ដោយ សុ ជីវី
2016-04-14
ស្ត្រីវ័យឈ្មោះ ម៉ៅ ស៊ីណាត ដែលព្យាយាមយកញត្តិទៅជូនលោកនាយករដ្ឋមន្ត្រី ហ៊ុន សែន ដើម្បីរកយុត្តិធម៌ឲ្យលោក ហេង ពៅ អតីតស្នងការរាជធានីភ្នំពេញ ផ្ដល់បទសម្ភាសន៍ដល់វិទ្យុអាស៊ីសេរី នាខេត្តសៀមរាប នៅថ្ងៃទី១៤ មេសា ឆ្នាំ២០១៦។
RFA/Sorn Chanratha
ស្ត្រីវ័យជាង ៤០ឆ្នាំ ឈ្មោះ ម៉ៅ ស៊ីណាត ដែលព្យាយាមទៅជួបលោកនាយករដ្ឋមន្ត្រី ហ៊ុន សែន អះអាងថា ជាប្រជាពលរដ្ឋម្នាក់រស់នៅរាជធានីភ្នំពេញ។ លោកស្រីព្យាយាមយកញត្តិទៅជូនលោក ហ៊ុន សែន ដើម្បីរកយុត្តិធម៌អោយលោក ហេង ពៅ ដែលជាអតីតស្នងការរាជធានីភ្នំពេញ។
បច្ចុប្បន្នលោក ហេង ពៅ កំពុងជាប់ពន្ធនាគារ ដោយតុលាការកាត់ទោសអោយលោកជាប់ពន្ធនាគារសរុបមិនតិចជាង ១០០ឆ្នាំទេ ពីបទឧក្រិដ្ឋមួយចំនួន។ អ្នកស្រីព្យាយាមចូលជួបលោក ហ៊ុន សែន នៅខណៈលោកនាយករដ្ឋមន្ត្រីកំពុងបើកសម្ពោធកម្មវិធីអង្គរសង្ក្រាន្ត នាខេត្តសៀមរាប នៅថ្ងៃព្រហស្បតិ៍ ទី១៤ ខែមេសា នេះ ដើម្បីដាក់ញត្តិស្នើអោយដោះលែងលោក ហេង ពៅ ប៉ុន្តែត្រូវបានរារាំងដោយកងអង្គរក្សនាយករដ្ឋមន្ត្រី។
តើមានមូលហេតុអ្វីដែលនាំអោយស្ត្រីរូបនេះប្រឹងប្រែងរកយុត្តិធម៌អោយលោក ហេង ពៅ?
សូមរង់ចាំស្ដាប់បទសម្ភាសន៍រវាងអ្នកយកព័ត៌មានរបស់វិទ្យុអាស៊ីសេរី ជាមួយលោកស្រី ម៉ៅ ស៊ីណាត ជុំវិញរឿងនេះ...
No comments:
Post a Comment