ដោយ ទីន ហ្សាការីយ៉ា RFA
2013-04-23
2013-04-23
ស្ដាប់ ឬ ទាញយកសំឡេង
លោកនាយករដ្ឋមន្ត្រី ហ៊ុន សែន (ជួរមុខពីឆ្វេង) និងលោក កែប
ជុតិមា ក្នុងពិធីបើកការដ្ឋានសាងសង់ស្ពាន់អាកាសទី៣ នៅស្ទឹងមានជ័យ
ទីក្រុងភ្នំពេញ នៅថ្ងៃទី២៦ វិច្ឆិកា ឆ្នាំ២០១២។ RFA/Sok Serey
យន្តការរបស់រដ្ឋាភិបាលក្នុងការផ្លាស់ប្ដូរអភិបាល ខែត្រ រាជធានី
ស្របតាមច្បាប់ស្ដីពីការគ្រប់គ្រង រាជធានី ខេត្ត ក្រុង ស្រុក ខណ្ឌ នេះ
ជាមធ្យោបាយមួយនៅក្នុងសង្គមប្រជាធិបតេយ្យ។ តែយ៉ាងនេះក្ដី
អ្វីដែលនៅពី ក្រោយខ្នងនៃការផ្លាស់ប្ដូរនេះ
ត្រូវបានអ្នកវិភាគបានលើកឡើងថា ជារឿងនយោបាយច្រើនជាង។
ប្រធានអង្គការកម្មវិធីអភិវឌ្ឍន៍ធនធានយុវជន លោក ជាង សុខា មានប្រសាសន៍ថា រដ្ឋាភិបាលបានផ្លាស់ប្ដូរអភិបាលខែត្រ រាជធានីនេះ ទោះបីជាមិនបានបើកឱកាសឲ្យយុវជនទូទៅបន្តតំណែងនោះក្ដី ប៉ុន្តែជាការឆ្លុះបញ្ចាំងកុំឲ្យអ្នកមានតួនាទីនេះកាន់អំណាច រយៈពេលយូរ។
លោក ជាង សុខា បញ្ជាក់ថា យុវជនរបស់គណបក្សកាន់អំណាចអាចទទួលបានផលខ្លះៗ អំពីការដោះដូរនេះ តែមិនសន្មតថា រដ្ឋាភិបាលដាក់អភិបាលខែត្រថ្មីនោះជាយុវជនទាំងស្រុងនោះទេ៖ «យើង ដឹងហើយថា យុវជនដែលឈោងទៅចាប់តួនាទីក្នុងរដ្ឋាភិបាលបានតាមរយៈបក្ស អ៊ីចឹងទៅឱកាសនេះ យើងមិនអាចនិយាយបានថា ជាការបើកច្រកឲ្យយុវជនបានទូលាយទេ តែឱកាសនេះមិនប្រាកដថាតម្លាភាពទេ»។
ច្បាប់ស្ដីពីការគ្រប់គ្រងរាជធានី ខេត្ត ក្រុង ស្រុក ខណ្ឌ ក្នុង ១អាណត្តិមានរយៈពេល ៤ឆ្នាំ ត្រូវមាន ការផ្លាស់ប្ដូរ។ ប្រទេសកម្ពុជា មានរបត់នយោបាយថ្មីមួយ បន្ទាប់ពីប្រទេសនេះបានឆ្លងកាត់សង្គ្រាមស៊ីវិលរ៉ាំរ៉ៃអស់រយៈពេល ជាច្រើនឆ្នាំមក។ ក្រោយពីមានកិច្ចព្រមព្រៀងទីក្រុងប៉ារីស ឆ្នាំ១៩៩១ នោះ កម្ពុជាចាប់ផ្ដើមបោះឆ្នោតជ្រើសរើសតំណាងរាស្ត្រ តាមបែបប្រជាធិបតេយ្យនៅឆ្នាំ១៩៩៣ ជាលើកដំបូងរបស់ខ្លួន។
ទាក់ទងនិងបញ្ហានេះ អ្នកឃ្លាំមើលផ្នែកអភិវឌ្ឍន៍សង្គម លោក កែម ឡី មានប្រសាសន៍ថា ការផ្លាស់ប្ដូរនេះ ប្រសិនបើរដ្ឋាភិបាលរៀបចំឲ្យមានការបោះឆ្នោតជាសកលនៅតាមខែត្រ រាជធានី ដើម្បីជ្រើសរើសបុគ្គលមានសមត្ថភាពក្នុងការដឹកនាំខែត្រទាំងនោះ ជាការប្រសើរ។
