ដោយ៖ស បទុម
Tuesday 11 September 2012 - Free Press Magazine
តាមរយៈប្រព័ន្ធវីដេអូខន់ហ្វ័រេន
ពីទីក្រុងម៉ានីលប្រទេសហ្វីលីពីននៅឯពិធីសម្ពោធទីស្នាក់ការ
កណ្ដាលរបស់ខ្លួន
នាថ្ងៃអង្គារនេះមេដឹកនាំគណបក្សសង្គ្រោះជាតិបានរំពឹងថា
នឹងទទួលបានអ្នកគាំទ្រ៥លាននាក់
សម្រាប់ការបោះឆ្នោតជាតិអាណត្តិទី ៥ ឆ្នាំ ២០១៣ខាងមុខ ។
លោក សម រង្ស៊ី មេដឹកនាំគណបក្សសង្រ្គោះជាតិ
លោក សម រង្ស៊ី បានថ្លែងទៅកាន់អ្នកចូលរួមប្រមាណ៤រយនាក់ថា “
សមាជិកស្ថាបនិកគណបក្សសង្គ្រោះជាតិ ថ្ងៃនេះមាន៥ពាន់នាក់
យើងខ្ញុំ ថា យើងនឹងខិតខំធ្វើការទាំងអស់គ្នា
ដើម្បីបង្កើនសមាជិក សមាជិកាគណបក្សសង្គ្រោះជាតិ
ឲ្យមានរហូតដល់៥លាននាក់ មុនថ្ងៃបោះឆ្នោតឆ្នាំ២០១៣ ” ។
ជាមួយគ្នាមេដឹកនាំបក្សប្រឆាំងដែលកំពុងរស់និរទេសរូបនេះ
ក៏បានអំពាវនាវផងដែរ
ឲ្យមានការផ្លាសប្ដូរសមាភាពគណៈកម្មាធិការជាតិរៀបចំការបោះឆ្នោត
និង ប្រព័ន្ធបោះឆ្នោតនៅកម្ពុជា
រួមទាំងការបើកផ្លូវឲ្យរូបលោកបានវិលចូលប្រទេសវិញផង ។
ដោយលោក សម រង្ស៊ី
បានអត្ថាធិប្បាយថាការទាមទារនេះមិនមែនគ្រាន់តែជាការចង់បាន
សម្រាប់គណបក្សសង្រ្គោះជាតិនោះទេ
អង្គការសហប្រជាជាតិក៏មានបំណងដូច្នេះដែរ ។
គួរបញ្ជាក់ថា ដើម្បីបំពេញសុពលភាពរបស់ខ្លួន គណបក្សសង្រ្គោះជាតិ ដែលជាបណ្ដុំនៃគណបក្សសម រង្ស៊ី និង គណបក្សសិទ្ធិមនុស្សនឹងបញ្ជូនស្នាមមេដៃអ្នកគាំទ្រចំនួន ៤ពាន់នាក់ ទៅកាន់ក្រសួងមហាផ្ទៃក្នុងសប្ដាហ៏នេះ ៕
គួរបញ្ជាក់ថា ដើម្បីបំពេញសុពលភាពរបស់ខ្លួន គណបក្សសង្រ្គោះជាតិ ដែលជាបណ្ដុំនៃគណបក្សសម រង្ស៊ី និង គណបក្សសិទ្ធិមនុស្សនឹងបញ្ជូនស្នាមមេដៃអ្នកគាំទ្រចំនួន ៤ពាន់នាក់ ទៅកាន់ក្រសួងមហាផ្ទៃក្នុងសប្ដាហ៏នេះ ៕
No comments:
Post a Comment