Anti-eviction activists seek EU’s help with land disputesពលរដ្ឋមានជម្លោះដីធ្លីរ៉ាំងរ៉ៃនៅភ្នំពេញ ស្នើសុំសភាអឺរ៉ុបជួយ

Anti-eviction activists seek EU’s help with land disputes

Published: 27-Mar-14 10:56AM

PHNOM PENH (The Cambodia Herald) – About 100 anti-eviction activists rallied on Thursday in front of the office of Delegation of European Union, asking it to urge the Cambodian government to solve land disputes in their community. 

The activists appealed for the intervention from Werner Langen, chair of the EU’s Delegation for relation with the countries of Southeast Asia and the Association of Southeast Asia Nations (ASEAN) to help solve land disputes in Boeung Kok, Borei Keila and Thmor Kol. 

They also called for the release of the 21 detained protesters, who were arrested during the deadly clash on January 2-3.

ពលរដ្ឋ​មាន​ជម្លោះ​ដីធ្លី​រ៉ាំង​រ៉ៃ​នៅ​ភ្នំពេញ ស្នើ​សុំ​សភា​អឺរ៉ុប​ជួយ

THURSDAY, 27 MARCH 2014

ឃុត សុភចរិយា

ភ្នំពេញ​ប៉ុស្តិ៍

ពលរដ្ឋមានជម្លោះដីធ្លី មកសុំអន្តរាគមន៍​មុខ​សហភាព​អឺរ៉ុប​នៅ​ព្រឹក​ថ្ងៃ​ព្រហស្បតិ៍​នេះ។ រូបថត ហេង ជីវ័ន

ភ្នំពេញៈ សកម្មជន​ដី​ធ្លី​ប្រមាន​ជាង​៥០​នាក់​មក​ពី​សហគមន៍​បឹងកក់ បុរីកីឡា នៅ​ព្រឹក​ថ្ងៃ​ព្រហស្បត្តិ៍​ បាន​ជួប​ប្រជុំ​គ្នា​នៅ​មុខ​ការិយា​ល័យ​សហគមន៍​អឺរ៉ុប ប្រចាំ​កម្ពុជា ដើម្បី​​ដាក់​ញ្ញតិ​សុំកិច្ច​អន្តរាគមន៍​ទៅ​ប្រមុខ​រាជ​រដ្ឋាភិបាល​កម្ពុជា ឲ្យ​ជួយ​ពន្លឿន​ការ​ដោះ​ស្រាយ​វិបត្តិ​ដីធ្លី និង​ផ្ទះ​សម្បែង​របស់​ពួកគេ​ឲ្យ​បាន​ឆាប់ និង ជួយ​អន្តរាគមន៍​ដោះ​លែង​សកម្មជន​សិទ្ធិ​មនុស្ស​និង​កម្មករ​ចំនួន​២១​នាក់​ ឲ្យ​មាន​សេរីភាព​ឡើង​វិញ។

នៅ​មុខ​ការិយាល័យ​សហគមន៍​អឺរ៉ុប​ក្នុង​រាជធានី​ភ្នំពេញ អ្នកស្រី​ទេព វន្នី តំណាង​ប្រជាសហគមន៍​តំបន់​បឹងកក់ បាន​ថ្លែង​ប្រាប់​ភ្នំពេញ​ប៉ុស្តិ៍ថា ដោយ​សារ​សហគមន៍​អឺរ៉ុប​ ជាម្ចាស់​ជំនួយ និង​ជា​ដៃគូរ​អភិវឌ្ឍន៍​ដ៏​សំខាន់​របស់​រាជរដ្ឋាភិបាល​កម្ពុជា ដូច្នេះ​សហគមន៍​អឺរ៉ុប​ត្រូវ​មាន​តួនាទី​ដ៏ចម្បង​ក្នុង​ការ​ទទួល​ខុស​ត្រូវ​ និង ឃ្លាំមើល​ពី​ផល​ប៉ះពាល់​នានា​ មក​លើ​ប្រជាពលរដ្ឋ និង​ ធន​ធាន​ធម្មជាតិ​នៅ​កម្ពុជា ដែល​កើត​ចេញ​ពី​ជំនួយ​សម្រាប់​​ការ​អភិវឌ្ឍន៍​របស់​ពួកគេ។