ផ្ទុយទៅវិញ លោក កែម ឡី បានលើកឡើងថា អភិបាលខែត្រ រាជធានី ដែលនឹងទទួលតំណែងជាអភិបាលថ្មីនោះ នឹងមិនមានផែនការច្បាស់លាស់នោះទេ ការដឹកនាំផ្អែកលើការបញ្ជាពីថ្នាក់លើ បញ្ហានេះការផ្លាស់ប្ដូរមិនមានប្រសិទ្ធភាពនោះឡើយ៖ «ការ ផ្លាស់ប្ដូរនេះមិនអាចផ្លាស់ប្ដូរអភិបាលខែត្រ ក្រុងទេ តែបើអាចផ្លាស់ប្ដូររដ្ឋមន្ត្រី ទេសរដ្ឋមន្ត្រី ឧបនាយករដ្ឋមន្ត្រី និងនាយករដ្ឋមន្ត្រីទៀតជាការប្រសើរ ដើម្បីឈានទៅដល់ការអភិវឌ្ឍបានល្អ៖»។
ម្យ៉ាងវិញទៀត ការផ្លាស់ប្ដូរអភិបាលខែត្រ រាជធានី នៅពេលនេះ ក្រុមអ្នកវិភាគបានចាត់ទុកថា ជាល្បែងនយោបាយមួយរបស់រដ្ឋាភិបាលនៅមុនពេលបោះឆ្នោត ពីព្រោះថា អភិបាលខែត្រ រាជធានីខ្លះ មានរឿងអាស្រូវជាច្រើននៅក្នុងខែត្រដែលខ្លួនគ្រប់គ្រងនោះ ដូចជាបញ្ហារំលោភសិទ្ធិមនុស្ស តាមរយៈការបណ្ដេញចេញពីដីធ្លី ពិសេសអភិបាលរាជធានីភ្នំពេញ លោក កែប ជុតិមា អាណត្តិដឹកនាំក្រុងភ្នំពេញ របស់លោក មានបញ្ហាបណ្ដេញប្រជាពលរដ្ឋនៅតំបន់មួយចំនួនក្រោមរូបភាពអភិវឌ្ឍន៍ ដូចជា នៅតំបន់បឹងកក់ បុរីកីឡា និងតំបន់ផ្សេងៗទៀត រហូតមកទល់ពេលនេះ មិនទាន់ដោះស្រាយឲ្យបានសមស្របនៅឡើយ។
ប្រធានផ្នែកអង្កេតនៃសមាគមសិទ្ធិមនុស្សអាដហុក លោក នី ចរិយា បានសង្កត់ធ្ងន់ថា ការផ្លាស់ប្ដូរ អភិបាលខែត្រ រាជធានី នៅពេលនេះ មិនមែនជារឿងយកចិត្តទុកដាក់លើគុណភាពនៃការអនុវត្តច្បាប់ ប៉ុន្មានទេ រដ្ឋាភិបាលធ្វើការផ្លាស់ប្ដូរនេះ គឺផ្អែកលើអ្នកដែលស្មោះត្រង់នឹងគណបក្សជាធំ ដើម្បីចង់ពង្រឹងទៅលើខ្សែរយៈនយោបាយជាងពង្រឹងសមត្ថភាព។
លោក នី ចរិយា៖ «យើងមិនផ្ដោតទៅលើទំនាក់ទំនងលើរឿងនយោបាយ មិនផ្ដោតទៅលើបញ្ហាគោរពសិទ្ធិមនុស្សទេ អ៊ីចឹងការអភិវឌ្ឍមិនដល់ទៅលើប្រជាជនទេ»។
ទោះបីជាយ៉ាងនេះក្ដី លោកនាយករដ្ឋមន្ត្រី ហ៊ុន សែន មានប្រសាសន៍ថា ការផ្លាស់ប្ដូរអភិបាលខែត្រ រាជធានី ចំនួន ១០រូប ដោយសារអភិបាលទាំងនោះ ខ្លះដល់អាយុចូលនិវត្តន៍ ខ្លះមានបញ្ហាសុខភាព និងខ្លះទៀតត្រូវឈរឈ្មោះជាតំណាងរាស្ត្រសម្រាប់ការបោះឆ្នោតជាតិនា ខែកក្កដា។
