UN Human Rights deputy commissioner Flavia Pansieri calls on the Cambodian government to lift the ban on assemblies without delay during her visit to Cambodia មន្រ្តីUN លោកស្រី Flavia Pansieri ស្នើឲ្យលុបចោលបម្រាមការប្រមូលផ្តុំ ដោយ​មិនពន្យារពេល​

ដោយ៖​ ស៊ុន ណារិន​ | ថ្ងៃសុក្រ ទី2 ខែឧសភា ឆ្នាំ2014, VOD

មន្រ្តីអង្គការសហប្រជាជាតិទទួលបន្ទុកសិទ្ធិមនុស្ស នៅថ្ងៃសុក្រនេះ អំពាវនាវឲ្យរដ្ឋាភិបាលកម្ពុជា ឲ្យលុប ចោលប​ម្រាម​ការ​​ប្រមូលផ្តុំ ដែលកំពុងតែបំបិទសិទ្ធិពលរដ្ឋកម្ពុជាក្នុងការប្រមូលផ្តុំ និងការបញ្ចេញមតិ។

ក្នុងសន្និសីទសារព័ត៌មានស្តីពីដំណើរទស្សនកិច្ចនៅកម្ពុជា លោកស្រី Flavia Pansieri ឧត្តម​ស្នងការរង​ទទួលប​ន្ទុ​ក​សិទ្ធិមនុស្ស​អង្គការសហប្រជាជាតិ​ មានប្រសាសន៍ថា លោកស្រីស្នើឲ្យមាន ការលុបចោល បម្រាមនៃការប្រមូលផ្តុំ ដែលរដ្ឋាភិបាល បានដាក់ចេញកាលពីខែមករា។ លោកស្រីអំពាវនាវ ឲ្យមានការ គោរពសិទ្ធិសេរីភាពនៃការប្រមូលផ្តុំ និងការបញ្ចេញមតិរបស់ពលរដ្ឋ។

លោកស្រី Flavia Pansieri បាន​មក​ដល់​ប្រទេស​កម្ពុជា កាលពី​ថ្ងៃ​ទី​២៨ មេសា ក្នុង​ដំណើរ​បំពេញ​ទស្សនកិច្ច​​រយៈពេល​០៥​ថ្ងៃ​។ លោកស្រី ​បញ្ចប់​ដំណើរ​ទស្សនកិច្ច​នៅ​កម្ពុជា នៅ​ថ្ងៃ​ទី​២ ខែ​ឧសភា​នេះ៕

សរសេរមកកាន់លោក ស៊ុន ណារិន តាមរយៈsun_narin@vodhotnews.com