អ្នកស្រី​ថ្លែង​ថា៖​«នេះ​ជា​ហេតុផល​ ដែល​សហគមន៍​ក្រី​ក្ររង​គ្រោះ​យើង​ខ្ញុំ​ នាំគ្នា​មកកាន់​ទីនេះ ឲ្យ​ជួយ​អន្តរាគមន៍​ដោះ​ស្រាយ»។

បន្ទាប់​មក​គេ​ឃើញ​វត្តមាន​របស់​លោក​​ ជីន ហ្វ្រង់ស្វ័រ កូតាន់ (Jean-François Cautain) ចេញ​មក​ទទួល​យក​ញ្ញតិ​របស់​ពួកគេ ប៉ុន្តែ​ដោយ​លោក​ជាប់​មាន​ធុរៈបន្ទាន់​នោះ លោក មិន​បាន​មាន​ប្រសាសន៍​អ្វី​ច្រើន​ទេ ក្រៅ​ពី​ទទួល​យក​ញ្ញតិ ហើយ​ប្រាប់​ថា លោក​នឹង​ពិនិត្យ​ ពិចារណា​លើ​ខ្លឹម​សារ​នៃ​ញ្ញតិ​ទាំង​នេះ​ដោយ​យក​ចិត្ត​ទុកដាក់​បំផុត។

នៅ​ក្នុង​ការ​ប្រមូល​ផ្តុំ​នៅ​ព្រឹក​ថ្ងៃ​ព្រហស្បតិ៍​នេះ ដែល​មិន​មាន​ការ​រារាំង​ពី​កម្លាំង​សមត្ថកិច្ច ពលរដ្ឋ​នាំ​គ្នា​អង្គុយ ដោយ​មាន​កាន់​ផ្កាឈូក បាន​ស្រែក​ឲ្យ​ជួយ​អន្តរាគមន៍ ទៅ​រដ្ឋាភិបាល​កម្ពុជា ដោះស្រាយ​បញ្ចប់​ជម្លោះ​ដីធ្លី​ និង​បាន​ប្រគល់​ញាត្តិ​របស់​ពួកគេ​ទៅ​លោក Werner Langen ប្រធាន​ក្រុម​សមាជិក សភា​​​អឺរ៉ុប ដែល​បាន​ដឹក​នាំ​គណៈ​ប្រតិភូ​នៃ​សមាជិក​សភា​សហគមន៍​អឺរ៉ុប​ ៧ រូប​មក​​បំពេញ​ទស្សកិច្ច ៣​ថ្ងៃ​នៅ​កម្ពុជា ​ដើម្បី សិក្សា​នឹង​ស្រាវជ្រាវ​ក្នុង​ការ​រៀប​ចំ​ការ​បោះ​ឆ្នោត​សកល រក​ដំណោះ​ស្រាយ​ទំនាស់​ដីធ្លី គម្រោង​អភិវឌ្ឍន៍​តាមបែប​ប្រជាធិប​តេយ្យ​និង​ផល​ប៉ះ​ពាល់​នៃ​គម្រោង​របស់​ សហភាព ​អឺរ៉ុប។

ក្នុង​ដំណើរ​ទស្សន​កិច្ច​ ៣ថ្ងៃនេះ សមាជិក​សភា​អឺរ៉ុប​នេះ នឹង​​​ជួប​ប្រជុំ​ដាច់​ដោយ​ឡែក​គ្នា​ជាមួយ​សមាជិក​សភា​​កម្ពុជា ​លោក ស ខេង រដ្ឋ​មន្ត្រី​ក្រសួង​មហាផ្ទៃ​ លោក សុខ អាន ឧបនាយក​រដ្ឋ​មន្ត្រី និង​​ថ្នាក់​ដឹក​នាំ​គណបក្ស​សង្គ្រោះ​ជាតិ។

កាល​ពី​ម្សិល​មិញ សមាជិក​សភា​អឺរ៉ុប បាន​ជួប​ប្រជុំ​ដាច់​ដោយ​ជាមួយ​នឹង លោក ស ខេង រដ្ឋ​មន្ត្រី​ក្រសួង​មហាផ្ទៃ និង​ថ្នាក់​ដឹក​នាំ​គណបក្ស​សង្គ្រោះ​ជាតិ ដែល​បាន​លើក​ឡើង​ពី​បញ្ហា​កំណែ​ទម្រង់​បោះ​ឆ្នោត និង​បញ្ហា​ស្ករស​កម្ពុជា។ រាយការណ៍បន្ថែមដោយ លាង ផាន់ណារ៉ា