អភិបាលខែត្រ រាជធានី ១០រូប ដែលត្រូវបានផ្លាស់ចេញដោយសារដល់អាយុចូលនិវត្តន៍នោះ រួមមាន លោក កែប ជុតិមា អភិបាលរាជធានីភ្នំពេញ លោក ស៊ូ ភិរិន្ទ អភិបាលខេត្តសៀមរាប លោក ឈុន ឈន់ អភិបាលខេត្តកំពង់ធំ លោក ហ៊ុន ណេង អភិបាលខេត្តកំពង់ចាម និងត្រូវជាបងប្រុសបង្កើតរបស់លោក ហ៊ុន សែន។ លោក ឡូយ សុផាត អភិបាលខេត្តស្ទឹងត្រែង លោក ឈុន ស៊ីរុន អភិបាលខេត្តកណ្ដាល លោក កង ហ៊ាង អភិបាលខេត្តកំពង់ស្ពឺ លោក ចាន់ យឿន អភិបាលខេត្តមណ្ឌលគិរី។ រីឯលោក ពេជ្រ សុឃិន អភិបាលខេត្តឧត្តរមានជ័យ ដោះដូរដោយសារមានបញ្ហាសុខភាព និងលោក អ៊ុង អឿន ក៏ត្រូវប្ដូរចេញដែរ ដោយសារតែត្រូវទៅឈរឈ្មោះបោះឆ្នោតជាតំណាងរាស្ត្រ សម្រាប់ការបោះឆ្នោតនាខែកក្កដា។
លោកនាយករដ្ឋមន្ត្រី ហ៊ុន សែន ថ្លែងក្នុងពិធីសម្ពោធអាគាររដ្ឋបាលថ្មីរបស់សាលាខេត្តកំពត កាលពីថ្ងៃទី១៨ ខែមេសា បញ្ជាក់ថា អភិបាលរាជធានី ខែត្រចំនួន ១០រូប បានបញ្ចប់អាណត្តទី១ របស់ខ្លួន កាលពីថ្ងៃទី១៤ ខែមេសា ហើយព្រះរាជក្រឹត្យក៏បានតែងតាំងអភិបាលខេត្ត រាជធានីថ្មីរួចហើយ តែនៅមិនទាន់ប្រកាស និងចេញផ្សាយជាផ្លូវការប៉ុណ្ណោះ។
នៅក្នុងព្រះរាជក្រឹត្យរបស់ព្រះមហាក្សត្រ ព្រះបរមនាថ នរោត្តម សីហមុនី ចុះថ្ងៃទី១៤ ខែមេសា បានឲ្យដឹងថា អភិបាលខែត្រ រាជធានីទាំងនេះ នឹងចូលនិវត្តន៍នៅថ្ងៃទី១ ខែឧសភា ឆ្នាំ២០១៣ ខាងមុខ។
ទោះបីជាយ៉ាងណាក៏ដោយ ក្រុមអ្នកវិភាគបានលើកឡើងថា ការផ្លាស់ប្ដូរតួនាទីអភិបាលខែត្រ រាជធានី នេះ រដ្ឋាភិបាលចង់បង្ហាញពីភាពម៉ឺងម៉ាត់របស់ខ្លួន ក្នុងនោះក៏មានបងប្រុសបង្កើតរបស់លោកនាយករដ្ឋមន្ត្រី ហ៊ុន សែន ក៏ត្រូវផ្លាស់ចេញដែរនោះ។
ម្យ៉ាងទៀត សឲ្យឃើញថា ដូចពាក្យស្លោកខ្មែរមួយថា ទំពាំងស្នងឫស្សី ប៉ុន្តែអ្នកវិភាគបានពន្យល់ថា ទំពាំងនេះកើតចេញពីឫស្សីចាស់ដដែល។ ហើយការផ្លាស់ប្ដូរនេះទៀត រដ្ឋាភិបាលដឹងយ៉ាងច្បាស់ថា អ្នកដែលត្រូវផ្លាស់ចេញទាំងនោះមិនអាចងាកទៅណារួចទេ ពីព្រោះអភិបាលខែត្រទាំងនោះសុទ្ធតែមានចំណុចខ្សោយរបស់ខ្លួន កាលពីខ្លួនបានកាន់ជាអភិបាលខែត្រ រាជធានីនោះ។
