ដោយ សួន សុផលមុន្នី RFA
2013-08-31
2013-08-31
ស្ដាប់ ឬ ទាញយកសំឡេង
៣០-សីហា-២០១៣៖ ទីបញ្ជាការកងវរសេនាតូច៥៣៥ ស្ថិតនៅភូមិស្រែម្អម ឃុំសាលាក្រៅ ខេត្តប៉ៃលិន។
RFA/Soun Sophalmony
កងទាហានទាំងនោះអះអាងថា
ពួកគេមានឆន្ទៈមោះមុតក្នុងការការពារទឹកដី
ប៉ុន្តែអ្វីដែលពួកគាត់ខកចិត្ត
គឺរឿងមេបញ្ជាការកងពលកាត់ប្រាក់ខែរបស់ពួកគាត់។
ទាហានការពារព្រំដែននៃកងវរសេនាតូច៥៣៥ នៅខេត្តប៉ៃលិន ជាច្រើននាក់ កំពុងនាំគ្នាត្អូញត្អែរពីករណីមេបញ្ជាការកងពលលេខ៥៣ របស់ពួកគេ ដែលបានកាត់ប្រាក់ខែកូនទាហានជាបន្តបន្ទាប់ ចាប់តាំងពីឆ្នាំ២០១២ រហូតមកដល់ឆ្នាំ២០១៣ ដោយពុំបានប្រាប់ពីមូលហេតុច្បាស់លាស់។ បញ្ហានេះ បានធ្វើឲ្យកងទាហានទាំងនោះនាំគ្នាទាមទារទៅក្រសួងការពារជាតិ ចាត់វិធានការចុះស្រាវជ្រាវត្រួតពិនិត្យជាបន្ទាន់។
កាលពីថ្ងៃទី៣០ ខែសីហា កងទាហានជាច្រើននាក់ថ្លែងដោយសុំមិនបញ្ចេញឈ្មោះថា ចាប់តាំងពីឆ្នាំ២០១២ រហូតដល់ឆ្នាំ២០១៣ ប្រាក់ខែរបស់ពួកគាត់ត្រូវបានមេបញ្ជាការអង្គភាពកាត់ជា បន្តបន្ទាប់ ដោយមេរបស់ខ្លួនពុំបានបញ្ជាក់ប្រាប់ពីមូលហេតុថា លុយដែលកាត់ពីប្រាក់ខែកូនទាហាននោះ យកទៅធ្វើអ្វីនោះទេ៖ «ខ្ញុំ និងអង្គភាព មិនមែនការខឹងសម្បារជាមួយមេទេ សប្បាយចិត្តក្នុងការរស់នៅជាមួយគាត់ គ្រាន់តែថា ឆ្ងល់មួយចំណុច តើកាត់ប្រាក់បៀវត្ស តើថ្នាក់ណាឲ្យកាត់»។
ពួកគាត់បញ្ជាក់ថា នៅខែមករា ឆ្នាំ២០១២ មេកងពលកាត់ប្រាក់ខែកូនទាហានពី ៣ម៉ឺនរៀល ទៅ ៨ម៉ឺនរៀល ពីកូនទាហានគ្រប់ៗគ្នា។ នៅខែមីនា ឆ្នាំ២០១២ កាត់ប្រាក់ខែពី ១ម៉ឺនរៀល រហូតដល់ ៥ម៉ឺនរៀល ពីកូនទាហានទាំងអស់។ នៅខែកញ្ញា ឆ្នាំ២០១២ កាត់ប្រាក់ខែពីកូនទាហានចាប់ពី ២ម៉ឺនរៀល ឡើងទៅ ៤ម៉ឺនរៀល និងនៅខែធ្នូ ឆ្នាំ២០១២ ដដែល មេកងពលលេខ៥៣ កាត់ប្រាក់ខែពី ២ម៉ឺនរៀល ទៅ ៥ម៉ឺនរៀល ពីកូនទាហានគ្រប់ៗគ្នាថែមទៀត៖ «ប្រាក់បៀវត្សរបស់កូនទាហានហ្នឹង ខ្ញុំតែងតែលើកក្នុងអង្គប្រជុំថា មុននឹងកាត់ប្រាក់បៀវត្ស ត្រូវផ្សព្វផ្សាយពីគោលការណ៍ដែលត្រូវកាត់ ចំណុចទី១ ទី២ នៅពេលបើកប្រាក់បៀវត្ស អ្នកឯងត្រូវតែបញ្ជាក់ចំនួនទឹកប្រាក់នៅក្នុងប័ណ្ណបើកលុយ ហើយគោលការណ៍ទី៣ នេះ ពេលត្រូវកាត់ គឺយើងត្រូវការចុះហត្ថលេខាពីលេខា ឬមេបញ្ជាការ»។
