A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Tuesday 21 June 2016

លោក ហ៊ុន សែន ថា​មន្ត្រី​មួយ​ចំនួន​លួច​មាន​កូន​ជាមួយ​ស្រី​ក្រៅ​ផ្ទះ​ពេល​ចុះ​តាម​មូលដ្ឋាន


ដោយ ថា កិត្យា
2016-06-20 rfa

ហ៊ុន សែន ៨៥៥​ ២០១៦
លោក​នាយករដ្ឋមន្ត្រី ហ៊ុន សែន ថ្លែង​ក្នុង​ពិធី​សម្ពោធ​ដាក់​ឲ្យ​ប្រើប្រាស់​ជា​ផ្លូវការ​នូវ «អគារ​មរតក​តេជោ» នា​ក្រសួង​បរិស្ថាន នៅ​ព្រឹក​ថ្ងៃ​ទី​២៥ ខែ​កុម្ភៈ ឆ្នាំ​២០១៦។
 RFA/Brach Chev


លោក​នាយក​រដ្ឋមន្ត្រី ហ៊ុន សែន បាន​ថ្លែង​ថា មន្ត្រី​របស់​លោក​មួយ​ចំនួន បាន​លួច​មាន​កូន​ជាមួយ​ស្រី​ក្រៅ​ផ្ទះ​នៅ​ពេល​ចុះ​មូលដ្ឋាន​ដោះស្រាយ​បញ្ហា​ជូន​ប្រជាពលរដ្ឋ។ លើស​ពី​នេះ លោក ហ៊ុន សែន ថា​មាន​មន្ត្រី​ខ្លះ​ទៀត រពឹស​ដៃ​យក​ដី​ពី​ប្រជាពលរដ្ឋ​បង្កើត​ជា​ជម្លោះ​ថែម​ទៀត​ផង។

ការ​ទម្លាយ​រឿង​មន្ត្រី​របស់​ខ្លួន​លួច​មាន​ទំនាក់ទំនង​ស្នេហា​ជាមួយ​ស្រី​ស្នេហ៍​ក្រៅ​អាពាហ៍ពិពាហ៍​រហូត​មាន​កូន​នេះ ធ្វើ​ឡើង​ក្នុង​ពិធី​ចែក​សញ្ញាបត្រ​ដល់​និស្សិត​នៅ​វិទ្យាស្ថាន​ជាតិ​អប់រំ នៅ​ព្រឹក​ថ្ងៃ​ទី​២០ ខែ​មិថុនា ក្នុង​ពេល​លោក ហ៊ុន សែន កំពុង​ផ្តល់​អនុសាសន៍​ដល់​មន្ត្រី​ទាំងអស់ កុំ​ធ្វើ​ខ្លួន​ជា​មន្ត្រី​ជើង​១០ តែ​ត្រូវ​ធ្វើ​ខ្លួន​ជា​មន្ត្រី​ជើង​ពីរ ដើម្បី​បម្រើ និង​ដោះស្រាយ​បញ្ហា​នានា​ជូន​ប្រជាជន៖ «ព្រោះ​សង្កេត​ឃើញ​ថា អ្នក​ខ្លះ​ក៏​ពូកែ​ដើរ​ដែរ ប៉ុន្តែ​ដើរ​ទៅ​ទីណា​មាន​កូន​នៅ​ទី​ហ្នុង។ សម្ដេច​គាត់​ថា កុំ​ឲ្យ​ខ្ញុំ​នៅ​តែ​ប៉ារ៉ូ នៅ​តែ​ការិយាល័យ ទៅ​ជា​មន្ត្រី​ជើង​១០។ អ៊ីចឹង​ហើយ​ខ្ញុំ​ត្រូវ​ចុះ​មូលដ្ឋាន ប៉ុន្តែ​ចុះ​ទៅ​មាន​កូន​នៅ​ទីនោះ​បណ្តោយ។ មិន​ត្រឹម​តែ​ប៉ុណ្ណឹង​ទេ រពឹស​ដៃ​ទៅ​រក​ដី​ទៀត បង្កើត​រឿង។ អ៊ីចឹង​ជើង​ពីរ​នេះ គឺ​ទៅ​ដោះស្រាយ​បញ្ហា​ឲ្យ​ប្រជាជន មិន​មែន​ទៅ​បង្កើត​បញ្ហា​ទេ»។



លោក ហ៊ុន សែន បាន​ប្រាប់​រឿង​ដែល​លោក​បាន​ដឹង​ទៀត​ថា មាន​មន្ត្រី​ខ្លះ​ទៀត​ពេល​ស្លាប់​ទៅ ស្រាប់​តែ​មាន​ស្រី​ព​កូន​មក​សុំ​ចូល​ដុត​ធូប ដោយ​ប្រាប់​ថា នាង​ក៏​ជា​ប្រពន្ធ​មួយ​រូប​ដែរ។

បញ្ហា​រឿង​ស្រី​ញី​ក្នុង​រង្វង់​មន្ត្រី​រដ្ឋាភិបាល​នេះ គេ​មិន​ឃើញ​ស្ថាប័ន​របស់​រដ្ឋ និង​ក្រុម​និស្សិត​ដឹក​នាំ​ដោយ​លោក ស្រី ចំរើន ស្វះ​ស្វែងរក​ការ​ពិត ហើយ​មាន​វិធានការ​ផ្លូវ​ច្បាប់​ដូច​ខាង​គណបក្ស​ប្រឆាំង​ឡើយ។

មួយ​រយៈ​ចុង​ក្រោយ​នេះ មេ​ឃុំ​បក្ស​ប្រឆាំង​មួយ​រូប មន្ត្រី​សិទ្ធិ​មនុស្ស ៤​រូប និង​មន្ត្រី គ.ជ.ប ១​រូប កំពុង​ជាប់​ឃុំ​ក្នុង​ពន្ធនាគារ ខណៈ​ប្រមុខ​បក្ស​ប្រឆាំង និង​តំណាង​រាស្ត្រ​មួយ​ចំនួន កំពុង​ជាប់​បណ្ដឹង​នៅ​តុលាការ​ក្នុង​សំណុំ​រឿង​ខ្សែ​អាត់​សំឡេង​សាសង​ស្នេហា​តាម​ទូរស័ព្ទ​រវាង​នាង ខុម ចាន់តារាទី ហៅ ស្រី​មុំ និង​លោក កឹម សុខា៕

1 comment:

Anonymous said...




អាខ្វាង ហ្អែងទៅប្រដៅគេយ៉ាងម៉េច?
គេមានស្រីហើយមានកូន តែបើហ្អែងវិញមានស្រីហើយគឺបណ្ដោយអោយ មីកាជ្រូកសំឡាប់ស្រីនោះចោលតែម្ដង។