តួយ៉ាងដូចជា លោក កែប ជុតិមា ជាដើម ទោះបីជាអភិបាលក្រុងភ្នំពេញ មានការអភិវឌ្ឍចំណុចខ្លះក្ដី តែបញ្ហាជាច្រើនដែលកើតឡើងស្ថិតនៅក្រោមការដឹកនាំរបស់លោកនោះគឺ ក្រៅពីបញ្ហាបណ្ដេញចេញប្រជាពលរដ្ឋពីលំនៅឋាននោះ គឺលោកនៅជាប់ចំណងមួយទៀត គឺព្រឹត្តិការណ៍មនុស្សស្លាប់ជាន់គ្នានៅលើស្ពានកោះពេជ្រ ដែលជាការទទួលខុសត្រូវដ៏ធំបំផុតរបស់លោក។
ក្រៅពីនេះ នៅជិតរដូវកាលប្រកួតប្រជែងបោះឆ្នោត សាធារណជនបានលើកឡើងថា ជាទម្លាប់ទៅ ហើយនៅក្នុងសង្គមកម្ពុជា មន្ត្រីរាជការមួយចំនួនបានលើកតួនាទីតាមរយៈការសូកប៉ាន់ ឬការបង់ លុយជូនគណបក្ស។ ប្រការនេះ គឺនៅជិតរដូវកាលឃោសនាបានមកដល់នោះ សាធារណជនបានលើកឡើងថា ប្រហែលជាអភិបាលខែត្រ រាជធានីថ្មីទាំងនោះត្រូវចំណាយថវិកាជាច្រើនដល់ គណបក្ស ដើម្បីជាថ្នូរនឹងតួនាទីថ្មីនេះ។
ទាក់ទងនឹងបញ្ហានេះ លោក នី ចរិយា មានប្រសាសន៍ថា រឿងចំណាយថវិកាជាថ្នូរនឹងទទួលបាន តួនាទីថ្មីនេះ មិនមានឯកសារ ឬភស្តុតាងណាមួយពិតប្រាកដទេ ប៉ុន្តែលោកបញ្ជាក់ថា ជារឿង ទម្លាប់ទៅហើយដែលសាធារណជនដឹងអំពីសូកប៉ាន់ ដើម្បីទទួលបានតួនាទីធំនោះ៖ «ក៏ប៉ុន្តែបញ្ហាបានលេចឮ ហើយបាននិយាយគ្រប់ៗមាត់ពីមហាជនទៅហើយ ឲ្យទៅរកភស្តុតាងថា បុគ្គលិកគាត់ត្រូវចំណាយលុយប៉ុន្មានម៉ឺនសែនទេ តែមហាជនតែងតែនិយាយថា រាល់បុគ្គលដែលបានតួនាទីធំនោះតែងតែចំណាយថវិកា»។
បន្ថែមពីលើនេះទៀត ក្រុមអ្នកវិភាគបានសង្កត់ធ្ងន់ថា ប្រសិនបើការផ្លាស់ប្ដូរតួនាទីដោយការសូក ប៉ាន់ដល់គណបក្សនោះជារឿងផ្លាស់ប្ដូរមួយ ដើម្បីឆ្លុះបញ្ចាំងពីការអភិវឌ្ឍ និងបម្រើដល់ផលប្រយោជន៍ដល់ប្រជាពលរដ្ឋពិតប្រាកដនោះទេ អភិបាលខែត្រ រាជធានីថ្មីទាំងនោះ នឹងស្វែងរកប្រយោជន៍បុគ្គលរបស់ខ្លួនជាធំនៅក្នុងអាណត្តិបន្តវេន ពីអភិបាលខែត្រចាស់នោះ ហើយអំពើពុករលួយនៅតែកើតមាននៅក្នុងសង្គមកម្ពុជា។
