រោយ​ពេល​បោះ​ឆ្នោត​នៅ​កម្ពុជា។​

លោក​សុរិយា​ ប្រាសាទ​សុប៊ែឌី​គ្រោង​នឹង​បញ្ចប់​ទស្សនកិច្ច​នៅ​កម្ពុជា​នៅ​ថ្ងៃ​អង្គារ៍​សប្តាហ៍​ក្រោយ​នេះ។​

នៅ​ក្នុង​អំឡុង​ពេល​ទស្សនកិច្ច ​លោក​សុរិយ៉ា​ប្រាសាទ​សុប៊ែឌី​ក៏​បាន​ជួប​ជាមួយ​លោក​ឧបនាយក​រដ្ឋ​មន្ត្រី​ស ខេង​ រដ្ឋ​មន្ត្រី​ក្រសួង​មហា​ផ្ទៃ​នៅ​ថ្ងៃ​សុក្រ​នេះ​ដែរ។​

ក្រៅ​ពី​និយាយ​អំពី​បញ្ហា​រំលោភ​សិទ្ធិ​មនុស្ស ​លោក​កឹម សុខា​ក៏បាន​បញ្ជាក់​ប្រាប់​លោក​សុរិយ៉ា​ ប្រាសាទ​សុប៊ែឌី​ថា​ ​គណបក្ស​សង្គ្រោះជាតិ​អាច​ចូល​រួម​ប្រជុំ​សភា​បាន​ ដរាប​ណា​គណបក្ស​ប្រជាជន​កម្ពុជា​យល់​ព្រមឲ្យ​​មាន​ការ​កែ​ទម្រង់​​​សមាស​ភាព​គ.ជ.ប.​​ជា​មុន​សិន។​

គណបក្ស​សង្គ្រោះ​ជាតិ​បាន​ទាមទារ​ឲ្យ​​បោះ​ឆ្នោត​ជ្រើស​រើស​សមាសភាព​គ.ជ.ប. ​ដោយ​សម្លេង​​២ភាគ​៣​នៅ​សភា។ ​ចំណែក​ឯ​គណបក្ស​ប្រជាជន​កម្ពុជា​បាន​ទាម​ទារ​ឲ្យ​​បោះ​ឆ្នោត​ដោយ​សម្លេង​៥០%​បូក​១​វិញ។​

លោក​កឹម សុខា​​បាន​ព្រមាន​ថា ​ប្រសិន​ណា​បើ​ការ​ទាមទារ​នេះ​មិន​ត្រូវ​បាន​ដោះ​ស្រាយ​នោះ​ អាច​នឹង​មាន​អ្វី​កើត​ឡើង។​ ក៏ប៉ុន្តែ​លោក​មិន​បាន​បញ្ជាក់​ថា ​នឹង​មាន​អ្វី​កើត​ឡើង​ទេ។​

លោក​និយាយ​ថា៖​ «បើ​សិន​ជា​បិទ​ទ្វារ​ចរចា ​គ្មាន​អ្នក​ណា​ដេក​ឪ​ងាប់​ទេ។​ រឿង​សម្ពាធ​ពី​អន្តរជាតិ​ ឬ​យ៉ាង​ម៉េច ​គេ​កែ​យ៉ាង​ម៉េច​ យើង​អត់​ដឹង។ ​វា​អាច​ទាំង​អស់។ ​ស្អី​ក៏​វា​អាច​ដែរ។ ​ប្រសិន​ណា​បើ​​ច្រក​មួយ​ ប្រសិន​គេ​បិទ​ច្រមុះ​យើង​ យើង​មិន​រក​ដង្ហើម​តាម​មាត់?​ បើ​សិន​គេ​បិទ​មាត់​យើង​ យើង​មិន​រក​ដង្ហើម​តាម​ច្រមុះ?»​