វិទ្យុអាស៊ីសេរី មិនអាចទាក់ទង លោក អ៊ូ គឹមវ៉ុន ជាមេបញ្ជាការកងវរសេនាតូចការពារព្រំដែន៥៣៥ នៅស្រុកសាលាក្រៅ ខេត្តប៉ៃលិន និងលោក ជា ភួងភិរម្យ ជាមេបញ្ជាការកងពលលេខ៥៣ ដើម្បីសុំប្រតិកម្មបញ្ជាក់ជុំវិញបញ្ហានេះបានទេ។
កងទាហានការពារព្រំដែនទាំងនោះ បញ្ជាក់បន្ថែមថា នៅក្នុងកិច្ចប្រជុំមួយ កាលពីថ្ងៃទី២៧ ខែសីហា នៅទីបញ្ជាការ មេបញ្ជាការរបស់ពួកគេបានប្រកាសប្រាប់កូនទាហានពីរឿងកាត់ប្រាក់ ខែកូនទាហានថែមទៀត។ តែការកាត់លើកនេះ មេបញ្ជាការរបស់ពួកគេប្រាប់ថា កាត់លុយចាប់ពី ៨ពាន់រៀល ទៅ ២ម៉ឺន ៥ពាន់រៀល ដើម្បីយកលុយនោះទៅកសាងសួនច្បារនៅទីបញ្ជាការកងពលលេខ៥៣ ដែលមានមូលដ្ឋាននៅក្នុងស្រុកកំរៀង ខេត្តបាត់ដំបង។ ក្រៅពីការត្អូញត្អែរពីរឿងកាត់ប្រាក់ខែ កូនទាហានទាំងនោះក៏បានរិះគន់ចំពោះមេបញ្ជាការរបស់ខ្លួន ដែលបានអនុវត្តពុំត្រឹមត្រូវនៅក្នុងអង្គភាព។
កងទាហានការពារព្រំដែននៃកងវរសេនាតូច៥៣៥ សុំឲ្យក្រសួងការពារជាតិ ចុះស្រាវជ្រាវពិនិត្យរឿងមេទាហានកាត់ប្រាក់ខែកូនទាហាននេះ។ តើមានបទបញ្ជាមកពីថ្នាក់ណា? សុំក្រសួងការពារជាតិ ចុះពិនិត្យស្រាវជ្រាវរឿងភាពមិនប្រក្រតីនៅក្នុងការយកបក្ខពួកកូន ក្មួយរបស់ខ្លួន ទៅកាន់តួនាទីមួយចំនួនក្នុងអង្គភាព និងរឿងកាត់ឈ្មោះកូនទាហានលក់ជាដើម៕
ទាហានការពារព្រំដែននៃកងវរសេនាតូច៥៣៥ នៅខេត្តប៉ៃលិន ជាច្រើននាក់ កំពុងនាំគ្នាត្អូញត្អែរពីករណីមេបញ្ជាការកងពលលេខ៥៣ របស់ពួកគេ ដែលបានកាត់ប្រាក់ខែកូនទាហានជាបន្តបន្ទាប់ ចាប់តាំងពីឆ្នាំ២០១២ រហូតមកដល់ឆ្នាំ២០១៣ ដោយពុំបានប្រាប់ពីមូលហេតុច្បាស់លាស់។ បញ្ហានេះ បានធ្វើឲ្យកងទាហានទាំងនោះនាំគ្នាទាមទារទៅក្រសួងការពារជាតិ ចាត់វិធានការចុះស្រាវជ្រាវត្រួតពិនិត្យជាបន្ទាន់។
កាលពីថ្ងៃទី៣០ ខែសីហា កងទាហានជាច្រើននាក់ថ្លែងដោយសុំមិនបញ្ចេញឈ្មោះថា ចាប់តាំងពីឆ្នាំ២០១២ រហូតដល់ឆ្នាំ២០១៣ ប្រាក់ខែរបស់ពួកគាត់ត្រូវបានមេបញ្ជាការអង្គភាពកាត់ជា បន្តបន្ទាប់ ដោយមេរបស់ខ្លួនពុំបានបញ្ជាក់ប្រាប់ពីមូលហេតុថា លុយដែលកាត់ពីប្រាក់ខែកូនទាហាននោះ យកទៅធ្វើអ្វីនោះទេ៖ «ខ្ញុំ និងអង្គភាព មិនមែនការខឹងសម្បារជាមួយមេទេ សប្បាយចិត្តក្នុងការរស់នៅជាមួយគាត់ គ្រាន់តែថា ឆ្ងល់មួយចំណុច តើកាត់ប្រាក់បៀវត្ស តើថ្នាក់ណាឲ្យកាត់»។