ជាងនេះទៅទៀត លោក ជាង សុខា បានពន្យល់ថា ប្រសិនបើរដ្ឋាភិបាលធ្វើការផ្លាស់ប្ដូរអភិបាលខែត្រ រាជធានីតាមមធ្យោបាយដូច្នេះមែន ឱកាសទទួលបានតួនាទីរបស់យុវជននៅក្នុងស្ថាប័នរដ្ឋកាន់តែចង្អៀត ពីព្រោះថា យុវជនមានតែសមត្ថភាព តែគ្មានថវិកាសម្រាប់សូកប៉ាន់ដើម្បីទទួលបាន តួនាទីនោះទេ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
ប្រធានអង្គការកម្មវិធីអភិវឌ្ឍន៍ធនធានយុវជន លោក ជាង សុខា មានប្រសាសន៍ថា រដ្ឋាភិបាលបានផ្លាស់ប្ដូរអភិបាលខែត្រ រាជធានីនេះ ទោះបីជាមិនបានបើកឱកាសឲ្យយុវជនទូទៅបន្តតំណែងនោះក្ដី ប៉ុន្តែជាការឆ្លុះបញ្ចាំងកុំឲ្យអ្នកមានតួនាទីនេះកាន់អំណាច រយៈពេលយូរ។
លោក ជាង សុខា បញ្ជាក់ថា យុវជនរបស់គណបក្សកាន់អំណាចអាចទទួលបានផលខ្លះៗ អំពីការដោះដូរនេះ តែមិនសន្មតថា រដ្ឋាភិបាលដាក់អភិបាលខែត្រថ្មីនោះជាយុវជនទាំងស្រុងនោះទេ៖ «យើង ដឹងហើយថា យុវជនដែលឈោងទៅចាប់តួនាទីក្នុងរដ្ឋាភិបាលបានតាមរយៈបក្ស អ៊ីចឹងទៅឱកាសនេះ យើងមិនអាចនិយាយបានថា ជាការបើកច្រកឲ្យយុវជនបានទូលាយទេ តែឱកាសនេះមិនប្រាកដថាតម្លាភាពទេ»។
ច្បាប់ស្ដីពីការគ្រប់គ្រងរាជធានី ខេត្ត ក្រុង ស្រុក ខណ្ឌ ក្នុង ១អាណត្តិមានរយៈពេល ៤ឆ្នាំ ត្រូវមាន ការផ្លាស់ប្ដូរ។ ប្រទេសកម្ពុជា មានរបត់នយោបាយថ្មីមួយ បន្ទាប់ពីប្រទេសនេះបានឆ្លងកាត់សង្គ្រាមស៊ីវិលរ៉ាំរ៉ៃអស់រយៈពេល ជាច្រើនឆ្នាំមក។ ក្រោយពីមានកិច្ចព្រមព្រៀងទីក្រុងប៉ារីស ឆ្នាំ១៩៩១ នោះ កម្ពុជាចាប់ផ្ដើមបោះឆ្នោតជ្រើសរើសតំណាងរាស្ត្រ តាមបែបប្រជាធិបតេយ្យនៅឆ្នាំ១៩៩៣ ជាលើកដំបូងរបស់ខ្លួន។
ទាក់ទងនិងបញ្ហានេះ អ្នកឃ្លាំមើលផ្នែកអភិវឌ្ឍន៍សង្គម លោក កែម ឡី មានប្រសាសន៍ថា ការផ្លាស់ប្ដូរនេះ ប្រសិនបើរដ្ឋាភិបាលរៀបចំឲ្យមានការបោះឆ្នោតជាសកលនៅតាមខែត្រ រាជធានី ដើម្បីជ្រើសរើសបុគ្គលមានសមត្ថភាពក្នុងការដឹកនាំខែត្រទាំងនោះ ជាការប្រសើរ។