លោក​ព្រំ សុខា​ សមាជិក​ក្រុម​​ចរចា​ខាង​គណបក្ស​ប្រជាជន​កម្ពុជា​ បាន​ស្តី​បន្ទោស​ទៅ​លើ​ភាព​ជាប់​គាំង​នេះ​ថា ​បណ្តាល​មក​ពី​គណបក្ស​សង្គ្រោះ​ជាតិ។​ លោក​បាន​បញ្ជាក់​ថា​ គណបក្ស​ប្រជាជន​កម្ពុជា​​នៅ​តែ​បញ្ជាក់​ជំហរ​ឲ្យ​​មាន​ការ​ចរចា​​ដើម្បី​រក​ដំណោះ​ស្រាយ។​​

លោក​និយាយ​ថា៖ ​«ជា​ឧបសគ្គ​សម្រាប់​ការ​ចរចា​...​និយាយ​យ៉ាង​ដូច្នេះ ​មិន​មែន​មាន​ន័យ​ថា​ គណបក្ស​ប្រជាជន​បិទ​ផ្លូវ​ចរចា​ទេ។​ យើង​នៅ​តែ​បើក​ទ្វារ​អញ្ចឹង។​ ប៉ុន្តែ​សុំឲ្យ​​គាត់​ពិចារណា​ឡើង​វិញ​ ដូច​ការ​លើក​ឡើង​២ភាគ​៣​នេះ។​ វាមិន​មែន​គ្រាន់​តែ​លើក​ឡើង​ដើម្បី​ដោះ​ស្រាយ ​លើក​ឡើង​ដើម្បី​គាំង»។​

លោក​សន ម៉ាក​ឃីនថស ​អ្នក​នាំ​ពាក្យស្ថាន​ទូត​សហ​រដ្ឋ​អាមេរិក​ប្រចាំ​ប្រទេស​កម្ពុជា​ មាន​ប្រសាសន៍​ប្រាប់​ក្រុម​អ្នក​កាសែត​កាល​ពី​ថ្ងៃ​ព្រហស្បតិ៍​ថា​ សហរដ្ឋ​អាមេរិក​ជំរុញ​ឲ្យ​​គណបក្ស​ទាំង​ពីរ​ស្វែង​រក​ការ​សម្រប​សម្រួល​ដើម្បី​អត្ថប្រយោជន៍​ពលរដ្ឋ​កម្ពុជា។​

លោក​និយាយ​ថា៖​«ជំហរ​របស់​ស្ថានទូត​សហ​រដ្ឋ​អាមេរិក​ទាក់​ទិន​នឹង​នយោបាយ​កន្លង​ទៅ​នៅ​ក្នុង​ប្រទេស​កម្ពុជា​គឺ​នៅ​តែ​ដដែល។​ យើង​ជំរុញ​ឲ្យ​​ភាគី​ទាំង​ពីរ ​CPP​ និង​CNRP​ ស្វែង​រក​ការ​សម្រប​សម្រួល​ដើម្បី​ផ្តល់​អត្ថប្រយោជន៍​ដល់​ប្រជា​ពលរដ្ឋ​កម្ពុជា។​ បញ្ហា​នេះ​វាមាន​សារៈ​សំខាន់​ខ្លាំង​ណាស់​ ដែល​ភាគី​ទាំង​ពីរ​ស្វែង​រក​ដំណោះ​ស្រាយ​ដើម្បី​លើក​ដំកើង​ការ​កែ​ទម្រង់​​ដើម្បី​លិទ្ធិ​ប្រជា​ធិបតេយ្យ។​ នេះ​ជាការ​សំខាន់​សម្រាប់​ការ​អភិវឌ្ឍ​ប្រទេស​កម្ពុជា»។​​

គណបក្ស​ប្រជាជន​កម្ពុជា​និង​គណបក្ស​សង្គ្រោះ​ជាតិ​ដែល​ជា​គណបក្ស​ឈ្នះ​ឆ្នោត​ទាំង​ពីរ ​នៅ​តែមាន​ជំហរ​ផ្ទុយ​គ្នា​ទាក់​ទិន​នឹង​កំណែ​ទម្រង់​​សមាស​ភាព​គ.ជ.ប.៕