Khmerization: Son of tycoon Sieng Nam and daughter of former Thai PM told about their love story កូនប្រុសលោកឧកញ៉ា សៀង ណាំ និងកូនស្រីពៅអតីតនាយករដ្ឋមន្ដ្រីថៃ រៀបរាប់ប្រវត្ដិស្នេហ៍ មុនចូលរោងការ

Thai PM Yingluck Shinawatra made a speech during her niece's wedding to son of Cambodian tycoon Sieng Nam on 18th May in Bangkok.

(ថ្ងៃទី 20 ឧសភា 2013, | ដោយ: បាយ័ន CEN

ភ្នំពេញ: គូរស្នេហ៍ពីរប្រទេស ដែលម្នាក់ជាជនជាតិខ្មែរ និងម្នាក់ជាជនជាតិថៃ បានដឹកដៃគ្នាក្រាបផ្ទឹមតាមបែប ប្រពៃណីព្រះពុទ្ធសាសនា ដោយប្រវត្តិស្នេហាដ៏ផ្អែមល្ហែម ពួកគេទាំងពីរត្រូវបានរៀបរាប់ឲ្យបានដឹង នៅពេលដែលពួកគេ ស្ថិតក្នុងសម្លៀកបំពាក់ កូនកំលោះកូនក្រមុំនៅឯ ទីក្រុងបាងកក ប្រទេសថៃ។

លោកស្រី Yowvapa Wongsawat ម្ដាយនាង Chayapa Wongsawat ហៅ Cherry បាននិយាយនៅក្នុងវីដេអូប្រវត្ដិសង្ខេប រវាងកូនស្រី របស់គាត់ជាមួយនិងកំលោះណាំ លីណាល់ថា មុនដំបូងគឺលោកស្រី និងស្វាមីគឺ លោក Somchai Wongsawat បានស្គាល់គ្នាជាមួយ លោកឧកញ៉ាសៀង ណាំ អ្នកតំណាងរាស្ដ្រព្រះរាជាណាចក្រកម្ពុជា និងលោកស្រីអ៊ុន វុនលី ដើម្បីរាប់ អានគ្នាទៅវិញទៅមកដូចបងប្អូន។

លោកស្រី Yowvapa Wongsawat បាននិយាយនៅក្នុងវីដេអូឃ្លីបសង្ខេបក្នុងពេលពិធីមង្គលការនៅក្នុង ទីក្រុងបាងកក ប្រទេសថៃថា ក្រោយពេលរាប់អានគ្នាជាមួយក្រុមគ្រួសារលោកឧកញ៉ាសៀង ណាំ លោកស្រីក៏បានទូរស័ព្ទទៅកូនស្រីគឺ នាង Cherry ដែលកំពុងរស់នៅ រៀនសូត្រ ឯប្រទេសអង់គ្លេស ហើយពេលនោះគឺនៅពេលយប់នាង Cherry កំពុងតែធ្វើម្ហូបញ៉ាំ។

ពេលនោះលោកស្រីបានប្រាប់នៅនាង Cherry ថា ម្ដាយសុំណែនាំឱ្យកូនបានស្គាល់យុវជនម្នាក់រស់នៅប្រទេសកម្ពុជា ដែលជាកូនប្រុស មត្ដិភក្ដិរបស់ឪពុកម្ដាយ។ ពេលដែលម្ដាយនិយាយយ៉ាងដូច្នោះ Cherry បានតបមកម្ដាយវិញថាឱ្យស្គាល់យ៉ាងម៉េច បើម្នាក់ជាជនជាតិថៃ ហើយម្នាក់ជាជនជាតិកម្ពុជា។

ក្រោយមកទៀតកំលោះ ណាំ លីណាល់ កូនប្រុសលោកសៀង ណាំ និងលោកស្រីអ៊ុន វុនលី ក៏បានធ្វើដំណើរពីប្រទេសកម្ពុជា ទៅកាន់ប្រទេសថៃ ហើយបង្ហួសទៅកាន់ខេត្ដឈៀងម៉ៃ ខណៈពេលដែល Cherry បានធ្វើដំណើរពីប្រទេសអង់គ្លេស មកដល់ស្រុកកំណើត។ កាលធ្វើដំណើររបស់លោកណាំ លីណាល់ ទៅឈៀងម៉ៃ នាគ្រានោះគឺលោកបានកោរសក់ ដោយពាក់អាវយឺត និងខោខ្លីតែប៉ុណ្ណោះ ហើយបានជួបនាង Cherry នៅទីនោះ។

នៅពេលឃើញកំលោះ ណាំ លីណាល់ មានសម្បុរស និងខ្ពស់ស្រឡះ ហើយមានរូបរាងសង្ហារ នាង Cherry ក៏បានចាប់ ចិត្ដប្រតិព័ទ្ធថា នាងអាចយកកំលោះ ណាំ លីណាល់ ធ្វើជាអនាគតបាន។ នៅពេលស្គាស់គ្នាពួកគេទាំងពីរ ក៏បានបែកគ្នា ប៉ុន្ដែកំលោះកម្ពុជា និងក្រមុំថៃ ក៏មានការទាក់ទងគ្នាតាមទូរសព្ទ័ជាហូរហែ ដើម្បីធ្វើឱ្យពួកគេកាន់តែស្គាស់គ្នាជ្រៅឡើងៗ។ ប៉ុន្ដែទោះបីយ៉ាងណាក៏ដោយ បន្ដបន្ទាប់មកទៀតលោកណាំ លីណាល់ និង Cherry បានធ្វើដំណើរទៅមក កម្ពុជា-ថៃ ចុះឡើងៗ ដើម្បីស្គាល់ចិត្ដថ្លើមគ្នា កាន់តែខ្លាំងឡើងខ្លាំងឡើង។ ហើយចំណងស្នេហ៍ក៏ឈានដល់ការពិតចាប់ពីពេលនោះមក។