ផ្ទុយទៅវិញ លោក កែម ឡី បានលើកឡើងថា អភិបាលខែត្រ រាជធានី ដែលនឹងទទួលតំណែងជាអភិបាលថ្មីនោះ នឹងមិនមានផែនការច្បាស់លាស់នោះទេ ការដឹកនាំផ្អែកលើការបញ្ជាពីថ្នាក់លើ បញ្ហានេះការផ្លាស់ប្ដូរមិនមានប្រសិទ្ធភាពនោះឡើយ៖ «ការ ផ្លាស់ប្ដូរនេះមិនអាចផ្លាស់ប្ដូរអភិបាលខែត្រ ក្រុងទេ តែបើអាចផ្លាស់ប្ដូររដ្ឋមន្ត្រី ទេសរដ្ឋមន្ត្រី ឧបនាយករដ្ឋមន្ត្រី និងនាយករដ្ឋមន្ត្រីទៀតជាការប្រសើរ ដើម្បីឈានទៅដល់ការអភិវឌ្ឍបានល្អ៖»។
ម្យ៉ាងវិញទៀត ការផ្លាស់ប្ដូរអភិបាលខែត្រ រាជធានី នៅពេលនេះ ក្រុមអ្នកវិភាគបានចាត់ទុកថា ជាល្បែងនយោបាយមួយរបស់រដ្ឋាភិបាលនៅមុនពេលបោះឆ្នោត ពីព្រោះថា អភិបាលខែត្រ រាជធានីខ្លះ មានរឿងអាស្រូវជាច្រើននៅក្នុងខែត្រដែលខ្លួនគ្រប់គ្រងនោះ ដូចជាបញ្ហារំលោភសិទ្ធិមនុស្ស តាមរយៈការបណ្ដេញចេញពីដីធ្លី ពិសេសអភិបាលរាជធានីភ្នំពេញ លោក កែប ជុតិមា អាណត្តិដឹកនាំក្រុងភ្នំពេញ របស់លោក មានបញ្ហាបណ្ដេញប្រជាពលរដ្ឋនៅតំបន់មួយចំនួនក្រោមរូបភាពអភិវឌ្ឍន៍ ដូចជា នៅតំបន់បឹងកក់ បុរីកីឡា និងតំបន់ផ្សេងៗទៀត រហូតមកទល់ពេលនេះ មិនទាន់ដោះស្រាយឲ្យបានសមស្របនៅឡើយ។
ប្រធានផ្នែកអង្កេតនៃសមាគមសិទ្ធិមនុស្សអាដហុក លោក នី ចរិយា បានសង្កត់ធ្ងន់ថា ការផ្លាស់ប្ដូរ អភិបាលខែត្រ រាជធានី នៅពេលនេះ មិនមែនជារឿងយកចិត្តទុកដាក់លើគុណភាពនៃការអនុវត្តច្បាប់ ប៉ុន្មានទេ រដ្ឋាភិបាលធ្វើការផ្លាស់ប្ដូរនេះ គឺផ្អែកលើអ្នកដែលស្មោះត្រង់នឹងគណបក្សជាធំ ដើម្បីចង់ពង្រឹងទៅលើខ្សែរយៈនយោបាយជាងពង្រឹងសមត្ថភាព។
លោក នី ចរិយា៖ «យើងមិនផ្ដោតទៅលើទំនាក់ទំនងលើរឿងនយោបាយ មិនផ្ដោតទៅលើបញ្ហាគោរពសិទ្ធិមនុស្សទេ អ៊ីចឹងការអភិវឌ្ឍមិនដល់ទៅលើប្រជាជនទេ»។
ទោះបីជាយ៉ាងនេះក្ដី លោកនាយករដ្ឋមន្ត្រី ហ៊ុន សែន មានប្រសាសន៍ថា ការផ្លាស់ប្ដូរអភិបាលខែត្រ រាជធានី ចំនួន ១០រូប ដោយសារអភិបាលទាំងនោះ ខ្លះដល់អាយុចូលនិវត្តន៍ ខ្លះមានបញ្ហាសុខភាព និងខ្លះទៀតត្រូវឈរឈ្មោះជាតំណាងរាស្ត្រសម្រាប់ការបោះឆ្នោតជាតិនា ខែកក្កដា។
