គណបក្សសង្គ្រោះជាតិ បានអំពាវនាវឲ្យប្រជាពលរដ្ឋដែលជាអ្នកបោះឆ្នោត សូមជួយធ្វើសាក្សីដោយផ្លិតមេដៃដើម្បីយកទៅប្ដឹងអន្តរជាតិ ពីភាពមិនត្រឹមត្រូវនៃការបោះឆ្នោត ដោយបានសង្ស័យថាមានការបន្លំសន្លឹកឆ្នោត។
ដោយ អ៊ុក សាវបូរី រដ្ឋា វិសាល និង ម៉ម មុនីរតន៍
2013-10-15
ស្ដាប់ ឬ ទាញយកសំឡេង
ស្ដាប់ ឬ ទាញយកសំឡេង
ស្ដាប់ ឬ ទាញយកសំឡេង
ប្រជាពលរដ្ឋចូលរួមក្នុងសមាជបក្សសង្គ្រោះជាតិ ផ្ដិតមេដៃគាំទ្រញត្តិទាមទារតវ៉ារបស់បក្សសង្គ្រោះជាតិ នាទីលានប្រជាធិបតេយ្យ រាជធានីភ្នំពេញ កាលពីថ្ងៃទី៦ ខែតុលា ឆ្នាំ២០១៣។
Photo: RFA
ទាក់ទងនឹងបញ្ហាផ្ដិតមេដៃនេះ គណបក្សសង្គ្រោះជាតិ ចោទថា មេភូមិពងទឹក ឃុំគោកពោធិ៍ ខេត្តតាកែវ មិនធ្វើជាអាជ្ញាធរអព្យាក្រឹតទេ ព្រោះដកយកក្រដាសដែលមានស្នាមមេដៃប្រជាជន ផ្ដិតគាំទ្រឲ្យមានការរកយុត្តិធម៌សន្លឹកឆ្នោតជូនគណបក្សសង្គ្រោះជាតិ។
ប្រធានប្រតិបត្តិឃុំគោកពោធិ៍ ស្រុកបូរីជលសារ ខេត្តតាកែវ លោក ផែង ទូច ថ្លែងនៅព្រឹកថ្ងៃ១៥ ខែតុលា ថា មេភូមិពងទឹក បានមកដកយកក្រដាសដែលមានស្នាមមេដៃប្រជាពលរដ្ឋនៅថ្ងៃច័ន្ទ ពីសកម្មជនគណបក្សសង្គ្រោះជាតិ។ លោកថា បានជាគណបក្សសង្គ្រោះជាតិ សុំឲ្យសាក្សីជាអ្នកបោះឆ្នោតផ្ដិតមេដៃ គឺគ្រោងយកស្នាមមេដៃនោះទៅប្ដឹងអង្គការសហប្រជាជាតិ ពីព្រោះការប្រកាសអាសនៈសភាកន្លងទៅរបស់ គ.ជ.ប មានការសង្ស័យពីការបន្លំសំឡេងអាសនៈរបស់គណបក្សសង្គ្រោះជាតិ។
លោក ផែង ទូច ថ្លែងថា ការដកយកក្រដាសផ្ដិតមេដៃនោះជាការបំបិទសិទ្ធិបញ្ចេញមតិរបស់ប្រជាពលរដ្ឋ៖ «ខ្ញុំអត់បង្ខំទេ អ៊ីចឹងប្រជាពលរដ្ឋគេសួរថាផ្ដិតមេដៃនេះយកទៅណា? ខ្ញុំប្រាប់ថា មេដៃនេះផ្ដិតយកទៅអង្គការសហប្រជាជាតិ ព្រោះលទ្ធផលនៃការបោះឆ្នោតវាមិនប្រក្រតីមិនយុត្តិធម៌ មានការបន្លំ ហើយមេភូមិគេដកឯកសារហ្នឹង ប៉ិនខ្ញុំឲ្យ តែឯកសារអត់ទាន់ផ្ដិតមេដៃ។ គេសុំទាំងអស់ ប៉ុន្តែខ្ញុំឲ្យតែមួយសន្លឹក»។
1 comment:
khmer peoples are stupid & dumbs
limited on knowledges
compares to thai & viet,,
never understood the situations
Post a Comment