A Change of Guard
សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican
Tuesday 21 June 2016
ឯកអគ្គរដ្ឋទូតបារាំងជួបប្រជុំបិទទ្វារជាមួយប្រធានស្ដីទីគណបក្សសង្គ្រោះជាតិ
ដោយ ឡេង ម៉ាលី
2016-06-20 rfa
ឯកអគ្គរដ្ឋទូតនៃសាធារណរដ្ឋបារាំង ប្រចាំនៅកម្ពុជា លោក ហ្សង់-ក្លូត ពាំបឺហ្វ (Jean-claude poimboeuf) (ពីឆ្វេងទី២) និងប្រធានស្ដីទីគណបក្សសង្គ្រោះជាតិ លោក កឹម សុខា (ពីឆ្វេងទីបី) នៅទីស្នាក់ការកណ្ដាលគណបក្សនាសង្កាត់ចាក់អង្រែលើ រាជធានីភ្នំពេញ នៅព្រឹកថ្ងៃទី២០ ខែមិថុនា ឆ្នាំ២០១៦។ Photo/Kem Sokha Facebook
ឯកអគ្គរដ្ឋទូតនៃសាធារណរដ្ឋបារាំង ប្រចាំនៅកម្ពុជា លោក ហ្សង់-ក្លូត ពាំបឺហ្វ (Jean-claude poimboeuf) ជួបប្រធានស្ដីទីគណបក្សសង្គ្រោះជាតិ គឺលោក កឹម សុខា នៅឯទីស្នាក់ការកណ្ដាលគណបក្សនេះ នាសង្កាត់ចាក់អង្រែលើ រាជធានីភ្នំពេញ នៅព្រឹកថ្ងៃទី២០ មិថុនា។
ជំនួបរវាងឯកអគ្គរដ្ឋទូតបារាំង និងលោក កឹម សុខា គណបក្សសង្គ្រោះជាតិ មិនបានអនុញ្ញាតឲ្យអ្នកកាសែតចូលយកព័ត៌មានទេ។ បន្ទាប់ពីកិច្ចប្រជុំដែលមានរយៈពេលមួយម៉ោង ទាំងមន្ត្រីទូតបារាំង និងគណបក្សសង្គ្រោះជាតិ ក៏មិនបានផ្ដល់ព័ត៌មានអ្វីជាសាធារណៈដែរ។
នេះ គឺជាជំនួបទ្វេភាគីបិទទ្វារលើកទីពីររវាងអ្នកការទូតនៃប្រទេសអឺរ៉ុប និងមន្ត្រីគណបក្សសង្គ្រោះជាតិ បន្ទាប់ពីរដ្ឋមន្ត្រីក្រសួងកិច្ចសហប្រតិបត្តិការសេដ្ឋកិច្ច និងអភិវឌ្ឍន៍របស់ប្រទេសអាល្លឺម៉ង់ លោក ហ្គើត មូលើរ (Gerd Muller) បានជួបលោក កឹម សុខា ដូចគ្នានេះដែរ កាលពីថ្ងៃទី១៥ មិថុនា។ ជំនួបបន្តបន្ទាប់នេះ គឺក្រោយពេលដែលសភាអឺរ៉ុប ចេញសេចក្ដីថ្លែងការណ៍បង្ហាញកង្វល់របស់ខ្លួន អំពីស្ថានការណ៍នយោបាយនៅកម្ពុជា តឹងតែង ដែលគណបក្សនយោបាយទាំងពីរមិនទាន់ជួបចរចាគ្នា។
វិទ្យុអាស៊ីសេរី មិនអាចទាក់ទងមន្ត្រីគណបក្សសង្គ្រោះជាតិ ដើម្បីបញ្ជាក់អំពីលទ្ធផលនៃជំនួបបិទទ្វាររវាងឯកអគ្គរដ្ឋទូតបារាំង និងលោក កឹម សុខា នេះបានទេ រហូតមកដល់ល្ងាចថ្ងៃទី២០ មិថុនា។
ជំនួយការមួយរូបឆ្លើយតបទូរស័ព្ទថា មន្ត្រីជាន់ខ្ពស់ទាំងនោះ កំពុងជាប់ប្រជុំគណៈកម្មាធិការអចិន្ត្រៃយ៍គណបក្សរបស់ខ្លួន៕
Subscribe to:
Post Comments (Atom)
No comments:
Post a Comment