អភិបាលខែត្រ រាជធានី ១០រូប ដែលត្រូវបានផ្លាស់ចេញដោយសារដល់អាយុចូលនិវត្តន៍នោះ រួមមាន លោក កែប ជុតិមា អភិបាលរាជធានីភ្នំពេញ លោក ស៊ូ ភិរិន្ទ អភិបាលខេត្តសៀមរាប លោក ឈុន ឈន់ អភិបាលខេត្តកំពង់ធំ លោក ហ៊ុន ណេង អភិបាលខេត្តកំពង់ចាម និងត្រូវជាបងប្រុសបង្កើតរបស់លោក ហ៊ុន សែន។ លោក ឡូយ សុផាត អភិបាលខេត្តស្ទឹងត្រែង លោក ឈុន ស៊ីរុន អភិបាលខេត្តកណ្ដាល លោក កង ហ៊ាង អភិបាលខេត្តកំពង់ស្ពឺ លោក ចាន់ យឿន អភិបាលខេត្តមណ្ឌលគិរី។ រីឯលោក ពេជ្រ សុឃិន អភិបាលខេត្តឧត្តរមានជ័យ ដោះដូរដោយសារមានបញ្ហាសុខភាព និងលោក អ៊ុង អឿន ក៏ត្រូវប្ដូរចេញដែរ ដោយសារតែត្រូវទៅឈរឈ្មោះបោះឆ្នោតជាតំណាងរាស្ត្រ សម្រាប់ការបោះឆ្នោតនាខែកក្កដា។
លោកនាយករដ្ឋមន្ត្រី ហ៊ុន សែន ថ្លែងក្នុងពិធីសម្ពោធអាគាររដ្ឋបាលថ្មីរបស់សាលាខេត្តកំពត កាលពីថ្ងៃទី១៨ ខែមេសា បញ្ជាក់ថា អភិបាលរាជធានី ខែត្រចំនួន ១០រូប បានបញ្ចប់អាណត្តទី១ របស់ខ្លួន កាលពីថ្ងៃទី១៤ ខែមេសា ហើយព្រះរាជក្រឹត្យក៏បានតែងតាំងអភិបាលខេត្ត រាជធានីថ្មីរួចហើយ តែនៅមិនទាន់ប្រកាស និងចេញផ្សាយជាផ្លូវការប៉ុណ្ណោះ។
នៅក្នុងព្រះរាជក្រឹត្យរបស់ព្រះមហាក្សត្រ ព្រះបរមនាថ នរោត្តម សីហមុនី ចុះថ្ងៃទី១៤ ខែមេសា បានឲ្យដឹងថា អភិបាលខែត្រ រាជធានីទាំងនេះ នឹងចូលនិវត្តន៍នៅថ្ងៃទី១ ខែឧសភា ឆ្នាំ២០១៣ ខាងមុខ។
ទោះបីជាយ៉ាងណាក៏ដោយ ក្រុមអ្នកវិភាគបានលើកឡើងថា ការផ្លាស់ប្ដូរតួនាទីអភិបាលខែត្រ រាជធានី នេះ រដ្ឋាភិបាលចង់បង្ហាញពីភាពម៉ឺងម៉ាត់របស់ខ្លួន ក្នុងនោះក៏មានបងប្រុសបង្កើតរបស់លោកនាយករដ្ឋមន្ត្រី ហ៊ុន សែន ក៏ត្រូវផ្លាស់ចេញដែរនោះ។
ម្យ៉ាងទៀត សឲ្យឃើញថា ដូចពាក្យស្លោកខ្មែរមួយថា ទំពាំងស្នងឫស្សី ប៉ុន្តែអ្នកវិភាគបានពន្យល់ថា ទំពាំងនេះកើតចេញពីឫស្សីចាស់ដដែល។ ហើយការផ្លាស់ប្ដូរនេះទៀត រដ្ឋាភិបាលដឹងយ៉ាងច្បាស់ថា អ្នកដែលត្រូវផ្លាស់ចេញទាំងនោះមិនអាចងាកទៅណារួចទេ ពីព្រោះអភិបាលខែត្រទាំងនោះសុទ្ធតែមានចំណុចខ្សោយរបស់ខ្លួន កាលពីខ្លួនបានកាន់ជាអភិបាលខែត្រ រាជធានីនោះ។
តួយ៉ាងដូចជា លោក កែប ជុតិមា ជាដើម ទោះបីជាអភិបាលក្រុងភ្នំពេញ មានការអភិវឌ្ឍចំណុចខ្លះក្ដី តែបញ្ហាជាច្រើនដែលកើតឡើងស្ថិតនៅក្រោមការដឹកនាំរបស់លោកនោះគឺ ក្រៅពីបញ្ហាបណ្ដេញចេញប្រជាពលរដ្ឋពីលំនៅឋាននោះ គឺលោកនៅជាប់ចំណងមួយទៀត គឺព្រឹត្តិការណ៍មនុស្សស្លាប់ជាន់គ្នានៅលើស្ពានកោះពេជ្រ ដែលជាការទទួលខុសត្រូវដ៏ធំបំផុតរបស់លោក។
ក្រៅពីនេះ នៅជិតរដូវកាលប្រកួតប្រជែងបោះឆ្នោត សាធារណជនបានលើកឡើងថា ជាទម្លាប់ទៅ ហើយនៅក្នុងសង្គមកម្ពុជា មន្ត្រីរាជការមួយចំនួនបានលើកតួនាទីតាមរយៈការសូកប៉ាន់ ឬការបង់ លុយជូនគណបក្ស។ ប្រការនេះ គឺនៅជិតរដូវកាលឃោសនាបានមកដល់នោះ សាធារណជនបានលើកឡើងថា ប្រហែលជាអភិបាលខែត្រ រាជធានីថ្មីទាំងនោះត្រូវចំណាយថវិកាជាច្រើនដល់ គណបក្ស ដើម្បីជាថ្នូរនឹងតួនាទីថ្មីនេះ។
ទាក់ទងនឹងបញ្ហានេះ លោក នី ចរិយា មានប្រសាសន៍ថា រឿងចំណាយថវិកាជាថ្នូរនឹងទទួលបាន តួនាទីថ្មីនេះ មិនមានឯកសារ ឬភស្តុតាងណាមួយពិតប្រាកដទេ ប៉ុន្តែលោកបញ្ជាក់ថា ជារឿង ទម្លាប់ទៅហើយដែលសាធារណជនដឹងអំពីសូកប៉ាន់ ដើម្បីទទួលបានតួនាទីធំនោះ៖ «ក៏ប៉ុន្តែបញ្ហាបានលេចឮ ហើយបាននិយាយគ្រប់ៗមាត់ពីមហាជនទៅហើយ ឲ្យទៅរកភស្តុតាងថា បុគ្គលិកគាត់ត្រូវចំណាយលុយប៉ុន្មានម៉ឺនសែនទេ តែមហាជនតែងតែនិយាយថា រាល់បុគ្គលដែលបានតួនាទីធំនោះតែងតែចំណាយថវិកា»។
បន្ថែមពីលើនេះទៀត ក្រុមអ្នកវិភាគបានសង្កត់ធ្ងន់ថា ប្រសិនបើការផ្លាស់ប្ដូរតួនាទីដោយការសូក ប៉ាន់ដល់គណបក្សនោះជារឿងផ្លាស់ប្ដូរមួយ ដើម្បីឆ្លុះបញ្ចាំងពីការអភិវឌ្ឍ និងបម្រើដល់ផលប្រយោជន៍ដល់ប្រជាពលរដ្ឋពិតប្រាកដនោះទេ អភិបាលខែត្រ រាជធានីថ្មីទាំងនោះ នឹងស្វែងរកប្រយោជន៍បុគ្គលរបស់ខ្លួនជាធំនៅក្នុងអាណត្តិបន្តវេន ពីអភិបាលខែត្រចាស់នោះ ហើយអំពើពុករលួយនៅតែកើតមាននៅក្នុងសង្គមកម្ពុជា។
ជាងនេះទៅទៀត លោក ជាង សុខា បានពន្យល់ថា ប្រសិនបើរដ្ឋាភិបាលធ្វើការផ្លាស់ប្ដូរអភិបាលខែត្រ រាជធានីតាមមធ្យោបាយដូច្នេះមែន ឱកាសទទួលបានតួនាទីរបស់យុវជននៅក្នុងស្ថាប័នរដ្ឋកាន់តែចង្អៀត ពីព្រោះថា យុវជនមានតែសមត្ថភាព តែគ្មានថវិកាសម្រាប់សូកប៉ាន់ដើម្បីទទួលបាន តួនាទីនោះទេ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
No comments:
Post a Comment