School of Vice:
This is one of those things that should not be allowed to take roots in Khmer culture, especially at such important national events as the traditional Khmer New Year. From 'leaders' to ill-educated locals, [consider those alien-looking "Hun Gates" erected in Siem Reap that had caused an almost universal uprour at the previous Khmer New Year festival] the propensity to act without thinking through carefully seems to come naturally. Further, unlike those poor folk selling live birds to 'merit-makers' to be released for merit and be caught again and again, I doubt these water throwers will be denied their livelihood if their imported enjoyment is prohibited. Indeed, the local or central officials should not even be asked by the public to reign in on such activities in the first place.
Lose or demean your national cultural identity and every thing else will follow the same route...
....
ពលរដ្ឋខេត្តបាត់ដំបងស្នើឲ្យសមត្ថកិច្ចទប់ស្កាត់ល្បែងគប់ទឹក
ដោយ ហ៊ុំ ចំរើន
2016-04-14
ពលរដ្ឋលេងជះទឹកនៅតាមដងផ្លូវនៅឃុំពាមឯក ស្រុកឯកភ្នំ ខេត្តបាត់ដំបង នៅថ្ងៃទី១៤ ខែមេសា ឆ្នាំ២០១៦។
RFA/Hum Chamroeun
ពិធីបុណ្យចូលឆ្នាំប្រពៃណីខ្មែរនៅក្រុងបាត់ដំបង ថ្ងៃទី១៤ ខែមេសា ឆ្នាំ២០១៦ ប្រជាពលរដ្ឋមួយចំនួននិយមលេងគប់ទឹក និងប៉ាតម្សៅដាក់គ្នាតាមដងផ្លូវជាហូរហែ។ អ្នកស្រុកស្នើឲ្យសមត្ថកិច្ចពាក់ព័ន្ធចាត់វិធានកុំឲ្យយុវជនលេងគប់ទឹកហួសហេតុពេក ដែលបង្កគ្រោះថ្នាក់ដល់អ្នកធ្វើដំណើរតាមដងផ្លូវ។
ប្រជាពលរដ្ឋនៅក្រុងបាត់ដំបង មួយចំនួនកំពុងព្រួយបារម្ភខ្លាចការលេងគប់ទឹកបង្កគ្រោះថ្នាក់ដល់អាយុជីវិតរបស់ខ្លួន ដោយសារវិធានការទប់ស្កាត់របស់សមត្ថកិច្ចហាក់ពុំមានប្រសិទ្ធភាពនៅឡើយ។
ពលរដ្ឋនៅក្រុងបាត់ដំបង មួយចំនួន ប្រាប់វិទ្យុអាស៊ីសេរី នៅមុខប្រសាទឯកភ្នំ ខេត្តបាត់ដំបង នៅរសៀលថ្ងៃទី១៤ ខែមេសា ថា សមត្ថកិច្ចគួរចាត់វិធានការទប់ស្កាត់កុំឲ្យក្រុមយុវជនលេងគប់ទឹកតាមដងផ្លូវក្នុងថ្ងៃបុណ្យចូលឆ្នាំខ្មែរបន្តទៀត។
អ្នកស្រុកអះអាងថា មូលហេតុដែលមិនចង់ឲ្យលេងគប់ទឹកតាមដងផ្លូវ ដោយសារខ្លាចគ្រោះថ្នាក់ដល់អ្នកធ្វើដំណើរ៖ «ព្រោះអីគេលេងគប់ទឹកអ៊ីចឹងចំខ្លួនយើងឈឺខ្លាំងណាស់ ហើយអាចធ្វើឲ្យយើងធ្លាក់ពីលើម៉ូតូទៀតផង។ យើងគោលបំណងមកពីផ្ទះចង់មកលេងសប្បាយតែដល់ពេលគេទប់ទឹកស្ទះតាមផ្លូវអីចឹងទៅ យើងមានបានទៅលេងសប្បាយឯណាកើត»។
ឆ្លើយតបនឹងបញ្ហានេះ ស្នងការរងនគរបាលខេត្តបាត់ដំបង លោក ចេត វណ្ណី មានប្រសាសន៍ថា ស្នងការខេត្តបានដាក់កម្លាំងការពារសន្តិសុខជូនពលរដ្ឋលេងកម្សាន្តក្នុងឱកាសបុណ្យចូលឆ្នាំប្រពៃណីជាតិគ្រប់ស្រុក និងតំបន់រមណីយដ្ឋានសំខាន់ៗ ទាំងយប់ថ្ងៃ។
ទន្ទឹមគ្នានេះ លោកអះអាងថា ប៉ូលិសតែងចុះអប់រំមិនឲ្យប្រជាពលរដ្ឋយកឱកាសថ្ងៃបុណ្យសំខាន់នេះ លេងគប់ទឹកដាក់គ្នាបង្កភាពអនាធិបតេយ្យតាមដងផ្លូវនោះឡើយ៖ «ចាប់ពីទី១៣ មកដល់ថ្ងៃទី១៤ នេះ ការលេងទប់ទឹកទាំងនៅតាមស្រុក និងនៅក្នុងបាត់ដំបង អត់មានអីគួរឲ្យចាប់អារម្មណ៍ ដែលទ្រង់ទ្រាយធំនោះទេ ហើយឲ្យអស់ទាំងស្រុងវាមិនអស់នោះទេ តែយើងបានធ្វើការអប់រំពួកគាត់រួចហើយ»។
ទោះជាយ៉ាងនេះក្ដី នៅតាមដងផ្លូវពីទីរួមខេត្តបាត់ដំបង ឆ្ពោះទៅរមណីយដ្ឋានប្រាសាទឯកភ្នំ មានប្រជាពលរដ្ឋមួយចំនួនដែលភាគច្រើនជាក្រុមយុវជនផងនោះ ចាប់ផ្ដើមលេងគប់ទឹក និងប៉ាតម្សៅដាក់គ្នាទៅវិញទៅមកតាមដងផ្លូវយ៉ាងគគ្រឹកគគ្រេង ដោយចាប់ពីប្រមាណម៉ោង ១១ព្រឹក ថ្ងៃទីទល់រសៀលថ្ងៃទី១៤ ខែមេសា ជាពិសេសនៅចំណុចសង្កាត់ក្ដុលដូនទាវ និងឃុំពាមឯក ក្រៀកប្រាសាទឯកភ្នំតែម្ដង ហើយពុំមានសមត្ថកិច្ចណាចុះទប់ស្កាត់នៅឡើយ។
ក្រៅអំពីការលេងគប់ទឹកគប់តាមដងផ្លូវហើយ នៅពេលព្រឹកនៅតាមទីវត្តអារាមនានា ក្នុងក្រុងបាត់ដំបង មានប្រជាពលរដ្ឋជាច្រើនបាននាំគ្នាទៅធ្វើបុណ្យយ៉ាងច្រើនកុះករ។ ទន្ទឹមគ្នានេះក៏មានភ្ញៀវទេសចរអន្តរជាតិនាំគ្នាទៅលេងកម្សាន្ត និងផ្ដិតយករូបភាពនៅតាមទីវត្តអារាមដូចគ្នា។ នៅពេលរសៀលប្រជាពលរដ្ឋភាគច្រើននាំគ្នាទៅលេងកម្សាន្តតាមរមណីយដ្ឋានសំខាន់ៗ មានជាអាទិ៍ប្រសាទឯកភ្នំ បាណន់ និងរមណីយដ្ឋានភ្នំសំពៅ ជាដើម៕
No comments:
Post a Comment