ពួកគាត់បញ្ជាក់ថា នៅខែមករា ឆ្នាំ២០១២ មេកងពលកាត់ប្រាក់ខែកូនទាហានពី ៣ម៉ឺនរៀល ទៅ ៨ម៉ឺនរៀល ពីកូនទាហានគ្រប់ៗគ្នា។ នៅខែមីនា ឆ្នាំ២០១២ កាត់ប្រាក់ខែពី ១ម៉ឺនរៀល រហូតដល់ ៥ម៉ឺនរៀល ពីកូនទាហានទាំងអស់។ នៅខែកញ្ញា ឆ្នាំ២០១២ កាត់ប្រាក់ខែពីកូនទាហានចាប់ពី ២ម៉ឺនរៀល ឡើងទៅ ៤ម៉ឺនរៀល និងនៅខែធ្នូ ឆ្នាំ២០១២ ដដែល មេកងពលលេខ៥៣ កាត់ប្រាក់ខែពី ២ម៉ឺនរៀល ទៅ ៥ម៉ឺនរៀល ពីកូនទាហានគ្រប់ៗគ្នាថែមទៀត៖ «ប្រាក់បៀវត្សរបស់កូនទាហានហ្នឹង ខ្ញុំតែងតែលើកក្នុងអង្គប្រជុំថា មុននឹងកាត់ប្រាក់បៀវត្ស ត្រូវផ្សព្វផ្សាយពីគោលការណ៍ដែលត្រូវកាត់ ចំណុចទី១ ទី២ នៅពេលបើកប្រាក់បៀវត្ស អ្នកឯងត្រូវតែបញ្ជាក់ចំនួនទឹកប្រាក់នៅក្នុងប័ណ្ណបើកលុយ ហើយគោលការណ៍ទី៣ នេះ ពេលត្រូវកាត់ គឺយើងត្រូវការចុះហត្ថលេខាពីលេខា ឬមេបញ្ជាការ»។
វិទ្យុអាស៊ីសេរី មិនអាចទាក់ទង លោក អ៊ូ គឹមវ៉ុន ជាមេបញ្ជាការកងវរសេនាតូចការពារព្រំដែន៥៣៥ នៅស្រុកសាលាក្រៅ ខេត្តប៉ៃលិន និងលោក ជា ភួងភិរម្យ ជាមេបញ្ជាការកងពលលេខ៥៣ ដើម្បីសុំប្រតិកម្មបញ្ជាក់ជុំវិញបញ្ហានេះបានទេ។
កងទាហានការពារព្រំដែនទាំងនោះ បញ្ជាក់បន្ថែមថា នៅក្នុងកិច្ចប្រជុំមួយ កាលពីថ្ងៃទី២៧ ខែសីហា នៅទីបញ្ជាការ មេបញ្ជាការរបស់ពួកគេបានប្រកាសប្រាប់កូនទាហានពីរឿងកាត់ប្រាក់ ខែកូនទាហានថែមទៀត។ តែការកាត់លើកនេះ មេបញ្ជាការរបស់ពួកគេប្រាប់ថា កាត់លុយចាប់ពី ៨ពាន់រៀល ទៅ ២ម៉ឺន ៥ពាន់រៀល ដើម្បីយកលុយនោះទៅកសាងសួនច្បារនៅទីបញ្ជាការកងពលលេខ៥៣ ដែលមានមូលដ្ឋាននៅក្នុងស្រុកកំរៀង ខេត្តបាត់ដំបង។ ក្រៅពីការត្អូញត្អែរពីរឿងកាត់ប្រាក់ខែ កូនទាហានទាំងនោះក៏បានរិះគន់ចំពោះមេបញ្ជាការរបស់ខ្លួន ដែលបានអនុវត្តពុំត្រឹមត្រូវនៅក្នុងអង្គភាព។
កងទាហានការពារព្រំដែននៃកងវរសេនាតូច៥៣៥ សុំឲ្យក្រសួងការពារជាតិ ចុះស្រាវជ្រាវពិនិត្យរឿងមេទាហានកាត់ប្រាក់ខែកូនទាហាននេះ។ តើមានបទបញ្ជាមកពីថ្នាក់ណា? សុំក្រសួងការពារជាតិ ចុះពិនិត្យស្រាវជ្រាវរឿងភាពមិនប្រក្រតីនៅក្នុងការយកបក្ខពួកកូន ក្មួយរបស់ខ្លួន ទៅកាន់តួនាទីមួយចំនួនក្នុងអង្គភាព និងរឿងកាត់ឈ្មោះកូនទាហានលក់ជាដើម៕
No comments:
Post a Comment