Why a Cambodian passport costs more than 10 times a Vietnamese passport?

ជម្រាបសួរអ្នកទាំងអស់គ្នា, តាមព័ត៌មានដែលខ្ញុំទទួលបានពីក្រសួងមហាផ្ទៃទាក់ទងនឹងការធ្វើលិខិតឆ្លងដែនចាប់ពីដើមឆ្នាំ២០១៤ គឺ៖ ១. សុពលភាព៖ ១០ ឆ្នាំ ២. ចំនួនទំព័រ៖ ជាង ៦០ (ប្រហែលជា ៦៤ ទំព័រ?) ៣. តម្លៃ៖ ជាង ១០០ ដុល្លា ដដែល នេះជាជោគជ័យជំហានដំបូងនៃការទាមទាររបស់រាស្ត្រអោយមានការផ្លាស់ប្តូរទាក់ទងនឹងការធ្វើលិខិតឆ្លងដែន។ ខ្ញុំផ្ទាល់សូមអរគុណដល់ក្រសួងមហាផ្ទៃដែលបានយកចិត្តទុកដាក់និងពិចារណាចំពោះសំណើរ និងការទាមទាររបស់ប្រជាជន។ ប៉ុន្តែប្រសិនបើរដ្ឋាភិបាលពិតជាមានសុច្ឆន្ទះក្នុងការកែទម្រង់, សូមបន្តកែប្រែ៖ ១. តម្លៃ៖ ប្រហាក់ប្រហែលនឹងប្រទេសជិត ឧ. ថៃ៖ ៣០ដុល្លា, វៀតណាម៖ ១២ ដុល្លា, ឡាវ៖ ៣៥ ដុល្លា.. ២. លប់បំបាត់ភាពមិនប្រក្រតីក្នុងការធ្វើលិខិតឆ្លងដែន ដូចជាការបង់ប្រាក់ បន្ថែមដើម្បីបានចុះឈ្មោះបំពេញឯកសារលឿនជាដើម។ ៣. ពន្លឿនរយៈពេលនៃការធ្វើលិខិតឆ្លងដែន។ ប្រសិនបើអ្នកចង់បានឆាប់ ១សប្តាហ៍ត្រូវមានព័ត៌មានច្បាស់លាស់ថាត្រូវចំនាយថែមនូវចំនួនទឹកប្រាក់ជាក់លាក់។ ៤. បង្កើតចំនួនការិយាល័យធ្វើលិខិតឆ្លងដែនតាមទីរួមខេត្តនីមួយៗ។ ការធ្វើបែបនេះនឹងកាត់បន្ថយការកកស្ទះការងារនៅការិយាល័យភ្នំពេញ, កាត់បន្ថយចរាចរណ៍នៅទីក្រុង, ប្រជាជនមិនចំនាយលុយកាក់ និងពេលវេលាច្រើនធ្វើដំណើរមកធ្វើលិខិតឆ្លងដែននៅភ្នំពេញ។ សូមមិត្តដែលជាអ្នកសារព័ត៌មានជួយផ្សព្វផ្សាយបន្តផង។