លោក សម រង្ស៊ី ប្រធានគណបក្សសង្គ្រោះជាតិ
ខណៈដែលដល់ថ្ងៃត្រូវចូលខ្លួនសាកសួរនាថ្ងៃទី១២មីនានេះមេធាវី
ការពារក្ដីឲ្យមេដឹកនាំគណបក្សប្រឆាំងបែរជាបានដកពាក្យបណ្ដឹង
ប្រឆាំងសាលក្រមរបស់តុលាការក្រុងភ្នំពេញដែលបានសម្រេចឲ្យមេដឹកនាំ
គណបក្សប្រឆាំងជាប់ពន្ធនាគារ២ឆ្នាំទាក់ទងសំណុំរឿងបរិហាកេរ្តិ៏លោក ហោ
ណាំហុង រដ្ឋមន្ត្រីក្រសួងការបរទេសកម្ពុជា។
លោក ជូង ជូងី មេធាវីការពារក្ដីឲ្យលោកសម រង្ស៊ី
ប្រធានគណបក្សសង្គ្រោះជាតិ ជាគណបក្សប្រឆាំងក្នុងប្រទេសកម្ពុជា
ដែលកំពុងរស់និរទេសបានថ្លែងប្រាប់ក្រុមអ្នករាយការណ៏ព័ត៌មានកាលពី
ព្រឹកមិញថាដោយសារតែលោកសម រង្ស៊ី មិនចង់ឲ្យមានរឿងវែងឆ្ងាយ ,
ម្យ៉ាងដោយសារតែតុលាការប្រទេសបារាំងធ្លាប់បានសម្រេចក្ដីនេះឲ្យលោក
សម រង្ស៊ី ឈ្នះលោកហោណាំហុង ម្ដងរួចមកហើយ។
គួរបញ្ជាក់ថា លោក សម រង្ស៊ី
បានអត្ថាធិប្បាយនៅក្នុងសៀវភៅដែលមានចំណងជើង”ប្ញសដុះក្នុងថ្ម”
ដោយបានហៅលោកលោក ហោ ណាំហុង ជាមេគុកបឹងត្របែក
ដែលវាបានក្លាយជាដើមចមទៅរកការប្ដឹងប្ដល់យ៉ាងចម្រូងចម្រាស។ប៉ុន្តែ
យ៉ាងណាក៏ដោយកន្លងទៅតុលាការប្រទេសបារាំងបានសម្រេចឲ្យលោកសម
រង្ស៊ីឈ្នះក្ដីលើសំណុំរឿងនេះម្ដងរួចទៅហើយ៕
No comments:
Post a Comment