ដោយឡែក លោកស្រីយីង ឡាក់ ស៊ីណាវ៉ាត្រា នាយករដ្ឋមន្ដ្រីថៃ ត្រូវជាម្ដាយមីងបង្កើតរបស់នាង Cherry បានមានប្រសាសន៍ នៅក្នុងពិធីមង្គលការនារាត្រីនោះដែរថា ក្មួយស្រី Cherry ត្រូវបានរូបគាត់បីបាច់ថែរក្សាតាំងពីតូច ដូចជាកូនបង្កើតអញ្ចឹង។ លោកស្រីនាយករដ្ឋមន្ដ្រីថៃបានបន្ដថា នាង Cherry គួរឱ្យស្រលាញ់ណាស់ព្រោះចរិតលក្ខណៈមានភាពទន់ភ្លន់ ហើយ សុភាពរាបសា។

កូនកំលោះ និងកូនក្រមុំក៏បានសច្ចា និងសន្យានៅចំពោះមុខភ្ញៀវជាង២០០០នាក់ដែលបានចូលរួមថា ពួក គេនិងស្រលាញ់គ្នារហូតដល់ ចាស់ព្រឹទ្ធចាស់ព្រេង និងបន្ដវង្សត្រកូលឱ្យកាន់តែថ្កុំថ្កើនឡើង ដោយមិនប្រកាន់វណ្ណៈឡើយ។

សូមបញ្ជាក់ថា អាពាហ៍ពិពាហ៍របស់លោកណាំ លីណាល់ និងនាង Cherry បានប្រព្រឹត្ដឡើងនៅក្នុងសណ្ឋាគារលំដាប់ ផ្កាយ៥ Royal Meridien ស្ថិតនៅចំកណ្ដាលក្រុងបាងកក កាលពីថ្ងៃទី១៨ ខែឧសភា ឆ្នាំ២០១៣ដែលធ្វើឱ្យមានការភ្ញាក់ ផ្អើលមួយទាំងនៅប្រទេសកម្ពុជា ទាំងនៅប្រទេសថៃ ព្រោះថាកូនប្រុសគឺជាកូនរបស់លោកឧកញ៉ាសៀង ណាំអ្នកតំណាងរាស្ដ្រ នៃព្រះរាជាណាចក្រកម្ពុជា និងលោកស្រីអ៊ុន វុនលី និងកូនស្រីគឺជាកូនបង្កើតរបស់លោក Somchai Wongsawat អតីតនាយករដ្ឋមន្ដ្រីថៃ និងលោកស្រី Yowvapa Wogsawat។ កូនក្រមុំ Chayapa Wongsawat ហៅCherry ក៏ជាក្មួយស្រី បង្កើតរបស់លោកថាក់ស៊ីន ស៊ីណាវ៉ាត្រា អតីតនាយករដ្ឋមន្ដ្រីថៃដែលត្រូវបានរដ្ឋប្រហារទំលាក់ពីអំនាចដោយយោធា កាលពីឆ្នាំ ២០០៦។

ក្នុងមង្គលការលោកណាំ លីណាល់ និងនាង Chayapa Wongsawat នាថ្ងៃទី១៨នោះគេពុំឃើញលោកថាក់ស៊ីន ស៊ីណាវ៉ាត្រា ចូលរួមទេ តែគេបានឃើញអតីតប្រពន្ធ និងកូនស្រី និងកូនប្រុស របស់ថាក់ស៊ីន បានចូលរួម។

នៅថ្ងៃទី២៥ ខែឧសភា ឆ្នាំ២០១៣ នឹងធ្វើពិធីដ៏អធិកអធមមួយលើកទៀតគឺពិធីកាត់ចំណងដៃ ស្ថិតនៅក្នុងសណ្ឋាគារ Sofitel Phnom នៃប្រទេសកម្ពុជា។ ពិធីថ្ងៃនោះសម្ដេចតេជោហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា និងសម្ដេចកិត្ដិព្រឹទ្ធបណ្ឌិតប៊ុន រ៉ានីហ៊ុនសែន អមដោយឧបនាយករដ្ឋមន្ដ្រី ទេសរដ្ឋមន្ដ្រី រដ្ឋមន្ដ្រី រដ្ឋលេខាធិការ អ្នកមុខអ្នកការ ប្រមាណជាង១៨០០នាក់បានចូលរួម។

នៅថ្ងៃនោះគេសង្ឃឹមថា លោកថាក់ស៊ីន ស៊ីណាវ៉ាត្រា និងអញ្ចើញមកចូលរួមដោយផ្ទាល់ក៏ថាបាន ខណៈពេលដែរកន្ល ងមក លោកថាក់ស៊ីន ថាអញ្ចើញមក និងក្រោយមកថាមិនអញ្ចើញមកចូលរួម។ ប៉ុន្ដែគេជឿថាលោកថាក់ស៊ីន មកច្រើនជាង មិនមក។ ចាំដល់ថ្ងៃនោះ លោកថាក់ស៊ីន មករឺមិនមកទើបអាចដឹងបាន៕

- See more at: http://www.cen.com.kh/localnews/show_detail/135?token=OTg1MWI4Yz#sthash.gAtKR4Sz.dpuf

A Change of Guard

Monday, 20 May 2013

1 comment: