A Buddha's relic stolen from a pagoda in Oudong last December has been found and one person arrested [Ven. Loun Sovath has come up with a good and believeable conspiracy theory, please have a listen to him] ព្រះសុវណ្ណកោដ្ឋ និងព្រះបរម សារីរិកធាតុ ត្រឡប់មកឃុំគ្រងរាជា ណាចក្រកម្ពុជា វិញហើយ

A Buddha's relic stolen from a pagoda in Oudong last December has been found and one person arrested .

Listen to what Ven. Loun Sovath said about recovery of the stolen Buddha's relic on 6/2/14 which was stolen on 9 Dec 2013.

Post by Jioun Kim.

លោកស្នងការនគរបាលខេត្តកណ្តាល អ៊ាវ ចំរើន កាន់បង្ហាញព្រះសុវណ្ណកោដ្ឋ និងព្រះបរមសារីរិកធាតុ

ជនសង្ស័យ កែវ រស្មី

Thursday, 06 February 2014 22:12 ដោយ៖ ដើមអម្ពិល (DAP), ID-009

ភ្នំពេញ៖ ព្រះសុវណ្ណកោដ្ឋ និងព្រះបរមសារីរិកធាតុ បានយាងត្រឡប់មកឃុំគ្រងព្រះរាជាណាចក្រកម្ពុជាវិញ ហើយ បន្ទាប់ពីក្រុមចោរឥតសាសនាលួចយក ទៅអស់រយៈពេលជិត ២ខែពីព្រះសក្យមុនីចេតិយ លើភ្នំព្រះរាជទ្រព្យ។

បន្ទាប់ពីការស្រាវជ្រាវ និងស៊ើបអង្កេតយ៉ាងយកចិត្តទុកដាក់ពីនាយកដ្ឋានព្រហ្មទ័ណ្ឌ នៃអគ្គស្នងការដ្ឋាននគរបាលជាតិ សហកាជាមួយ កម្លាំងនគរបាល ខេត្តកណ្តាល និង កម្លាំងនគរបាលខេត្ត តាកែវ  ដឹកនាំបញ្ជាផ្ទាល់់ដោយ លោក នេត សាវឿន អគ្គស្នងការនគរបាលជាតិ ព្រះសុវណ្ណកោដ្ឋ រួមនិងព្រះបរមសារីរិកធាតុ ដែលត្រូវបានទៅតាមយក ចេញផ្ទះជនសង្ស័យស្ថិតក្នុង ភូមិកោះ ឃុំខ្វាវ ស្រុកទ្រាំង ខេត្តតាកែវ នាវេលាម៉ោងប្រមាណ ៤រសៀលថ្ងៃទី០៦ ខែកុម្ភៈ ឆ្នាំ២០១៤នេះ។

ជាមួយនឹងការតាមរកឃើញមកវិញ នូវព្រះសុវណ្ណកោដ្ឋ និងព្រះបរមសារីរិកធាតុ ជាទីសក្ការៈគោរពបូជាដ៏ខ្ពង់ខ្ពស់របស់ប្រជាពលរដ្ឋខ្មែរនេះ កម្លាំងសមត្ថកិច្ច ក៏បានឃាត់ខ្លួនជនល្មើសឈ្មោះ  កែវ រស្មី ភេទប្រុស អាយុ ២៤ឆ្នាំ មុខរបរមិនពិតប្រាកដ និងជាជនញៀនថ្នាំ ដែលជាអ្នកធ្វើសកម្មភាពលួច រួមនិងស្រ្តីជាអ្នកទទួលទិញ៣តំណ មកហើយនោះ ឈ្មោះ សារ៉េត អាយុជាង ៣០ឆ្នាំ។

បើតាមប្រភពពីសមត្ថកិច្ច ខេត្តកណ្តាល បានបញ្ជាក់ថា បន្ទាប់ពីការបើកស្រាវជ្រាវរកឃើញនៅក្នុង ខេត្តតាកែវហើយនោះ កម្លាំងសមត្ថកិច្ច រួមនឹងកម្លាំងខេត្តកណ្តាល និមន្តសម្តេចព្រះពោធិវាំង អ៊ំ លឹមហេង ព្រះសង្ឃនាយករងទី ២ ទៅពិនិត្យមើល ។

ក្រោយការពិនិត្យរបស់សម្តេចសង្ឃ អ៊ំ លឹមហេង បានបញ្ជាក់ថា ព្រះសុវណ្ណកោដ្ឋ និងព្រះបរមសារីរិកធាតុ ពិតជានៅគង់វង្សដូចដើមមិនទាន់មានការបាត់បង់នោះទេ ។ សូមបញ្ជាក់ថា ការពិនិត្យមើល  ព្រះសុវណ្ណកោដ្ឋ និង ព្រះបរមសារីរិកធាតុ ដោយសម្តេចសង្ឃ គឺមានការចូលរួមពី អភិបាលខេត្តកណ្តាល និង តាកែវ រួមនឹងចៅក្រមទាំងពីរខេត្ត ព្រមទាំង ស្នងការនគរបាលទាំងពីរខេត្តផងដែរ ។

សូមបញ្ជាក់ថា ព្រះសុវណ្ណកោដ្ឋព្រះបរមសារីរិកធាតុ និងវត្ថុមានតម្លៃជាច្រើនទៀត ដែលតម្កល់ទុកគោរពបូជានៅក្នុងព្រះសក្យមុនីចេតិយលើភ្នំព្រះរាជទ្រព្យ ត្រូវបានក្រុមចោរឥតសាសនាលួចយកទៅកាលពីវេលាយប់ទៀបភ្លឺ ថ្ងៃទី១០ ខែធ្នូ ឆ្នាំ២០១៣។ ក្រោយការបាត់វត្ថុជាទីសក្ការៈដ៏ខ្ពង់ខ្ពស់នេះ ក្រសួងមហាផ្ទៃបានបង្កើតគណៈកម្ម ការស៊ើបអង្កេត និងស្រាវជ្រាវយ៉ាងយកចិត្តទុកដាក់ជាទីបំផុត ហើយឆ្មាំដែលនៅយាមព្រះសារីរិកធាតុជាច្រើន នាក់ ក៏ត្រូវបានឃុំខ្លួនផងដែរ។

ឯកសារមន្ទីរវប្បធម៌ខេត្តកណ្តាល បានបង្ហាញថា ព្រះបរមសារីរិកធាតុព្រះពុទ្ធ ដែលតម្កល់ទុកនៅឋានមនុស្សលោកមានបីខ្នាត គឺខ្នាតទំហំប៉ុនកំណាត់គ្រាប់សណ្តែកបាយ សម្បុរដូចមាស, ខ្នាតទំហំប៉ុនកំណាត់គ្រាប់អង្ករ សម្បុរដូចកែវ និងខ្នាតទំហំប៉ុនគ្រាប់ស្ពៃ សម្បុរដូចផ្កាថ្កុល។ រីឯព្រះបរមសារីរិកធាតុ ដែលព្រះបរមរតនកោដ្ឋ ព្រះមហាវីរក្សត្រ នរោត្តម សីហនុ សុំយាងពីស្រីលង្កាមកតម្កល់គង់នៅកម្ពុជានោះ មានទំហំប៉ុនកំណាត់គ្រាប់សណ្តែកបាយ សម្បុរដូចមាស គឺតូចស្ទើរមើលមិនឃើញនោះទេ។

ជាមួយនឹងការរកឃើញមកវិញ នូវរតនវត្ថុដែលមិនអាចកាត់ថ្លៃបាននេះ ក្រុមប្រជាពលរដ្ឋខ្មែរ ដែលទទួលបានដំណឹងនេះ ភ្លាមៗនាំគ្នាសម្តែងការសាទរ និងថ្លែងកោតសរសើរចំពោះកិច្ចខិតខំប្រឹងប្រែងរបស់កម្លាំងសមត្ថកិច្ច បំពេញការងារស្រាវជ្រាវអស់ពីកម្លាំងកាយចិត្ត រហូតវែកមុខក្រុមជនល្មើស។

ក្រុមប្រជាពលរដ្ឋ ក៏បានរំពឹងទុកថា អំណាចអានិសង្ស និងតេជា នៃព្រះបរមសារីរិកធាតុរបស់ព្រះសម្មាសម្ពុទ្ធ នឹង បន្តឃុំគ្រងប្រជារាស្រ្តឲ្យជួបតែសុខដុមរមនា ភាពសុខសាន្តតរៀងទៅ ជម្រះអស់ស្រមោលខ្មៅងងឹត ឧបទ្រព ចង្រៃ ជំរុញចិត្តប្រជាពលរដ្ឋខ្មែរទាំងអស់ រួមរស់សាមគ្គីគ្នាជាធ្លុងនាំមកនូវភាពរីកចម្រើនជូនប្រទេសជាតិ៕

លោកស្នងការនគរបាលខេត្តកណ្តាល អ៊ាវ ចំរើន កាន់បង្ហាញព្រះសុវណ្ណកោដ្ឋ និងព្រះបរមសារីរិកធាតុ